| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๔. ชหติกถา
4. Jahatikathā
๑. นสุตฺตาหรณกถา
1. Nasuttāharaṇakathā
๒๗๙. ชหติ ปุถุชฺชโน กามราคพฺยาปาทนฺติ? อามนฺตาฯ อจฺจนฺตํ ชหติ, อนวเสสํ ชหติ, อปฺปฎิสนฺธิยํ ชหติ, สมูลํ ชหติ, สตณฺหํ ชหติ, สานุสยํ ชหติ, อริเยน ญาเณน ชหติ, อริเยน มเคฺคน ชหติ, อกุปฺปํ ปฎิวิชฺฌโนฺต ชหติ, อนาคามิผลํ สจฺฉิกโรโนฺต ชหตีติ? น เหวํ วตฺตเพฺพ…เป.…ฯ
279. Jahati puthujjano kāmarāgabyāpādanti? Āmantā. Accantaṃ jahati, anavasesaṃ jahati, appaṭisandhiyaṃ jahati, samūlaṃ jahati, sataṇhaṃ jahati, sānusayaṃ jahati, ariyena ñāṇena jahati, ariyena maggena jahati, akuppaṃ paṭivijjhanto jahati, anāgāmiphalaṃ sacchikaronto jahatīti? Na hevaṃ vattabbe…pe….
วิกฺขเมฺภติ ปุถุชฺชโน กามราคพฺยาปาทนฺติ? อามนฺตาฯ อจฺจนฺตํ วิกฺขเมฺภติ, อนวเสสํ วิกฺขเมฺภติ, อปฺปฎิสนฺธิยํ วิกฺขเมฺภติ, สมูลํ วิกฺขเมฺภติ, สตณฺหํ วิกฺขเมฺภติ, สานุสยํ วิกฺขเมฺภติ, อริเยน ญาเณน วิกฺขเมฺภติ, อริเยน มเคฺคน วิกฺขเมฺภติ, อกุปฺปํ ปฎิวิชฺฌโนฺต วิกฺขเมฺภติ, อนาคามิผลํ สจฺฉิกโรโนฺต วิกฺขเมฺภตีติ? น เหวํ วตฺตเพฺพ…เป.…ฯ
Vikkhambheti puthujjano kāmarāgabyāpādanti? Āmantā. Accantaṃ vikkhambheti, anavasesaṃ vikkhambheti, appaṭisandhiyaṃ vikkhambheti, samūlaṃ vikkhambheti, sataṇhaṃ vikkhambheti, sānusayaṃ vikkhambheti, ariyena ñāṇena vikkhambheti, ariyena maggena vikkhambheti, akuppaṃ paṭivijjhanto vikkhambheti, anāgāmiphalaṃ sacchikaronto vikkhambhetīti? Na hevaṃ vattabbe…pe….
ชหติ อนาคามิผลสจฺฉิกิริยาย ปฎิปโนฺน ปุคฺคโล กามราคพฺยาปาทํ, โส จ อจฺจนฺตํ ชหติ, อนวเสสํ ชหติ…เป.… อนาคามิผลํ สจฺฉิกโรโนฺต ชหตีติ? อามนฺตาฯ ชหติ ปุถุชฺชโน กามราคพฺยาปาทํ, โส จ อจฺจนฺตํ ชหติ, อนวเสสํ ชหติ…เป.… อนาคามิผลํ สจฺฉิกโรโนฺต ชหตีติ? น เหวํ วตฺตเพฺพ…เป.…ฯ
Jahati anāgāmiphalasacchikiriyāya paṭipanno puggalo kāmarāgabyāpādaṃ, so ca accantaṃ jahati, anavasesaṃ jahati…pe… anāgāmiphalaṃ sacchikaronto jahatīti? Āmantā. Jahati puthujjano kāmarāgabyāpādaṃ, so ca accantaṃ jahati, anavasesaṃ jahati…pe… anāgāmiphalaṃ sacchikaronto jahatīti? Na hevaṃ vattabbe…pe….
วิกฺขเมฺภติ อนาคามิผลสจฺฉิกิริยาย ปฎิปโนฺน ปุคฺคโล กามราคพฺยาปาทํ, โส จ อจฺจนฺตํ วิกฺขเมฺภติ, อนวเสสํ วิกฺขเมฺภติ…เป.… อนาคามิผลํ สจฺฉิกโรโนฺต วิกฺขเมฺภตีติ? อามนฺตาฯ วิกฺขเมฺภติ ปุถุชฺชโน กามราคพฺยาปาทํ, โส จ อจฺจนฺตํ วิกฺขเมฺภติ, อนวเสสํ วิกฺขเมฺภติ …เป.… อนาคามิผลํ สจฺฉิกโรโนฺต วิกฺขเมฺภตีติ? น เหวํ วตฺตเพฺพ…เป.…ฯ
Vikkhambheti anāgāmiphalasacchikiriyāya paṭipanno puggalo kāmarāgabyāpādaṃ, so ca accantaṃ vikkhambheti, anavasesaṃ vikkhambheti…pe… anāgāmiphalaṃ sacchikaronto vikkhambhetīti? Āmantā. Vikkhambheti puthujjano kāmarāgabyāpādaṃ, so ca accantaṃ vikkhambheti, anavasesaṃ vikkhambheti …pe… anāgāmiphalaṃ sacchikaronto vikkhambhetīti? Na hevaṃ vattabbe…pe….
ชหติ ปุถุชฺชโน กามราคพฺยาปาทํ, โส จ น อจฺจนฺตํ ชหติ, น อนวเสสํ ชหติ…เป.… น อนาคามิผลํ สจฺฉิกโรโนฺต ชหตีติ? อามนฺตาฯ ชหติ อนาคามิผลสจฺฉิกิริยาย ปฎิปโนฺน ปุคฺคโล กามราคพฺยาปาทํ, โส จ น อจฺจนฺตํ ชหติ…เป.… น อนาคามิผลํ สจฺฉิกโรโนฺต ชหตีติ? น เหวํ วตฺตเพฺพ…เป.…ฯ
Jahati puthujjano kāmarāgabyāpādaṃ, so ca na accantaṃ jahati, na anavasesaṃ jahati…pe… na anāgāmiphalaṃ sacchikaronto jahatīti? Āmantā. Jahati anāgāmiphalasacchikiriyāya paṭipanno puggalo kāmarāgabyāpādaṃ, so ca na accantaṃ jahati…pe… na anāgāmiphalaṃ sacchikaronto jahatīti? Na hevaṃ vattabbe…pe….
วิกฺขเมฺภติ ปุถุชฺชโน กามราคพฺยาปาทํ, โส จ น อจฺจนฺตํ วิกฺขเมฺภติ, น อนวเสสํ วิกฺขเมฺภติ…เป.… น อนาคามิผลํ สจฺฉิกโรโนฺต วิกฺขเมฺภตีติ? อามนฺตาฯ วิกฺขเมฺภติ อนาคามิผลสจฺฉิกิริยาย ปฎิปโนฺน ปุคฺคโล กามราคพฺยาปาทํ, โส จ น อจฺจนฺตํ วิกฺขเมฺภติ, น อนวเสสํ วิกฺขเมฺภติ…เป.… น อนาคามิผลํ สจฺฉิกโรโนฺต วิกฺขเมฺภตีติ? น เหวํ วตฺตเพฺพ…เป.…ฯ
Vikkhambheti puthujjano kāmarāgabyāpādaṃ, so ca na accantaṃ vikkhambheti, na anavasesaṃ vikkhambheti…pe… na anāgāmiphalaṃ sacchikaronto vikkhambhetīti? Āmantā. Vikkhambheti anāgāmiphalasacchikiriyāya paṭipanno puggalo kāmarāgabyāpādaṃ, so ca na accantaṃ vikkhambheti, na anavasesaṃ vikkhambheti…pe… na anāgāmiphalaṃ sacchikaronto vikkhambhetīti? Na hevaṃ vattabbe…pe….
ชหติ ปุถุชฺชโน กามราคพฺยาปาทนฺติ? อามนฺตาฯ กตเมน มเคฺคนาติ? รูปาวจเรน มเคฺคนาติฯ รูปาวจโร มโคฺค นิยฺยานิโก ขยคามี โพธคามี อปจยคามี อนาสโว อสํโยชนิโย อคนฺถนิโย อโนฆนิโย อโยคนิโย อนีวรณิโย อปรามโฎฺฐ อนุปาทานิโย อสํกิเลสิโยติ? น เหวํ วตฺตเพฺพฯ นนุ รูปาวจโร มโคฺค อนิยฺยานิโก น ขยคามี น โพธคามี น อปจยคามี สาสโว สํโยชนิโย…เป.… สํกิเลสิโยติ? อามนฺตาฯ หญฺจิ รูปาวจโร มโคฺค อนิยฺยานิโก น ขยคามี…เป.… สํกิเลสิโย, โน จ วต เร วตฺตเพฺพ – ‘‘ชหติ ปุถุชฺชโน รูปาวจเรน มเคฺคน กามราคพฺยาปาท’’นฺติฯ
Jahati puthujjano kāmarāgabyāpādanti? Āmantā. Katamena maggenāti? Rūpāvacarena maggenāti. Rūpāvacaro maggo niyyāniko khayagāmī bodhagāmī apacayagāmī anāsavo asaṃyojaniyo aganthaniyo anoghaniyo ayoganiyo anīvaraṇiyo aparāmaṭṭho anupādāniyo asaṃkilesiyoti? Na hevaṃ vattabbe. Nanu rūpāvacaro maggo aniyyāniko na khayagāmī na bodhagāmī na apacayagāmī sāsavo saṃyojaniyo…pe… saṃkilesiyoti? Āmantā. Hañci rūpāvacaro maggo aniyyāniko na khayagāmī…pe… saṃkilesiyo, no ca vata re vattabbe – ‘‘jahati puthujjano rūpāvacarena maggena kāmarāgabyāpāda’’nti.
ชหติ อนาคามิผลสจฺฉิกิริยาย ปฎิปโนฺน ปุคฺคโล อนาคามิมเคฺคน กามราคพฺยาปาทํ, โส จ มโคฺค นิยฺยานิโก ขยคามี โพธคามี อปจยคามี อนาสโว…เป.… อสํกิเลสิโยติ? อามนฺตาฯ ชหติ ปุถุชฺชโน รูปาวจเรน มเคฺคน กามราคพฺยาปาทํ, โส จ มโคฺค นิยฺยานิโก ขยคามี โพธคามี อปจยคามี อนาสโว…เป.… อสํกิเลสิโยติ? น เหวํ วตฺตเพฺพ…เป.…ฯ
Jahati anāgāmiphalasacchikiriyāya paṭipanno puggalo anāgāmimaggena kāmarāgabyāpādaṃ, so ca maggo niyyāniko khayagāmī bodhagāmī apacayagāmī anāsavo…pe… asaṃkilesiyoti? Āmantā. Jahati puthujjano rūpāvacarena maggena kāmarāgabyāpādaṃ, so ca maggo niyyāniko khayagāmī bodhagāmī apacayagāmī anāsavo…pe… asaṃkilesiyoti? Na hevaṃ vattabbe…pe….
ชหติ ปุถุชฺชโน รูปาวจเรน มเคฺคน กามราคพฺยาปาทํ, โส จ มโคฺค อนิยฺยานิโก น ขยคามี น โพธคามี น อปจยคามี สาสโว…เป.… สํกิเลสิโยติ? อามนฺตาฯ ชหติ อนาคามิผลสจฺฉิกิริยาย ปฎิปโนฺน ปุคฺคโล อนาคามิมเคฺคน กามราคพฺยาปาทํ, โส จ มโคฺค อนิยฺยานิโก น ขยคามี น โพธคามี น อปจยคามี สาสโว…เป.… สํกิเลสิโยติ? น เหวํ วตฺตเพฺพ…เป.…ฯ
Jahati puthujjano rūpāvacarena maggena kāmarāgabyāpādaṃ, so ca maggo aniyyāniko na khayagāmī na bodhagāmī na apacayagāmī sāsavo…pe… saṃkilesiyoti? Āmantā. Jahati anāgāmiphalasacchikiriyāya paṭipanno puggalo anāgāmimaggena kāmarāgabyāpādaṃ, so ca maggo aniyyāniko na khayagāmī na bodhagāmī na apacayagāmī sāsavo…pe… saṃkilesiyoti? Na hevaṃ vattabbe…pe….
๒๘๐. ปุถุชฺชโน กาเมสุ วีตราโค สห ธมฺมาภิสมยา อนาคามิผเล สณฺฐาตีติ? อามนฺตาฯ อรหเตฺต สณฺฐาตีติ? น เหวํ วตฺตเพฺพ…เป.…ฯ
280. Puthujjano kāmesu vītarāgo saha dhammābhisamayā anāgāmiphale saṇṭhātīti? Āmantā. Arahatte saṇṭhātīti? Na hevaṃ vattabbe…pe….
ปุถุชฺชโน กาเมสุ วีตราโค สห ธมฺมาภิสมยา อนาคามิผเล สณฺฐาตีติ? อามนฺตาฯ อปุพฺพํ อจริมํ ตโย มเคฺค ภาเวตีติ? น เหวํ วตฺตเพฺพ…เป.…ฯ
Puthujjano kāmesu vītarāgo saha dhammābhisamayā anāgāmiphale saṇṭhātīti? Āmantā. Apubbaṃ acarimaṃ tayo magge bhāvetīti? Na hevaṃ vattabbe…pe….
อปุพฺพํ อจริมํ ตโย มเคฺค ภาเวตีติ? อามนฺตาฯ อปุพฺพํ อจริมํ ตีณิ สามญฺญผลานิ สจฺฉิกโรตีติ? น เหวํ วตฺตเพฺพ…เป.…ฯ
Apubbaṃ acarimaṃ tayo magge bhāvetīti? Āmantā. Apubbaṃ acarimaṃ tīṇi sāmaññaphalāni sacchikarotīti? Na hevaṃ vattabbe…pe….
อปุพฺพํ อจริมํ ตีณิ สามญฺญผลานิ สจฺฉิกโรตีติ? อามนฺตาฯ ติณฺณํ ผสฺสานํ ติสฺสนฺนํ เวทนานํ ติสฺสนฺนํ สญฺญานํ ติสฺสนฺนํ เจตนานํ ติณฺณํ จิตฺตานํ ติสฺสนฺนํ สทฺธานํ ติณฺณํ วีริยานํ ติสฺสนฺนํ สตีนํ ติณฺณํ สมาธีนํ ติสฺสนฺนํ ปญฺญานํ สโมธานํ โหตีติ? น เหวํ วตฺตเพฺพ…เป.…ฯ
Apubbaṃ acarimaṃ tīṇi sāmaññaphalāni sacchikarotīti? Āmantā. Tiṇṇaṃ phassānaṃ tissannaṃ vedanānaṃ tissannaṃ saññānaṃ tissannaṃ cetanānaṃ tiṇṇaṃ cittānaṃ tissannaṃ saddhānaṃ tiṇṇaṃ vīriyānaṃ tissannaṃ satīnaṃ tiṇṇaṃ samādhīnaṃ tissannaṃ paññānaṃ samodhānaṃ hotīti? Na hevaṃ vattabbe…pe….
ปุถุชฺชโน กาเมสุ วีตราโค สห ธมฺมาภิสมยา อนาคามิผเล สณฺฐาตีติ? อามนฺตาฯ โสตาปตฺติมเคฺคนาติ? น เหวํ วตฺตเพฺพ…เป.…ฯ
Puthujjano kāmesu vītarāgo saha dhammābhisamayā anāgāmiphale saṇṭhātīti? Āmantā. Sotāpattimaggenāti? Na hevaṃ vattabbe…pe….
สกทาคามิมเคฺคนาติ? น เหวํ วตฺตเพฺพฯ กตเมน มเคฺคนาติ? อนาคามิมเคฺคนาติฯ อนาคามิมเคฺคน สกฺกายทิฎฺฐิํ วิจิกิจฺฉํ สีลพฺพตปรามาสํ ชหตีติ? น เหวํ วตฺตเพฺพ…เป.…ฯ
Sakadāgāmimaggenāti? Na hevaṃ vattabbe. Katamena maggenāti? Anāgāmimaggenāti. Anāgāmimaggena sakkāyadiṭṭhiṃ vicikicchaṃ sīlabbataparāmāsaṃ jahatīti? Na hevaṃ vattabbe…pe….
๒. สุตฺตาหรณกถา
2. Suttāharaṇakathā
๒๘๑. อนาคามิมเคฺคน สกฺกายทิฎฺฐิํ วิจิกิจฺฉํ สีลพฺพตปรามาสํ ชหตีติ? อามนฺตาฯ นนุ ติณฺณํ สํโยชนานํ ปหานา โสตาปตฺติผลํ วุตฺตํ ภควตาติ? อามนฺตาฯ หญฺจิ ติณฺณํ สํโยชนานํ ปหานา โสตาปตฺติผลํ วุตฺตํ ภควตา, โน จ วต เร วตฺตเพฺพ – ‘‘อนาคามิมเคฺคน สกฺกายทิฎฺฐิํ วิจิกิจฺฉํ สีลพฺพตปรามาสํ ชหตี’’ติฯ อนาคามิมเคฺคน โอฬาริกํ กามราคํ โอฬาริกํ พฺยาปาทํ ชหตีติ? น เหวํ วตฺตเพฺพ…เป.…ฯ
281. Anāgāmimaggena sakkāyadiṭṭhiṃ vicikicchaṃ sīlabbataparāmāsaṃ jahatīti? Āmantā. Nanu tiṇṇaṃ saṃyojanānaṃ pahānā sotāpattiphalaṃ vuttaṃ bhagavatāti? Āmantā. Hañci tiṇṇaṃ saṃyojanānaṃ pahānā sotāpattiphalaṃ vuttaṃ bhagavatā, no ca vata re vattabbe – ‘‘anāgāmimaggena sakkāyadiṭṭhiṃ vicikicchaṃ sīlabbataparāmāsaṃ jahatī’’ti. Anāgāmimaggena oḷārikaṃ kāmarāgaṃ oḷārikaṃ byāpādaṃ jahatīti? Na hevaṃ vattabbe…pe….
อนาคามิมเคฺคน โอฬาริกํ กามราคํ โอฬาริกํ พฺยาปาทํ ชหตีติ? อามนฺตาฯ นนุ กามราคพฺยาปาทานํ ตนุภาวา สกทาคามิผลํ วุตฺตํ ภควตาติ? อามนฺตาฯ หญฺจิ กามราคพฺยาปาทานํ ตนุภาวา สกทาคามิผลํ วุตฺตํ ภควตา, โน จ วต เร วตฺตเพฺพ – ‘‘อนาคามิมเคฺคน โอฬาริกํ กามราคํ โอฬาริกํ พฺยาปาทํ ชหตี’’ติฯ
Anāgāmimaggena oḷārikaṃ kāmarāgaṃ oḷārikaṃ byāpādaṃ jahatīti? Āmantā. Nanu kāmarāgabyāpādānaṃ tanubhāvā sakadāgāmiphalaṃ vuttaṃ bhagavatāti? Āmantā. Hañci kāmarāgabyāpādānaṃ tanubhāvā sakadāgāmiphalaṃ vuttaṃ bhagavatā, no ca vata re vattabbe – ‘‘anāgāmimaggena oḷārikaṃ kāmarāgaṃ oḷārikaṃ byāpādaṃ jahatī’’ti.
ปุถุชฺชโน กาเมสุ วีตราโค สห ธมฺมาภิสมยา อนาคามิผเล สณฺฐาตีติ? อามนฺตาฯ เย เกจิ ธมฺมํ อภิสเมนฺติ, สเพฺพ เต สห ธมฺมาภิสมยา อนาคามิผเล สณฺฐหนฺตีติ? น เหวํ วตฺตเพฺพ…เป.…ฯ
Puthujjano kāmesu vītarāgo saha dhammābhisamayā anāgāmiphale saṇṭhātīti? Āmantā. Ye keci dhammaṃ abhisamenti, sabbe te saha dhammābhisamayā anāgāmiphale saṇṭhahantīti? Na hevaṃ vattabbe…pe….
น วตฺตพฺพํ – ‘‘ชหติ ปุถุชฺชโน กามราคพฺยาปาท’’นฺติ? อามนฺตาฯ นนุ วุตฺตํ ภควตา –
Na vattabbaṃ – ‘‘jahati puthujjano kāmarāgabyāpāda’’nti? Āmantā. Nanu vuttaṃ bhagavatā –
‘‘กามราคํ วิราเชตฺวา, พฺรหฺมโลกูปคา อหุ;
‘‘Kāmarāgaṃ virājetvā, brahmalokūpagā ahu;
อเหสุํ สาวกา เตสํ, อเนกานิ สตานิปิฯ
Ahesuṃ sāvakā tesaṃ, anekāni satānipi.
‘‘นิรามคนฺธา กรุเณธิมุตฺตา, กามสํโยชนาติคา;
‘‘Nirāmagandhā karuṇedhimuttā, kāmasaṃyojanātigā;
อเตฺถว สุตฺตโนฺตติ? อามนฺตาฯ เตน หิ ชหติ ปุถุชฺชโน กามราคพฺยาปาทนฺติฯ
Attheva suttantoti? Āmantā. Tena hi jahati puthujjano kāmarāgabyāpādanti.
ชหติ ปุถุชฺชโน กามราคพฺยาปาทนฺติ? อามนฺตาฯ นนุ วุตฺตํ ภควตา – ‘‘โส หิ นาม, ภิกฺขเว, สุเนโตฺต สตฺถา เอวํ ทีฆายุโก สมาโน เอวํ จิรฎฺฐิติโก อปริมุโตฺต อโหสิ ชาติยา ชราย มรเณน โสเกหิ ปริเทเวหิ ทุเกฺขหิ โทมนเสฺสหิ อุปายาเสหิ อปริมุโตฺต ทุกฺขสฺมาติ วทามิฯ ตํ กิสฺส เหตุ? จตุนฺนํ ธมฺมานํ อนนุโพธา อปฺปฎิเวธาฯ กตเมสํ จตุนฺนํ? อริยสฺส สีลสฺส อนนุโพธา อปฺปฎิเวธา, อริยสฺส สมาธิสฺส, อริยาย ปญฺญาย, อริยาย วิมุตฺติยา อนนุโพธา อปฺปฎิเวธาฯ ตยิทํ, ภิกฺขเว, อริยํ สีลํ อนุพุทฺธํ ปฎิวิทฺธํ, อริโย สมาธิ อนุพุโทฺธ ปฎิวิโทฺธ, อริยา ปญฺญา อนุพุทฺธา ปฎิวิทฺธา, อริยา วิมุตฺติ อนุพุทฺธา ปฎิวิทฺธา, อุจฺฉินฺนา ภวตณฺหา, ขีณา ภวเนตฺติ, นตฺถิ ทานิ ปุนพฺภโวติฯ
Jahati puthujjano kāmarāgabyāpādanti? Āmantā. Nanu vuttaṃ bhagavatā – ‘‘so hi nāma, bhikkhave, sunetto satthā evaṃ dīghāyuko samāno evaṃ ciraṭṭhitiko aparimutto ahosi jātiyā jarāya maraṇena sokehi paridevehi dukkhehi domanassehi upāyāsehi aparimutto dukkhasmāti vadāmi. Taṃ kissa hetu? Catunnaṃ dhammānaṃ ananubodhā appaṭivedhā. Katamesaṃ catunnaṃ? Ariyassa sīlassa ananubodhā appaṭivedhā, ariyassa samādhissa, ariyāya paññāya, ariyāya vimuttiyā ananubodhā appaṭivedhā. Tayidaṃ, bhikkhave, ariyaṃ sīlaṃ anubuddhaṃ paṭividdhaṃ, ariyo samādhi anubuddho paṭividdho, ariyā paññā anubuddhā paṭividdhā, ariyā vimutti anubuddhā paṭividdhā, ucchinnā bhavataṇhā, khīṇā bhavanetti, natthi dāni punabbhavoti.
‘‘สีลํ สมาธิ ปญฺญา จ, วิมุตฺติ จ อนุตฺตรา;
‘‘Sīlaṃ samādhi paññā ca, vimutti ca anuttarā;
อนุพุทฺธา อิเม ธมฺมา, โคตเมน ยสสฺสินาฯ
Anubuddhā ime dhammā, gotamena yasassinā.
‘‘อิติ พุโทฺธ อภิญฺญาย, ธมฺมมกฺขาสิ ภิกฺขุนํ;
‘‘Iti buddho abhiññāya, dhammamakkhāsi bhikkhunaṃ;
ทุกฺขสฺสนฺตกโร สตฺถา, จกฺขุมา ปรินิพฺพุโต’’ติ 7ฯ
Dukkhassantakaro satthā, cakkhumā parinibbuto’’ti 8.
อเตฺถว สุตฺตโนฺตติ? อามนฺตาฯ เตน หิ น วตฺตพฺพํ – ‘‘ชหติ ปุถุชฺชโน กามราคพฺยาปาท’’นฺติฯ
Attheva suttantoti? Āmantā. Tena hi na vattabbaṃ – ‘‘jahati puthujjano kāmarāgabyāpāda’’nti.
ชหติกถา นิฎฺฐิตาฯ
Jahatikathā niṭṭhitā.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๔. ชหติกถา • 4. Jahatikathā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๔. ชหติกถาวณฺณนา • 4. Jahatikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๔. ชหติกถาวณฺณนา • 4. Jahatikathāvaṇṇanā
