| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੪. ਜਹਤਿਕਥਾ
4. Jahatikathā
੧. ਨਸੁਤ੍ਤਾਹਰਣਕਥਾ
1. Nasuttāharaṇakathā
੨੭੯. ਜਹਤਿ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦਨ੍ਤਿ? ਆਮਨ੍ਤਾ। ਅਚ੍ਚਨ੍ਤਂ ਜਹਤਿ, ਅਨવਸੇਸਂ ਜਹਤਿ, ਅਪ੍ਪਟਿਸਨ੍ਧਿਯਂ ਜਹਤਿ, ਸਮੂਲਂ ਜਹਤਿ, ਸਤਣ੍ਹਂ ਜਹਤਿ, ਸਾਨੁਸਯਂ ਜਹਤਿ, ਅਰਿਯੇਨ ਞਾਣੇਨ ਜਹਤਿ, ਅਰਿਯੇਨ ਮਗ੍ਗੇਨ ਜਹਤਿ, ਅਕੁਪ੍ਪਂ ਪਟਿવਿਜ੍ਝਨ੍ਤੋ ਜਹਤਿ, ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ ਜਹਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
279. Jahati puthujjano kāmarāgabyāpādanti? Āmantā. Accantaṃ jahati, anavasesaṃ jahati, appaṭisandhiyaṃ jahati, samūlaṃ jahati, sataṇhaṃ jahati, sānusayaṃ jahati, ariyena ñāṇena jahati, ariyena maggena jahati, akuppaṃ paṭivijjhanto jahati, anāgāmiphalaṃ sacchikaronto jahatīti? Na hevaṃ vattabbe…pe….
વਿਕ੍ਖਮ੍ਭੇਤਿ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦਨ੍ਤਿ? ਆਮਨ੍ਤਾ। ਅਚ੍ਚਨ੍ਤਂ વਿਕ੍ਖਮ੍ਭੇਤਿ, ਅਨવਸੇਸਂ વਿਕ੍ਖਮ੍ਭੇਤਿ, ਅਪ੍ਪਟਿਸਨ੍ਧਿਯਂ વਿਕ੍ਖਮ੍ਭੇਤਿ, ਸਮੂਲਂ વਿਕ੍ਖਮ੍ਭੇਤਿ, ਸਤਣ੍ਹਂ વਿਕ੍ਖਮ੍ਭੇਤਿ, ਸਾਨੁਸਯਂ વਿਕ੍ਖਮ੍ਭੇਤਿ, ਅਰਿਯੇਨ ਞਾਣੇਨ વਿਕ੍ਖਮ੍ਭੇਤਿ, ਅਰਿਯੇਨ ਮਗ੍ਗੇਨ વਿਕ੍ਖਮ੍ਭੇਤਿ, ਅਕੁਪ੍ਪਂ ਪਟਿવਿਜ੍ਝਨ੍ਤੋ વਿਕ੍ਖਮ੍ਭੇਤਿ, ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ વਿਕ੍ਖਮ੍ਭੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Vikkhambheti puthujjano kāmarāgabyāpādanti? Āmantā. Accantaṃ vikkhambheti, anavasesaṃ vikkhambheti, appaṭisandhiyaṃ vikkhambheti, samūlaṃ vikkhambheti, sataṇhaṃ vikkhambheti, sānusayaṃ vikkhambheti, ariyena ñāṇena vikkhambheti, ariyena maggena vikkhambheti, akuppaṃ paṭivijjhanto vikkhambheti, anāgāmiphalaṃ sacchikaronto vikkhambhetīti? Na hevaṃ vattabbe…pe….
ਜਹਤਿ ਅਨਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਪੁਗ੍ਗਲੋ ਕਾਮਰਾਗਬ੍ਯਾਪਾਦਂ, ਸੋ ਚ ਅਚ੍ਚਨ੍ਤਂ ਜਹਤਿ, ਅਨવਸੇਸਂ ਜਹਤਿ…ਪੇ॰… ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ ਜਹਤੀਤਿ? ਆਮਨ੍ਤਾ। ਜਹਤਿ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦਂ, ਸੋ ਚ ਅਚ੍ਚਨ੍ਤਂ ਜਹਤਿ, ਅਨવਸੇਸਂ ਜਹਤਿ…ਪੇ॰… ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ ਜਹਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Jahati anāgāmiphalasacchikiriyāya paṭipanno puggalo kāmarāgabyāpādaṃ, so ca accantaṃ jahati, anavasesaṃ jahati…pe… anāgāmiphalaṃ sacchikaronto jahatīti? Āmantā. Jahati puthujjano kāmarāgabyāpādaṃ, so ca accantaṃ jahati, anavasesaṃ jahati…pe… anāgāmiphalaṃ sacchikaronto jahatīti? Na hevaṃ vattabbe…pe….
વਿਕ੍ਖਮ੍ਭੇਤਿ ਅਨਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਪੁਗ੍ਗਲੋ ਕਾਮਰਾਗਬ੍ਯਾਪਾਦਂ, ਸੋ ਚ ਅਚ੍ਚਨ੍ਤਂ વਿਕ੍ਖਮ੍ਭੇਤਿ, ਅਨવਸੇਸਂ વਿਕ੍ਖਮ੍ਭੇਤਿ…ਪੇ॰… ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ વਿਕ੍ਖਮ੍ਭੇਤੀਤਿ? ਆਮਨ੍ਤਾ। વਿਕ੍ਖਮ੍ਭੇਤਿ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦਂ, ਸੋ ਚ ਅਚ੍ਚਨ੍ਤਂ વਿਕ੍ਖਮ੍ਭੇਤਿ, ਅਨવਸੇਸਂ વਿਕ੍ਖਮ੍ਭੇਤਿ …ਪੇ॰… ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ વਿਕ੍ਖਮ੍ਭੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Vikkhambheti anāgāmiphalasacchikiriyāya paṭipanno puggalo kāmarāgabyāpādaṃ, so ca accantaṃ vikkhambheti, anavasesaṃ vikkhambheti…pe… anāgāmiphalaṃ sacchikaronto vikkhambhetīti? Āmantā. Vikkhambheti puthujjano kāmarāgabyāpādaṃ, so ca accantaṃ vikkhambheti, anavasesaṃ vikkhambheti …pe… anāgāmiphalaṃ sacchikaronto vikkhambhetīti? Na hevaṃ vattabbe…pe….
ਜਹਤਿ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦਂ, ਸੋ ਚ ਨ ਅਚ੍ਚਨ੍ਤਂ ਜਹਤਿ, ਨ ਅਨવਸੇਸਂ ਜਹਤਿ…ਪੇ॰… ਨ ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ ਜਹਤੀਤਿ? ਆਮਨ੍ਤਾ। ਜਹਤਿ ਅਨਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਪੁਗ੍ਗਲੋ ਕਾਮਰਾਗਬ੍ਯਾਪਾਦਂ, ਸੋ ਚ ਨ ਅਚ੍ਚਨ੍ਤਂ ਜਹਤਿ…ਪੇ॰… ਨ ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ ਜਹਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Jahati puthujjano kāmarāgabyāpādaṃ, so ca na accantaṃ jahati, na anavasesaṃ jahati…pe… na anāgāmiphalaṃ sacchikaronto jahatīti? Āmantā. Jahati anāgāmiphalasacchikiriyāya paṭipanno puggalo kāmarāgabyāpādaṃ, so ca na accantaṃ jahati…pe… na anāgāmiphalaṃ sacchikaronto jahatīti? Na hevaṃ vattabbe…pe….
વਿਕ੍ਖਮ੍ਭੇਤਿ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦਂ, ਸੋ ਚ ਨ ਅਚ੍ਚਨ੍ਤਂ વਿਕ੍ਖਮ੍ਭੇਤਿ, ਨ ਅਨવਸੇਸਂ વਿਕ੍ਖਮ੍ਭੇਤਿ…ਪੇ॰… ਨ ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ વਿਕ੍ਖਮ੍ਭੇਤੀਤਿ? ਆਮਨ੍ਤਾ। વਿਕ੍ਖਮ੍ਭੇਤਿ ਅਨਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਪੁਗ੍ਗਲੋ ਕਾਮਰਾਗਬ੍ਯਾਪਾਦਂ, ਸੋ ਚ ਨ ਅਚ੍ਚਨ੍ਤਂ વਿਕ੍ਖਮ੍ਭੇਤਿ, ਨ ਅਨવਸੇਸਂ વਿਕ੍ਖਮ੍ਭੇਤਿ…ਪੇ॰… ਨ ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ વਿਕ੍ਖਮ੍ਭੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Vikkhambheti puthujjano kāmarāgabyāpādaṃ, so ca na accantaṃ vikkhambheti, na anavasesaṃ vikkhambheti…pe… na anāgāmiphalaṃ sacchikaronto vikkhambhetīti? Āmantā. Vikkhambheti anāgāmiphalasacchikiriyāya paṭipanno puggalo kāmarāgabyāpādaṃ, so ca na accantaṃ vikkhambheti, na anavasesaṃ vikkhambheti…pe… na anāgāmiphalaṃ sacchikaronto vikkhambhetīti? Na hevaṃ vattabbe…pe….
ਜਹਤਿ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦਨ੍ਤਿ? ਆਮਨ੍ਤਾ। ਕਤਮੇਨ ਮਗ੍ਗੇਨਾਤਿ? ਰੂਪਾવਚਰੇਨ ਮਗ੍ਗੇਨਾਤਿ। ਰੂਪਾવਚਰੋ ਮਗ੍ਗੋ ਨਿਯ੍ਯਾਨਿਕੋ ਖਯਗਾਮੀ ਬੋਧਗਾਮੀ ਅਪਚਯਗਾਮੀ ਅਨਾਸવੋ ਅਸਂਯੋਜਨਿਯੋ ਅਗਨ੍ਥਨਿਯੋ ਅਨੋਘਨਿਯੋ ਅਯੋਗਨਿਯੋ ਅਨੀવਰਣਿਯੋ ਅਪਰਾਮਟ੍ਠੋ ਅਨੁਪਾਦਾਨਿਯੋ ਅਸਂਕਿਲੇਸਿਯੋਤਿ? ਨ ਹੇવਂ વਤ੍ਤਬ੍ਬੇ। ਨਨੁ ਰੂਪਾવਚਰੋ ਮਗ੍ਗੋ ਅਨਿਯ੍ਯਾਨਿਕੋ ਨ ਖਯਗਾਮੀ ਨ ਬੋਧਗਾਮੀ ਨ ਅਪਚਯਗਾਮੀ ਸਾਸવੋ ਸਂਯੋਜਨਿਯੋ…ਪੇ॰… ਸਂਕਿਲੇਸਿਯੋਤਿ? ਆਮਨ੍ਤਾ। ਹਞ੍ਚਿ ਰੂਪਾવਚਰੋ ਮਗ੍ਗੋ ਅਨਿਯ੍ਯਾਨਿਕੋ ਨ ਖਯਗਾਮੀ…ਪੇ॰… ਸਂਕਿਲੇਸਿਯੋ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਜਹਤਿ ਪੁਥੁਜ੍ਜਨੋ ਰੂਪਾવਚਰੇਨ ਮਗ੍ਗੇਨ ਕਾਮਰਾਗਬ੍ਯਾਪਾਦ’’ਨ੍ਤਿ।
Jahati puthujjano kāmarāgabyāpādanti? Āmantā. Katamena maggenāti? Rūpāvacarena maggenāti. Rūpāvacaro maggo niyyāniko khayagāmī bodhagāmī apacayagāmī anāsavo asaṃyojaniyo aganthaniyo anoghaniyo ayoganiyo anīvaraṇiyo aparāmaṭṭho anupādāniyo asaṃkilesiyoti? Na hevaṃ vattabbe. Nanu rūpāvacaro maggo aniyyāniko na khayagāmī na bodhagāmī na apacayagāmī sāsavo saṃyojaniyo…pe… saṃkilesiyoti? Āmantā. Hañci rūpāvacaro maggo aniyyāniko na khayagāmī…pe… saṃkilesiyo, no ca vata re vattabbe – ‘‘jahati puthujjano rūpāvacarena maggena kāmarāgabyāpāda’’nti.
ਜਹਤਿ ਅਨਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਪੁਗ੍ਗਲੋ ਅਨਾਗਾਮਿਮਗ੍ਗੇਨ ਕਾਮਰਾਗਬ੍ਯਾਪਾਦਂ, ਸੋ ਚ ਮਗ੍ਗੋ ਨਿਯ੍ਯਾਨਿਕੋ ਖਯਗਾਮੀ ਬੋਧਗਾਮੀ ਅਪਚਯਗਾਮੀ ਅਨਾਸવੋ…ਪੇ॰… ਅਸਂਕਿਲੇਸਿਯੋਤਿ? ਆਮਨ੍ਤਾ। ਜਹਤਿ ਪੁਥੁਜ੍ਜਨੋ ਰੂਪਾવਚਰੇਨ ਮਗ੍ਗੇਨ ਕਾਮਰਾਗਬ੍ਯਾਪਾਦਂ, ਸੋ ਚ ਮਗ੍ਗੋ ਨਿਯ੍ਯਾਨਿਕੋ ਖਯਗਾਮੀ ਬੋਧਗਾਮੀ ਅਪਚਯਗਾਮੀ ਅਨਾਸવੋ…ਪੇ॰… ਅਸਂਕਿਲੇਸਿਯੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Jahati anāgāmiphalasacchikiriyāya paṭipanno puggalo anāgāmimaggena kāmarāgabyāpādaṃ, so ca maggo niyyāniko khayagāmī bodhagāmī apacayagāmī anāsavo…pe… asaṃkilesiyoti? Āmantā. Jahati puthujjano rūpāvacarena maggena kāmarāgabyāpādaṃ, so ca maggo niyyāniko khayagāmī bodhagāmī apacayagāmī anāsavo…pe… asaṃkilesiyoti? Na hevaṃ vattabbe…pe….
ਜਹਤਿ ਪੁਥੁਜ੍ਜਨੋ ਰੂਪਾવਚਰੇਨ ਮਗ੍ਗੇਨ ਕਾਮਰਾਗਬ੍ਯਾਪਾਦਂ, ਸੋ ਚ ਮਗ੍ਗੋ ਅਨਿਯ੍ਯਾਨਿਕੋ ਨ ਖਯਗਾਮੀ ਨ ਬੋਧਗਾਮੀ ਨ ਅਪਚਯਗਾਮੀ ਸਾਸવੋ…ਪੇ॰… ਸਂਕਿਲੇਸਿਯੋਤਿ? ਆਮਨ੍ਤਾ। ਜਹਤਿ ਅਨਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਪੁਗ੍ਗਲੋ ਅਨਾਗਾਮਿਮਗ੍ਗੇਨ ਕਾਮਰਾਗਬ੍ਯਾਪਾਦਂ, ਸੋ ਚ ਮਗ੍ਗੋ ਅਨਿਯ੍ਯਾਨਿਕੋ ਨ ਖਯਗਾਮੀ ਨ ਬੋਧਗਾਮੀ ਨ ਅਪਚਯਗਾਮੀ ਸਾਸવੋ…ਪੇ॰… ਸਂਕਿਲੇਸਿਯੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Jahati puthujjano rūpāvacarena maggena kāmarāgabyāpādaṃ, so ca maggo aniyyāniko na khayagāmī na bodhagāmī na apacayagāmī sāsavo…pe… saṃkilesiyoti? Āmantā. Jahati anāgāmiphalasacchikiriyāya paṭipanno puggalo anāgāmimaggena kāmarāgabyāpādaṃ, so ca maggo aniyyāniko na khayagāmī na bodhagāmī na apacayagāmī sāsavo…pe… saṃkilesiyoti? Na hevaṃ vattabbe…pe….
੨੮੦. ਪੁਥੁਜ੍ਜਨੋ ਕਾਮੇਸੁ વੀਤਰਾਗੋ ਸਹ ਧਮ੍ਮਾਭਿਸਮਯਾ ਅਨਾਗਾਮਿਫਲੇ ਸਣ੍ਠਾਤੀਤਿ? ਆਮਨ੍ਤਾ। ਅਰਹਤ੍ਤੇ ਸਣ੍ਠਾਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
280. Puthujjano kāmesu vītarāgo saha dhammābhisamayā anāgāmiphale saṇṭhātīti? Āmantā. Arahatte saṇṭhātīti? Na hevaṃ vattabbe…pe….
ਪੁਥੁਜ੍ਜਨੋ ਕਾਮੇਸੁ વੀਤਰਾਗੋ ਸਹ ਧਮ੍ਮਾਭਿਸਮਯਾ ਅਨਾਗਾਮਿਫਲੇ ਸਣ੍ਠਾਤੀਤਿ? ਆਮਨ੍ਤਾ। ਅਪੁਬ੍ਬਂ ਅਚਰਿਮਂ ਤਯੋ ਮਗ੍ਗੇ ਭਾવੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Puthujjano kāmesu vītarāgo saha dhammābhisamayā anāgāmiphale saṇṭhātīti? Āmantā. Apubbaṃ acarimaṃ tayo magge bhāvetīti? Na hevaṃ vattabbe…pe….
ਅਪੁਬ੍ਬਂ ਅਚਰਿਮਂ ਤਯੋ ਮਗ੍ਗੇ ਭਾવੇਤੀਤਿ? ਆਮਨ੍ਤਾ। ਅਪੁਬ੍ਬਂ ਅਚਰਿਮਂ ਤੀਣਿ ਸਾਮਞ੍ਞਫਲਾਨਿ ਸਚ੍ਛਿਕਰੋਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Apubbaṃ acarimaṃ tayo magge bhāvetīti? Āmantā. Apubbaṃ acarimaṃ tīṇi sāmaññaphalāni sacchikarotīti? Na hevaṃ vattabbe…pe….
ਅਪੁਬ੍ਬਂ ਅਚਰਿਮਂ ਤੀਣਿ ਸਾਮਞ੍ਞਫਲਾਨਿ ਸਚ੍ਛਿਕਰੋਤੀਤਿ? ਆਮਨ੍ਤਾ। ਤਿਣ੍ਣਂ ਫਸ੍ਸਾਨਂ ਤਿਸ੍ਸਨ੍ਨਂ વੇਦਨਾਨਂ ਤਿਸ੍ਸਨ੍ਨਂ ਸਞ੍ਞਾਨਂ ਤਿਸ੍ਸਨ੍ਨਂ ਚੇਤਨਾਨਂ ਤਿਣ੍ਣਂ ਚਿਤ੍ਤਾਨਂ ਤਿਸ੍ਸਨ੍ਨਂ ਸਦ੍ਧਾਨਂ ਤਿਣ੍ਣਂ વੀਰਿਯਾਨਂ ਤਿਸ੍ਸਨ੍ਨਂ ਸਤੀਨਂ ਤਿਣ੍ਣਂ ਸਮਾਧੀਨਂ ਤਿਸ੍ਸਨ੍ਨਂ ਪਞ੍ਞਾਨਂ ਸਮੋਧਾਨਂ ਹੋਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Apubbaṃ acarimaṃ tīṇi sāmaññaphalāni sacchikarotīti? Āmantā. Tiṇṇaṃ phassānaṃ tissannaṃ vedanānaṃ tissannaṃ saññānaṃ tissannaṃ cetanānaṃ tiṇṇaṃ cittānaṃ tissannaṃ saddhānaṃ tiṇṇaṃ vīriyānaṃ tissannaṃ satīnaṃ tiṇṇaṃ samādhīnaṃ tissannaṃ paññānaṃ samodhānaṃ hotīti? Na hevaṃ vattabbe…pe….
ਪੁਥੁਜ੍ਜਨੋ ਕਾਮੇਸੁ વੀਤਰਾਗੋ ਸਹ ਧਮ੍ਮਾਭਿਸਮਯਾ ਅਨਾਗਾਮਿਫਲੇ ਸਣ੍ਠਾਤੀਤਿ? ਆਮਨ੍ਤਾ। ਸੋਤਾਪਤ੍ਤਿਮਗ੍ਗੇਨਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Puthujjano kāmesu vītarāgo saha dhammābhisamayā anāgāmiphale saṇṭhātīti? Āmantā. Sotāpattimaggenāti? Na hevaṃ vattabbe…pe….
ਸਕਦਾਗਾਮਿਮਗ੍ਗੇਨਾਤਿ? ਨ ਹੇવਂ વਤ੍ਤਬ੍ਬੇ। ਕਤਮੇਨ ਮਗ੍ਗੇਨਾਤਿ? ਅਨਾਗਾਮਿਮਗ੍ਗੇਨਾਤਿ। ਅਨਾਗਾਮਿਮਗ੍ਗੇਨ ਸਕ੍ਕਾਯਦਿਟ੍ਠਿਂ વਿਚਿਕਿਚ੍ਛਂ ਸੀਲਬ੍ਬਤਪਰਾਮਾਸਂ ਜਹਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Sakadāgāmimaggenāti? Na hevaṃ vattabbe. Katamena maggenāti? Anāgāmimaggenāti. Anāgāmimaggena sakkāyadiṭṭhiṃ vicikicchaṃ sīlabbataparāmāsaṃ jahatīti? Na hevaṃ vattabbe…pe….
੨. ਸੁਤ੍ਤਾਹਰਣਕਥਾ
2. Suttāharaṇakathā
੨੮੧. ਅਨਾਗਾਮਿਮਗ੍ਗੇਨ ਸਕ੍ਕਾਯਦਿਟ੍ਠਿਂ વਿਚਿਕਿਚ੍ਛਂ ਸੀਲਬ੍ਬਤਪਰਾਮਾਸਂ ਜਹਤੀਤਿ? ਆਮਨ੍ਤਾ। ਨਨੁ ਤਿਣ੍ਣਂ ਸਂਯੋਜਨਾਨਂ ਪਹਾਨਾ ਸੋਤਾਪਤ੍ਤਿਫਲਂ વੁਤ੍ਤਂ ਭਗવਤਾਤਿ? ਆਮਨ੍ਤਾ। ਹਞ੍ਚਿ ਤਿਣ੍ਣਂ ਸਂਯੋਜਨਾਨਂ ਪਹਾਨਾ ਸੋਤਾਪਤ੍ਤਿਫਲਂ વੁਤ੍ਤਂ ਭਗવਤਾ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਨਾਗਾਮਿਮਗ੍ਗੇਨ ਸਕ੍ਕਾਯਦਿਟ੍ਠਿਂ વਿਚਿਕਿਚ੍ਛਂ ਸੀਲਬ੍ਬਤਪਰਾਮਾਸਂ ਜਹਤੀ’’ਤਿ। ਅਨਾਗਾਮਿਮਗ੍ਗੇਨ ਓਲ਼ਾਰਿਕਂ ਕਾਮਰਾਗਂ ਓਲ਼ਾਰਿਕਂ ਬ੍ਯਾਪਾਦਂ ਜਹਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
281. Anāgāmimaggena sakkāyadiṭṭhiṃ vicikicchaṃ sīlabbataparāmāsaṃ jahatīti? Āmantā. Nanu tiṇṇaṃ saṃyojanānaṃ pahānā sotāpattiphalaṃ vuttaṃ bhagavatāti? Āmantā. Hañci tiṇṇaṃ saṃyojanānaṃ pahānā sotāpattiphalaṃ vuttaṃ bhagavatā, no ca vata re vattabbe – ‘‘anāgāmimaggena sakkāyadiṭṭhiṃ vicikicchaṃ sīlabbataparāmāsaṃ jahatī’’ti. Anāgāmimaggena oḷārikaṃ kāmarāgaṃ oḷārikaṃ byāpādaṃ jahatīti? Na hevaṃ vattabbe…pe….
ਅਨਾਗਾਮਿਮਗ੍ਗੇਨ ਓਲ਼ਾਰਿਕਂ ਕਾਮਰਾਗਂ ਓਲ਼ਾਰਿਕਂ ਬ੍ਯਾਪਾਦਂ ਜਹਤੀਤਿ? ਆਮਨ੍ਤਾ। ਨਨੁ ਕਾਮਰਾਗਬ੍ਯਾਪਾਦਾਨਂ ਤਨੁਭਾવਾ ਸਕਦਾਗਾਮਿਫਲਂ વੁਤ੍ਤਂ ਭਗવਤਾਤਿ? ਆਮਨ੍ਤਾ। ਹਞ੍ਚਿ ਕਾਮਰਾਗਬ੍ਯਾਪਾਦਾਨਂ ਤਨੁਭਾવਾ ਸਕਦਾਗਾਮਿਫਲਂ વੁਤ੍ਤਂ ਭਗવਤਾ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਨਾਗਾਮਿਮਗ੍ਗੇਨ ਓਲ਼ਾਰਿਕਂ ਕਾਮਰਾਗਂ ਓਲ਼ਾਰਿਕਂ ਬ੍ਯਾਪਾਦਂ ਜਹਤੀ’’ਤਿ।
Anāgāmimaggena oḷārikaṃ kāmarāgaṃ oḷārikaṃ byāpādaṃ jahatīti? Āmantā. Nanu kāmarāgabyāpādānaṃ tanubhāvā sakadāgāmiphalaṃ vuttaṃ bhagavatāti? Āmantā. Hañci kāmarāgabyāpādānaṃ tanubhāvā sakadāgāmiphalaṃ vuttaṃ bhagavatā, no ca vata re vattabbe – ‘‘anāgāmimaggena oḷārikaṃ kāmarāgaṃ oḷārikaṃ byāpādaṃ jahatī’’ti.
ਪੁਥੁਜ੍ਜਨੋ ਕਾਮੇਸੁ વੀਤਰਾਗੋ ਸਹ ਧਮ੍ਮਾਭਿਸਮਯਾ ਅਨਾਗਾਮਿਫਲੇ ਸਣ੍ਠਾਤੀਤਿ? ਆਮਨ੍ਤਾ। ਯੇ ਕੇਚਿ ਧਮ੍ਮਂ ਅਭਿਸਮੇਨ੍ਤਿ, ਸਬ੍ਬੇ ਤੇ ਸਹ ਧਮ੍ਮਾਭਿਸਮਯਾ ਅਨਾਗਾਮਿਫਲੇ ਸਣ੍ਠਹਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Puthujjano kāmesu vītarāgo saha dhammābhisamayā anāgāmiphale saṇṭhātīti? Āmantā. Ye keci dhammaṃ abhisamenti, sabbe te saha dhammābhisamayā anāgāmiphale saṇṭhahantīti? Na hevaṃ vattabbe…pe….
ਨ વਤ੍ਤਬ੍ਬਂ – ‘‘ਜਹਤਿ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦ’’ਨ੍ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ –
Na vattabbaṃ – ‘‘jahati puthujjano kāmarāgabyāpāda’’nti? Āmantā. Nanu vuttaṃ bhagavatā –
‘‘ਕਾਮਰਾਗਂ વਿਰਾਜੇਤ੍વਾ, ਬ੍ਰਹ੍ਮਲੋਕੂਪਗਾ ਅਹੁ।
‘‘Kāmarāgaṃ virājetvā, brahmalokūpagā ahu;
ਅਹੇਸੁਂ ਸਾવਕਾ ਤੇਸਂ, ਅਨੇਕਾਨਿ ਸਤਾਨਿਪਿ॥
Ahesuṃ sāvakā tesaṃ, anekāni satānipi.
‘‘ਨਿਰਾਮਗਨ੍ਧਾ ਕਰੁਣੇਧਿਮੁਤ੍ਤਾ, ਕਾਮਸਂਯੋਜਨਾਤਿਗਾ।
‘‘Nirāmagandhā karuṇedhimuttā, kāmasaṃyojanātigā;
ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਜਹਤਿ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦਨ੍ਤਿ।
Attheva suttantoti? Āmantā. Tena hi jahati puthujjano kāmarāgabyāpādanti.
ਜਹਤਿ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦਨ੍ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਸੋ ਹਿ ਨਾਮ, ਭਿਕ੍ਖવੇ, ਸੁਨੇਤ੍ਤੋ ਸਤ੍ਥਾ ਏવਂ ਦੀਘਾਯੁਕੋ ਸਮਾਨੋ ਏવਂ ਚਿਰਟ੍ਠਿਤਿਕੋ ਅਪਰਿਮੁਤ੍ਤੋ ਅਹੋਸਿ ਜਾਤਿਯਾ ਜਰਾਯ ਮਰਣੇਨ ਸੋਕੇਹਿ ਪਰਿਦੇવੇਹਿ ਦੁਕ੍ਖੇਹਿ ਦੋਮਨਸ੍ਸੇਹਿ ਉਪਾਯਾਸੇਹਿ ਅਪਰਿਮੁਤ੍ਤੋ ਦੁਕ੍ਖਸ੍ਮਾਤਿ વਦਾਮਿ। ਤਂ ਕਿਸ੍ਸ ਹੇਤੁ? ਚਤੁਨ੍ਨਂ ਧਮ੍ਮਾਨਂ ਅਨਨੁਬੋਧਾ ਅਪ੍ਪਟਿવੇਧਾ। ਕਤਮੇਸਂ ਚਤੁਨ੍ਨਂ? ਅਰਿਯਸ੍ਸ ਸੀਲਸ੍ਸ ਅਨਨੁਬੋਧਾ ਅਪ੍ਪਟਿવੇਧਾ, ਅਰਿਯਸ੍ਸ ਸਮਾਧਿਸ੍ਸ, ਅਰਿਯਾਯ ਪਞ੍ਞਾਯ, ਅਰਿਯਾਯ વਿਮੁਤ੍ਤਿਯਾ ਅਨਨੁਬੋਧਾ ਅਪ੍ਪਟਿવੇਧਾ। ਤਯਿਦਂ, ਭਿਕ੍ਖવੇ, ਅਰਿਯਂ ਸੀਲਂ ਅਨੁਬੁਦ੍ਧਂ ਪਟਿવਿਦ੍ਧਂ, ਅਰਿਯੋ ਸਮਾਧਿ ਅਨੁਬੁਦ੍ਧੋ ਪਟਿવਿਦ੍ਧੋ, ਅਰਿਯਾ ਪਞ੍ਞਾ ਅਨੁਬੁਦ੍ਧਾ ਪਟਿવਿਦ੍ਧਾ, ਅਰਿਯਾ વਿਮੁਤ੍ਤਿ ਅਨੁਬੁਦ੍ਧਾ ਪਟਿવਿਦ੍ਧਾ, ਉਚ੍ਛਿਨ੍ਨਾ ਭવਤਣ੍ਹਾ, ਖੀਣਾ ਭવਨੇਤ੍ਤਿ, ਨਤ੍ਥਿ ਦਾਨਿ ਪੁਨਬ੍ਭવੋਤਿ।
Jahati puthujjano kāmarāgabyāpādanti? Āmantā. Nanu vuttaṃ bhagavatā – ‘‘so hi nāma, bhikkhave, sunetto satthā evaṃ dīghāyuko samāno evaṃ ciraṭṭhitiko aparimutto ahosi jātiyā jarāya maraṇena sokehi paridevehi dukkhehi domanassehi upāyāsehi aparimutto dukkhasmāti vadāmi. Taṃ kissa hetu? Catunnaṃ dhammānaṃ ananubodhā appaṭivedhā. Katamesaṃ catunnaṃ? Ariyassa sīlassa ananubodhā appaṭivedhā, ariyassa samādhissa, ariyāya paññāya, ariyāya vimuttiyā ananubodhā appaṭivedhā. Tayidaṃ, bhikkhave, ariyaṃ sīlaṃ anubuddhaṃ paṭividdhaṃ, ariyo samādhi anubuddho paṭividdho, ariyā paññā anubuddhā paṭividdhā, ariyā vimutti anubuddhā paṭividdhā, ucchinnā bhavataṇhā, khīṇā bhavanetti, natthi dāni punabbhavoti.
‘‘ਸੀਲਂ ਸਮਾਧਿ ਪਞ੍ਞਾ ਚ, વਿਮੁਤ੍ਤਿ ਚ ਅਨੁਤ੍ਤਰਾ।
‘‘Sīlaṃ samādhi paññā ca, vimutti ca anuttarā;
ਅਨੁਬੁਦ੍ਧਾ ਇਮੇ ਧਮ੍ਮਾ, ਗੋਤਮੇਨ ਯਸਸ੍ਸਿਨਾ॥
Anubuddhā ime dhammā, gotamena yasassinā.
‘‘ਇਤਿ ਬੁਦ੍ਧੋ ਅਭਿਞ੍ਞਾਯ, ਧਮ੍ਮਮਕ੍ਖਾਸਿ ਭਿਕ੍ਖੁਨਂ।
‘‘Iti buddho abhiññāya, dhammamakkhāsi bhikkhunaṃ;
ਦੁਕ੍ਖਸ੍ਸਨ੍ਤਕਰੋ ਸਤ੍ਥਾ, ਚਕ੍ਖੁਮਾ ਪਰਿਨਿਬ੍ਬੁਤੋ’’ਤਿ 7॥
Dukkhassantakaro satthā, cakkhumā parinibbuto’’ti 8.
ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਜਹਤਿ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦ’’ਨ੍ਤਿ।
Attheva suttantoti? Āmantā. Tena hi na vattabbaṃ – ‘‘jahati puthujjano kāmarāgabyāpāda’’nti.
ਜਹਤਿਕਥਾ ਨਿਟ੍ਠਿਤਾ।
Jahatikathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੪. ਜਹਤਿਕਥਾ • 4. Jahatikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੪. ਜਹਤਿਕਥਾવਣ੍ਣਨਾ • 4. Jahatikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੪. ਜਹਤਿਕਥਾવਣ੍ਣਨਾ • 4. Jahatikathāvaṇṇanā
