Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

8. ж̇амб̣аалийсуд̇д̇ам̣

8. Jambālīsuttaṃ

178. ‘‘жад̇д̇ааромз , бхигкавз, буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро? ид̇ха, бхигкавз, бхигку ан̃н̃ад̇арам̣ санд̇ам̣ жзд̇овимуд̇д̇им̣ убасамбаж̇ж̇а вихарад̇и. со саггааяанирод̇хам̣ манаси гарод̇и. д̇асса саггааяанирод̇хам̣ манаси гарод̇о саггааяанирод̇хз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и наад̇химужжад̇и. д̇асса ко звам̣ ¹, бхигкавз, бхигкуно на саггааяанирод̇хо баадиган̇ко. сзяяат̇ааби, бхигкавз, бурисо лзбаг̇ад̇зна ² хад̇т̇зна саакам̣ г̇ан̣хзяяа, д̇асса со хад̇т̇о саж̇ж̇зяяаби г̇ан̣хзяяаби ³ б̣аж̇жхзяяаби ⁴; звамзвам̣ ко, бхигкавз, бхигку ан̃н̃ад̇арам̣ санд̇ам̣ жзд̇овимуд̇д̇им̣ убасамбаж̇ж̇а вихарад̇и. со саггааяанирод̇хам̣ манаси гарод̇и. д̇асса саггааяанирод̇хам̣ манаси гарод̇о саггааяанирод̇хз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и наад̇химужжад̇и. д̇асса ко звам̣, бхигкавз, бхигкуно на саггааяанирод̇хо баадиган̇ко.

178. ‘‘Cattārome , bhikkhave, puggalā santo saṃvijjamānā lokasmiṃ. Katame cattāro? Idha, bhikkhave, bhikkhu aññataraṃ santaṃ cetovimuttiṃ upasampajja viharati. So sakkāyanirodhaṃ manasi karoti. Tassa sakkāyanirodhaṃ manasi karoto sakkāyanirodhe cittaṃ na pakkhandati nappasīdati na santiṭṭhati nādhimuccati. Tassa kho evaṃ ⁵, bhikkhave, bhikkhuno na sakkāyanirodho pāṭikaṅkho. Seyyathāpi, bhikkhave, puriso lepagatena ⁶ hatthena sākhaṃ gaṇheyya, tassa so hattho sajjeyyapi gaṇheyyapi ⁷ bajjheyyapi ⁸; evamevaṃ kho, bhikkhave, bhikkhu aññataraṃ santaṃ cetovimuttiṃ upasampajja viharati. So sakkāyanirodhaṃ manasi karoti. Tassa sakkāyanirodhaṃ manasi karoto sakkāyanirodhe cittaṃ na pakkhandati nappasīdati na santiṭṭhati nādhimuccati. Tassa kho evaṃ, bhikkhave, bhikkhuno na sakkāyanirodho pāṭikaṅkho.

‘‘ид̇ха бана, бхигкавз, бхигку ан̃н̃ад̇арам̣ санд̇ам̣ жзд̇овимуд̇д̇им̣ убасамбаж̇ж̇а вихарад̇и. со саггааяанирод̇хам̣ манаси гарод̇и . д̇асса саггааяанирод̇хам̣ манаси гарод̇о саггааяанирод̇хз жид̇д̇ам̣ багканд̣̇ад̇и басийд̣̇ад̇и санд̇идтад̇и ад̇химужжад̇и. д̇асса ко звам̣, бхигкавз, бхигкуно саггааяанирод̇хо баадиган̇ко. сзяяат̇ааби, бхигкавз, бурисо суд̣̇д̇хзна хад̇т̇зна саакам̣ г̇ан̣хзяяа, д̇асса со хад̇т̇о нзва саж̇ж̇зяяа на г̇ан̣хзяяа на б̣аж̇жхзяяа; звамзвам̣ ко, бхигкавз, бхигку ан̃н̃ад̇арам̣ санд̇ам̣ жзд̇овимуд̇д̇им̣ убасамбаж̇ж̇а вихарад̇и. со саггааяанирод̇хам̣ манаси гарод̇и. д̇асса саггааяанирод̇хам̣ манаси гарод̇о саггааяанирод̇хз жид̇д̇ам̣ багканд̣̇ад̇и басийд̣̇ад̇и санд̇идтад̇и ад̇химужжад̇и. д̇асса ко звам̣, бхигкавз, бхигкуно саггааяанирод̇хо баадиган̇ко.

‘‘Idha pana, bhikkhave, bhikkhu aññataraṃ santaṃ cetovimuttiṃ upasampajja viharati. So sakkāyanirodhaṃ manasi karoti . Tassa sakkāyanirodhaṃ manasi karoto sakkāyanirodhe cittaṃ pakkhandati pasīdati santiṭṭhati adhimuccati. Tassa kho evaṃ, bhikkhave, bhikkhuno sakkāyanirodho pāṭikaṅkho. Seyyathāpi, bhikkhave, puriso suddhena hatthena sākhaṃ gaṇheyya, tassa so hattho neva sajjeyya na gaṇheyya na bajjheyya; evamevaṃ kho, bhikkhave, bhikkhu aññataraṃ santaṃ cetovimuttiṃ upasampajja viharati. So sakkāyanirodhaṃ manasi karoti. Tassa sakkāyanirodhaṃ manasi karoto sakkāyanirodhe cittaṃ pakkhandati pasīdati santiṭṭhati adhimuccati. Tassa kho evaṃ, bhikkhave, bhikkhuno sakkāyanirodho pāṭikaṅkho.

‘‘ид̇ха бана, бхигкавз, бхигку ан̃н̃ад̇арам̣ санд̇ам̣ жзд̇овимуд̇д̇им̣ убасамбаж̇ж̇а вихарад̇и. со авиж̇ж̇ааббабхзд̣̇ам̣ манаси гарод̇и. д̇асса авиж̇ж̇ааббабхзд̣̇ам̣ манаси гарод̇о авиж̇ж̇ааббабхзд̣̇з жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и наад̇химужжад̇и. д̇асса ко звам̣, бхигкавз, бхигкуно на авиж̇ж̇ааббабхзд̣̇о баадиган̇ко. сзяяат̇ааби, бхигкавз, ж̇амб̣аалий анзгавассаг̇ан̣игаа. д̇ассаа бурисо яаани жзва ааяамукаани д̇аани бид̣̇ахзяяа, яаани жа абааяамукаани д̇аани виварзяяа, д̣̇зво жа на саммаа д̇хаарам̣ ануббавзжчзяяа. зван̃хи д̇ассаа, бхигкавз, ж̇амб̣аалияаа на аал̣иббабхзд̣̇о баадиган̇ко. звамзвам̣ ко, бхигкавз, бхигку ан̃н̃ад̇арам̣ санд̇ам̣ жзд̇овимуд̇д̇им̣ убасамбаж̇ж̇а вихарад̇и. со авиж̇ж̇ааббабхзд̣̇ам̣ манаси гарод̇и. д̇асса авиж̇ж̇ааббабхзд̣̇ам̣ манаси гарод̇о авиж̇ж̇ааббабхзд̣̇з жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и наад̇химужжад̇и. д̇асса ко звам̣, бхигкавз, бхигкуно на авиж̇ж̇ааббабхзд̣̇о баадиган̇ко.

‘‘Idha pana, bhikkhave, bhikkhu aññataraṃ santaṃ cetovimuttiṃ upasampajja viharati. So avijjāppabhedaṃ manasi karoti. Tassa avijjāppabhedaṃ manasi karoto avijjāppabhede cittaṃ na pakkhandati nappasīdati na santiṭṭhati nādhimuccati. Tassa kho evaṃ, bhikkhave, bhikkhuno na avijjāppabhedo pāṭikaṅkho. Seyyathāpi, bhikkhave, jambālī anekavassagaṇikā. Tassā puriso yāni ceva āyamukhāni tāni pidaheyya, yāni ca apāyamukhāni tāni vivareyya, devo ca na sammā dhāraṃ anuppaveccheyya. Evañhi tassā, bhikkhave, jambāliyā na āḷippabhedo pāṭikaṅkho. Evamevaṃ kho, bhikkhave, bhikkhu aññataraṃ santaṃ cetovimuttiṃ upasampajja viharati. So avijjāppabhedaṃ manasi karoti. Tassa avijjāppabhedaṃ manasi karoto avijjāppabhede cittaṃ na pakkhandati nappasīdati na santiṭṭhati nādhimuccati. Tassa kho evaṃ, bhikkhave, bhikkhuno na avijjāppabhedo pāṭikaṅkho.

‘‘ид̇ха бана, бхигкавз, бхигку ан̃н̃ад̇арам̣ санд̇ам̣ жзд̇овимуд̇д̇им̣ убасамбаж̇ж̇а вихарад̇и. со авиж̇ж̇ааббабхзд̣̇ам̣ манаси гарод̇и. д̇асса авиж̇ж̇ааббабхзд̣̇ам̣ манаси гарод̇о авиж̇ж̇ааббабхзд̣̇з жид̇д̇ам̣ багканд̣̇ад̇и басийд̣̇ад̇и санд̇идтад̇и ад̇химужжад̇и. д̇асса ко звам̣, бхигкавз, бхигкуно авиж̇ж̇ааббабхзд̣̇о баадиган̇ко. сзяяат̇ааби, бхигкавз, ж̇амб̣аалий анзгавассаг̇ан̣игаа. д̇ассаа бурисо яаани жзва ааяамукаани д̇аани виварзяяа, яаани жа абааяамукаани д̇аани бид̣̇ахзяяа, д̣̇зво жа саммаа д̇хаарам̣ ануббавзжчзяяа. зван̃хи д̇ассаа, бхигкавз, ж̇амб̣аалияаа аал̣иббабхзд̣̇о баадиган̇ко. звамзвам̣ ко, бхигкавз, бхигку ан̃н̃ад̇арам̣ санд̇ам̣ жзд̇овимуд̇д̇им̣ убасамбаж̇ж̇а вихарад̇и. со авиж̇ж̇ааббабхзд̣̇ам̣ манаси гарод̇и. д̇асса авиж̇ж̇ааббабхзд̣̇ам̣ манаси гарод̇о авиж̇ж̇ааббабхзд̣̇з жид̇д̇ам̣ багканд̣̇ад̇и басийд̣̇ад̇и санд̇идтад̇и ад̇химужжад̇и. д̇асса ко звам̣, бхигкавз, бхигкуно авиж̇ж̇ааббабхзд̣̇о баадиган̇ко . имз ко, бхигкавз, жад̇д̇ааро буг̇г̇алаа санд̇о сам̣виж̇ж̇амаанаа логасми’’нд̇и. адтамам̣.

‘‘Idha pana, bhikkhave, bhikkhu aññataraṃ santaṃ cetovimuttiṃ upasampajja viharati. So avijjāppabhedaṃ manasi karoti. Tassa avijjāppabhedaṃ manasi karoto avijjāppabhede cittaṃ pakkhandati pasīdati santiṭṭhati adhimuccati. Tassa kho evaṃ, bhikkhave, bhikkhuno avijjāppabhedo pāṭikaṅkho. Seyyathāpi, bhikkhave, jambālī anekavassagaṇikā. Tassā puriso yāni ceva āyamukhāni tāni vivareyya, yāni ca apāyamukhāni tāni pidaheyya, devo ca sammā dhāraṃ anuppaveccheyya. Evañhi tassā, bhikkhave, jambāliyā āḷippabhedo pāṭikaṅkho. Evamevaṃ kho, bhikkhave, bhikkhu aññataraṃ santaṃ cetovimuttiṃ upasampajja viharati. So avijjāppabhedaṃ manasi karoti. Tassa avijjāppabhedaṃ manasi karoto avijjāppabhede cittaṃ pakkhandati pasīdati santiṭṭhati adhimuccati. Tassa kho evaṃ, bhikkhave, bhikkhuno avijjāppabhedo pāṭikaṅkho . Ime kho, bhikkhave, cattāro puggalā santo saṃvijjamānā lokasmi’’nti. Aṭṭhamaṃ.

Next: 9. ниб̣б̣аанасуд̇д̇ам̣ • 9. Nibbānasuttaṃ

Footnotes:

1. д̇асса го зд̇ам̣ (сий. сяаа. гам̣. бий.), звам̣ ко д̇асса (?) ‘‘звам̣ хи д̇ассаа бхигкавз ж̇амб̣аалияаа’’д̇и баато вияа

2. ласаг̇ад̇зна (сий. бий.)

3. г̇аяхзяяаби (?)

4. каж̇ж̇зяяаби (сий.)

5. tassa ko etaṃ (sī. syā. kaṃ. pī.), evaṃ kho tassa (?) ‘‘evaṃ hi tassā bhikkhave jambāliyā’’ti pāṭho viya

6. lasagatena (sī. pī.)

7. gayheyyapi (?)

8. khajjeyyapi (sī.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. ж̇амб̣аалийсуд̇д̇аван̣н̣анаа • 8. Jambālīsuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. ж̇амб̣аалийсуд̇д̇аван̣н̣анаа • 8. Jambālīsuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact