| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
8. ж̇амб̣аалийсуд̇д̇аван̣н̣анаа
8. Jambālīsuttavaṇṇanā
178. адтамз санд̇ам̣ жзд̇овимуд̇д̇инд̇и адтаннам̣ самаабад̇д̇ийнам̣ ан̃н̃ад̇арам̣ самаабад̇д̇им̣. саггааяанирод̇ханд̇и д̇збхуумагаваддасан̇каад̇асса саггааяасса нирод̇хам̣, ниб̣б̣аананд̇и ад̇т̇о. на багканд̣̇ад̇ийд̇и аарамман̣авасзна на багканд̣̇ад̇и. сзсабад̣̇зсуби зсзва наяо. на баадиган̇код̇и на баадиган̇кид̇аб̣б̣о. лзбаг̇ад̇знаад̇и лзбамагкид̇зна.
178. Aṭṭhame santaṃ cetovimuttinti aṭṭhannaṃ samāpattīnaṃ aññataraṃ samāpattiṃ. Sakkāyanirodhanti tebhūmakavaṭṭasaṅkhātassa sakkāyassa nirodhaṃ, nibbānanti attho. Na pakkhandatīti ārammaṇavasena na pakkhandati. Sesapadesupi eseva nayo. Na pāṭikaṅkhoti na pāṭikaṅkhitabbo. Lepagatenāti lepamakkhitena.
имасмин̃жа банад̇т̇з над̣̇ийбаарам̣ г̇анд̇угаамабурисобаммам̣ аахарид̇аб̣б̣ам̣ – зго гира бурисо жан̣д̣асод̇ааяа ваал̣амажчаагулааяа над̣̇ияаа баарам̣ г̇анд̇угаамо ‘‘оримам̣ д̇ийрам̣ саасан̇гам̣ саббадибхаяам̣, бааримам̣ д̇ийрам̣ кзмам̣ аббадибхаяам̣, гим̣ ну ко гад̇ваа баарам̣ г̇амиссаамий’’д̇и бадибаадияаа тид̇з адта гагуд̇харугкз д̣̇исваа ‘‘саггаа имааяа ругкабадибаадияаа г̇анд̇у’’нд̇и манасигад̇ваа ‘‘гагуд̇харугкаа наама мадтасаакаа хонд̇и, саакааяа хад̇т̇аа на сан̣тахзяяу’’нд̇и ниг̇род̇хабилагкаругкаад̣̇ийнам̣ ан̃н̃ад̇арасса лаакааяа хад̇т̇абаад̣̇з магкзд̇ваа д̣̇агкин̣ахад̇т̇зна згам̣ саакам̣ г̇ан̣хи. хад̇т̇о д̇ад̇т̇зва лаг̇и. буна ваамахад̇т̇зна д̣̇агкин̣абаад̣̇зна ваамабаад̣̇знаад̇и жад̇д̇аароби хад̇т̇абаад̣̇аа д̇ад̇т̇зва лаг̇им̣су. со ад̇хосиро ламб̣амаано убаринад̣̇ияам̣ д̣̇звз вудтз бун̣н̣ааяа над̣̇ияаа сод̇з нимуг̇г̇о гумбхийлаад̣̇ийнам̣ бхагко ахоси.
Imasmiñca panatthe nadīpāraṃ gantukāmapurisopammaṃ āharitabbaṃ – eko kira puriso caṇḍasotāya vāḷamacchākulāya nadiyā pāraṃ gantukāmo ‘‘orimaṃ tīraṃ sāsaṅkaṃ sappaṭibhayaṃ, pārimaṃ tīraṃ khemaṃ appaṭibhayaṃ, kiṃ nu kho katvā pāraṃ gamissāmī’’ti paṭipāṭiyā ṭhite aṭṭha kakudharukkhe disvā ‘‘sakkā imāya rukkhapaṭipāṭiyā gantu’’nti manasikatvā ‘‘kakudharukkhā nāma maṭṭhasākhā honti, sākhāya hatthā na saṇṭhaheyyu’’nti nigrodhapilakkharukkhādīnaṃ aññatarassa lākhāya hatthapāde makkhetvā dakkhiṇahatthena ekaṃ sākhaṃ gaṇhi. Hattho tattheva lagi. Puna vāmahatthena dakkhiṇapādena vāmapādenāti cattāropi hatthapādā tattheva lagiṃsu. So adhosiro lambamāno uparinadiyaṃ deve vuṭṭhe puṇṇāya nadiyā sote nimuggo kumbhīlādīnaṃ bhakkho ahosi.
д̇ад̇т̇а над̣̇ийсод̇ам̣ вияа сам̣саарасод̇ам̣ д̣̇адтаб̣б̣ам̣, сод̇асса баарам̣ г̇анд̇угаамабурисо вияа яог̇ааважаро, оримад̇ийрам̣ вияа саггааяо, бааримад̇ийрам̣ вияа ниб̣б̣аанам̣, бадибаадияаа тид̇аа адта гагуд̇харугкаа вияа адта самаабад̇д̇ияо, лзбамагкид̇зна хад̇т̇зна саакааг̇ахан̣ам̣ вияа жхаанавибассанаанам̣ баарибант̇игз асод̇хзд̇ваа самаабад̇д̇исамаабаж̇ж̇анам̣, жад̇уухи хад̇т̇абаад̣̇зхи саакааяа б̣ад̣̇д̇хасса оламб̣анам̣ вияа батамаж̇жхаанз ниганд̇ияаа лаг̇г̇агаало, убарисод̇з вудти вияа часу д̣̇ваарзсу гилзсаанам̣ уббаннагаало, над̣̇ияаа бун̣н̣ааяа сод̇з нимуг̇г̇асса гумбхийлаад̣̇ийнам̣ бхагкабхууд̇агаало вияа сам̣саарасод̇з нимуг̇г̇асса жад̇уусу абааязсу д̣̇угкаанубхаванагаало взд̣̇ид̇аб̣б̣о.
Tattha nadīsotaṃ viya saṃsārasotaṃ daṭṭhabbaṃ, sotassa pāraṃ gantukāmapuriso viya yogāvacaro, orimatīraṃ viya sakkāyo, pārimatīraṃ viya nibbānaṃ, paṭipāṭiyā ṭhitā aṭṭha kakudharukkhā viya aṭṭha samāpattiyo, lepamakkhitena hatthena sākhāgahaṇaṃ viya jhānavipassanānaṃ pāripanthike asodhetvā samāpattisamāpajjanaṃ, catūhi hatthapādehi sākhāya baddhassa olambanaṃ viya paṭhamajjhāne nikantiyā laggakālo, uparisote vuṭṭhi viya chasu dvāresu kilesānaṃ uppannakālo, nadiyā puṇṇāya sote nimuggassa kumbhīlādīnaṃ bhakkhabhūtakālo viya saṃsārasote nimuggassa catūsu apāyesu dukkhānubhavanakālo veditabbo.
суд̣̇д̇хзна хад̇т̇знаад̇и суд̇ход̇зна барисуд̣̇д̇хахад̇т̇зна. имасмимби ад̇т̇з д̇аад̣̇исамзва обаммам̣ гаад̇аб̣б̣ам̣ – д̇ат̇зва хи баарам̣ г̇анд̇угаамо бурисо ‘‘гагуд̇харугкаа наама мадтасаакаа, гилидтахад̇т̇зна г̇ан̣ханд̇асса хад̇т̇о бариг̇алзяяаа’’д̇и хад̇т̇абаад̣̇з суд̇ход̇з гад̇ваа згам̣ саакам̣ г̇ан̣хид̇ваа батамам̣ ругкам̣ аарул̣хо. д̇ад̇о од̇арид̇ваа д̣̇уд̇ияам̣…бз… д̇ад̇о од̇арид̇ваа адтамам̣, адтамаругкад̇о од̇арид̇ваа бааримад̇ийрз кзманд̇абхуумим̣ г̇ад̇о.
Suddhena hatthenāti sudhotena parisuddhahatthena. Imasmimpi atthe tādisameva opammaṃ kātabbaṃ – tatheva hi pāraṃ gantukāmo puriso ‘‘kakudharukkhā nāma maṭṭhasākhā, kiliṭṭhahatthena gaṇhantassa hattho parigaleyyā’’ti hatthapāde sudhote katvā ekaṃ sākhaṃ gaṇhitvā paṭhamaṃ rukkhaṃ āruḷho. Tato otaritvā dutiyaṃ…pe… tato otaritvā aṭṭhamaṃ, aṭṭhamarukkhato otaritvā pārimatīre khemantabhūmiṃ gato.
д̇ад̇т̇а ‘‘имзхи ругкзхи бааримад̇ийрам̣ г̇амиссаамий’’д̇и д̇асса бурисасса жинд̇ид̇агаало вияа яог̇ино ‘‘адта самаабад̇д̇ияо самаабаж̇ж̇ид̇ваа самаабад̇д̇ид̇о вудтааяа арахад̇д̇ам̣ г̇амиссаамий’’д̇и жинд̇ид̇агаало, суд̣̇д̇хзна хад̇т̇зна саакааг̇ахан̣ам̣ вияа жхаанавибассанаанам̣ баарибант̇игад̇хаммз сод̇хзд̇ваа самаабад̇д̇исамаабаж̇ж̇анам̣. д̇ад̇т̇а батамаругкаарохан̣агаало вияа батамаж̇жхаанасамаабад̇д̇игаало, батамаругкад̇о оруяха д̣̇уд̇ияам̣ аарул̣хагаало вияа батамаж̇жхаанз ниганд̇ияаа аб̣ад̣̇д̇хасса д̇ад̇о вудтааяа д̣̇уд̇ияаж̇жхаанасамаабаннагаало…бз… сад̇д̇амаругкад̇о оруяха адтамам̣ аарул̣хагаало вияа аагин̃жан̃н̃ааяад̇анасамаабад̇д̇ияам̣ ниганд̇ияаа аб̣ад̣̇д̇хасса д̇ад̇о вудтааяа нзвасан̃н̃аанаасан̃н̃ааяад̇анасамаабаннагаало. адтамаругкад̇о оруяха бааримад̇ийрам̣ кзманд̇абхуумим̣ г̇ад̇агаало вияа нзвасан̃н̃аанаасан̃н̃ааяад̇анз ниганд̇ияаа аб̣ад̣̇д̇хасса самаабад̇д̇ид̇о вудтааяа сан̇каарз саммасид̇ваа арахад̇д̇аббад̇д̇агаало взд̣̇ид̇аб̣б̣о.
Tattha ‘‘imehi rukkhehi pārimatīraṃ gamissāmī’’ti tassa purisassa cintitakālo viya yogino ‘‘aṭṭha samāpattiyo samāpajjitvā samāpattito vuṭṭhāya arahattaṃ gamissāmī’’ti cintitakālo, suddhena hatthena sākhāgahaṇaṃ viya jhānavipassanānaṃ pāripanthikadhamme sodhetvā samāpattisamāpajjanaṃ. Tattha paṭhamarukkhārohaṇakālo viya paṭhamajjhānasamāpattikālo, paṭhamarukkhato oruyha dutiyaṃ āruḷhakālo viya paṭhamajjhāne nikantiyā abaddhassa tato vuṭṭhāya dutiyajjhānasamāpannakālo…pe… sattamarukkhato oruyha aṭṭhamaṃ āruḷhakālo viya ākiñcaññāyatanasamāpattiyaṃ nikantiyā abaddhassa tato vuṭṭhāya nevasaññānāsaññāyatanasamāpannakālo. Aṭṭhamarukkhato oruyha pārimatīraṃ khemantabhūmiṃ gatakālo viya nevasaññānāsaññāyatane nikantiyā abaddhassa samāpattito vuṭṭhāya saṅkhāre sammasitvā arahattappattakālo veditabbo.
авиж̇ж̇ааббабхзд̣̇ам̣ манаси гарод̇ийд̇и адтасу таанзсу ан̃н̃аан̣абхууд̇ааяа г̇ан̣аб̣ахаламахааавиж̇ж̇ааяа бабхзд̣̇асан̇каад̇ам̣ арахад̇д̇ам̣ манаси гарод̇и. на багканд̣̇ад̇ийд̇и аарамман̣авасзнзва на багканд̣̇ад̇и. ж̇амб̣аалийд̇и г̇аамад̇о нигканд̇асса махаауд̣̇агасса бад̇идтаанабхууд̇о махааааваадо. анзгавассаг̇ан̣игаад̇и г̇аамасса ваа наг̇арасса ваа уббаннагаалзязва уббаннад̇д̇аа анзгаани вассаг̇ан̣аани уббаннааяа зд̇иссаад̇и анзгавассаг̇ан̣игаа. ааяамукаанийд̇и жад̇ассо бависанаганд̣̇араа. абааяамукаанийд̇и абавааханажчид̣̇д̣̇аани. на аал̣иббабхзд̣̇о баадиган̇код̇и на баал̣иббабхзд̣̇о баадиган̇кид̇аб̣б̣о. на хи д̇ад̇о уд̣̇агам̣ удтааяа баал̣им̣ бхинд̣̇ид̇ваа гажаварам̣ г̇ахзд̇ваа махаасамуд̣̇д̣̇ам̣ баабун̣аад̇и.
Avijjāppabhedaṃ manasi karotīti aṭṭhasu ṭhānesu aññāṇabhūtāya gaṇabahalamahāavijjāya pabhedasaṅkhātaṃ arahattaṃ manasi karoti. Na pakkhandatīti ārammaṇavaseneva na pakkhandati. Jambālīti gāmato nikkhantassa mahāudakassa patiṭṭhānabhūto mahāāvāṭo. Anekavassagaṇikāti gāmassa vā nagarassa vā uppannakāleyeva uppannattā anekāni vassagaṇāni uppannāya etissāti anekavassagaṇikā. Āyamukhānīti catasso pavisanakandarā. Apāyamukhānīti apavāhanacchiddāni. Na āḷippabhedo pāṭikaṅkhoti na pāḷippabhedo pāṭikaṅkhitabbo. Na hi tato udakaṃ uṭṭhāya pāḷiṃ bhinditvā kacavaraṃ gahetvā mahāsamuddaṃ pāpuṇāti.
имасса банад̇т̇асса вибхааванад̇т̇ам̣ уяяаанаг̇авзсагаобаммам̣ аахарид̇аб̣б̣ам̣. зго гира наг̇араваасиго гулабуд̇д̇о уяяаанам̣ г̇авзсанд̇о наг̇арад̇о наад̇ид̣̇уурз нажжаасаннз маханд̇ам̣ ж̇амб̣аалим̣ ад̣̇д̣̇аса. со ‘‘имасмим̣ таанз раман̣ийяам̣ уяяаанам̣ бхависсад̇ий’’д̇и саллагкзд̇ваа гуд̣̇д̣̇аалам̣ аад̣̇ааяа жад̇д̇аариби ганд̣̇араани бид̇хааяа абавааханажчид̣̇д̣̇аани виварид̇ваа адтааси. д̣̇зво на саммаа васси, авасзсауд̣̇агам̣ абавааханажчид̣̇д̣̇зна бариссавид̇ваа г̇ад̇ам̣. жаммакан̣д̣абилод̇игаад̣̇ийни д̇ад̇т̇зва бууд̇игаани ж̇аад̇аани, баан̣агаа сан̣тид̇аа, саманд̇аа анубаг̇аманийяаа ж̇аад̇аа. убаг̇ад̇аанамби наасаабудз бид̇хааяа баггамид̇аб̣б̣ам̣ ход̇и . со гад̇ибаахзна ааг̇анд̇ваа бадиггамма тид̇о ологзд̇ваа ‘‘на саггаа убаг̇анд̇у’’нд̇и баггаами.
Imassa panatthassa vibhāvanatthaṃ uyyānagavesakaopammaṃ āharitabbaṃ. Eko kira nagaravāsiko kulaputto uyyānaṃ gavesanto nagarato nātidūre naccāsanne mahantaṃ jambāliṃ addasa. So ‘‘imasmiṃ ṭhāne ramaṇīyaṃ uyyānaṃ bhavissatī’’ti sallakkhetvā kuddālaṃ ādāya cattāripi kandarāni pidhāya apavāhanacchiddāni vivaritvā aṭṭhāsi. Devo na sammā vassi, avasesaudakaṃ apavāhanacchiddena parissavitvā gataṃ. Cammakhaṇḍapilotikādīni tattheva pūtikāni jātāni, pāṇakā saṇṭhitā, samantā anupagamanīyā jātā. Upagatānampi nāsāpuṭe pidhāya pakkamitabbaṃ hoti . So katipāhena āgantvā paṭikkamma ṭhito oloketvā ‘‘na sakkā upagantu’’nti pakkāmi.
д̇ад̇т̇а наг̇араваасий гулабуд̇д̇о вияа яог̇ааважаро д̣̇адтаб̣б̣о, уяяаанам̣ г̇авзсанд̇зна г̇аамад̣̇ваарз ж̇амб̣аалияаа д̣̇идтагаало вияа жаад̇умахаабхууд̇игагааяо, ааяамукаанам̣ бихид̇агаало вияа д̇хаммассаванод̣̇агасса алад̣̇д̇хагаало, абааяамукаанам̣ вивадагаало вияа чад̣̇вааригасам̣варасса виссадтагаало, д̣̇звасса саммаа авудтагаало вияа саббааяагаммадтаанасса алад̣̇д̇хагаало, авасзсауд̣̇агасса абааяамукзхи бариссавид̇ваа г̇ад̇агаало вияа аб̣бханд̇арз г̇ун̣аанам̣ барихийнагаало, уд̣̇агасса удтааяа баал̣им̣ бхинд̣̇ид̇ваа гажаварам̣ аад̣̇ааяа махаасамуд̣̇д̣̇ам̣ баабун̣ид̇ум̣ асамад̇т̇агаало вияа арахад̇д̇амаг̇г̇зна авиж̇ж̇аабаал̣им̣ бхинд̣̇ид̇ваа гилзсараасим̣ вид̇хамид̇ваа ниб̣б̣аанам̣ сажчигаад̇ум̣ асамад̇т̇агаало, жаммакан̣д̣абилод̇игаад̣̇ийнам̣ д̇ад̇т̇зва бууд̇ибхааво вияа аб̣бханд̇арз рааг̇аад̣̇игилзсзхи барибуурид̇агаало, д̇асса ааг̇анд̇ваа д̣̇исваа виббадисаарино г̇ад̇агаало вияа ваддасаман̇г̇ибуг̇г̇аласса ваддз абхирад̇агаало взд̣̇ид̇аб̣б̣о.
Tattha nagaravāsī kulaputto viya yogāvacaro daṭṭhabbo, uyyānaṃ gavesantena gāmadvāre jambāliyā diṭṭhakālo viya cātumahābhūtikakāyo, āyamukhānaṃ pihitakālo viya dhammassavanodakassa aladdhakālo, apāyamukhānaṃ vivaṭakālo viya chadvārikasaṃvarassa vissaṭṭhakālo, devassa sammā avuṭṭhakālo viya sappāyakammaṭṭhānassa aladdhakālo, avasesaudakassa apāyamukhehi parissavitvā gatakālo viya abbhantare guṇānaṃ parihīnakālo, udakassa uṭṭhāya pāḷiṃ bhinditvā kacavaraṃ ādāya mahāsamuddaṃ pāpuṇituṃ asamatthakālo viya arahattamaggena avijjāpāḷiṃ bhinditvā kilesarāsiṃ vidhamitvā nibbānaṃ sacchikātuṃ asamatthakālo, cammakhaṇḍapilotikādīnaṃ tattheva pūtibhāvo viya abbhantare rāgādikilesehi paripūritakālo, tassa āgantvā disvā vippaṭisārino gatakālo viya vaṭṭasamaṅgipuggalassa vaṭṭe abhiratakālo veditabbo.
аал̣иббабхзд̣̇о баадиган̇код̇и баал̣иббабхзд̣̇о баадиган̇кид̇аб̣б̣о. д̇ад̇о хи уд̣̇агам̣ удтааяа баал̣им̣ бхинд̣̇ид̇ваа гажаварам̣ аад̣̇ааяа махаасамуд̣̇д̣̇ам̣ баабун̣ид̇ум̣ сагкиссад̇ийд̇и ад̇т̇о.
Āḷippabhedo pāṭikaṅkhoti pāḷippabhedo pāṭikaṅkhitabbo. Tato hi udakaṃ uṭṭhāya pāḷiṃ bhinditvā kacavaraṃ ādāya mahāsamuddaṃ pāpuṇituṃ sakkhissatīti attho.
ид̇хааби д̇ад̣̇зва обаммам̣ аахарид̇аб̣б̣ам̣. д̇ад̇т̇а ааяамукаанам̣ вивадагаало вияа саббааяад̇хаммассаванасса лад̣̇д̇хагаало, абааяамукаанам̣ бихид̇агаало вияа часу д̣̇ваарзсу сам̣варасса бажжубадтид̇агаало, д̣̇звасса саммаа вудтагаало вияа саббааяагаммадтаанасса лад̣̇д̇хагаало, уд̣̇агасса удтааяа баал̣им̣ бхинд̣̇ид̇ваа гажаварам̣ аад̣̇ааяа махаасамуд̣̇д̣̇ам̣ бад̇д̇агаало вияа арахад̇д̇амаг̇г̇зна авиж̇ж̇ам̣ бхинд̣̇ид̇ваа агусалараасим̣ вид̇хамид̇ваа арахад̇д̇ам̣ сажчигад̇агаало, ааяамукзхи бавидтзна уд̣̇агзна сарасса барибун̣н̣агаало вияа аб̣бханд̇арз логуд̇д̇арад̇хаммзхи барибун̣н̣агаало, саманд̇ад̇о вад̇им̣ гад̇ваа ругкз робзд̇ваа уяяаанамаж̇жхз баасаад̣̇ам̣ маабзд̇ваа наадагаани бажжубадтабзд̇ваа субхож̇анам̣ бхун̃ж̇анд̇асса нисиннагаало вияа д̇хаммабаасаад̣̇ам̣ ааруяха ниб̣б̣аанаарамман̣ам̣ паласамаабад̇д̇им̣ аббзд̇ваа нисиннагаало взд̣̇ид̇аб̣б̣о. сзсамзд̇т̇а уд̇д̇аанад̇т̇амзва. д̣̇зсанаа бана логияалогуд̇д̇арамиссигаа гат̇ид̇аад̇и.
Idhāpi tadeva opammaṃ āharitabbaṃ. Tattha āyamukhānaṃ vivaṭakālo viya sappāyadhammassavanassa laddhakālo, apāyamukhānaṃ pihitakālo viya chasu dvāresu saṃvarassa paccupaṭṭhitakālo, devassa sammā vuṭṭhakālo viya sappāyakammaṭṭhānassa laddhakālo, udakassa uṭṭhāya pāḷiṃ bhinditvā kacavaraṃ ādāya mahāsamuddaṃ pattakālo viya arahattamaggena avijjaṃ bhinditvā akusalarāsiṃ vidhamitvā arahattaṃ sacchikatakālo, āyamukhehi paviṭṭhena udakena sarassa paripuṇṇakālo viya abbhantare lokuttaradhammehi paripuṇṇakālo, samantato vatiṃ katvā rukkhe ropetvā uyyānamajjhe pāsādaṃ māpetvā nāṭakāni paccupaṭṭhapetvā subhojanaṃ bhuñjantassa nisinnakālo viya dhammapāsādaṃ āruyha nibbānārammaṇaṃ phalasamāpattiṃ appetvā nisinnakālo veditabbo. Sesamettha uttānatthameva. Desanā pana lokiyalokuttaramissikā kathitāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. ж̇амб̣аалийсуд̇д̇ам̣ • 8. Jambālīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. ж̇амб̣аалийсуд̇д̇аван̣н̣анаа • 8. Jambālīsuttavaṇṇanā
