| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๔๖. ชคติทายกวโคฺค
46. Jagatidāyakavaggo
๑. ชคติทายกเตฺถรอปทานํ
1. Jagatidāyakattheraapadānaṃ
๑.
1.
‘‘ธมฺมทสฺสิสฺส มุนิโน, โพธิยา ปาทปุตฺตเม;
‘‘Dhammadassissa munino, bodhiyā pādaputtame;
ปสนฺนจิโตฺต สุมโน, ชคติํ การยิํ อหํฯ
Pasannacitto sumano, jagatiṃ kārayiṃ ahaṃ.
๒.
2.
‘‘ทริโต ปพฺพตโต วา, รุกฺขโต ปติโต อหํ;
‘‘Darito pabbatato vā, rukkhato patito ahaṃ;
จุโต ปติฎฺฐํ วินฺทามิ, ชคติยา อิทํ ผลํฯ
Cuto patiṭṭhaṃ vindāmi, jagatiyā idaṃ phalaṃ.
๓.
3.
สพฺพามิเตฺตติกฺกมามิ, ชคติยา อิทํ ผลํฯ
Sabbāmittetikkamāmi, jagatiyā idaṃ phalaṃ.
๔.
4.
‘‘ยํ ยํ โยนุปปชฺชามิ, เทวตฺตํ อถ มานุสํ;
‘‘Yaṃ yaṃ yonupapajjāmi, devattaṃ atha mānusaṃ;
สพฺพตฺถ ปูชิโต โหมิ, ชคติยา อิทํ ผลํฯ
Sabbattha pūjito homi, jagatiyā idaṃ phalaṃ.
๕.
5.
‘‘อฎฺฐารเส กปฺปสเต, ชคติํ การยิํ อหํ;
‘‘Aṭṭhārase kappasate, jagatiṃ kārayiṃ ahaṃ;
ทุคฺคติํ นาภิชานามิ, ชคติทานสฺสิทํ ผลํฯ
Duggatiṃ nābhijānāmi, jagatidānassidaṃ phalaṃ.
๖.
6.
‘‘กิเลสา ฌาปิตา มยฺหํ, ภวา สเพฺพ สมูหตา;
‘‘Kilesā jhāpitā mayhaṃ, bhavā sabbe samūhatā;
นาโคว พนฺธนํ เฉตฺวา, วิหรามิ อนาสโวฯ
Nāgova bandhanaṃ chetvā, viharāmi anāsavo.
๗.
7.
‘‘สฺวาคตํ วต เม อาสิ, มม พุทฺธสฺส สนฺติเก;
‘‘Svāgataṃ vata me āsi, mama buddhassa santike;
ติโสฺส วิชฺชา อนุปฺปตฺตา, กตํ พุทฺธสฺส สาสนํฯ
Tisso vijjā anuppattā, kataṃ buddhassa sāsanaṃ.
๘.
8.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา ชคติทายโก เถโร อิมา คาถาโย
Itthaṃ sudaṃ āyasmā jagatidāyako thero imā gāthāyo
อภาสิตฺถาติฯ
Abhāsitthāti.
ชคติทายกเตฺถรสฺสาปทานํ ปฐมํฯ
Jagatidāyakattherassāpadānaṃ paṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑-๖๐. สกิํสมฺมชฺชกเตฺถรอปทานาทิวณฺณนา • 1-60. Sakiṃsammajjakattheraapadānādivaṇṇanā
