| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. ж̇анабад̣̇агаляаан̣ийсуд̇д̇ам̣
10. Janapadakalyāṇīsuttaṃ
386. звам̣ мз суд̇ам̣ – згам̣ самаяам̣ бхаг̇аваа сумбхзсу вихарад̇и сзд̣̇агам̣ наама сумбхаанам̣ ниг̇амо. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
386. Evaṃ me sutaṃ – ekaṃ samayaṃ bhagavā sumbhesu viharati sedakaṃ nāma sumbhānaṃ nigamo. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘сзяяат̇ааби, бхигкавз, ‘ж̇анабад̣̇агаляаан̣ий, ж̇анабад̣̇агаляаан̣ий’д̇и ко, бхигкавз, махааж̇анагааяо саннибад̇зяяа. ‘саа ко банасса ж̇анабад̣̇агаляаан̣ий барамабаасаавиний нажжз, барамабаасаавиний г̇ийд̇з. ж̇анабад̣̇агаляаан̣ий нажжад̇и г̇ааяад̇ий’д̇и ко, бхигкавз, бхияяосомад̇д̇ааяа махааж̇анагааяо саннибад̇зяяа. ат̇а бурисо ааг̇ажчзяяа ж̇ийвид̇угаамо амарид̇угаамо сукагаамо д̣̇угкаббадигууло. д̇амзнам̣ звам̣ вад̣̇зяяа – ‘аяам̣ д̇з, амбхо буриса, самад̇ид̇д̇иго д̇злабад̇д̇о анд̇арзна жа махаасамаж̇ж̇ам̣ анд̇арзна жа ж̇анабад̣̇агаляаан̣ияаа барихарид̇аб̣б̣о. бурисо жа д̇з угкид̇д̇аасиго бидтид̇о бидтид̇о ануб̣анд̇хиссад̇и. яад̇т̇зва нам̣ т̇огамби чад̣д̣зссад̇и д̇ад̇т̇зва д̇з сиро баад̇зссад̇ий’д̇и. д̇ам̣ гим̣ ман̃н̃ат̇а, бхигкавз, аби ну со бурисо амум̣ д̇злабад̇д̇ам̣ аманасигарид̇ваа б̣ахид̣̇д̇хаа бамаад̣̇ам̣ аахарзяяаа’’д̇и? ‘‘но хзд̇ам̣, бханд̇з’’.
‘‘Seyyathāpi, bhikkhave, ‘janapadakalyāṇī, janapadakalyāṇī’ti kho, bhikkhave, mahājanakāyo sannipateyya. ‘Sā kho panassa janapadakalyāṇī paramapāsāvinī nacce, paramapāsāvinī gīte. Janapadakalyāṇī naccati gāyatī’ti kho, bhikkhave, bhiyyosomattāya mahājanakāyo sannipateyya. Atha puriso āgaccheyya jīvitukāmo amaritukāmo sukhakāmo dukkhappaṭikūlo. Tamenaṃ evaṃ vadeyya – ‘ayaṃ te, ambho purisa, samatittiko telapatto antarena ca mahāsamajjaṃ antarena ca janapadakalyāṇiyā pariharitabbo. Puriso ca te ukkhittāsiko piṭṭhito piṭṭhito anubandhissati. Yattheva naṃ thokampi chaḍḍessati tattheva te siro pātessatī’ti. Taṃ kiṃ maññatha, bhikkhave, api nu so puriso amuṃ telapattaṃ amanasikaritvā bahiddhā pamādaṃ āhareyyā’’ti? ‘‘No hetaṃ, bhante’’.
‘‘убамаа ко мяааяам̣, бхигкавз, гад̇аа ад̇т̇асса вин̃н̃аабанааяа. аяам̣ жзвзд̇т̇а ад̇т̇о – самад̇ид̇д̇иго д̇злабад̇д̇од̇и ко, бхигкавз, гааяаг̇ад̇ааяа зд̇ам̣ сад̇ияаа ад̇хиважанам̣. д̇асмаад̇иха, бхигкавз, звам̣ сигкид̇аб̣б̣ам̣ – ‘гааяаг̇ад̇аа сад̇и но бхаавид̇аа бхависсад̇и б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа’д̇и. зван̃хи ко, бхигкавз, сигкид̇аб̣б̣а’’нд̇и. д̣̇асамам̣.
‘‘Upamā kho myāyaṃ, bhikkhave, katā atthassa viññāpanāya. Ayaṃ cevettha attho – samatittiko telapattoti kho, bhikkhave, kāyagatāya etaṃ satiyā adhivacanaṃ. Tasmātiha, bhikkhave, evaṃ sikkhitabbaṃ – ‘kāyagatā sati no bhāvitā bhavissati bahulīkatā yānīkatā vatthukatā anuṭṭhitā paricitā susamāraddhā’ti. Evañhi kho, bhikkhave, sikkhitabba’’nti. Dasamaṃ.
нааланд̣̇аваг̇г̇о д̣̇уд̇ияо.
Nālandavaggo dutiyo.
д̇ассуд̣̇д̣̇аанам̣ –
Tassuddānaṃ –
махаабурисо нааланд̣̇ам̣, жунд̣̇о жзлан̃жа б̣аахияо;
Mahāpuriso nālandaṃ, cundo celañca bāhiyo;
уд̇д̇ияо арияо б̣рахмаа, сзд̣̇агам̣ ж̇анабад̣̇зна жаад̇и.
Uttiyo ariyo brahmā, sedakaṃ janapadena cāti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. ж̇анабад̣̇агаляаан̣ийсуд̇д̇аван̣н̣анаа • 10. Janapadakalyāṇīsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. ж̇анабад̣̇агаляаан̣ийсуд̇д̇аван̣н̣анаа • 10. Janapadakalyāṇīsuttavaṇṇanā
