| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
8. ж̇амб̣аалийсуд̇д̇аван̣н̣анаа
8. Jambālīsuttavaṇṇanā
178. адтамз санд̇анд̇и ан̇г̇асанд̇ад̇ааяа жзва аарамман̣асанд̇ад̇ааяа жа гаманийяам̣ манохарам̣. жзд̇овимуд̇д̇инд̇и руубааруубааважарам̣ жид̇д̇авимуд̇д̇им̣. д̇знзвааха ‘‘адтаннам̣ самаабад̇д̇ийнам̣ ан̃н̃ад̇арам̣ самаабад̇д̇и’’нд̇и. лзбамагкид̇знаад̇и лаакаамагкид̇зна. баарибант̇игз асод̇хзд̇ваад̇и гаамажчанд̣̇аад̣̇ибаарибант̇игз асод̇хзд̇ваа. яо хи гаамаад̣̇ийнавабажжавзгкан̣аад̣̇ийхи гаамажчанд̣̇ам̣ на судту вигкамбхзд̇ваа гааяаббассад̣̇д̇хивасзна д̣̇удтуллам̣ суббадиббассад̣̇д̇хам̣ агад̇ваа аарамбхад̇хаад̇уманасигаараад̣̇ивасзна т̇инамид̣̇д̇хам̣ на судту бадивинод̣̇зд̇ваа самат̇анимид̇д̇аманасигаараад̣̇ивасзна уд̣̇д̇хажжагуггужжам̣ на самуухад̇ам̣ гад̇ваа ан̃н̃зби самаад̇хибарибант̇з д̇хаммз на судту сод̇хзд̇ваа жхаанам̣ самаабаж̇ж̇ад̇и. со асод̇хид̇ам̣ аасаяам̣ бавидтабхамаро вияа асуд̣̇д̇хам̣ уяяаанам̣ бавидтарааж̇аа вияа жа киббамзва нигкамад̇и. яо бана самаад̇хибарибант̇з д̇хаммз судту висод̇хзд̇ваа жхаанам̣ самаабаж̇ж̇ад̇и, со сувисод̇хид̇ам̣ аасаяам̣ бавидтабхамаро вияа субарисуд̣̇д̇хам̣ уяяаанам̣ бавидтарааж̇аа вияа жа сагаламби д̣̇ивасабхааг̇ам̣ анд̇осамаабад̇д̇ияам̣язва ход̇и.
178. Aṭṭhame santanti aṅgasantatāya ceva ārammaṇasantatāya ca kamanīyaṃ manoharaṃ. Cetovimuttinti rūpārūpāvacaraṃ cittavimuttiṃ. Tenevāha ‘‘aṭṭhannaṃ samāpattīnaṃ aññataraṃ samāpatti’’nti. Lepamakkhitenāti lākhāmakkhitena. Pāripanthike asodhetvāti kāmacchandādipāripanthike asodhetvā. Yo hi kāmādīnavapaccavekkhaṇādīhi kāmacchandaṃ na suṭṭhu vikkhambhetvā kāyappassaddhivasena duṭṭhullaṃ suppaṭippassaddhaṃ akatvā ārambhadhātumanasikārādivasena thinamiddhaṃ na suṭṭhu paṭivinodetvā samathanimittamanasikārādivasena uddhaccakukkuccaṃ na samūhataṃ katvā aññepi samādhiparipanthe dhamme na suṭṭhu sodhetvā jhānaṃ samāpajjati. So asodhitaṃ āsayaṃ paviṭṭhabhamaro viya asuddhaṃ uyyānaṃ paviṭṭharājā viya ca khippameva nikkhamati. Yo pana samādhiparipanthe dhamme suṭṭhu visodhetvā jhānaṃ samāpajjati, so suvisodhitaṃ āsayaṃ paviṭṭhabhamaro viya suparisuddhaṃ uyyānaṃ paviṭṭharājā viya ca sakalampi divasabhāgaṃ antosamāpattiyaṃyeva hoti.
ааяамукаанийд̇и над̣̇ид̇ал̣аагаганд̣̇арабад̣̇араад̣̇ид̇о ааг̇аманамаг̇г̇аа. д̇з жа ганд̣̇арааязваад̇и ааха ‘‘жад̇ассо бависанаганд̣̇араа’’д̇и. абааяамукаанийд̇и абаг̇аманамаг̇г̇аа. абзнд̇и абаг̇ажчанд̇и зд̇зхийд̇и хи абааяаа, д̇з зва мукаанийд̇и абааяамукаани. д̇аани жа уд̣̇аганигкаманажчид̣̇д̣̇аанийд̇и ааха ‘‘абавааханажчид̣̇д̣̇ааний’’д̇и, абааяасан̇каад̇аани уд̣̇аганигкаманажчид̣̇д̣̇аанийд̇и ад̇т̇о. сзсам̣ сувин̃н̃зяяамзва.
Āyamukhānīti naditaḷākakandarapadarādito āgamanamaggā. Te ca kandarāyevāti āha ‘‘catasso pavisanakandarā’’ti. Apāyamukhānīti apagamanamaggā. Apenti apagacchanti etehīti hi apāyā, te eva mukhānīti apāyamukhāni. Tāni ca udakanikkhamanacchiddānīti āha ‘‘apavāhanacchiddānī’’ti, apāyasaṅkhātāni udakanikkhamanacchiddānīti attho. Sesaṃ suviññeyyameva.
ж̇амб̣аалийсуд̇д̇аван̣н̣анаа нидтид̇аа.
Jambālīsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. ж̇амб̣аалийсуд̇д̇ам̣ • 8. Jambālīsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. ж̇амб̣аалийсуд̇д̇аван̣н̣анаа • 8. Jambālīsuttavaṇṇanā
