| Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā) |
7. ж̇аалияасуд̇д̇аван̣н̣анаа
7. Jāliyasuttavaṇṇanā
д̣̇взбаб̣б̣аж̇ид̇авад̇т̇уван̣н̣анаа
Dvepabbajitavatthuvaṇṇanā
378. ‘‘гхосид̇зна сздтинаа гад̇з аараамз’’д̇и вад̇ваа д̇ад̇т̇а гояам̣ гхосид̇асздти наама, гат̇ан̃жаанзна аараамо гаарид̇о, гат̇ам̣ ваа д̇ад̇т̇а бхаг̇аваа вихаасийд̇и д̇ам̣ саб̣б̣ам̣ самуд̣̇ааг̇амад̇о бадтааяа сан̇кзбад̇ова д̣̇ассзд̇ум̣ ‘‘буб̣б̣з гираа’’д̇иаад̣̇и вуд̇д̇ам̣. д̇ад̇од̇и аллагаббарадтад̇о. д̇ад̣̇аад̇и д̇зсам̣ д̇ам̣ г̇аамам̣ бавидтад̣̇ивасз. б̣алавабааяаасанд̇и г̇аруд̇арам̣ б̣ахубааяаасам̣. асаннихид̇зд̇и г̇зхад̇о б̣ахи г̇ад̇з. бхуссад̇ийд̇и равад̇и. гхосагад̣̇звабуд̇д̇од̇взва наамам̣ ахоси сарагхосасамбад̇д̇ияаа. взяяад̇д̇иязнаад̇и бан̃н̃аавзяяад̇д̇иязна. гхосид̇асздти наама ж̇аад̇о д̇ааяа зва жасса сарасамбад̇д̇ияаа гхосид̇анаамад̇аа.
378. ‘‘Ghositena seṭṭhinā kate ārāme’’ti vatvā tattha koyaṃ ghositaseṭṭhi nāma, kathañcānena ārāmo kārito, kathaṃ vā tattha bhagavā vihāsīti taṃ sabbaṃ samudāgamato paṭṭhāya saṅkhepatova dassetuṃ ‘‘pubbe kirā’’tiādi vuttaṃ. Tatoti allakapparaṭṭhato. Tadāti tesaṃ taṃ gāmaṃ paviṭṭhadivase. Balavapāyāsanti garutaraṃ bahupāyāsaṃ. Asannihiteti gehato bahi gate. Bhussatīti ravati. Ghosakadevaputtotveva nāmaṃ ahosi saraghosasampattiyā. Veyyattiyenāti paññāveyyattiyena. Ghositaseṭṭhi nāma jāto tāya eva cassa sarasampattiyā ghositanāmatā.
сарийрасанд̇аббанад̇т̇анд̇и химаванд̇з паламуулаахаарад̇ааяа гиланд̇асарийраа лон̣амб̣иласзванзна д̇асса санд̇аббанад̇т̇ам̣ бийнанад̇т̇ам̣. д̇асид̇аад̇и бибаасид̇аа. гиланд̇аад̇и бариссанд̇агааяаа. д̇з гира д̇ам̣ вадаругкам̣ бад̇ваа д̇асса собхаасамбад̇д̇им̣ д̣̇исваа махаанубхааваа ман̃н̃з зд̇т̇а ад̇хивад̇т̇аа д̣̇звад̇аа, ‘‘саад̇ху вад̇ааяам̣ д̣̇звад̇аа амхаагам̣ ад̣̇д̇хаанабариссамам̣ винод̣̇зяяаа’’д̇и жинд̇зсум̣, д̇зна вуд̇д̇ам̣ ‘‘д̇ад̇т̇а ад̇хивад̇т̇аа…бз… нисийд̣̇им̣суу’’д̇и. сод̇и анаат̇абин̣д̣иго г̇ахабад̇и. бхад̇агаананд̇и бхад̇ияаа взяяааважжам̣ гаронд̇аанам̣ д̣̇аасабзсагаммагараанам̣. багад̇ибхад̇д̇авзд̇ананд̇и багад̇ияаа д̣̇аад̇аб̣б̣абхад̇д̇авзд̇анам̣, д̇ад̣̇аа убосат̇игад̇д̇аа гаммам̣ агаронд̇аанамби гаммагаран̣ад̣̇ивасзна д̣̇аад̇аб̣б̣абхад̇д̇авзд̇анамзваад̇и ад̇т̇о. ган̃жийд̇и ган̃жиби бхад̇агам̣.
Sarīrasantappanatthanti himavante phalamūlāhāratāya kilantasarīrā loṇambilasevanena tassa santappanatthaṃ pīnanatthaṃ. Tasitāti pipāsitā. Kilantāti parissantakāyā. Te kira taṃ vaṭarukkhaṃ patvā tassa sobhāsampattiṃ disvā mahānubhāvā maññe ettha adhivatthā devatā, ‘‘sādhu vatāyaṃ devatā amhākaṃ addhānaparissamaṃ vinodeyyā’’ti cintesuṃ, tena vuttaṃ ‘‘tattha adhivatthā…pe… nisīdiṃsū’’ti. Soti anāthapiṇḍiko gahapati. Bhatakānanti bhatiyā veyyāvaccaṃ karontānaṃ dāsapesakammakarānaṃ. Pakatibhattavetananti pakatiyā dātabbabhattavetanaṃ, tadā uposathikattā kammaṃ akarontānampi kammakaraṇadivasena dātabbabhattavetanamevāti attho. Kañcīti kañcipi bhatakaṃ.
убзжжа барасса ваажааяа аарамбханам̣ б̣аад̇ханам̣ убаарамбхо, д̣̇осад̣̇ассанавасзна гхаддананд̇и ад̇т̇о, д̇знааха ‘‘убаарамбхаад̇хиббааязна ваад̣̇ам̣ ааробзд̇угаамаа худ̇ваа’’д̇и. вад̣̇анд̇и нинд̣̇анавасзна гат̇знд̇и зд̇знаад̇и хи ваад̣̇о, д̣̇осо. д̇ам̣ ааробзд̇угаамаа, бад̇идтаабзд̇угаамаа худ̇ваад̇и ад̇т̇о. ‘‘д̇ам̣ ж̇ийвам̣ д̇ам̣ сарийра’’нд̇и, ид̇ха яам̣ вад̇т̇ум̣ ж̇ийвасан̃н̃ид̇ам̣, д̇ад̣̇зва сарийрасан̃н̃ид̇анд̇и ‘‘руубам̣ ад̇д̇ад̇о саманубассад̇ий’’д̇и ваад̣̇ам̣ г̇ахзд̇ваа вад̣̇анд̇и. руубан̃жа ад̇д̇аанан̃жа ад̣̇ваяам̣ гад̇ваа саманубассанавасзна ‘‘сад̇д̇о’’д̇и ваа б̣аахирагабаригаббид̇ам̣ ад̇д̇аанам̣ санд̇хааяа вад̣̇анд̇и. бхиж̇ж̇ад̇ийд̇и нируд̣̇аяавинаасавасзна винассад̇и. д̇зна ж̇ийвасарийраанам̣ анан̃н̃ад̇д̇аануж̇аананад̇о, сарийрасса жа бхзд̣̇ад̣̇ассанад̇о. на хзд̇т̇а яат̇аа бхзд̣̇авад̇аа сарийрад̇о анан̃н̃ад̇д̇аа ад̣̇идтоби ж̇ийвасса бхзд̣̇о вуд̇д̇о, звам̣ ад̣̇идтабхзд̣̇ад̇о анан̃н̃ад̇д̇аа сарийрассааби абхзд̣̇од̇и саггаа вин̃н̃аад̇ум̣ д̇асса бхзд̣̇асса бажжагкасид̣̇д̇хад̇д̇аа, бхууд̇убаад̣̇ааяаруубавинимуд̇д̇асса жа сарийрасса абхаавад̇од̇и ааха ‘‘ужчзд̣̇аваад̣̇о ход̇ий’’д̇и.
Upecca parassa vācāya ārambhanaṃ bādhanaṃ upārambho, dosadassanavasena ghaṭṭananti attho, tenāha ‘‘upārambhādhippāyena vādaṃ āropetukāmā hutvā’’ti. Vadanti nindanavasena kathenti etenāti hi vādo, doso. Taṃ āropetukāmā, patiṭṭhāpetukāmā hutvāti attho. ‘‘Taṃ jīvaṃ taṃ sarīra’’nti, idha yaṃ vatthuṃ jīvasaññitaṃ, tadeva sarīrasaññitanti ‘‘rūpaṃ attato samanupassatī’’ti vādaṃ gahetvā vadanti. Rūpañca attānañca advayaṃ katvā samanupassanavasena ‘‘satto’’ti vā bāhirakaparikappitaṃ attānaṃ sandhāya vadanti. Bhijjatīti nirudayavināsavasena vinassati. Tena jīvasarīrānaṃ anaññattānujānanato, sarīrassa ca bhedadassanato. Na hettha yathā bhedavatā sarīrato anaññattā adiṭṭhopi jīvassa bhedo vutto, evaṃ adiṭṭhabhedato anaññattā sarīrassāpi abhedoti sakkā viññātuṃ tassa bhedassa paccakkhasiddhattā, bhūtupādāyarūpavinimuttassa ca sarīrassa abhāvatoti āha ‘‘ucchedavādo hotī’’ti.
‘‘ан̃н̃ам̣ ж̇ийвам̣ ан̃н̃ам̣ сарийра’’нд̇и ан̃н̃ад̣̇зва вад̇т̇ум̣ ж̇ийвасан̃н̃ид̇ам̣, ан̃н̃ам̣ вад̇т̇ум̣ сарийрасан̃н̃ид̇анд̇и ‘‘руубаванд̇ам̣ ад̇д̇аанам̣ саманубассад̇ий’’д̇иаад̣̇инаяаббавад̇д̇ам̣ ваад̣̇ам̣ г̇ахзд̇ваа вад̣̇анд̇и. руубз бхзд̣̇асса д̣̇идтад̇д̇аа, ад̇д̇ани жа д̇ад̣̇абхаавад̇о ад̇д̇аа нижжод̇и аабаннамзваад̇и ааха ‘‘д̇умхаагам̣…бз… аабаж̇ж̇ад̇ий’’д̇и.
‘‘Aññaṃ jīvaṃ aññaṃ sarīra’’nti aññadeva vatthuṃ jīvasaññitaṃ, aññaṃ vatthuṃ sarīrasaññitanti ‘‘rūpavantaṃ attānaṃ samanupassatī’’tiādinayappavattaṃ vādaṃ gahetvā vadanti. Rūpe bhedassa diṭṭhattā, attani ca tadabhāvato attā niccoti āpannamevāti āha ‘‘tumhākaṃ…pe… āpajjatī’’ti.
379-380. д̇аяид̣̇ам̣ нзсам̣ ван̃жхаасуд̇асса д̣̇ийгхарассад̇аабаригаббанасад̣̇исанд̇и гад̇ваа табанийяояам̣ бан̃ход̇и д̇ад̇т̇а рааж̇анимийланам̣ гад̇ваа сад̇т̇аа убари нзсам̣ ‘‘д̇зна хаавусо сун̣аат̇аа’’д̇иаад̣̇инаа д̇хаммад̣̇зсанам̣ аарабхийд̇и ааха ‘‘ат̇а бхаг̇аваа’’д̇иаад̣̇и. д̇ассаа язваад̇и маж̇жхимааяа бадибад̣̇ааяа.
379-380. Tayidaṃ nesaṃ vañjhāsutassa dīgharassatāparikappanasadisanti katvā ṭhapanīyoyaṃ pañhoti tattha rājanimīlanaṃ katvā satthā upari nesaṃ ‘‘tena hāvuso suṇāthā’’tiādinā dhammadesanaṃ ārabhīti āha ‘‘atha bhagavā’’tiādi. Tassā yevāti majjhimāya paṭipadāya.
сад̣̇д̇хаабаб̣б̣аж̇ид̇ассаад̇и сад̣̇д̇хааяа баб̣б̣аж̇ид̇асса ‘‘звамахам̣ ид̇о ваддад̣̇угкад̇о ниссариссаамий’’д̇и звам̣ баб̣б̣аж̇ж̇ам̣ убаг̇ад̇асса д̇ад̣̇ануруубан̃жа сийлам̣ буурзд̇ваа батамаж̇жхаанзна самаахид̇ажид̇д̇асса. зд̇ам̣ вад̇д̇унд̇и зд̇ам̣ гилзсаваддабариб̣уд̣̇д̇хид̣̇ийбанам̣ ‘‘д̇ам̣ ж̇ийвам̣ д̇ам̣ сарийра’’нд̇иаад̣̇игам̣ д̣̇идтисам̣гилзсаниссид̇ам̣ важанам̣ вад̇д̇унд̇и ад̇т̇о. ниб̣б̣ижигижчо на ход̇ийд̇и д̇хаммзсу д̇ин̣н̣авижигижчо на ход̇и, д̇ад̇т̇а д̇ад̇т̇а аасаббанабарисаббанавасзна бавад̇д̇ад̇ийд̇и ад̇т̇о.
Saddhāpabbajitassāti saddhāya pabbajitassa ‘‘evamahaṃ ito vaṭṭadukkhato nissarissāmī’’ti evaṃ pabbajjaṃ upagatassa tadanurūpañca sīlaṃ pūretvā paṭhamajjhānena samāhitacittassa. Etaṃ vattunti etaṃ kilesavaṭṭaparibuddhidīpanaṃ ‘‘taṃ jīvaṃ taṃ sarīra’’ntiādikaṃ diṭṭhisaṃkilesanissitaṃ vacanaṃ vattunti attho. Nibbicikiccho na hotīti dhammesu tiṇṇavicikiccho na hoti, tattha tattha āsappanaparisappanavasena pavattatīti attho.
зд̇амзвам̣ ж̇аанаамийд̇и язна со бхигку батамам̣ жхаанам̣ убасамбаж̇ж̇а вихарад̇и, зд̇ам̣ сасамбаяуд̇д̇ад̇хаммам̣ жид̇д̇анд̇и звам̣ ж̇аанаами. но жа звам̣ вад̣̇аамийд̇и яат̇аа д̣̇идтиг̇ад̇игаа д̇ам̣ д̇хаммаж̇аад̇ам̣ саниссаяам̣ абхзд̣̇ад̇о г̇ан̣ханд̇аа ‘‘д̇ам̣ ж̇ийвам̣ д̇ам̣ сарийра’’нд̇и ваа д̇ад̣̇убхаяам̣ бхзд̣̇ад̇о г̇ан̣ханд̇аа ‘‘ан̃н̃ам̣ ж̇ийвам̣ ан̃н̃ам̣ сарийра’’нд̇и ваа ад̇д̇ано мижчааг̇аахам̣ бавзд̣̇знд̇и, ахам̣ бана на звам̣ вад̣̇аами д̇асса д̇хаммасса субарин̃н̃аад̇ад̇д̇аа, д̇знааха ‘‘ат̇а ко’’д̇иаад̣̇и . б̣аахирагаа язбхуяязна гасин̣аж̇жхаанаани зва ниб̣б̣ад̇д̇знд̇ийд̇и ааха ‘‘гасин̣абаригаммам̣ бхааванд̇зссаа’’д̇и. яасмаа бхааванаанубхаавзна жхаанаад̇хиг̇амо, бхааванаа жа бат̇авийгасин̣аад̣̇исан̃ж̇аананамукзна ход̇ийд̇и сан̃н̃аасийсзна нид̣̇д̣̇исийяад̇и, д̇асмаа ааха ‘‘сан̃н̃ааб̣алзна уббанна’’нд̇и. д̇знааха – ‘‘бат̇авийгасин̣амзго сан̃ж̇аанаад̇ий’’д̇иаад̣̇и. ‘‘на галлам̣ д̇ассзд̇а’’нд̇и ид̣̇ам̣ яасмаа бхаг̇авад̇аа д̇ад̇т̇а д̇ад̇т̇а ‘‘ат̇а жа банаахам̣ на вад̣̇аамий’’д̇и вуд̇д̇ам̣, д̇асмаа на вад̇д̇аб̣б̣ам̣ гирзд̇ам̣ гзвалинаа уд̇д̇амабурисзнаад̇и ад̇хиббааязнааха, д̇зна вуд̇д̇ам̣ ‘‘ман̃н̃амаанаа вад̣̇анд̇ий’’д̇и. сзсам̣ саб̣б̣ад̇т̇а сувин̃н̃зяяамзва.
Etamevaṃ jānāmīti yena so bhikkhu paṭhamaṃ jhānaṃ upasampajja viharati, etaṃ sasampayuttadhammaṃ cittanti evaṃ jānāmi. No ca evaṃ vadāmīti yathā diṭṭhigatikā taṃ dhammajātaṃ sanissayaṃ abhedato gaṇhantā ‘‘taṃ jīvaṃ taṃ sarīra’’nti vā tadubhayaṃ bhedato gaṇhantā ‘‘aññaṃ jīvaṃ aññaṃ sarīra’’nti vā attano micchāgāhaṃ pavedenti, ahaṃ pana na evaṃ vadāmi tassa dhammassa supariññātattā, tenāha ‘‘atha kho’’tiādi . Bāhirakā yebhuyyena kasiṇajjhānāni eva nibbattentīti āha ‘‘kasiṇaparikammaṃ bhāvantessā’’ti. Yasmā bhāvanānubhāvena jhānādhigamo, bhāvanā ca pathavīkasiṇādisañjānanamukhena hotīti saññāsīsena niddisīyati, tasmā āha ‘‘saññābalena uppanna’’nti. Tenāha – ‘‘pathavīkasiṇameko sañjānātī’’tiādi. ‘‘Na kallaṃ tasseta’’nti idaṃ yasmā bhagavatā tattha tattha ‘‘atha ca panāhaṃ na vadāmī’’ti vuttaṃ, tasmā na vattabbaṃ kiretaṃ kevalinā uttamapurisenāti adhippāyenāha, tena vuttaṃ ‘‘maññamānā vadantī’’ti. Sesaṃ sabbattha suviññeyyameva.
ж̇аалияасуд̇д̇аван̣н̣анааяа лийнад̇т̇аббагаасанаа.
Jāliyasuttavaṇṇanāya līnatthappakāsanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 7. ж̇аалияасуд̇д̇ам̣ • 7. Jāliyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 7. ж̇аалияасуд̇д̇аван̣н̣анаа • 7. Jāliyasuttavaṇṇanā
