| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
10. ж̇ааг̇арияасуд̇д̇ам̣
10. Jāgariyasuttaṃ
47. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
47. Vuttañhetaṃ bhagavatā, vuttamarahatāti me sutaṃ –
‘‘ж̇ааг̇аро жасса, бхигкавз, бхигку вихарзяяа сад̇о самбаж̇аано самаахид̇о бамуд̣̇ид̇о виббасанно жа д̇ад̇т̇а гаалавибассий жа гусалзсу д̇хаммзсу. ж̇ааг̇арасса, бхигкавз, бхигкуно вихарад̇о сад̇асса самбаж̇аанасса самаахид̇асса бамуд̣̇ид̇асса виббасаннасса д̇ад̇т̇а гаалавибассино гусалзсу д̇хаммзсу д̣̇виннам̣ палаанам̣ ан̃н̃ад̇арам̣ палам̣ баадиган̇кам̣ – д̣̇идтзва д̇хаммз ан̃н̃аа, сад̇и ваа убаад̣̇исзсз анааг̇аамид̇аа’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Jāgaro cassa, bhikkhave, bhikkhu vihareyya sato sampajāno samāhito pamudito vippasanno ca tattha kālavipassī ca kusalesu dhammesu. Jāgarassa, bhikkhave, bhikkhuno viharato satassa sampajānassa samāhitassa pamuditassa vippasannassa tattha kālavipassino kusalesu dhammesu dvinnaṃ phalānaṃ aññataraṃ phalaṃ pāṭikaṅkhaṃ – diṭṭheva dhamme aññā, sati vā upādisese anāgāmitā’’ti. Etamatthaṃ bhagavā avoca. Tatthetaṃ iti vuccati –
‘‘ж̇ааг̇аранд̇аа сун̣аат̇зд̇ам̣, яз суд̇д̇аа д̇з баб̣уж̇жхат̇а;
‘‘Jāgarantā suṇāthetaṃ, ye suttā te pabujjhatha;
суд̇д̇аа ж̇ааг̇арид̇ам̣ сзяяо, над̇т̇и ж̇ааг̇арад̇о бхаяам̣.
Suttā jāgaritaṃ seyyo, natthi jāgarato bhayaṃ.
‘‘яо ж̇ааг̇аро жа сад̇имаа самбаж̇аано, самаахид̇о муд̣̇ид̇о виббасанно жа;
‘‘Yo jāgaro ca satimā sampajāno, samāhito mudito vippasanno ca;
гаалзна со саммаа д̇хаммам̣ баривиймам̣самаано, згод̣̇ибхууд̇о виханз д̇амам̣ со.
Kālena so sammā dhammaṃ parivīmaṃsamāno, ekodibhūto vihane tamaṃ so.
‘‘д̇асмаа хавз ж̇ааг̇арияам̣ бхаж̇зт̇а, аад̇аабий бхигку нибаго жхааналаабхий;
‘‘Tasmā have jāgariyaṃ bhajetha, ātāpī bhikkhu nipako jhānalābhī;
сам̣яож̇анам̣ ж̇аад̇иж̇арааяа чзд̇ваа, ид̇хзва самб̣од̇химануд̇д̇арам̣ пусз’’д̇и.
Saṃyojanaṃ jātijarāya chetvā, idheva sambodhimanuttaraṃ phuse’’ti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. д̣̇асамам̣.
Ayampi attho vutto bhagavatā, iti me sutanti. Dasamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 10. ж̇ааг̇арияасуд̇д̇аван̣н̣анаа • 10. Jāgariyasuttavaṇṇanā
