| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੬. ਜਾਗਰਸੁਤ੍ਤવਣ੍ਣਨਾ
6. Jāgarasuttavaṇṇanā
੬. ਛਟ੍ਠੇ ਜਾਗਰਤਨ੍ਤਿ ਜਾਗਰਨ੍ਤਾਨਂ। ਪਞ੍ਚ ਜਾਗਰਤਨ੍ਤਿ વਿਸ੍ਸਜ੍ਜਨਗਾਥਾਯਂ ਪਨ ਸਦ੍ਧਾਦੀਸੁ ਪਞ੍ਚਸੁ ਇਨ੍ਦ੍ਰਿਯੇਸੁ ਜਾਗਰਨ੍ਤੇਸੁ ਪਞ੍ਚ ਨੀવਰਣਾ ਸੁਤ੍ਤਾ ਨਾਮ। ਕਸ੍ਮਾ? ਯਸ੍ਮਾ ਤਂਸਮਙ੍ਗੀਪੁਗ੍ਗਲੋ ਯਤ੍ਥ ਕਤ੍ਥਚਿ ਨਿਸਿਨ੍ਨੋ વਾ ਠਿਤੋ વਾ ਅਰੁਣਂ ਉਟ੍ਠਪੇਨ੍ਤੋਪਿ ਪਮਾਦਤਾਯ ਅਕੁਸਲਸਮਙ੍ਗਿਤਾਯ ਸੁਤ੍ਤੋ ਨਾਮ ਹੋਤਿ। ਏવਂ ਸੁਤ੍ਤੇਸੁ ਪਞ੍ਚਸੁ ਨੀવਰਣੇਸੁ ਪਞ੍ਚਿਨ੍ਦ੍ਰਿਯਾਨਿ ਜਾਗਰਾਨਿ ਨਾਮ। ਕਸ੍ਮਾ ? ਯਸ੍ਮਾ ਤਂਸਮਙ੍ਗੀਪੁਗ੍ਗਲੋ ਯਤ੍ਥ ਕਤ੍ਥਚਿ ਨਿਪਜ੍ਜਿਤ੍વਾ ਨਿਦ੍ਦਾਯਨ੍ਤੋਪਿ ਅਪ੍ਪਮਾਦਤਾਯ ਕੁਸਲਸਮਙ੍ਗਿਤਾਯ ਜਾਗਰੋ ਨਾਮ ਹੋਤਿ। ਪਞ੍ਚਹਿ ਪਨ ਨੀવਰਣੇਹੇવ ਕਿਲੇਸਰਜਂ ਆਦਿਯਤਿ ਗਣ੍ਹਾਤਿ ਪਰਾਮਸਤਿ। ਪੁਰਿਮਾ ਹਿ ਕਾਮਚ੍ਛਨ੍ਦਾਦਯੋ ਪਚ੍ਛਿਮਾਨਂ ਪਚ੍ਚਯਾ ਹੋਨ੍ਤੀਤਿ ਪਞ੍ਚਹਿ ਇਨ੍ਦ੍ਰਿਯੇਹਿ ਪਰਿਸੁਜ੍ਝਤੀਤਿ ਅਯਮਤ੍ਥੋ વੇਦਿਤਬ੍ਬੋ। ਇਧਾਪਿ ਪਞ੍ਚਿਨ੍ਦ੍ਰਿਯਾਨਿ ਲੋਕਿਯਲੋਕੁਤ੍ਤਰਾਨੇવ ਕਥਿਤਾਨੀਤਿ।
6. Chaṭṭhe jāgaratanti jāgarantānaṃ. Pañca jāgaratanti vissajjanagāthāyaṃ pana saddhādīsu pañcasu indriyesu jāgarantesu pañca nīvaraṇā suttā nāma. Kasmā? Yasmā taṃsamaṅgīpuggalo yattha katthaci nisinno vā ṭhito vā aruṇaṃ uṭṭhapentopi pamādatāya akusalasamaṅgitāya sutto nāma hoti. Evaṃ suttesu pañcasu nīvaraṇesu pañcindriyāni jāgarāni nāma. Kasmā ? Yasmā taṃsamaṅgīpuggalo yattha katthaci nipajjitvā niddāyantopi appamādatāya kusalasamaṅgitāya jāgaro nāma hoti. Pañcahi pana nīvaraṇeheva kilesarajaṃ ādiyati gaṇhāti parāmasati. Purimā hi kāmacchandādayo pacchimānaṃ paccayā hontīti pañcahi indriyehi parisujjhatīti ayamattho veditabbo. Idhāpi pañcindriyāni lokiyalokuttarāneva kathitānīti.
ਜਾਗਰਸੁਤ੍ਤવਣ੍ਣਨਾ ਨਿਟ੍ਠਿਤਾ।
Jāgarasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਜਾਗਰਸੁਤ੍ਤਂ • 6. Jāgarasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੬. ਜਾਗਰਸੁਤ੍ਤવਣ੍ਣਨਾ • 6. Jāgarasuttavaṇṇanā
