| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
8. ж̇амб̣уг̇аамияабуд̇д̇ад̇т̇зраг̇аат̇ааван̣н̣анаа
8. Jambugāmiyaputtattheragāthāvaṇṇanā
гажжи но вад̇т̇абасуд̇од̇и ааяасмад̇о ж̇амб̣уг̇аамияабуд̇д̇ад̇т̇зрасса г̇аат̇аа. гаа уббад̇д̇и? со гира буримаб̣уд̣̇д̇хзсу гад̇аад̇хигааро худ̇ваа д̇ад̇т̇а д̇ад̇т̇а виваддуубаниссаяам̣ гусалам̣ аажинанд̇о ид̇о згад̇им̣сз габбз взссабхусса бхаг̇авад̇о гаалз згад̣̇ивасам̣ гим̣сугаани бубпаани д̣̇исваа д̇аани бубпаани г̇ахзд̇ваа б̣уд̣̇д̇хаг̇ун̣з ануссаранд̇о бхаг̇аванд̇ам̣ уд̣̇д̣̇исса аагаасз кибанд̇о бууж̇зси. со д̇зна бун̃н̃агаммзна д̇аавад̇им̣сзсу ниб̣б̣ад̇д̇о. д̇ад̇о барам̣ бун̃н̃аани гад̇ваа абараабарам̣ д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з жамбааяам̣ ж̇амб̣уг̇аамияасса наама убаасагасса буд̇д̇о худ̇ваа ниб̣б̣ад̇д̇и. д̇зна бун̃н̃агаммзна д̇аавад̇им̣сзсу ниб̣б̣ад̇д̇о. д̇ад̇о барам̣ бун̃н̃аани гад̇ваа абараабарам̣ д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з жамбааяам̣ ж̇амб̣уг̇аамияасса наама убаасагасса буд̇ваа ниб̣б̣ад̇д̇и. д̇знасса ж̇амб̣уг̇аамияабуд̇д̇од̇взва саман̃н̃аа ахоси. со ваяаббад̇д̇о бхаг̇авад̇о санд̇игз д̇хаммам̣ суд̇ваа бадилад̣̇д̇хасам̣взг̇о баб̣б̣аж̇ид̇ваа гад̇абуб̣б̣агижжо гаммадтаанам̣ г̇ахзд̇ваа саагзд̇з ан̃ж̇анаванз васад̇и. ат̇асса бид̇аа ‘‘гим̣ ну ко мама буд̇д̇о саасанз абхирад̇о вихарад̇и, уд̣̇ааху но’’д̇и виймам̣санад̇т̇ам̣ ‘‘гажжи но вад̇т̇абасуд̇о’’д̇и г̇аат̇ам̣ ликид̇ваа бзсзси. со д̇ам̣ ваажзд̇ваа, ‘‘бид̇аа мз бамаад̣̇авихаарам̣ аасан̇гад̇и, ахан̃жа аж̇ж̇ааби бут̇уж̇ж̇анабхуумим̣ наад̇ивад̇д̇о’’д̇и сам̣взг̇аж̇аад̇о гхадзнд̇о вааяаманд̇о нажирассзва чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 2.50.25-30) –
Kaccino vatthapasutoti āyasmato jambugāmiyaputtattherassa gāthā. Kā uppatti? So kira purimabuddhesu katādhikāro hutvā tattha tattha vivaṭṭūpanissayaṃ kusalaṃ ācinanto ito ekatiṃse kappe vessabhussa bhagavato kāle ekadivasaṃ kiṃsukāni pupphāni disvā tāni pupphāni gahetvā buddhaguṇe anussaranto bhagavantaṃ uddissa ākāse khipanto pūjesi. So tena puññakammena tāvatiṃsesu nibbatto. Tato paraṃ puññāni katvā aparāparaṃ devamanussesu saṃsaranto imasmiṃ buddhuppāde campāyaṃ jambugāmiyassa nāma upāsakassa putto hutvā nibbatti. Tena puññakammena tāvatiṃsesu nibbatto. Tato paraṃ puññāni katvā aparāparaṃ devamanussesu saṃsaranto imasmiṃ buddhuppāde campāyaṃ jambugāmiyassa nāma upāsakassa putvā nibbatti. Tenassa jambugāmiyaputtotveva samaññā ahosi. So vayappatto bhagavato santike dhammaṃ sutvā paṭiladdhasaṃvego pabbajitvā katapubbakicco kammaṭṭhānaṃ gahetvā sākete añjanavane vasati. Athassa pitā ‘‘kiṃ nu kho mama putto sāsane abhirato viharati, udāhu no’’ti vīmaṃsanatthaṃ ‘‘kacci no vatthapasuto’’ti gāthaṃ likhitvā pesesi. So taṃ vācetvā, ‘‘pitā me pamādavihāraṃ āsaṅkati, ahañca ajjāpi puthujjanabhūmiṃ nātivatto’’ti saṃvegajāto ghaṭento vāyamanto nacirasseva chaḷabhiñño ahosi. Tena vuttaṃ apadāne (apa. thera 2.50.25-30) –
‘‘гим̣сугам̣ бубпид̇ам̣ д̣̇исваа, баг̇г̇ахзд̇ваана ан̃ж̇алим̣;
‘‘Kiṃsukaṃ pupphitaṃ disvā, paggahetvāna añjaliṃ;
б̣уд̣̇д̇хасздтам̣ сарид̇ваана, аагаасз абхибууж̇аяим̣.
Buddhaseṭṭhaṃ saritvāna, ākāse abhipūjayiṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘згад̇им̣сз ид̇о габбз, яам̣ гаммамагарим̣ д̇ад̣̇аа;
‘‘Ekatiṃse ito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа н̃аад̇ийнам̣ васананаг̇арам̣ г̇анд̇ваа саасанасса нияяаанигабхаавам̣ багаасзнд̇о ид̣̇д̇хибаадихаарияам̣ д̣̇ассзси. д̇ам̣ д̣̇исваа н̃аад̇агаа басаннамаанасаа б̣ахуу сан̇гхаараамз гаарзсум̣. т̇зроби сагабид̇араа бзсид̇ам̣ г̇аат̇ам̣ ан̇гусам̣ гад̇ваа гхадзнд̇о вааяаманд̇о арахад̇д̇ам̣ сажчаагааси. ан̃н̃ам̣ б̣яаагаронд̇оби бид̇убууж̇анад̇т̇ам̣ ‘‘гажжи но вад̇т̇абасуд̇о’’д̇и д̇амзва г̇аат̇ам̣ абхааси.
Arahattaṃ pana patvā ñātīnaṃ vasananagaraṃ gantvā sāsanassa niyyānikabhāvaṃ pakāsento iddhipāṭihāriyaṃ dassesi. Taṃ disvā ñātakā pasannamānasā bahū saṅghārāme kāresuṃ. Theropi sakapitarā pesitaṃ gāthaṃ aṅkusaṃ katvā ghaṭento vāyamanto arahattaṃ sacchākāsi. Aññaṃ byākarontopi pitupūjanatthaṃ ‘‘kacci no vatthapasuto’’ti tameva gāthaṃ abhāsi.
28. д̇ад̇т̇а гажжийд̇и бужчааяам̣ нибаад̇о. нод̇и бадисзд̇хз. вад̇т̇абасуд̇од̇и вад̇т̇з басуд̇о вад̇т̇абасуд̇о, жийвараман̣д̣анаабхирад̇о. нид̣̇ассанамад̇д̇ан̃жзд̇ам̣ бад̇д̇аман̣д̣анаад̣̇ижаабаллабадигкзбассааби ад̇хиббзд̇ад̇д̇аа. ‘‘гажжи на вад̇т̇абасуд̇о’’д̇иби баато, со звад̇т̇о. бхуусанаарад̇од̇и ад̇д̇абхаававибхуусанааяа рад̇о абхирад̇о, яат̇згажжз баб̣б̣аж̇ид̇вааби жабалаа гааяад̣̇ал̣хиб̣ахулаа жийвараад̣̇ибаригкаарасса ад̇д̇ано сарийрасса жа ман̣д̣анавибхуусанадтаанааяа яуд̇д̇аа хонд̇и. гимзва баригкаарабасуд̇о бхуусанаарад̇о жа наахосийд̇и аяамзд̇т̇а бад̣̇ад̣̇ваяассааби ад̇т̇о. сийламаяам̣ г̇анд̇ханд̇и акан̣д̣аад̣̇ибхааваабаад̣̇анзна субарисуд̣̇д̇хасса жад̇уб̣б̣ид̇хассаби сийласса васзна явааяам̣ ‘‘яо жа сийлавад̇ам̣ баж̇аад̇и на ид̇араа д̣̇уссийлабаж̇аа, д̣̇уссийлад̇д̇ааязва д̣̇уссиляамаяам̣ д̣̇уг̇г̇анд̇хам̣ вааяад̇и, звам̣ д̇вам̣ д̣̇уг̇г̇анд̇хам̣ авааяид̇ваа гажжи сийламаяам̣ г̇анд̇хам̣ вааяасийд̇и ад̇т̇о. ат̇а ваа нзд̇араа баж̇аад̇и на ид̇араа д̣̇уссийлабаж̇аа, д̇ам̣ гажжи на ход̇и, яад̇о сийламаяам̣ г̇анд̇хам̣ вааяасийд̇и б̣яад̇ирзгзна сийлаг̇анд̇хавааяанамзва вибхаавзд̇и.
28. Tattha kaccīti pucchāyaṃ nipāto. Noti paṭisedhe. Vatthapasutoti vatthe pasuto vatthapasuto, cīvaramaṇḍanābhirato. Nidassanamattañcetaṃ pattamaṇḍanādicāpallapaṭikkhepassāpi adhippetattā. ‘‘Kacci na vatthapasuto’’tipi pāṭho, so evattho. Bhūsanāratoti attabhāvavibhūsanāya rato abhirato, yathekacce pabbajitvāpi capalā kāyadaḷhibahulā cīvarādiparikkhārassa attano sarīrassa ca maṇḍanavibhūsanaṭṭhānāya yuttā honti. Kimeva parikkhārapasuto bhūsanārato ca nāhosīti ayamettha padadvayassāpi attho. Sīlamayaṃ gandhanti akhaṇḍādibhāvāpādanena suparisuddhassa catubbidhassapi sīlassa vasena yvāyaṃ ‘‘yo ca sīlavataṃ pajāti na itarā dussīlapajā, dussīlattāyeva dussilyamayaṃ duggandhaṃ vāyati, evaṃ tvaṃ duggandhaṃ avāyitvā kacci sīlamayaṃ gandhaṃ vāyasīti attho. Atha vā netarā pajāti na itarā dussīlapajā, taṃ kacci na hoti, yato sīlamayaṃ gandhaṃ vāyasīti byatirekena sīlagandhavāyanameva vibhāveti.
ж̇амб̣уг̇аамияабуд̇д̇ад̇т̇зраг̇аат̇ааван̣н̣анаа нидтид̇аа.
Jambugāmiyaputtattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 8. ж̇амб̣уг̇аамигабуд̇д̇ад̇т̇зраг̇аат̇аа • 8. Jambugāmikaputtattheragāthā
