| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༨. ཛཱནནྟཱཛཱནནྟཔཱཔཀརཎཔཉྷོ
8. Jānantājānantapāpakaraṇapañho
༨. རཱཛཱ ཨཱཧ ‘‘བྷནྟེ ནཱགསེན, ཡོ ཛཱནནྟོ པཱཔཀམྨཾ ཀརོཏི, ཡོ ཨཛཱནནྟོ པཱཔཀམྨཾ ཀརོཏི, ཀསྶ བཧུཏརཾ ཨཔུཉྙ’’ནྟི? ཐེརོ ཨཱཧ ‘‘ཡོ ཁོ, མཧཱརཱཛ, ཨཛཱནནྟོ པཱཔཀམྨཾ ཀརོཏི, ཏསྶ བཧུཏརཾ ཨཔུཉྙ’’ནྟི། ‘‘ཏེན ཧི, བྷནྟེ ནཱགསེན, ཡོ ཨམྷཱཀཾ རཱཛཔུཏྟོ ཝཱ རཱཛམཧཱམཏྟོ ཝཱ ཨཛཱནནྟོ པཱཔཀམྨཾ ཀརོཏི, ཏཾ མཡཾ དིགུཎཾ དཎྜེམཱ’’ཏི? ‘‘ཏཾ ཀིཾ མཉྙསི, མཧཱརཱཛ, ཏཏྟཾ ཨཡོགུལ༹ཾ ཨཱདིཏྟཾ སམྤཛྫལིཏཾ སཛོཏིབྷཱུཏཾ ཨེཀོ ཛཱནནྟོ གཎྷེཡྻ, ཨེཀོ ཨཛཱནནྟོ གཎྷེཡྻ, ཀཏམོ 1 བལཝཏརཾ ཌཡ྄ཧེཡྻཱ’’ཏི། ‘‘ཡོ ཁོ, བྷནྟེ, ཨཛཱནནྟོ གཎྷེཡྻ, སོ 2 བལཝཏརཾ ཌཡ྄ཧེཡྻཱ’’ཏི། ‘‘ཨེཝམེཝ ཁོ, མཧཱརཱཛ, ཡོ ཨཛཱནནྟོ པཱཔཀམྨཾ ཀརོཏི, ཏསྶ བཧུཏརཾ ཨཔུཉྙ’’ནྟི།
8. Rājā āha ‘‘bhante nāgasena, yo jānanto pāpakammaṃ karoti, yo ajānanto pāpakammaṃ karoti, kassa bahutaraṃ apuñña’’nti? Thero āha ‘‘yo kho, mahārāja, ajānanto pāpakammaṃ karoti, tassa bahutaraṃ apuñña’’nti. ‘‘Tena hi, bhante nāgasena, yo amhākaṃ rājaputto vā rājamahāmatto vā ajānanto pāpakammaṃ karoti, taṃ mayaṃ diguṇaṃ daṇḍemā’’ti? ‘‘Taṃ kiṃ maññasi, mahārāja, tattaṃ ayoguḷaṃ ādittaṃ sampajjalitaṃ sajotibhūtaṃ eko jānanto gaṇheyya, eko ajānanto gaṇheyya, katamo 3 balavataraṃ ḍayheyyā’’ti. ‘‘Yo kho, bhante, ajānanto gaṇheyya, so 4 balavataraṃ ḍayheyyā’’ti. ‘‘Evameva kho, mahārāja, yo ajānanto pāpakammaṃ karoti, tassa bahutaraṃ apuñña’’nti.
‘‘ཀལློསི, བྷནྟེ ནཱགསེནཱ’’ཏི།
‘‘Kallosi, bhante nāgasenā’’ti.
ཛཱནནྟཱཛཱནནྟཔཱཔཀརཎཔཉྷོ ཨཊྛམོ།
Jānantājānantapāpakaraṇapañho aṭṭhamo.
Footnotes:
