| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੪. ਜਹਤਿਕਥਾ
4. Jahatikathā
੧. ਨਸੁਤ੍ਤਾਹਰਣਕਥਾવਣ੍ਣਨਾ
1. Nasuttāharaṇakathāvaṇṇanā
੨੭੯. ਇਦਾਨਿ ਜਹਤਿਕਥਾ ਨਾਮ ਹੋਤਿ। ਤਤ੍ਥ ਯੇਸਂ ‘‘ਝਾਨਲਾਭੀ ਪੁਥੁਜ੍ਜਨੋ ਸਹ ਸਚ੍ਚਾਭਿਸਮਯਾ ਅਨਾਗਾਮੀ ਨਾਮ ਹੋਤਿ, ਤਸ੍ਸ ਪੁਥੁਜ੍ਜਨਕਾਲੇਯੇવ ਕਾਮਰਾਗਬ੍ਯਾਪਾਦਾ ਪਹੀਨਾ’’ਤਿ ਲਦ੍ਧਿ ਸੇਯ੍ਯਥਾਪਿ ਏਤਰਹਿ ਸਮ੍ਮਿਤਿਯਾਨਂ, ਤੇਸਂ ਤਂ ਲਦ੍ਧਿਂ ਭਿਨ੍ਦਿਤੁਂ ਜਹਤਿ ਪੁਥੁਜ੍ਜਨੋਤਿ ਪੁਚ੍ਛਾ ਸਕવਾਦਿਸ੍ਸ, ਝਾਨવਿਕ੍ਖਮ੍ਭਿਤਾਨਂ ਪਨ ਤੇਸਂ ਪਰਿਯੁਟ੍ਠਾਨਂ ਅਪਸ੍ਸਨ੍ਤਸ੍ਸ ਪਟਿਞ੍ਞਾ ਪਰવਾਦਿਸ੍ਸ। ਯਸ੍ਮਾ ਪਨ ਤੇਸਂ ਝਾਨવਿਕ੍ਖਮ੍ਭਿਤਾਨਮ੍ਪਿ ਅਨਾਗਾਮਿਮਗ੍ਗੇਨੇવ ਅਚ੍ਚਨ੍ਤਂ ਪਹਾਨਂ ਹੋਤਿ, ਤਸ੍ਮਾ ਪੁਨ ਅਚ੍ਚਨ੍ਤਨ੍ਤਿਆਦਿਅਨੁਯੋਗੋ ਸਕવਾਦਿਸ੍ਸ, ਤਥਾਰੂਪਸ੍ਸ ਪਹਾਨਸ੍ਸ ਅਭਾવਤੋ ਪਟਿਕ੍ਖੇਪੋ ਇਤਰਸ੍ਸ। વਿਕ੍ਖਮ੍ਭੇਤੀਤਿ ਅਚ੍ਚਨ੍ਤવਿਕ੍ਖਮ੍ਭਨਮੇવ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ। ਤਤੋ ਪਰਂ ਅਨਾਗਾਮਿਮਗ੍ਗਟ੍ਠੇਨ ਸਦ੍ਧਿਂ ਪੁਥੁਜ੍ਜਨਸਂਸਨ੍ਦਨਂ ਹੋਤਿ। ਤਂ ਉਤ੍ਤਾਨਤ੍ਥਮੇવ।
279. Idāni jahatikathā nāma hoti. Tattha yesaṃ ‘‘jhānalābhī puthujjano saha saccābhisamayā anāgāmī nāma hoti, tassa puthujjanakāleyeva kāmarāgabyāpādā pahīnā’’ti laddhi seyyathāpi etarahi sammitiyānaṃ, tesaṃ taṃ laddhiṃ bhindituṃ jahati puthujjanoti pucchā sakavādissa, jhānavikkhambhitānaṃ pana tesaṃ pariyuṭṭhānaṃ apassantassa paṭiññā paravādissa. Yasmā pana tesaṃ jhānavikkhambhitānampi anāgāmimaggeneva accantaṃ pahānaṃ hoti, tasmā puna accantantiādianuyogo sakavādissa, tathārūpassa pahānassa abhāvato paṭikkhepo itarassa. Vikkhambhetīti accantavikkhambhanameva sandhāya pucchā sakavādissa. Tato paraṃ anāgāmimaggaṭṭhena saddhiṃ puthujjanasaṃsandanaṃ hoti. Taṃ uttānatthameva.
੨੮੦. ਤਤੋ ਪਰਂ ਅਨਾਗਾਮਿਫਲੇ ਸਣ੍ਠਾਤੀਤਿ ਪੁਟ੍ਠੋ ਝਾਨਾਨਾਗਾਮਿਤਂ ਸਨ੍ਧਾਯ ਪਟਿਜਾਨਾਤਿ। ਅਰਹਤ੍ਤੇ ਸਣ੍ਠਾਤੀਤਿ ਪੁਟ੍ਠੋ ਦਸ੍ਸਨਮਗ੍ਗੇਨ ਉਦ੍ਧਮ੍ਭਾਗਿਯਾਨਂ ਪਹਾਨਾਭਾવਤੋ ਪਟਿਕ੍ਖਿਪਤਿ।
280. Tato paraṃ anāgāmiphale saṇṭhātīti puṭṭho jhānānāgāmitaṃ sandhāya paṭijānāti. Arahatte saṇṭhātīti puṭṭho dassanamaggena uddhambhāgiyānaṃ pahānābhāvato paṭikkhipati.
ਅਪੁਬ੍ਬਂ ਅਚਰਿਮਂ ਤਯੋ ਮਗ੍ਗੇਤਿ ਪੁਟ੍ਠੋ ਤਥਾਰੂਪਾਯ ਭਾવਨਾਯ ਅਭਾવਾ ਪਟਿਕ੍ਖਿਪਤਿ। ਪੁਨ ਪੁਟ੍ਠੋ ਤਿਣ੍ਣਂ ਮਗ੍ਗਾਨਂ ਕਿਚ੍ਚਸਬ੍ਭਾવਂ ਸਨ੍ਧਾਯ ਪਟਿਜਾਨਾਤਿ। ਸਾਮਞ੍ਞਫਲਪੁਚ੍ਛਾਸੁਪਿ ਏਸੇવ ਨਯੋ। ਕਤਮੇਨ ਮਗ੍ਗੇਨਾਤਿ ਪੁਟ੍ਠੋ ਅਨਾਗਾਮਿਮਗ੍ਗੇਨਾਤਿ ਝਾਨਾਨਾਗਾਮਿਤਂ ਸਨ੍ਧਾਯ વਦਤਿ। ਪੁਨ ਸਂਯੋਜਨਪ੍ਪਹਾਨਂ ਪੁਟ੍ਠੋ ਤਿਣ੍ਣਂ ਅਨਾਗਾਮਿਮਗ੍ਗੇਨ ਤੇਸਂ ਕਿਲੇਸਾਨਂ ਅਪ੍ਪਹੇਯ੍ਯਤ੍ਤਾ ਪਟਿਕ੍ਖਿਪਤਿ। ਦੁਤਿਯਂ ਪੁਟ੍ਠੋ ਪਠਮਮਗ੍ਗਸ੍ਸੇવ ਝਾਨਾਨਾਗਾਮਿਮਗ੍ਗਭਾવਂ ਸਨ੍ਧਾਯ ਪਟਿਜਾਨਾਤਿ। ਸੇਸਮੇਤ੍ਥ ਉਤ੍ਤਾਨਤ੍ਥਮੇવਾਤਿ।
Apubbaṃ acarimaṃ tayo maggeti puṭṭho tathārūpāya bhāvanāya abhāvā paṭikkhipati. Puna puṭṭho tiṇṇaṃ maggānaṃ kiccasabbhāvaṃ sandhāya paṭijānāti. Sāmaññaphalapucchāsupi eseva nayo. Katamena maggenāti puṭṭho anāgāmimaggenāti jhānānāgāmitaṃ sandhāya vadati. Puna saṃyojanappahānaṃ puṭṭho tiṇṇaṃ anāgāmimaggena tesaṃ kilesānaṃ appaheyyattā paṭikkhipati. Dutiyaṃ puṭṭho paṭhamamaggasseva jhānānāgāmimaggabhāvaṃ sandhāya paṭijānāti. Sesamettha uttānatthamevāti.
ਜਹਤਿਕਥਾ।
Jahatikathā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / ੪. ਜਹਤਿਕਥਾ • 4. Jahatikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੪. ਜਹਤਿਕਥਾવਣ੍ਣਨਾ • 4. Jahatikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੪. ਜਹਤਿਕਥਾવਣ੍ਣਨਾ • 4. Jahatikathāvaṇṇanā
