| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[294] 4. ж̇амб̣укаад̣̇агаж̇аад̇агаван̣н̣анаа
[294] 4. Jambukhādakajātakavaṇṇanā
гояам̣ б̣инд̣̇уссаро ваг̇г̇ууд̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇агогаалигз аараб̣бха гат̇зси. д̇ад̣̇аа хи д̣̇звад̣̇ад̇д̇з барихийналаабхасаггаарз гогаалиго гулаани убасан̇гамид̇ваа ‘‘д̣̇звад̣̇ад̇д̇ад̇т̇зро наама махаасаммад̇абавзн̣ияаа оггаагарааж̇авам̣сз ж̇аад̇о асамбхиннакад̇д̇ияавам̣сз вад̣дхид̇о д̇ибидагад̇харо жхааналаабхий мад̇хурагат̇о д̇хаммагат̇иго, д̣̇зт̇а гарот̇а т̇зрассаа’’д̇и д̣̇звад̣̇ад̇д̇асса ван̣н̣ам̣ бхаасад̇и. д̣̇звад̣̇ад̇д̇оби ‘‘гогаалиго уд̣̇ижжаб̣раахман̣агулаа нигкамид̇ваа баб̣б̣аж̇ид̇о б̣ахуссуд̇о д̇хаммагат̇иго, д̣̇зт̇а гарот̇а гогаалигассаа’’д̇и гогаалигасса ван̣н̣ам̣ бхаасад̇и. ид̇и д̇з ан̃н̃аман̃н̃асса ван̣н̣ам̣ бхаасид̇ваа гулагхарзсу бхун̃ж̇анд̇аа вижаранд̇и. ат̇згад̣̇ивасам̣ д̇хаммасабхааяам̣ бхигкуу гат̇ам̣ самудтаабзсум̣ – ‘‘аавусо д̣̇звад̣̇ад̇д̇агогаалигаа, ан̃н̃аман̃н̃асса абхууд̇аг̇ун̣агат̇ам̣ гат̇зд̇ваа бхун̃ж̇анд̇аа вижаранд̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва д̇з ан̃н̃аман̃н̃асса абхууд̇аг̇ун̣агат̇ам̣ гат̇зд̇ваа бхун̃ж̇анд̇и, буб̣б̣збзвам̣ бхун̃ж̇им̣суязваа’’д̇и вад̇ваа ад̇ийд̇ам̣ аахари.
Koyaṃ bindussaro vaggūti idaṃ satthā veḷuvane viharanto devadattakokālike ārabbha kathesi. Tadā hi devadatte parihīnalābhasakkāre kokāliko kulāni upasaṅkamitvā ‘‘devadattatthero nāma mahāsammatapaveṇiyā okkākarājavaṃse jāto asambhinnakhattiyavaṃse vaḍḍhito tipiṭakadharo jhānalābhī madhurakatho dhammakathiko, detha karotha therassā’’ti devadattassa vaṇṇaṃ bhāsati. Devadattopi ‘‘kokāliko udiccabrāhmaṇakulā nikkhamitvā pabbajito bahussuto dhammakathiko, detha karotha kokālikassā’’ti kokālikassa vaṇṇaṃ bhāsati. Iti te aññamaññassa vaṇṇaṃ bhāsitvā kulagharesu bhuñjantā vicaranti. Athekadivasaṃ dhammasabhāyaṃ bhikkhū kathaṃ samuṭṭhāpesuṃ – ‘‘āvuso devadattakokālikā, aññamaññassa abhūtaguṇakathaṃ kathetvā bhuñjantā vicarantī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva te aññamaññassa abhūtaguṇakathaṃ kathetvā bhuñjanti, pubbepevaṃ bhuñjiṃsuyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о ан̃н̃ад̇арасмим̣ ж̇амб̣уванасан̣д̣з ругкад̣̇звад̇аа худ̇ваа ниб̣б̣ад̇д̇и. д̇ад̇рзго гааго ж̇амб̣усаакааяа нисинно ж̇амб̣убаггаани каад̣̇ад̇и. ат̇зго син̇г̇аало ааг̇анд̇ваа уд̣̇д̇хам̣ ологзнд̇о гаагам̣ д̣̇исваа ‘‘яам̣нуунаахам̣ имасса абхууд̇аг̇ун̣агат̇ам̣ гат̇зд̇ваа ж̇амб̣ууни каад̣̇зяяа’’нд̇и д̇асса ван̣н̣ам̣ гат̇знд̇о имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto aññatarasmiṃ jambuvanasaṇḍe rukkhadevatā hutvā nibbatti. Tatreko kāko jambusākhāya nisinno jambupakkāni khādati. Atheko siṅgālo āgantvā uddhaṃ olokento kākaṃ disvā ‘‘yaṃnūnāhaṃ imassa abhūtaguṇakathaṃ kathetvā jambūni khādeyya’’nti tassa vaṇṇaṃ kathento imaṃ gāthamāha –
130.
130.
‘‘гояам̣ б̣инд̣̇уссаро ваг̇г̇у, сараванд̇аанамуд̇д̇амо;
‘‘Koyaṃ bindussaro vaggu, saravantānamuttamo;
ажжуд̇о ж̇амб̣усаакааяа, моражчаабова гууж̇ад̇ий’’д̇и.
Accuto jambusākhāya, moracchāpova kūjatī’’ti.
д̇ад̇т̇а б̣инд̣̇уссарод̇и б̣инд̣̇унаа ависаарзна бин̣д̣ид̇зна сарзна саманнааг̇ад̇о. ваг̇г̇ууд̇и мад̇хурасад̣̇д̣̇о. ажжуд̇од̇и на жуд̇о саннисинно. моражчаабова гууж̇ад̇ийд̇и д̇арун̣аморова манаабзна сад̣̇д̣̇зна ‘‘го наамзсо гууж̇ад̇ий’’д̇и вад̣̇ад̇и.
Tattha bindussaroti bindunā avisārena piṇḍitena sarena samannāgato. Vaggūti madhurasaddo. Accutoti na cuto sannisinno. Moracchāpova kūjatīti taruṇamorova manāpena saddena ‘‘ko nāmeso kūjatī’’ti vadati.
ат̇а нам̣ гааго бадибасам̣санд̇о д̣̇уд̇ияам̣ г̇аат̇амааха –
Atha naṃ kāko paṭipasaṃsanto dutiyaṃ gāthamāha –
131.
131.
‘‘гулабуд̇д̇ова ж̇аанаад̇и, гулабуд̇д̇ам̣ басам̣сид̇ум̣;
‘‘Kulaputtova jānāti, kulaputtaṃ pasaṃsituṃ;
б̣яаг̇гхажчаабасарийван̣н̣а, бхун̃ж̇а самма д̣̇ад̣̇аами д̇з’’д̇и.
Byagghacchāpasarīvaṇṇa, bhuñja samma dadāmi te’’ti.
д̇ад̇т̇а б̣яаг̇гхажчаабасарийван̣н̣аад̇и д̇вам̣ амхаагам̣ б̣яаг̇гхабод̇агасамаанаван̣н̣ова кааяаси, д̇зна д̇ам̣ вад̣̇аами амбхо б̣яаг̇гхажчаабасарийван̣н̣а. бхун̃ж̇а, самма, д̣̇ад̣̇аами д̇зд̇и ваяасса яаавад̣̇ад̇т̇ам̣ ж̇амб̣убаггаани каад̣̇а, ахам̣ д̇з д̣̇ад̣̇аамийд̇и.
Tattha byagghacchāpasarīvaṇṇāti tvaṃ amhākaṃ byagghapotakasamānavaṇṇova khāyasi, tena taṃ vadāmi ambho byagghacchāpasarīvaṇṇa. Bhuñja, samma, dadāmi teti vayassa yāvadatthaṃ jambupakkāni khāda, ahaṃ te dadāmīti.
зван̃жа бана вад̇ваа ж̇амб̣усаакам̣ жаалзд̇ваа палаани баад̇зси. ат̇а д̇асмим̣ ж̇амб̣уругкз ад̇хивад̇т̇аа д̣̇звад̇аа д̇з убхоби абхууд̇аг̇ун̣агат̇ам̣ гат̇зд̇ваа ж̇амб̣ууни каад̣̇анд̇з д̣̇исваа д̇ад̇ияам̣ г̇аат̇амааха –
Evañca pana vatvā jambusākhaṃ cāletvā phalāni pātesi. Atha tasmiṃ jamburukkhe adhivatthā devatā te ubhopi abhūtaguṇakathaṃ kathetvā jambūni khādante disvā tatiyaṃ gāthamāha –
132.
132.
‘‘жирассам̣ вад̇а бассаами, мусааваад̣̇ий самааг̇ад̇з;
‘‘Cirassaṃ vata passāmi, musāvādī samāgate;
ванд̇аад̣̇ам̣ гун̣абаад̣̇ан̃жа, ан̃н̃аман̃н̃ам̣ басам̣сагз’’д̇и.
Vantādaṃ kuṇapādañca, aññamaññaṃ pasaṃsake’’ti.
д̇ад̇т̇а ванд̇аад̣̇анд̇и барзсам̣ ванд̇абхад̇д̇акаад̣̇агам̣ гаагам̣. гун̣абаад̣̇ан̃жаад̇и гун̣абакаад̣̇агам̣ син̇г̇аалан̃жа.
Tattha vantādanti paresaṃ vantabhattakhādakaṃ kākaṃ. Kuṇapādañcāti kuṇapakhādakaṃ siṅgālañca.
иман̃жа бана г̇аат̇ам̣ вад̇ваа саа д̣̇звад̇аа бхзраваруубаарамман̣ам̣ д̣̇ассзд̇ваа д̇з д̇ад̇о балаабзси.
Imañca pana gāthaṃ vatvā sā devatā bheravarūpārammaṇaṃ dassetvā te tato palāpesi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа син̇г̇аало д̣̇звад̣̇ад̇д̇о ахоси, гааго гогаалиго, ругкад̣̇звад̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā siṅgālo devadatto ahosi, kāko kokāliko, rukkhadevatā pana ahameva ahosi’’nti.
ж̇амб̣укаад̣̇агаж̇аад̇агаван̣н̣анаа жад̇уд̇т̇аа.
Jambukhādakajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 294. ж̇амб̣укаад̣̇агаж̇аад̇агам̣ • 294. Jambukhādakajātakaṃ
