| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
4. ж̇ахад̇игат̇аа
4. Jahatikathā
1. насуд̇д̇аахаран̣агат̇ааван̣н̣анаа
1. Nasuttāharaṇakathāvaṇṇanā
279. ид̣̇аани ж̇ахад̇игат̇аа наама ход̇и. д̇ад̇т̇а язсам̣ ‘‘жхааналаабхий бут̇уж̇ж̇ано саха сажжаабхисамаяаа анааг̇аамий наама ход̇и, д̇асса бут̇уж̇ж̇анагаалзязва гаамарааг̇аб̣яаабаад̣̇аа бахийнаа’’д̇и лад̣̇д̇хи сзяяат̇ааби зд̇арахи саммид̇ияаанам̣, д̇зсам̣ д̇ам̣ лад̣̇д̇хим̣ бхинд̣̇ид̇ум̣ ж̇ахад̇и бут̇уж̇ж̇анод̇и бужчаа сагаваад̣̇исса, жхаанавигкамбхид̇аанам̣ бана д̇зсам̣ барияудтаанам̣ абассанд̇асса бадин̃н̃аа бараваад̣̇исса. яасмаа бана д̇зсам̣ жхаанавигкамбхид̇аанамби анааг̇аамимаг̇г̇знзва ажжанд̇ам̣ бахаанам̣ ход̇и, д̇асмаа буна ажжанд̇анд̇иаад̣̇иануяог̇о сагаваад̣̇исса, д̇ат̇ааруубасса бахаанасса абхаавад̇о бадигкзбо ид̇арасса. вигкамбхзд̇ийд̇и ажжанд̇авигкамбханамзва санд̇хааяа бужчаа сагаваад̣̇исса. д̇ад̇о барам̣ анааг̇аамимаг̇г̇адтзна сад̣̇д̇хим̣ бут̇уж̇ж̇анасам̣санд̣̇анам̣ ход̇и. д̇ам̣ уд̇д̇аанад̇т̇амзва.
279. Idāni jahatikathā nāma hoti. Tattha yesaṃ ‘‘jhānalābhī puthujjano saha saccābhisamayā anāgāmī nāma hoti, tassa puthujjanakāleyeva kāmarāgabyāpādā pahīnā’’ti laddhi seyyathāpi etarahi sammitiyānaṃ, tesaṃ taṃ laddhiṃ bhindituṃ jahati puthujjanoti pucchā sakavādissa, jhānavikkhambhitānaṃ pana tesaṃ pariyuṭṭhānaṃ apassantassa paṭiññā paravādissa. Yasmā pana tesaṃ jhānavikkhambhitānampi anāgāmimaggeneva accantaṃ pahānaṃ hoti, tasmā puna accantantiādianuyogo sakavādissa, tathārūpassa pahānassa abhāvato paṭikkhepo itarassa. Vikkhambhetīti accantavikkhambhanameva sandhāya pucchā sakavādissa. Tato paraṃ anāgāmimaggaṭṭhena saddhiṃ puthujjanasaṃsandanaṃ hoti. Taṃ uttānatthameva.
280. д̇ад̇о барам̣ анааг̇аамипалз сан̣таад̇ийд̇и будто жхаанаанааг̇аамид̇ам̣ санд̇хааяа бадиж̇аанаад̇и. арахад̇д̇з сан̣таад̇ийд̇и будто д̣̇ассанамаг̇г̇зна уд̣̇д̇хамбхааг̇ияаанам̣ бахаанаабхаавад̇о бадигкибад̇и.
280. Tato paraṃ anāgāmiphale saṇṭhātīti puṭṭho jhānānāgāmitaṃ sandhāya paṭijānāti. Arahatte saṇṭhātīti puṭṭho dassanamaggena uddhambhāgiyānaṃ pahānābhāvato paṭikkhipati.
абуб̣б̣ам̣ ажаримам̣ д̇аяо маг̇г̇зд̇и будто д̇ат̇ааруубааяа бхааванааяа абхааваа бадигкибад̇и. буна будто д̇ин̣н̣ам̣ маг̇г̇аанам̣ гижжасаб̣бхаавам̣ санд̇хааяа бадиж̇аанаад̇и. сааман̃н̃апалабужчаасуби зсзва наяо. гад̇амзна маг̇г̇знаад̇и будто анааг̇аамимаг̇г̇знаад̇и жхаанаанааг̇аамид̇ам̣ санд̇хааяа вад̣̇ад̇и. буна сам̣яож̇анаббахаанам̣ будто д̇ин̣н̣ам̣ анааг̇аамимаг̇г̇зна д̇зсам̣ гилзсаанам̣ аббахзяяад̇д̇аа бадигкибад̇и. д̣̇уд̇ияам̣ будто батамамаг̇г̇ассзва жхаанаанааг̇аамимаг̇г̇абхаавам̣ санд̇хааяа бадиж̇аанаад̇и. сзсамзд̇т̇а уд̇д̇аанад̇т̇амзваад̇и.
Apubbaṃ acarimaṃ tayo maggeti puṭṭho tathārūpāya bhāvanāya abhāvā paṭikkhipati. Puna puṭṭho tiṇṇaṃ maggānaṃ kiccasabbhāvaṃ sandhāya paṭijānāti. Sāmaññaphalapucchāsupi eseva nayo. Katamena maggenāti puṭṭho anāgāmimaggenāti jhānānāgāmitaṃ sandhāya vadati. Puna saṃyojanappahānaṃ puṭṭho tiṇṇaṃ anāgāmimaggena tesaṃ kilesānaṃ appaheyyattā paṭikkhipati. Dutiyaṃ puṭṭho paṭhamamaggasseva jhānānāgāmimaggabhāvaṃ sandhāya paṭijānāti. Sesamettha uttānatthamevāti.
ж̇ахад̇игат̇аа.
Jahatikathā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / 4. ж̇ахад̇игат̇аа • 4. Jahatikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. ж̇ахад̇игат̇ааван̣н̣анаа • 4. Jahatikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 4. ж̇ахад̇игат̇ааван̣н̣анаа • 4. Jahatikathāvaṇṇanā
