| Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā) |
7. ж̇аалияасуд̇д̇аван̣н̣анаа
7. Jāliyasuttavaṇṇanā
д̣̇вз баб̣б̣аж̇ид̇авад̇т̇уван̣н̣анаа
Dve pabbajitavatthuvaṇṇanā
378. звам̣ мз суд̇ам̣…бз… госамб̣ияанд̇и ж̇аалияасуд̇д̇ам̣. д̇ад̇рааяам̣ абуб̣б̣абад̣̇аван̣н̣анаа. гхосид̇аараамзд̇и гхосид̇зна сздтинаа гад̇з аараамз. буб̣б̣з гира аллагаббарадтам̣ наама ахоси. д̇ад̇о год̇уухалиго наама д̣̇алид̣̇д̣̇о чаад̇агабхаязна сабуд̇д̇ад̣̇ааро аванд̇ирадтам̣ г̇ажчанд̇о буд̇д̇ам̣ вахид̇ум̣ асаггонд̇о чад̣д̣зд̇ваа аг̇амааси, маад̇аа нивад̇д̇ид̇ваа д̇ам̣ г̇ахзд̇ваа г̇ад̇аа, д̇з згам̣ г̇обаалагаг̇аамам̣ бависим̣су. г̇обаалагзна жа д̇ад̣̇аа б̣ахубааяаасо бадияад̇д̇о ход̇и, д̇з д̇ад̇о бааяаасам̣ лабхид̇ваа бхун̃ж̇им̣су. ат̇а со бурисо б̣алавабааяаасам̣ бхуд̇д̇о ж̇ийраабзд̇ум̣ асаггонд̇о рад̇д̇ибхааг̇з гаалам̣ гад̇ваа д̇ад̇т̇зва сунакияаа гужчисмим̣ бадисанд̇хим̣ г̇ахзд̇ваа гуггуро ж̇аад̇о, со г̇обаалагасса бияо ахоси. г̇обаалаго жа бажжзгаб̣уд̣̇д̇хам̣ убадтахад̇и. бажжзгаб̣уд̣̇д̇хоби бхад̇д̇агижжабарияосаанз гуггурасса згзгам̣ бин̣д̣ам̣ д̣̇зд̇и, со бажжзгаб̣уд̣̇д̇хз синзхам̣ уббаад̣̇зд̇ваа г̇обаалагзна сад̣̇д̇хим̣ бан̣н̣асааламби г̇ажчад̇и. г̇обаалагз асаннихид̇з бхад̇д̇авзлааяам̣ саяамзва г̇анд̇ваа гаалаарожанад̇т̇ам̣ бан̣н̣асаалад̣̇ваарз бхуссад̇и, анд̇араамаг̇г̇зби жан̣д̣амиг̇з д̣̇исваа бхуссид̇ваа балаабзд̇и. со бажжзгаб̣уд̣̇д̇хз муд̣̇угзна жид̇д̇зна гаалам̣гад̇ваа д̣̇звалогз ниб̣б̣ад̇д̇и . д̇ад̇расса гхосагад̣̇звабуд̇д̇о д̇взва наамам̣ ахоси. со д̣̇звалогад̇о жавид̇ваа госамб̣ияам̣ згасса гуласса гхарз ниб̣б̣ад̇д̇и. д̇ам̣ абуд̇д̇аго сздти д̇асса маад̇аабид̇уунам̣ д̇ханам̣ д̣̇ад̇ваа буд̇д̇ам̣ гад̇ваа аг̇г̇ахзси. ат̇а ад̇д̇ано буд̇д̇з ж̇аад̇з сад̇д̇агкад̇д̇ум̣ гхаад̇аабзд̇ум̣ убаггами. со бун̃н̃аванд̇ад̇ааяа сад̇д̇асуби таанзсу маран̣ам̣ аббад̇ваа авасаанз згааяа сздтид̇хийд̇ааяа взяяад̇д̇иязна лад̣̇д̇хаж̇ийвид̇о абарабхааг̇з бид̇уажжаязна сздтидтаанам̣ бад̇ваа гхосагасздти наама ж̇аад̇о. ан̃н̃зби госамб̣ияам̣ гуггудасздти , бааваарияасздтийд̇и д̣̇вз сздтино ад̇т̇и, иминаа сад̣̇д̇хим̣ д̇аяо ахзсум̣.
378.Evaṃme sutaṃ…pe… kosambiyanti jāliyasuttaṃ. Tatrāyaṃ apubbapadavaṇṇanā. Ghositārāmeti ghositena seṭṭhinā kate ārāme. Pubbe kira allakapparaṭṭhaṃ nāma ahosi. Tato kotūhaliko nāma daliddo chātakabhayena saputtadāro avantiraṭṭhaṃ gacchanto puttaṃ vahituṃ asakkonto chaḍḍetvā agamāsi, mātā nivattitvā taṃ gahetvā gatā, te ekaṃ gopālakagāmaṃ pavisiṃsu. Gopālakena ca tadā bahupāyāso paṭiyatto hoti, te tato pāyāsaṃ labhitvā bhuñjiṃsu. Atha so puriso balavapāyāsaṃ bhutto jīrāpetuṃ asakkonto rattibhāge kālaṃ katvā tattheva sunakhiyā kucchismiṃ paṭisandhiṃ gahetvā kukkuro jāto, so gopālakassa piyo ahosi. Gopālako ca paccekabuddhaṃ upaṭṭhahati. Paccekabuddhopi bhattakiccapariyosāne kukkurassa ekekaṃ piṇḍaṃ deti, so paccekabuddhe sinehaṃ uppādetvā gopālakena saddhiṃ paṇṇasālampi gacchati. Gopālake asannihite bhattavelāyaṃ sayameva gantvā kālārocanatthaṃ paṇṇasāladvāre bhussati, antarāmaggepi caṇḍamige disvā bhussitvā palāpeti. So paccekabuddhe mudukena cittena kālaṃkatvā devaloke nibbatti . Tatrassa ghosakadevaputto tveva nāmaṃ ahosi. So devalokato cavitvā kosambiyaṃ ekassa kulassa ghare nibbatti. Taṃ aputtako seṭṭhi tassa mātāpitūnaṃ dhanaṃ datvā puttaṃ katvā aggahesi. Atha attano putte jāte sattakkhattuṃ ghātāpetuṃ upakkami. So puññavantatāya sattasupi ṭhānesu maraṇaṃ appatvā avasāne ekāya seṭṭhidhītāya veyyattiyena laddhajīvito aparabhāge pituaccayena seṭṭhiṭṭhānaṃ patvā ghosakaseṭṭhi nāma jāto. Aññepi kosambiyaṃ kukkuṭaseṭṭhi , pāvāriyaseṭṭhīti dve seṭṭhino atthi, iminā saddhiṃ tayo ahesuṃ.
д̇зна жа самаязна химаванд̇ад̇о бан̃жасад̇ад̇аабасаа сарийрасанд̇аббанад̇т̇ам̣ анд̇аранд̇араагосамб̣им̣ ааг̇ажчанд̇и , д̇зсам̣ зд̇з д̇аяо сздтий ад̇д̇ано ад̇д̇ано уяяаанзсу бан̣н̣агудияо гад̇ваа убадтаанам̣ гаронд̇и. ат̇згад̣̇ивасам̣ д̇з д̇аабасаа химаванд̇ад̇о ааг̇ажчанд̇аа махааганд̇аарз д̇асид̇аа гиланд̇аа згам̣ маханд̇ам̣ вадаругкам̣ бад̇ваа д̇ад̇т̇а ад̇хивад̇т̇ааяа д̣̇звад̇ааяа санд̇игаа сан̇г̇ахам̣ бажжаасисанд̇аа нисийд̣̇им̣су. д̣̇звад̇аа саб̣б̣аалан̇гааравибхуусид̇ам̣ хад̇т̇ам̣ басаарзд̇ваа д̇зсам̣ баанийяабаанагаад̣̇ийни д̣̇ад̇ваа гиламат̇ам̣ бадивинод̣̇зси, зд̇з д̣̇звад̇ааяаанубхаавзна вимхид̇аа бужчим̣су – ‘‘гим̣ ну ко, д̣̇звад̇з, гаммам̣ гад̇ваа д̇аяаа аяам̣ самбад̇д̇и лад̣̇д̇хаа’’д̇и? д̣̇звад̇аа ааха – ‘‘логз б̣уд̣̇д̇хо наама бхаг̇аваа уббанно, со зд̇арахи саавад̇т̇ияам̣ вихарад̇и, анаат̇абин̣д̣иго г̇ахабад̇и д̇ам̣ убадтахад̇и. со убосат̇ад̣̇ивасзсу ад̇д̇ано бхад̇агаанам̣ багад̇ибхад̇д̇авзд̇анамзва д̣̇ад̇ваа убосат̇ам̣ гаараабзси. ат̇аахам̣ згад̣̇ивасам̣ маж̇жханхигз баад̇араасад̇т̇ааяа ааг̇ад̇о ган̃жи бхад̇агагаммам̣ агаронд̇ам̣ д̣̇исваа – ‘аж̇ж̇а мануссаа гасмаа гаммам̣ на гаронд̇ий’д̇и бужчим̣. д̇асса мз д̇амад̇т̇ам̣ аарожзсум̣. ат̇аахам̣ зд̇ад̣̇авожам̣ – ‘ид̣̇аани убад̣дхад̣̇ивасо г̇ад̇о, саггаа ну ко убад̣дхубосат̇ам̣ гаад̇у’нд̇и. д̇ад̇о сздтисса бадивзд̣̇зд̇ваа ‘‘саггаа гаад̇у’’нд̇и ааха. сваахам̣ убад̣дхад̣̇ивасам̣ убад̣дхубосат̇ам̣ самаад̣̇ияид̇ваа д̇ад̣̇ахзва гаалам̣ гад̇ваа имам̣ самбад̇д̇им̣ бадилабхи’’нд̇и.
Tena ca samayena himavantato pañcasatatāpasā sarīrasantappanatthaṃ antarantarākosambiṃ āgacchanti , tesaṃ ete tayo seṭṭhī attano attano uyyānesu paṇṇakuṭiyo katvā upaṭṭhānaṃ karonti. Athekadivasaṃ te tāpasā himavantato āgacchantā mahākantāre tasitā kilantā ekaṃ mahantaṃ vaṭarukkhaṃ patvā tattha adhivatthāya devatāya santikā saṅgahaṃ paccāsisantā nisīdiṃsu. Devatā sabbālaṅkāravibhūsitaṃ hatthaṃ pasāretvā tesaṃ pānīyapānakādīni datvā kilamathaṃ paṭivinodesi, ete devatāyānubhāvena vimhitā pucchiṃsu – ‘‘kiṃ nu kho, devate, kammaṃ katvā tayā ayaṃ sampatti laddhā’’ti? Devatā āha – ‘‘loke buddho nāma bhagavā uppanno, so etarahi sāvatthiyaṃ viharati, anāthapiṇḍiko gahapati taṃ upaṭṭhahati. So uposathadivasesu attano bhatakānaṃ pakatibhattavetanameva datvā uposathaṃ kārāpesi. Athāhaṃ ekadivasaṃ majjhanhike pātarāsatthāya āgato kañci bhatakakammaṃ akarontaṃ disvā – ‘ajja manussā kasmā kammaṃ na karontī’ti pucchiṃ. Tassa me tamatthaṃ ārocesuṃ. Athāhaṃ etadavocaṃ – ‘idāni upaḍḍhadivaso gato, sakkā nu kho upaḍḍhuposathaṃ kātu’nti. Tato seṭṭhissa paṭivedetvā ‘‘sakkā kātu’’nti āha. Svāhaṃ upaḍḍhadivasaṃ upaḍḍhuposathaṃ samādiyitvā tadaheva kālaṃ katvā imaṃ sampattiṃ paṭilabhi’’nti.
ат̇а д̇з д̇аабасаа ‘‘б̣уд̣̇д̇хо гира уббанно’’д̇и сан̃ж̇аад̇абийд̇ибаамож̇ж̇аа д̇ад̇ова саавад̇т̇им̣ г̇анд̇угаамаа худ̇вааби – ‘‘б̣ахугаараа но убадтаагасздтино д̇зсамби имамад̇т̇амаарожзссаамаа’’д̇и госамб̣им̣ г̇анд̇ваа сздтийхи гад̇асаггаараб̣ахумаанаа ‘‘д̇ад̣̇ахзва маяам̣ г̇ажчаамаа’’д̇и аахам̣су. ‘‘гим̣, бханд̇з, д̇урид̇аад̇т̇а, нану д̇умхз буб̣б̣з жад̇д̇ааро бан̃жа маасз васид̇ваа г̇ажчат̇аа’’д̇и жа вуд̇д̇з д̇ам̣ бавад̇д̇им̣ аарожзсум̣. ‘‘д̇зна хи, бханд̇з, сахзва г̇ажчаамаа’’д̇и жа вуд̇д̇з ‘‘г̇ажчаама маяам̣, д̇умхз сан̣игам̣ ааг̇ажчат̇аа’’д̇и саавад̇т̇им̣ г̇анд̇ваа бхаг̇авад̇о санд̇игз баб̣б̣аж̇ид̇ваа арахад̇д̇ам̣ баабун̣им̣су. д̇зби сздтино бан̃жасад̇абан̃жасад̇асагадабариваараа саавад̇т̇им̣ г̇анд̇ваа д̣̇аанаад̣̇ийни д̣̇ад̇ваа госамб̣им̣ ааг̇аманад̇т̇ааяа бхаг̇аванд̇ам̣ яаажид̇ваа бажжааг̇амма д̇аяо вихаарз гаарзсум̣. д̇зсу гуггудасздтинаа гад̇о гуггудаараамо наама, бааваарияасздтинаа гад̇о баавааригамб̣аванам̣ наама, гхосид̇асздтинаа гад̇о гхосид̇аараамо наама ахоси. д̇ам̣ санд̇хааяа вуд̇д̇ам̣ – ‘‘госамб̣ияам̣ вихарад̇и гхосид̇аараамз’’д̇и.
Atha te tāpasā ‘‘buddho kira uppanno’’ti sañjātapītipāmojjā tatova sāvatthiṃ gantukāmā hutvāpi – ‘‘bahukārā no upaṭṭhākaseṭṭhino tesampi imamatthamārocessāmā’’ti kosambiṃ gantvā seṭṭhīhi katasakkārabahumānā ‘‘tadaheva mayaṃ gacchāmā’’ti āhaṃsu. ‘‘Kiṃ, bhante, turitāttha, nanu tumhe pubbe cattāro pañca māse vasitvā gacchathā’’ti ca vutte taṃ pavattiṃ ārocesuṃ. ‘‘Tena hi, bhante, saheva gacchāmā’’ti ca vutte ‘‘gacchāma mayaṃ, tumhe saṇikaṃ āgacchathā’’ti sāvatthiṃ gantvā bhagavato santike pabbajitvā arahattaṃ pāpuṇiṃsu. Tepi seṭṭhino pañcasatapañcasatasakaṭaparivārā sāvatthiṃ gantvā dānādīni datvā kosambiṃ āgamanatthāya bhagavantaṃ yācitvā paccāgamma tayo vihāre kāresuṃ. Tesu kukkuṭaseṭṭhinā kato kukkuṭārāmo nāma, pāvāriyaseṭṭhinā kato pāvārikambavanaṃ nāma, ghositaseṭṭhinā kato ghositārāmo nāma ahosi. Taṃ sandhāya vuttaṃ – ‘‘kosambiyaṃ viharati ghositārāme’’ti.
мун̣д̣ияод̇и ид̣̇ам̣ д̇асса наамам̣. ж̇аалияод̇и ид̣̇амби ид̇арасса наамамзва. яасмаа банасса убаж̇жхааяо д̣̇аарумаязна бад̇д̇зна бин̣д̣ааяа жарад̇и, д̇асмаа д̣̇аарубад̇д̇иганд̇зваасийд̇и вужжад̇и. зд̇ад̣̇авожунд̇и убаарамбхаад̇хиббааязна ваад̣̇ам̣ ааробзд̇угаамаа худ̇ваа зд̇ад̣̇авожум̣. ид̇и гира нзсам̣ ахоси, сажз саман̣о г̇од̇амо ‘‘д̇ам̣ ж̇ийвам̣ д̇ам̣ сарийра’’нд̇и вагкад̇и, ат̇асса маяам̣ зд̇ам̣ ваад̣̇ам̣ ааробзссаама – ‘‘бхо г̇од̇ама, д̇умхаагам̣ лад̣̇д̇хияаа ид̇хзва сад̇д̇о бхиж̇ж̇ад̇и, д̇зна во ваад̣̇о ужчзд̣̇аваад̣̇о ход̇ий’’д̇и. сажз бана ‘‘ан̃н̃ам̣ ж̇ийвам̣ ан̃н̃ам̣ сарийра’’нд̇и вагкад̇и, ат̇ассзд̇ам̣ ваад̣̇ам̣ ааробзссаама ‘‘д̇умхаагам̣ ваад̣̇з руубам̣ бхиж̇ж̇ад̇и, на сад̇д̇о бхиж̇ж̇ад̇и. д̇зна во ваад̣̇з сад̇д̇о сассад̇о аабаж̇ж̇ад̇ий’’д̇и. ат̇а бхаг̇аваа ‘‘имз ваад̣̇ааробанад̇т̇ааяа бан̃хам̣ бужчанд̇и, мама саасанз имз д̣̇вз анд̇з анубаг̇амма маж̇жхимаа бадибад̣̇аа ад̇т̇ийд̇и на ж̇аананд̇и, ханд̣̇а нзсам̣ бан̃хам̣ ависсаж̇ж̇зд̇ваа д̇ассааязва бадибад̣̇ааяа аавибхаавад̇т̇ам̣ д̇хаммам̣ д̣̇зсзмий’’д̇и жинд̇зд̇ваа ‘‘д̇зна хаавусо’’д̇иаад̣̇имааха.
Muṇḍiyoti idaṃ tassa nāmaṃ. Jāliyoti idampi itarassa nāmameva. Yasmā panassa upajjhāyo dārumayena pattena piṇḍāya carati, tasmā dārupattikantevāsīti vuccati. Etadavocunti upārambhādhippāyena vādaṃ āropetukāmā hutvā etadavocuṃ. Iti kira nesaṃ ahosi, sace samaṇo gotamo ‘‘taṃ jīvaṃ taṃ sarīra’’nti vakkhati, athassa mayaṃ etaṃ vādaṃ āropessāma – ‘‘bho gotama, tumhākaṃ laddhiyā idheva satto bhijjati, tena vo vādo ucchedavādo hotī’’ti. Sace pana ‘‘aññaṃ jīvaṃ aññaṃ sarīra’’nti vakkhati, athassetaṃ vādaṃ āropessāma ‘‘tumhākaṃ vāde rūpaṃ bhijjati, na satto bhijjati. Tena vo vāde satto sassato āpajjatī’’ti. Atha bhagavā ‘‘ime vādāropanatthāya pañhaṃ pucchanti, mama sāsane ime dve ante anupagamma majjhimā paṭipadā atthīti na jānanti, handa nesaṃ pañhaṃ avissajjetvā tassāyeva paṭipadāya āvibhāvatthaṃ dhammaṃ desemī’’ti cintetvā ‘‘tena hāvuso’’tiādimāha.
379-380. д̇ад̇т̇а галлам̣ ну ко д̇ассзд̇ам̣ важанааяаад̇и д̇ассзд̇ам̣ сад̣̇д̇хаабаб̣б̣аж̇ид̇асса д̇ивид̇хам̣ сийлам̣ барибуурзд̇ваа батамаж̇жхаанам̣ бад̇д̇асса яуд̇д̇ам̣ ну ко зд̇ам̣ вад̇д̇унд̇и ад̇т̇о. д̇ам̣ суд̇ваа бариб̣б̣ааж̇агаа бут̇уж̇ж̇ано наама яасмаа ниб̣б̣ижигижчо на ход̇и, д̇асмаа гад̣̇аажи звам̣ вад̣̇зяяаад̇и ман̃н̃амаанаа – ‘‘галлам̣ д̇ассзд̇ам̣ важанааяаа’’д̇и аахам̣су. ат̇а жа банаахам̣ на вад̣̇аамийд̇и ахам̣ зд̇амзвам̣ ж̇аанаами, но жа звам̣ вад̣̇аами, ат̇а ко гасин̣абаригаммам̣ гад̇ваа бхаавзнд̇асса бан̃н̃ааб̣алзна уббаннам̣ махаг̇г̇ад̇ажид̇д̇амзд̇анд̇и сан̃н̃ам̣ табзсим̣. на галлам̣ д̇ассзд̇анд̇и ид̣̇ам̣ д̇з бариб̣б̣ааж̇агаа – ‘‘яасмаа кийн̣аасаво виг̇ад̇асаммохо д̇ин̣н̣авижигижчо, д̇асмаа на яуд̇д̇ам̣ д̇ассзд̇ам̣ вад̇д̇у’’нд̇и ман̃н̃амаанаа вад̣̇анд̇и. сзсамзд̇т̇а уд̇д̇аанад̇т̇амзваад̇и.
379-380. Tattha kallaṃ nu kho tassetaṃ vacanāyāti tassetaṃ saddhāpabbajitassa tividhaṃ sīlaṃ paripūretvā paṭhamajjhānaṃ pattassa yuttaṃ nu kho etaṃ vattunti attho. Taṃ sutvā paribbājakā puthujjano nāma yasmā nibbicikiccho na hoti, tasmā kadāci evaṃ vadeyyāti maññamānā – ‘‘kallaṃ tassetaṃ vacanāyā’’ti āhaṃsu. Atha ca panāhaṃ na vadāmīti ahaṃ etamevaṃ jānāmi, no ca evaṃ vadāmi, atha kho kasiṇaparikammaṃ katvā bhāventassa paññābalena uppannaṃ mahaggatacittametanti saññaṃ ṭhapesiṃ. Nakallaṃ tassetanti idaṃ te paribbājakā – ‘‘yasmā khīṇāsavo vigatasammoho tiṇṇavicikiccho, tasmā na yuttaṃ tassetaṃ vattu’’nti maññamānā vadanti. Sesamettha uttānatthamevāti.
ид̇и суман̇г̇алавилаасинияаа д̣̇ийгханигааяадтагат̇ааяам̣
Iti sumaṅgalavilāsiniyā dīghanikāyaṭṭhakathāyaṃ
ж̇аалияасуд̇д̇аван̣н̣анаа нидтид̇аа.
Jāliyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 7. ж̇аалияасуд̇д̇ам̣ • 7. Jāliyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 7. ж̇аалияасуд̇д̇аван̣н̣анаа • 7. Jāliyasuttavaṇṇanā
