| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੮. ਜਾਨਨ੍ਤਾਜਾਨਨ੍ਤਪਾਪਕਰਣਪਞ੍ਹੋ
8. Jānantājānantapāpakaraṇapañho
੮. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਯੋ ਜਾਨਨ੍ਤੋ ਪਾਪਕਮ੍ਮਂ ਕਰੋਤਿ, ਯੋ ਅਜਾਨਨ੍ਤੋ ਪਾਪਕਮ੍ਮਂ ਕਰੋਤਿ, ਕਸ੍ਸ ਬਹੁਤਰਂ ਅਪੁਞ੍ਞ’’ਨ੍ਤਿ? ਥੇਰੋ ਆਹ ‘‘ਯੋ ਖੋ, ਮਹਾਰਾਜ, ਅਜਾਨਨ੍ਤੋ ਪਾਪਕਮ੍ਮਂ ਕਰੋਤਿ, ਤਸ੍ਸ ਬਹੁਤਰਂ ਅਪੁਞ੍ਞ’’ਨ੍ਤਿ। ‘‘ਤੇਨ ਹਿ, ਭਨ੍ਤੇ ਨਾਗਸੇਨ, ਯੋ ਅਮ੍ਹਾਕਂ ਰਾਜਪੁਤ੍ਤੋ વਾ ਰਾਜਮਹਾਮਤ੍ਤੋ વਾ ਅਜਾਨਨ੍ਤੋ ਪਾਪਕਮ੍ਮਂ ਕਰੋਤਿ, ਤਂ ਮਯਂ ਦਿਗੁਣਂ ਦਣ੍ਡੇਮਾ’’ਤਿ? ‘‘ਤਂ ਕਿਂ ਮਞ੍ਞਸਿ, ਮਹਾਰਾਜ, ਤਤ੍ਤਂ ਅਯੋਗੁਲ਼ਂ ਆਦਿਤ੍ਤਂ ਸਮ੍ਪਜ੍ਜਲਿਤਂ ਸਜੋਤਿਭੂਤਂ ਏਕੋ ਜਾਨਨ੍ਤੋ ਗਣ੍ਹੇਯ੍ਯ, ਏਕੋ ਅਜਾਨਨ੍ਤੋ ਗਣ੍ਹੇਯ੍ਯ, ਕਤਮੋ 1 ਬਲવਤਰਂ ਡਯ੍ਹੇਯ੍ਯਾ’’ਤਿ। ‘‘ਯੋ ਖੋ, ਭਨ੍ਤੇ, ਅਜਾਨਨ੍ਤੋ ਗਣ੍ਹੇਯ੍ਯ, ਸੋ 2 ਬਲવਤਰਂ ਡਯ੍ਹੇਯ੍ਯਾ’’ਤਿ। ‘‘ਏવਮੇવ ਖੋ, ਮਹਾਰਾਜ, ਯੋ ਅਜਾਨਨ੍ਤੋ ਪਾਪਕਮ੍ਮਂ ਕਰੋਤਿ, ਤਸ੍ਸ ਬਹੁਤਰਂ ਅਪੁਞ੍ਞ’’ਨ੍ਤਿ।
8. Rājā āha ‘‘bhante nāgasena, yo jānanto pāpakammaṃ karoti, yo ajānanto pāpakammaṃ karoti, kassa bahutaraṃ apuñña’’nti? Thero āha ‘‘yo kho, mahārāja, ajānanto pāpakammaṃ karoti, tassa bahutaraṃ apuñña’’nti. ‘‘Tena hi, bhante nāgasena, yo amhākaṃ rājaputto vā rājamahāmatto vā ajānanto pāpakammaṃ karoti, taṃ mayaṃ diguṇaṃ daṇḍemā’’ti? ‘‘Taṃ kiṃ maññasi, mahārāja, tattaṃ ayoguḷaṃ ādittaṃ sampajjalitaṃ sajotibhūtaṃ eko jānanto gaṇheyya, eko ajānanto gaṇheyya, katamo 3 balavataraṃ ḍayheyyā’’ti. ‘‘Yo kho, bhante, ajānanto gaṇheyya, so 4 balavataraṃ ḍayheyyā’’ti. ‘‘Evameva kho, mahārāja, yo ajānanto pāpakammaṃ karoti, tassa bahutaraṃ apuñña’’nti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਜਾਨਨ੍ਤਾਜਾਨਨ੍ਤਪਾਪਕਰਣਪਞ੍ਹੋ ਅਟ੍ਠਮੋ।
Jānantājānantapāpakaraṇapañho aṭṭhamo.
Footnotes:
