| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੮. ਜਲੂਕਙ੍ਗਪਞ੍ਹੋ
8. Jalūkaṅgapañho
੮. ‘‘ਭਨ੍ਤੇ ਨਾਗਸੇਨ, ‘ਜਲੂਕਾਯ ਏਕਂ ਅਙ੍ਗਂ ਗਹੇਤਬ੍ਬ’ਨ੍ਤਿ ਯਂ વਦੇਸਿ, ਕਤਮਂ ਤਂ ਏਕਂ ਅਙ੍ਗਂ ਗਹੇਤਬ੍ਬ’’ਨ੍ਤਿ? ‘‘ਯਥਾ, ਮਹਾਰਾਜ, ਜਲੂਕਾ ਯਤ੍ਥ ਅਲ੍ਲੀਯਤਿ, ਤਤ੍ਥੇવ ਦਲ਼੍ਹਂ ਅਲ੍ਲੀਯਿਤ੍વਾ ਰੁਹਿਰਂ ਪਿવਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਯਸ੍ਮਿਂ ਆਰਮ੍ਮਣੇ ਚਿਤ੍ਤਂ ਅਲ੍ਲੀਯਤਿ, ਤਂ ਆਰਮ੍ਮਣਂ વਣ੍ਣਤੋ ਚ ਸਣ੍ਠਾਨਤੋ ਚ ਦਿਸਤੋ ਚ ਓਕਾਸਤੋ ਚ ਪਰਿਚ੍ਛੇਦਤੋ ਚ ਲਿਙ੍ਗਤੋ ਚ ਨਿਮਿਤ੍ਤਤੋ ਚ ਦਲ਼੍ਹਂ ਪਤਿਟ੍ਠਾਪੇਤ੍વਾ ਤੇਨੇવਾਰਮ੍ਮਣੇਨ વਿਮੁਤ੍ਤਿਰਸਮਸੇਚਨਕਂ ਪਾਤਬ੍ਬਂ। ਇਦਂ, ਮਹਾਰਾਜ, ਜਲੂਕਾਯ ਏਕਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਅਨੁਰੁਦ੍ਧੇਨ –
8. ‘‘Bhante nāgasena, ‘jalūkāya ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, jalūkā yattha allīyati, tattheva daḷhaṃ allīyitvā ruhiraṃ pivati, evameva kho, mahārāja, yoginā yogāvacarena yasmiṃ ārammaṇe cittaṃ allīyati, taṃ ārammaṇaṃ vaṇṇato ca saṇṭhānato ca disato ca okāsato ca paricchedato ca liṅgato ca nimittato ca daḷhaṃ patiṭṭhāpetvā tenevārammaṇena vimuttirasamasecanakaṃ pātabbaṃ. Idaṃ, mahārāja, jalūkāya ekaṃ aṅgaṃ gahetabbaṃ. Bhāsitampetaṃ, mahārāja, therena anuruddhena –
‘‘‘ਪਰਿਸੁਦ੍ਧੇਨ ਚਿਤ੍ਤੇਨ, ਆਰਮ੍ਮਣੇ ਪਤਿਟ੍ਠਾਯ।
‘‘‘Parisuddhena cittena, ārammaṇe patiṭṭhāya;
ਤੇਨ ਚਿਤ੍ਤੇਨ ਪਾਤਬ੍ਬਂ, વਿਮੁਤ੍ਤਿਰਸਮਸੇਚਨ’’’ਨ੍ਤਿ॥
Tena cittena pātabbaṃ, vimuttirasamasecana’’’nti.
ਜਲੂਕਙ੍ਗਪਞ੍ਹੋ ਅਟ੍ਠਮੋ।
Jalūkaṅgapañho aṭṭhamo.
