| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
5. ж̇амб̣угад̇т̇зраг̇аат̇ааван̣н̣анаа
5. Jambukattheragāthāvaṇṇanā
бан̃жабан̃н̃аасаад̇иаад̣̇игаа ааяасмад̇о ж̇амб̣угад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о д̇иссасса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о сад̇т̇у саммаасамб̣од̇хим̣ сад̣̇д̣̇аханд̇о б̣од̇хиругкам̣ ванд̣̇ид̇ваа б̣ийж̇анзна бууж̇зси. со д̇зна бун̃н̃агаммзна д̣̇звамануссзсу сам̣саранд̇о гассабасса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о саасанз баб̣б̣аж̇ид̇ваа ан̃н̃ад̇арзна убаасагзна гаарид̇з аараамз ааваасиго худ̇ваа вихарад̇и д̇зна убадтийяамаано. ат̇згад̣̇ивасам̣ зго кийн̣аасавад̇т̇зро луукажийварад̇харо гзсохаран̣ад̇т̇ам̣ аран̃н̃ад̇о г̇аамаабхимуко ааг̇ажчад̇и, д̇ам̣ д̣̇исваа со убаасаго ирияаабат̇з басийд̣̇ид̇ваа габбагзна гзсамассууни охаараабзд̇ваа бан̣ийд̇абхож̇анам̣ бхож̇зд̇ваа сунд̣̇араани жийвараани д̣̇ад̇ваа ‘‘ид̇хзва, бханд̇з, васат̇аа’’д̇и васаабзд̇и. д̇ам̣ д̣̇исваа ааваасиго иссаамажчзрабагад̇о кийн̣аасавад̇т̇зрам̣ ааха – ‘‘варам̣ д̇з, бхигку, иминаа баабубаасагзна убадтийяамаанасса звам̣ ид̇ха васанад̇о ан̇г̇улийхи гзсз лун̃жид̇ваа ажзласса сад̇о г̇уут̇амуд̇д̇аахаараж̇ийвана’’нд̇и. зван̃жа бана вад̇ваа д̇аавад̣̇зва важжагудим̣ бависид̇ваа бааяаасам̣ вад̣дхзнд̇о вияа хад̇т̇зна г̇уут̇ам̣ вад̣дхзд̇ваа вад̣дхзд̇ваа яаавад̣̇ад̇т̇ам̣ каад̣̇и, муд̇д̇ан̃жа биви. иминаа нияаамзна яаавад̇ааяугам̣ тад̇ваа гаалан̇гад̇ваа нираяз бажжид̇ваа буна г̇уут̇амуд̇д̇аахааро васид̇ваа д̇ассзва гаммасса вибаагаавасзсзна мануссзсу уббанноби бан̃жа ж̇аад̇исад̇аани ниг̇ан̣то худ̇ваа г̇уут̇абхагко ахоси.
Pañcapaññāsātiādikā āyasmato jambukattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto tissassa bhagavato kāle kulagehe nibbattitvā viññutaṃ patto satthu sammāsambodhiṃ saddahanto bodhirukkhaṃ vanditvā bījanena pūjesi. So tena puññakammena devamanussesu saṃsaranto kassapassa bhagavato kāle kulagehe nibbattitvā viññutaṃ patto sāsane pabbajitvā aññatarena upāsakena kārite ārāme āvāsiko hutvā viharati tena upaṭṭhīyamāno. Athekadivasaṃ eko khīṇāsavatthero lūkhacīvaradharo kesoharaṇatthaṃ araññato gāmābhimukho āgacchati, taṃ disvā so upāsako iriyāpathe pasīditvā kappakena kesamassūni ohārāpetvā paṇītabhojanaṃ bhojetvā sundarāni cīvarāni datvā ‘‘idheva, bhante, vasathā’’ti vasāpeti. Taṃ disvā āvāsiko issāmaccherapakato khīṇāsavattheraṃ āha – ‘‘varaṃ te, bhikkhu, iminā pāpupāsakena upaṭṭhīyamānassa evaṃ idha vasanato aṅgulīhi kese luñcitvā acelassa sato gūthamuttāhārajīvana’’nti. Evañca pana vatvā tāvadeva vaccakuṭiṃ pavisitvā pāyāsaṃ vaḍḍhento viya hatthena gūthaṃ vaḍḍhetvā vaḍḍhetvā yāvadatthaṃ khādi, muttañca pivi. Iminā niyāmena yāvatāyukaṃ ṭhatvā kālaṅkatvā niraye paccitvā puna gūthamuttāhāro vasitvā tasseva kammassa vipākāvasesena manussesu uppannopi pañca jātisatāni nigaṇṭho hutvā gūthabhakkho ahosi.
буна имасмим̣ б̣уд̣̇д̇хуббаад̣̇з мануссаяонияам̣ ниб̣б̣ад̇д̇амааноби арияуубаваад̣̇аб̣алзна д̣̇уг̇г̇ад̇агуулз ниб̣б̣ад̇д̇ид̇ваа т̇ан̃н̃ам̣ ваа кийрам̣ ваа саббим̣ ваа бааяамаано, д̇ам̣ чад̣д̣зд̇ваа муд̇д̇амзва бивад̇и, од̣̇анам̣ бхож̇ияамаано, д̇ам̣ чад̣д̣зд̇ваа г̇уут̇амзва каад̣̇ад̇и, звам̣ г̇уут̇амуд̇д̇абарибхог̇зна вад̣дханд̇о ваяаббад̇д̇оби д̇ад̣̇зва барибхун̃ж̇ад̇и. мануссаа д̇ад̇о ваарзд̇ум̣ асаггонд̇аа барижжаж̇им̣су. со н̃аад̇агзхи барижжад̇д̇о наг̇г̇абаб̣б̣аж̇ж̇ам̣ баб̣б̣аж̇ид̇ваа на нхааяад̇и, раж̇ож̇аллад̇харо гзсамассууни лун̃жид̇ваа ан̃н̃з ирияаабат̇з бадигкибид̇ваа згабаад̣̇зна д̇идтад̇и, ниманд̇анам̣ на саад̣̇ияад̇и, маасобаваасам̣ ад̇хидтааяа бун̃н̃ад̇т̇игзхи д̣̇иннам̣ бхож̇анам̣ маасз маасз згаваарам̣ гусаг̇г̇зна г̇ахзд̇ваа д̣̇иваа ж̇ивхаг̇г̇зна лзхад̇и, рад̇д̇ияам̣ бана ‘‘аллаг̇уут̇ам̣ саббаан̣ага’’нд̇и акаад̣̇ид̇ваа сугкаг̇уут̇амзва каад̣̇ад̇и, звам̣ гаронд̇асса бан̃жабан̃н̃аасавассаани вийд̇ивад̇д̇аани махааж̇ано ‘‘махаад̇або барамаббижчо’’д̇и ман̃н̃амаано д̇аннинно д̇аббон̣о ахоси.
Puna imasmiṃ buddhuppāde manussayoniyaṃ nibbattamānopi ariyūpavādabalena duggatakūle nibbattitvā thaññaṃ vā khīraṃ vā sappiṃ vā pāyamāno, taṃ chaḍḍetvā muttameva pivati, odanaṃ bhojiyamāno, taṃ chaḍḍetvā gūthameva khādati, evaṃ gūthamuttaparibhogena vaḍḍhanto vayappattopi tadeva paribhuñjati. Manussā tato vāretuṃ asakkontā pariccajiṃsu. So ñātakehi pariccatto naggapabbajjaṃ pabbajitvā na nhāyati, rajojalladharo kesamassūni luñcitvā aññe iriyāpathe paṭikkhipitvā ekapādena tiṭṭhati, nimantanaṃ na sādiyati, māsopavāsaṃ adhiṭṭhāya puññatthikehi dinnaṃ bhojanaṃ māse māse ekavāraṃ kusaggena gahetvā divā jivhaggena lehati, rattiyaṃ pana ‘‘allagūthaṃ sappāṇaka’’nti akhāditvā sukkhagūthameva khādati, evaṃ karontassa pañcapaññāsavassāni vītivattāni mahājano ‘‘mahātapo paramappiccho’’ti maññamāno tanninno tappoṇo ahosi.
ат̇а бхаг̇аваа д̇асса хад̣̇аяаб̣бханд̇арз гхадз бад̣̇ийбам̣ вияа арахад̇д̇уубаниссаяам̣ баж̇ж̇аланд̇ам̣ д̣̇исваа саяамзва д̇ад̇т̇а г̇анд̇ваа д̇хаммам̣ д̣̇зсзд̇ваа сод̇аабад̇д̇ипалз бад̇идтаабзд̇ваа, зхибхигкуубасамбад̣̇ааяа лад̣̇д̇хуубасамбад̣̇ам̣ вибассанам̣ уссуггаабзд̇ваа арахад̇д̇з бад̇идтаабзси. аяамзд̇т̇а сан̇кзбо. вид̇т̇ааро бана д̇хаммабад̣̇з ‘‘маасз маасз гусаг̇г̇знаа’’д̇и г̇аат̇ааван̣н̣анааяа (д̇ха. ба. адта. 1.ж̇амб̣угад̇т̇зравад̇т̇у) вуд̇д̇анаязна взд̣̇ид̇аб̣б̣о. арахад̇д̇з бана бад̇идтид̇о бариниб̣б̣аанагаалз ‘‘аад̣̇ид̇о мижчаа бадибаж̇ж̇ид̇вааби саммаасамб̣уд̣̇д̇хам̣ ниссааяа саавагзна ад̇хиг̇анд̇аб̣б̣ам̣ маяаа ад̇хиг̇ад̇а’’нд̇и д̣̇ассзнд̇о –
Atha bhagavā tassa hadayabbhantare ghaṭe padīpaṃ viya arahattūpanissayaṃ pajjalantaṃ disvā sayameva tattha gantvā dhammaṃ desetvā sotāpattiphale patiṭṭhāpetvā, ehibhikkhūpasampadāya laddhūpasampadaṃ vipassanaṃ ussukkāpetvā arahatte patiṭṭhāpesi. Ayamettha saṅkhepo. Vitthāro pana dhammapade ‘‘māse māse kusaggenā’’ti gāthāvaṇṇanāya (dha. pa. aṭṭha. 1.jambukattheravatthu) vuttanayena veditabbo. Arahatte pana patiṭṭhito parinibbānakāle ‘‘ādito micchā paṭipajjitvāpi sammāsambuddhaṃ nissāya sāvakena adhigantabbaṃ mayā adhigata’’nti dassento –
283.
283.
‘‘бан̃жабан̃н̃аасавассаани, раж̇ож̇алламад̇хаараяим̣;
‘‘Pañcapaññāsavassāni, rajojallamadhārayiṃ;
бхун̃ж̇анд̇о маасигам̣ бхад̇д̇ам̣, гзсамассум̣ аложаяим̣.
Bhuñjanto māsikaṃ bhattaṃ, kesamassuṃ alocayiṃ.
284.
284.
‘‘згабаад̣̇зна адтаасим̣, аасанам̣ бариваж̇ж̇аяим̣;
‘‘Ekapādena aṭṭhāsiṃ, āsanaṃ parivajjayiṃ;
сугкаг̇уут̇аани жа каад̣̇им̣, уд̣̇д̣̇зсан̃жа на саад̣̇ияим̣.
Sukkhagūthāni ca khādiṃ, uddesañca na sādiyiṃ.
285.
285.
‘‘зд̇аад̣̇исам̣ гарид̇ваана, б̣ахум̣ д̣̇уг̇г̇ад̇иг̇ааминам̣;
‘‘Etādisaṃ karitvāna, bahuṃ duggatigāminaṃ;
вуяхамаано махогхзна, б̣уд̣̇д̇хам̣ саран̣амааг̇амам̣.
Vuyhamāno mahoghena, buddhaṃ saraṇamāgamaṃ.
286.
286.
‘‘саран̣аг̇аманам̣ басса, басса д̇хаммасуд̇хаммад̇ам̣;
‘‘Saraṇagamanaṃ passa, passa dhammasudhammataṃ;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасана’’нд̇и. –
Tisso vijjā anuppattā, kataṃ buddhassa sāsana’’nti. –
имаа жад̇ассо г̇аат̇аа абхааси.
Imā catasso gāthā abhāsi.
д̇ад̇т̇а бан̃жабан̃н̃аасавассаани, раж̇ож̇алламад̇хаараяинд̇и наг̇г̇абаб̣б̣аж̇ж̇уубаг̇аманзна нхаанабадигкзбад̇о бан̃жаад̇хигаани бан̃н̃аасавассаани сарийрз лаг̇г̇ам̣ ааг̇анд̇угарзн̣усан̇каад̇ам̣ раж̇о, сарийрамаласан̇каад̇ам̣ ж̇аллан̃жа гааязна д̇хаарзсим̣. бхун̃ж̇анд̇о маасигам̣ бхад̇д̇анд̇и рад̇д̇ияам̣ г̇уут̇ам̣ каад̣̇анд̇о логаван̃жанад̇т̇ам̣ маасобаваасиго наама худ̇ваа бун̃н̃ад̇т̇игзхи д̣̇иннам̣ бхож̇анам̣ маасз маасз згаваарам̣ ж̇ивхаг̇г̇з батанавасзна бхун̃ж̇анд̇о аложаяинд̇и д̇аад̣̇исажчааригаабагкзбзна сит̇иламуулам̣ гзсамассум̣ ан̇г̇улийхи лун̃жаабзсим̣.
Tattha pañcapaññāsavassāni, rajojallamadhārayinti naggapabbajjūpagamanena nhānapaṭikkhepato pañcādhikāni paññāsavassāni sarīre laggaṃ āgantukareṇusaṅkhātaṃ rajo, sarīramalasaṅkhātaṃ jallañca kāyena dhāresiṃ. Bhuñjanto māsikaṃ bhattanti rattiyaṃ gūthaṃ khādanto lokavañcanatthaṃ māsopavāsiko nāma hutvā puññatthikehi dinnaṃ bhojanaṃ māse māse ekavāraṃ jivhagge paṭhanavasena bhuñjanto alocayinti tādisacchārikāpakkhepena sithilamūlaṃ kesamassuṃ aṅgulīhi luñcāpesiṃ.
згабаад̣̇зна адтаасим̣, аасанам̣ бариваж̇ж̇аяинд̇и саб̣б̣зна саб̣б̣ам̣ аасанам̣ нисаж̇ж̇ам̣ бариваж̇ж̇зсим̣, д̇идтанд̇о жа убхо хад̇т̇з угкибид̇ваа згзнзва баад̣̇зна адтаасим̣. уд̣̇д̣̇зсанд̇и ниманд̇анам̣. уд̣̇иссагад̇анд̇и гзжи. на саад̣̇ияинд̇и на самбадижчим̣ бадигкибинд̇и ад̇т̇о.
Ekapādenaaṭṭhāsiṃ, āsanaṃ parivajjayinti sabbena sabbaṃ āsanaṃ nisajjaṃ parivajjesiṃ, tiṭṭhanto ca ubho hatthe ukkhipitvā ekeneva pādena aṭṭhāsiṃ. Uddesanti nimantanaṃ. Udissakatanti keci. Na sādiyinti na sampaṭicchiṃ paṭikkhipinti attho.
зд̇аад̣̇исам̣ гарид̇ваана, б̣ахум̣ д̣̇уг̇г̇ад̇иг̇ааминанд̇и зд̇аад̣̇исам̣ зваруубам̣ вибааганиб̣б̣ад̇д̇анагам̣ д̣̇уг̇г̇ад̇иг̇ааминам̣ б̣ахум̣ баабагаммам̣ буримаж̇аад̇ийсу ид̇ха жа гад̇ваа уббаад̣̇зд̇ваа. вуяхамаано махогхзнаад̇и гаамогхаад̣̇инаа махад̇аа огхзна висзсад̇о д̣̇идтогхзна абааяасамуд̣̇д̣̇ам̣ бад̇иаагад̣дхияамаано, б̣уд̣̇д̇хам̣ саран̣амааг̇аманд̇и д̇аад̣̇исзна бун̃н̃агаммажчид̣̇д̣̇зна гижчзна мануссад̇д̇абхаавам̣ лабхид̇ваа ид̣̇аани бун̃н̃аб̣алзна б̣уд̣̇д̇хам̣ ‘‘саран̣а’’нд̇и ааг̇амаасим̣, ‘‘саммаасамб̣уд̣̇д̇хо бхаг̇аваа’’д̇и авзжжабасаад̣̇зна сад̇т̇ари басийд̣̇им̣. саран̣аг̇аманам̣ басса, басса д̇хаммасуд̇хаммад̇анд̇и ааяад̇анаг̇ад̇ам̣ мама саран̣аг̇аманам̣ басса, басса саасанад̇хаммасса жа суд̇хаммад̇ам̣ яохам̣ д̇ат̇аамижчаабадибанноби зговаад̣̇знзва сад̇т̇аараа зд̣̇исам̣ самбад̇д̇им̣ самбаабид̇о. ‘‘д̇иссо виж̇ж̇аа’’д̇иаад̣̇инаа д̇ам̣ самбад̇д̇им̣ д̣̇ассзд̇и д̇знааха (аба. т̇зра 2.46.17-21) –
Etādisaṃ karitvāna, bahuṃ duggatigāminanti etādisaṃ evarūpaṃ vipākanibbattanakaṃ duggatigāminaṃ bahuṃ pāpakammaṃ purimajātīsu idha ca katvā uppādetvā. Vuyhamānomahoghenāti kāmoghādinā mahatā oghena visesato diṭṭhoghena apāyasamuddaṃ patiākaḍḍhiyamāno, buddhaṃ saraṇamāgamanti tādisena puññakammacchiddena kicchena manussattabhāvaṃ labhitvā idāni puññabalena buddhaṃ ‘‘saraṇa’’nti āgamāsiṃ, ‘‘sammāsambuddho bhagavā’’ti aveccapasādena satthari pasīdiṃ. Saraṇagamanaṃ passa, passa dhammasudhammatanti āyatanagataṃ mama saraṇagamanaṃ passa, passa sāsanadhammassa ca sudhammataṃ yohaṃ tathāmicchāpaṭipannopi ekovādeneva satthārā edisaṃ sampattiṃ sampāpito. ‘‘Tisso vijjā’’tiādinā taṃ sampattiṃ dasseti tenāha (apa. thera 2.46.17-21) –
‘‘д̇иссассаахам̣ бхаг̇авад̇о, б̣од̇хиругкамаванд̣̇ияам̣;
‘‘Tissassāhaṃ bhagavato, bodhirukkhamavandiyaṃ;
баг̇г̇аяха б̣ийж̇аним̣ д̇ад̇т̇а, сийхаасанамаб̣ийж̇ахам̣.
Paggayha bījaniṃ tattha, sīhāsanamabījahaṃ.
‘‘д̣̇взнавуд̇з ид̇о габбз, сийхаасанамаб̣ийж̇ахам̣;
‘‘Dvenavute ito kappe, sīhāsanamabījahaṃ;
д̣̇уг̇г̇ад̇им̣ наабхиж̇аанаами, б̣ийж̇анааяа ид̣̇ам̣ палам̣.
Duggatiṃ nābhijānāmi, bījanāya idaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
ж̇амб̣угад̇т̇зраг̇аат̇ааван̣н̣анаа нидтид̇аа.
Jambukattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 5. ж̇амб̣угад̇т̇зраг̇аат̇аа • 5. Jambukattheragāthā
