| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
4. ж̇ахад̇игат̇ааван̣н̣анаа
4. Jahatikathāvaṇṇanā
1. насуд̇д̇аахаран̣агат̇ааван̣н̣анаа
1. Nasuttāharaṇakathāvaṇṇanā
280. яад̣̇иби баал̣ияам̣ ‘‘д̇аяо маг̇г̇з бхаавзд̇ий’’д̇и вуд̇д̇ам̣, маг̇г̇абхааванаа бана яаавад̣̇зва гилзсасамужчинд̣̇анад̇т̇аад̇и н̃ад̇ваа ‘‘гижжасаб̣бхааванд̇и д̇ийхи бахаад̇аб̣б̣асса бахийнад̇а’’нд̇и ааха. д̇ад̇т̇а д̇ийхийд̇и хздтимзхи д̇ийхи арияамаг̇г̇зхи бахаад̇аб̣б̣асса аж̇жхад̇д̇асам̣яож̇анасса бахийнад̇ам̣ самужчинд̣̇ананд̇и ад̇т̇о. д̇ам̣ бана гижжанд̇и ад̇хобхааг̇ияасам̣яож̇анзсу маг̇г̇асса бахаанаабхисамаяагижжам̣. д̇знзва маг̇г̇знаад̇и анааг̇аамимаг̇г̇знзва. зд̇ам̣ на самзд̇ийд̇и звам̣ маг̇г̇уббаад̣̇ад̇о баг̇зва гаамарааг̇аб̣яаабаад̣̇аа бахийяанд̇ийд̇и лад̣̇д̇хигид̇д̇анам̣ иминаа маг̇г̇асса гижжасаб̣бхаавагат̇анзна на самзд̇и на яуж̇ж̇ад̇и. д̇асмаад̇и иминаа яат̇аавуд̇д̇амзва вирод̇хам̣ бажжаамасад̇и. бахийнаананд̇и вигкамбхид̇аанам̣. яо хи жхааналаабхий жхаанзна яат̇аавигкамбхид̇з гилзсз маг̇г̇зна самужчинд̣̇ад̇и, со ид̇хаад̇хиббзд̇о. д̇знааха ‘‘д̣̇ассанамаг̇г̇з…бз… ад̇хиббааяо’’д̇и.
280. Yadipi pāḷiyaṃ ‘‘tayo magge bhāvetī’’ti vuttaṃ, maggabhāvanā pana yāvadeva kilesasamucchindanatthāti ñatvā ‘‘kiccasabbhāvanti tīhi pahātabbassa pahīnata’’nti āha. Tattha tīhīti heṭṭhimehi tīhi ariyamaggehi pahātabbassa ajjhattasaṃyojanassa pahīnataṃ samucchindananti attho. Taṃ pana kiccanti adhobhāgiyasaṃyojanesu maggassa pahānābhisamayakiccaṃ. Teneva maggenāti anāgāmimaggeneva. Etaṃ na sametīti evaṃ magguppādato pageva kāmarāgabyāpādā pahīyantīti laddhikittanaṃ iminā maggassa kiccasabbhāvakathanena na sameti na yujjati. Tasmāti iminā yathāvuttameva virodhaṃ paccāmasati. Pahīnānanti vikkhambhitānaṃ. Yo hi jhānalābhī jhānena yathāvikkhambhite kilese maggena samucchindati, so idhādhippeto. Tenāha ‘‘dassanamagge…pe… adhippāyo’’ti.
ж̇ахад̇игат̇ааван̣н̣анаа нидтид̇аа.
Jahatikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / 4. ж̇ахад̇игат̇аа • 4. Jahatikathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 4. ж̇ахад̇игат̇аа • 4. Jahatikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. ж̇ахад̇игат̇ааван̣н̣анаа • 4. Jahatikathāvaṇṇanā
