| Library / Tipiṭaka / तिपिटक • Tipiṭaka / अपदानपाळि • Apadānapāḷi |
४६. जगतिदायकवग्गो
46. Jagatidāyakavaggo
१. जगतिदायकत्थेरअपदानं
1. Jagatidāyakattheraapadānaṃ
१.
1.
‘‘धम्मदस्सिस्स मुनिनो, बोधिया पादपुत्तमे।
‘‘Dhammadassissa munino, bodhiyā pādaputtame;
पसन्नचित्तो सुमनो, जगतिं कारयिं अहं॥
Pasannacitto sumano, jagatiṃ kārayiṃ ahaṃ.
२.
2.
‘‘दरितो पब्बततो वा, रुक्खतो पतितो अहं।
‘‘Darito pabbatato vā, rukkhato patito ahaṃ;
चुतो पतिट्ठं विन्दामि, जगतिया इदं फलं॥
Cuto patiṭṭhaṃ vindāmi, jagatiyā idaṃ phalaṃ.
३.
3.
सब्बामित्तेतिक्कमामि, जगतिया इदं फलं॥
Sabbāmittetikkamāmi, jagatiyā idaṃ phalaṃ.
४.
4.
‘‘यं यं योनुपपज्जामि, देवत्तं अथ मानुसं।
‘‘Yaṃ yaṃ yonupapajjāmi, devattaṃ atha mānusaṃ;
सब्बत्थ पूजितो होमि, जगतिया इदं फलं॥
Sabbattha pūjito homi, jagatiyā idaṃ phalaṃ.
५.
5.
‘‘अट्ठारसे कप्पसते, जगतिं कारयिं अहं।
‘‘Aṭṭhārase kappasate, jagatiṃ kārayiṃ ahaṃ;
दुग्गतिं नाभिजानामि, जगतिदानस्सिदं फलं॥
Duggatiṃ nābhijānāmi, jagatidānassidaṃ phalaṃ.
६.
6.
‘‘किलेसा झापिता मय्हं, भवा सब्बे समूहता।
‘‘Kilesā jhāpitā mayhaṃ, bhavā sabbe samūhatā;
नागोव बन्धनं छेत्वा, विहरामि अनासवो॥
Nāgova bandhanaṃ chetvā, viharāmi anāsavo.
७.
7.
‘‘स्वागतं वत मे आसि, मम बुद्धस्स सन्तिके।
‘‘Svāgataṃ vata me āsi, mama buddhassa santike;
तिस्सो विज्जा अनुप्पत्ता, कतं बुद्धस्स सासनं॥
Tisso vijjā anuppattā, kataṃ buddhassa sāsanaṃ.
८.
8.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा जगतिदायको थेरो इमा गाथायो
Itthaṃ sudaṃ āyasmā jagatidāyako thero imā gāthāyo
अभासित्थाति।
Abhāsitthāti.
जगतिदायकत्थेरस्सापदानं पठमं।
Jagatidāyakattherassāpadānaṃ paṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-६०. सकिंसम्मज्जकत्थेरअपदानादिवण्णना • 1-60. Sakiṃsammajjakattheraapadānādivaṇṇanā
