| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೪೬. ಜಗತಿದಾಯಕವಗ್ಗೋ
46. Jagatidāyakavaggo
೧. ಜಗತಿದಾಯಕತ್ಥೇರಅಪದಾನಂ
1. Jagatidāyakattheraapadānaṃ
೧.
1.
‘‘ಧಮ್ಮದಸ್ಸಿಸ್ಸ ಮುನಿನೋ, ಬೋಧಿಯಾ ಪಾದಪುತ್ತಮೇ।
‘‘Dhammadassissa munino, bodhiyā pādaputtame;
ಪಸನ್ನಚಿತ್ತೋ ಸುಮನೋ, ಜಗತಿಂ ಕಾರಯಿಂ ಅಹಂ॥
Pasannacitto sumano, jagatiṃ kārayiṃ ahaṃ.
೨.
2.
‘‘ದರಿತೋ ಪಬ್ಬತತೋ ವಾ, ರುಕ್ಖತೋ ಪತಿತೋ ಅಹಂ।
‘‘Darito pabbatato vā, rukkhato patito ahaṃ;
ಚುತೋ ಪತಿಟ್ಠಂ ವಿನ್ದಾಮಿ, ಜಗತಿಯಾ ಇದಂ ಫಲಂ॥
Cuto patiṭṭhaṃ vindāmi, jagatiyā idaṃ phalaṃ.
೩.
3.
ಸಬ್ಬಾಮಿತ್ತೇತಿಕ್ಕಮಾಮಿ, ಜಗತಿಯಾ ಇದಂ ಫಲಂ॥
Sabbāmittetikkamāmi, jagatiyā idaṃ phalaṃ.
೪.
4.
‘‘ಯಂ ಯಂ ಯೋನುಪಪಜ್ಜಾಮಿ, ದೇವತ್ತಂ ಅಥ ಮಾನುಸಂ।
‘‘Yaṃ yaṃ yonupapajjāmi, devattaṃ atha mānusaṃ;
ಸಬ್ಬತ್ಥ ಪೂಜಿತೋ ಹೋಮಿ, ಜಗತಿಯಾ ಇದಂ ಫಲಂ॥
Sabbattha pūjito homi, jagatiyā idaṃ phalaṃ.
೫.
5.
‘‘ಅಟ್ಠಾರಸೇ ಕಪ್ಪಸತೇ, ಜಗತಿಂ ಕಾರಯಿಂ ಅಹಂ।
‘‘Aṭṭhārase kappasate, jagatiṃ kārayiṃ ahaṃ;
ದುಗ್ಗತಿಂ ನಾಭಿಜಾನಾಮಿ, ಜಗತಿದಾನಸ್ಸಿದಂ ಫಲಂ॥
Duggatiṃ nābhijānāmi, jagatidānassidaṃ phalaṃ.
೬.
6.
‘‘ಕಿಲೇಸಾ ಝಾಪಿತಾ ಮಯ್ಹಂ, ಭವಾ ಸಬ್ಬೇ ಸಮೂಹತಾ।
‘‘Kilesā jhāpitā mayhaṃ, bhavā sabbe samūhatā;
ನಾಗೋವ ಬನ್ಧನಂ ಛೇತ್ವಾ, ವಿಹರಾಮಿ ಅನಾಸವೋ॥
Nāgova bandhanaṃ chetvā, viharāmi anāsavo.
೭.
7.
‘‘ಸ್ವಾಗತಂ ವತ ಮೇ ಆಸಿ, ಮಮ ಬುದ್ಧಸ್ಸ ಸನ್ತಿಕೇ।
‘‘Svāgataṃ vata me āsi, mama buddhassa santike;
ತಿಸ್ಸೋ ವಿಜ್ಜಾ ಅನುಪ್ಪತ್ತಾ, ಕತಂ ಬುದ್ಧಸ್ಸ ಸಾಸನಂ॥
Tisso vijjā anuppattā, kataṃ buddhassa sāsanaṃ.
೮.
8.
‘‘ಪಟಿಸಮ್ಭಿದಾ ಚತಸ್ಸೋ, ವಿಮೋಕ್ಖಾಪಿ ಚ ಅಟ್ಠಿಮೇ।
‘‘Paṭisambhidā catasso, vimokkhāpi ca aṭṭhime;
ಛಳಭಿಞ್ಞಾ ಸಚ್ಛಿಕತಾ, ಕತಂ ಬುದ್ಧಸ್ಸ ಸಾಸನಂ’’॥
Chaḷabhiññā sacchikatā, kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಜಗತಿದಾಯಕೋ ಥೇರೋ ಇಮಾ ಗಾಥಾಯೋ
Itthaṃ sudaṃ āyasmā jagatidāyako thero imā gāthāyo
ಅಭಾಸಿತ್ಥಾತಿ।
Abhāsitthāti.
ಜಗತಿದಾಯಕತ್ಥೇರಸ್ಸಾಪದಾನಂ ಪಠಮಂ।
Jagatidāyakattherassāpadānaṃ paṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧-೬೦. ಸಕಿಂಸಮ್ಮಜ್ಜಕತ್ಥೇರಅಪದಾನಾದಿವಣ್ಣನಾ • 1-60. Sakiṃsammajjakattheraapadānādivaṇṇanā
