| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
10. ஜனபத³கல்யாணீஸுத்தவண்ணனா
10. Janapadakalyāṇīsuttavaṇṇanā
386. த³ஸமே ஜனபத³கல்யாணீதி ஜனபத³ம்ஹி கல்யாணீ உத்தமா ச²ஸரீரதோ³ஸரஹிதா பஞ்சகல்யாணஸமன்னாக³தா. ஸா ஹி யஸ்மா நாதிதீ³கா⁴ நாதிரஸ்ஸா, நாதிகிஸா நாதிதூ²லா, நாதிகாளா நாச்சோதா³தா, அதிக்கந்தா, மானுஸவண்ணங் அப்பத்தா தி³ப்³ப³வண்ணங், தஸ்மா ச²ஸரீரதோ³ஸரஹிதா. ச²விகல்யாணங், மங்ஸகல்யாணங், ந்ஹாருகல்யாணங், அட்டி²கல்யாணங், வயகல்யாணந்தி இமேஹி பன கல்யாணேஹி ஸமன்னாக³தத்தா பஞ்சகல்யாணேஹி ஸமன்னாக³தா நாம. தஸ்ஸா ஹி ஆக³ந்துகோபா⁴ஸகிச்சங் நத்தி², அத்தனோ ஸரீரோபா⁴ஸேனேவ த்³வாத³ஸஹத்த²ட்டா²னே ஆலோகங் கரோதி, பியங்கு³ஸாமா வா ஹோதி, ஸுவண்ணஸாமா வா, அயமஸ்ஸா ச²விகல்யாணதா. சத்தாரோ பனஸ்ஸா ஹத்த²பாதா³ முக²பரியோஸானஞ்ச லாகா²ரஸபரிகம்மகதங் விய ரத்தபவாளரத்தகம்ப³லஸதி³ஸங் ஹோதி, அயமஸ்ஸா மங்ஸகல்யாணதா. வீஸதி பன நக²பத்தானி மங்ஸதோ அமுத்தட்டா²னே லாகா²ரஸபூரிதானி விய, முத்தட்டா²னே கீ²ரதா⁴ராஸதி³ஸானி, ஹொந்தி அயமஸ்ஸா ந்ஹாருகல்யாணகதா. த்³வத்திங்ஸ த³ந்தா ஸுபு²ஸிதா ஸுதோ⁴தவஜிரபந்தி விய கா²யந்தி, அயமஸ்ஸா அட்டி²கல்யாணதா. வீஸதிவஸ்ஸஸதிகாபி பன ஸமானா ஸோளஸவஸ்ஸுத்³தே³ஸிகா விய ஹோதி நிப்பலிதா, அயமஸ்ஸா வயகல்யாணதா.
386. Dasame janapadakalyāṇīti janapadamhi kalyāṇī uttamā chasarīradosarahitā pañcakalyāṇasamannāgatā. Sā hi yasmā nātidīghā nātirassā, nātikisā nātithūlā, nātikāḷā nāccodātā, atikkantā, mānusavaṇṇaṃ appattā dibbavaṇṇaṃ, tasmā chasarīradosarahitā. Chavikalyāṇaṃ, maṃsakalyāṇaṃ, nhārukalyāṇaṃ, aṭṭhikalyāṇaṃ, vayakalyāṇanti imehi pana kalyāṇehi samannāgatattā pañcakalyāṇehi samannāgatā nāma. Tassā hi āgantukobhāsakiccaṃ natthi, attano sarīrobhāseneva dvādasahatthaṭṭhāne ālokaṃ karoti, piyaṅgusāmā vā hoti, suvaṇṇasāmā vā, ayamassā chavikalyāṇatā. Cattāro panassā hatthapādā mukhapariyosānañca lākhārasaparikammakataṃ viya rattapavāḷarattakambalasadisaṃ hoti, ayamassā maṃsakalyāṇatā. Vīsati pana nakhapattāni maṃsato amuttaṭṭhāne lākhārasapūritāni viya, muttaṭṭhāne khīradhārāsadisāni, honti ayamassā nhārukalyāṇakatā. Dvattiṃsa dantā suphusitā sudhotavajirapanti viya khāyanti, ayamassā aṭṭhikalyāṇatā. Vīsativassasatikāpi pana samānā soḷasavassuddesikā viya hoti nippalitā, ayamassā vayakalyāṇatā.
பரமபாஸாவினீதி எத்த² பஸவனங் பஸாவோ, பவத்தீதி அத்தோ². பஸாவோ ஏவ பாஸாவோ. பரமோ பாஸாவோ பரமபாஸாவோ, ஸோ அஸ்ஸா அத்தீ²தி பரமபாஸாவினீ. நச்சே ச கீ³தே ச உத்தமபவத்தி ஸெட்ட²கிரியா, உத்தமமேவ நச்சங் நச்சதி, கீ³தங் வா கா³யதீதி வுத்தங் ஹோதி. ஸேஸங் ஸப்³ப³த்த² உத்தானத்த²மேவ. இமேஸு பன த்³வீஸு ஸுத்தேஸு புப்³ப³பா⁴க³விபஸ்ஸனாவ கதி²தாதி.
Paramapāsāvinīti ettha pasavanaṃ pasāvo, pavattīti attho. Pasāvo eva pāsāvo. Paramo pāsāvo paramapāsāvo, so assā atthīti paramapāsāvinī. Nacce ca gīte ca uttamapavatti seṭṭhakiriyā, uttamameva naccaṃ naccati, gītaṃ vā gāyatīti vuttaṃ hoti. Sesaṃ sabbattha uttānatthameva. Imesu pana dvīsu suttesu pubbabhāgavipassanāva kathitāti.
நாலந்த³வக்³கோ³ து³தியோ.
Nālandavaggo dutiyo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. ஜனபத³கல்யாணீஸுத்தங் • 10. Janapadakalyāṇīsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 10. ஜனபத³கல்யாணீஸுத்தவண்ணனா • 10. Janapadakalyāṇīsuttavaṇṇanā
