| Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya |
7. ж̇аалияасуд̇д̇ам̣
7. Jāliyasuttaṃ
д̣̇взбаб̣б̣аж̇ид̇авад̇т̇у
Dvepabbajitavatthu
378. звам̣ мз суд̇ам̣ – згам̣ самаяам̣ бхаг̇аваа госамб̣ияам̣ вихарад̇и гхосид̇аараамз. д̇зна ко бана самаязна д̣̇вз баб̣б̣аж̇ид̇аа – мун̣д̣ияо жа бариб̣б̣ааж̇аго ж̇аалияо жа д̣̇аарубад̇д̇иганд̇зваасий язна бхаг̇аваа д̇знубасан̇гамим̣су; убасан̇гамид̇ваа бхаг̇авад̇аа сад̣̇д̇хим̣ саммод̣̇им̣су. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ адтам̣су. згаманд̇ам̣ тид̇аа ко д̇з д̣̇вз баб̣б̣аж̇ид̇аа бхаг̇аванд̇ам̣ зд̇ад̣̇авожум̣ – ‘‘гим̣ ну ко, аавусо г̇од̇ама, д̇ам̣ ж̇ийвам̣ д̇ам̣ сарийрам̣, уд̣̇ааху ан̃н̃ам̣ ж̇ийвам̣ ан̃н̃ам̣ сарийра’’нд̇и?
378. Evaṃ me sutaṃ – ekaṃ samayaṃ bhagavā kosambiyaṃ viharati ghositārāme. Tena kho pana samayena dve pabbajitā – muṇḍiyo ca paribbājako jāliyo ca dārupattikantevāsī yena bhagavā tenupasaṅkamiṃsu; upasaṅkamitvā bhagavatā saddhiṃ sammodiṃsu. Sammodanīyaṃ kathaṃ sāraṇīyaṃ vītisāretvā ekamantaṃ aṭṭhaṃsu. Ekamantaṃ ṭhitā kho te dve pabbajitā bhagavantaṃ etadavocuṃ – ‘‘kiṃ nu kho, āvuso gotama, taṃ jīvaṃ taṃ sarīraṃ, udāhu aññaṃ jīvaṃ aññaṃ sarīra’’nti?
379. ‘‘д̇зна хаавусо, сун̣аат̇а саад̇хугам̣ манаси гарот̇а; бхаасиссаамий’’д̇и. ‘‘звамаавусо’’д̇и ко д̇з д̣̇вз баб̣б̣аж̇ид̇аа бхаг̇авад̇о бажжассосум̣. бхаг̇аваа зд̇ад̣̇авожа – ‘‘ид̇хаавусо, д̇ат̇ааг̇ад̇о логз уббаж̇ж̇ад̇и арахам̣, саммаасамб̣уд̣̇д̇хо…бз… (яат̇аа 190-212 анужчзд̣̇зсу звам̣ вид̇т̇аарзд̇аб̣б̣ам̣). звам̣ ко, аавусо, бхигку сийласамбанно ход̇и…бз… батамам̣ жхаанам̣ убасамбаж̇ж̇а вихарад̇и. яо ко, аавусо, бхигку звам̣ ж̇аанаад̇и звам̣ бассад̇и , галлам̣ ну ко д̇ассзд̇ам̣ важанааяа – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваад̇и. яо со, аавусо, бхигку звам̣ ж̇аанаад̇и звам̣ бассад̇и, галлам̣ д̇ассзд̇ам̣ важанааяа – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваад̇и. ахам̣ ко банзд̇ам̣, аавусо, звам̣ ж̇аанаами звам̣ бассаами. ат̇а жа банаахам̣ на вад̣̇аами – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваа…бз… д̣̇уд̇ияам̣ жхаанам̣…бз… д̇ад̇ияам̣ жхаанам̣…бз… жад̇уд̇т̇ам̣ жхаанам̣ убасамбаж̇ж̇а вихарад̇и. яо ко, аавусо, бхигку звам̣ ж̇аанаад̇и звам̣ бассад̇и, галлам̣ ну ко д̇ассзд̇ам̣ важанааяа – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваад̇и? яо со, аавусо, бхигку звам̣ ж̇аанаад̇и звам̣ бассад̇и галлам̣, д̇ассзд̇ам̣ важанааяа – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваад̇и. ахам̣ ко банзд̇ам̣, аавусо, звам̣ ж̇аанаами звам̣ бассаами. ат̇а жа банаахам̣ на вад̣̇аами – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваа…бз… н̃аан̣ад̣̇ассанааяа жид̇д̇ам̣ абхинийхарад̇и абхининнаамзд̇и…бз… яо ко, аавусо, бхигку звам̣ ж̇аанаад̇и звам̣ бассад̇и, галлам̣ ну ко д̇ассзд̇ам̣ важанааяа – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваад̇и. яо со, аавусо, бхигку звам̣ ж̇аанаад̇и звам̣ бассад̇и галлам̣ д̇ассзд̇ам̣ важанааяа – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваад̇и. ахам̣ ко банзд̇ам̣, аавусо, звам̣ ж̇аанаами звам̣ бассаами. ат̇а жа банаахам̣ на вад̣̇аами – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваа…бз….
379. ‘‘Tena hāvuso, suṇātha sādhukaṃ manasi karotha; bhāsissāmī’’ti. ‘‘Evamāvuso’’ti kho te dve pabbajitā bhagavato paccassosuṃ. Bhagavā etadavoca – ‘‘idhāvuso, tathāgato loke uppajjati arahaṃ, sammāsambuddho…pe… (yathā 190-212 anucchedesu evaṃ vitthāretabbaṃ). Evaṃ kho, āvuso, bhikkhu sīlasampanno hoti…pe… paṭhamaṃ jhānaṃ upasampajja viharati. Yo kho, āvuso, bhikkhu evaṃ jānāti evaṃ passati , kallaṃ nu kho tassetaṃ vacanāya – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vāti. Yo so, āvuso, bhikkhu evaṃ jānāti evaṃ passati, kallaṃ tassetaṃ vacanāya – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vāti. Ahaṃ kho panetaṃ, āvuso, evaṃ jānāmi evaṃ passāmi. Atha ca panāhaṃ na vadāmi – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vā…pe… dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ upasampajja viharati. Yo kho, āvuso, bhikkhu evaṃ jānāti evaṃ passati, kallaṃ nu kho tassetaṃ vacanāya – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vāti? Yo so, āvuso, bhikkhu evaṃ jānāti evaṃ passati kallaṃ, tassetaṃ vacanāya – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vāti. Ahaṃ kho panetaṃ, āvuso, evaṃ jānāmi evaṃ passāmi. Atha ca panāhaṃ na vadāmi – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vā…pe… ñāṇadassanāya cittaṃ abhinīharati abhininnāmeti…pe… yo kho, āvuso, bhikkhu evaṃ jānāti evaṃ passati, kallaṃ nu kho tassetaṃ vacanāya – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vāti. Yo so, āvuso, bhikkhu evaṃ jānāti evaṃ passati kallaṃ tassetaṃ vacanāya – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vāti. Ahaṃ kho panetaṃ, āvuso, evaṃ jānāmi evaṃ passāmi. Atha ca panāhaṃ na vadāmi – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vā…pe….
380. …бз… наабарам̣ ид̇т̇ад̇д̇ааяаад̇и баж̇аанаад̇и. яо ко, аавусо, бхигку звам̣ ж̇аанаад̇и звам̣ бассад̇и, галлам̣ ну ко д̇ассзд̇ам̣ важанааяа – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваад̇и? яо со, аавусо, бхигку звам̣ ж̇аанаад̇и звам̣ бассад̇и, на галлам̣ д̇ассзд̇ам̣ важанааяа – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваад̇и. ахам̣ ко банзд̇ам̣, аавусо, звам̣ ж̇аанаами звам̣ бассаами. ат̇а жа банаахам̣ на вад̣̇аами – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваа’’д̇и. ид̣̇амавожа бхаг̇аваа. ад̇д̇аманаа д̇з д̣̇вз баб̣б̣аж̇ид̇аа бхаг̇авад̇о бхаасид̇ам̣ абхинанд̣̇унд̇и.
380. …Pe… nāparaṃ itthattāyāti pajānāti. Yo kho, āvuso, bhikkhu evaṃ jānāti evaṃ passati, kallaṃ nu kho tassetaṃ vacanāya – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vāti? Yo so, āvuso, bhikkhu evaṃ jānāti evaṃ passati, na kallaṃ tassetaṃ vacanāya – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vāti. Ahaṃ kho panetaṃ, āvuso, evaṃ jānāmi evaṃ passāmi. Atha ca panāhaṃ na vadāmi – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vā’’ti. Idamavoca bhagavā. Attamanā te dve pabbajitā bhagavato bhāsitaṃ abhinandunti.
ж̇аалияасуд̇д̇ам̣ нидтид̇ам̣ сад̇д̇амам̣.
Jāliyasuttaṃ niṭṭhitaṃ sattamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 7. ж̇аалияасуд̇д̇аван̣н̣анаа • 7. Jāliyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 7. ж̇аалияасуд̇д̇аван̣н̣анаа • 7. Jāliyasuttavaṇṇanā
