| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. ж̇анабад̣̇агаляаан̣ийсуд̇д̇аван̣н̣анаа
10. Janapadakalyāṇīsuttavaṇṇanā
386. д̣̇асамз ж̇анабад̣̇агаляаан̣ийд̇и ж̇анабад̣̇амхи галяаан̣ий уд̇д̇амаа часарийрад̣̇осарахид̇аа бан̃жагаляаан̣асаманнааг̇ад̇аа. саа хи яасмаа наад̇ид̣̇ийгхаа наад̇ирассаа, наад̇игисаа наад̇ит̇уулаа, наад̇игаал̣аа наажжод̣̇аад̇аа, ад̇игганд̇аа, маанусаван̣н̣ам̣ аббад̇д̇аа д̣̇иб̣б̣аван̣н̣ам̣, д̇асмаа часарийрад̣̇осарахид̇аа. чавигаляаан̣ам̣, мам̣сагаляаан̣ам̣, нхааругаляаан̣ам̣, адтигаляаан̣ам̣, ваяагаляаан̣анд̇и имзхи бана галяаан̣зхи саманнааг̇ад̇ад̇д̇аа бан̃жагаляаан̣зхи саманнааг̇ад̇аа наама. д̇ассаа хи ааг̇анд̇угобхаасагижжам̣ над̇т̇и, ад̇д̇ано сарийробхаасзнзва д̣̇ваад̣̇асахад̇т̇адтаанз аалогам̣ гарод̇и, бияан̇г̇усаамаа ваа ход̇и, суван̣н̣асаамаа ваа, аяамассаа чавигаляаан̣ад̇аа. жад̇д̇ааро банассаа хад̇т̇абаад̣̇аа мукабарияосаанан̃жа лаакаарасабаригаммагад̇ам̣ вияа рад̇д̇абаваал̣арад̇д̇агамб̣аласад̣̇исам̣ ход̇и, аяамассаа мам̣сагаляаан̣ад̇аа. вийсад̇и бана накабад̇д̇аани мам̣сад̇о амуд̇д̇адтаанз лаакаарасабуурид̇аани вияа, муд̇д̇адтаанз кийрад̇хаараасад̣̇исаани, хонд̇и аяамассаа нхааругаляаан̣агад̇аа. д̣̇вад̇д̇им̣са д̣̇анд̇аа супусид̇аа суд̇ход̇аваж̇ирабанд̇и вияа кааяанд̇и, аяамассаа адтигаляаан̣ад̇аа. вийсад̇ивассасад̇игааби бана самаанаа сол̣асавассуд̣̇д̣̇зсигаа вияа ход̇и ниббалид̇аа, аяамассаа ваяагаляаан̣ад̇аа.
386. Dasame janapadakalyāṇīti janapadamhi kalyāṇī uttamā chasarīradosarahitā pañcakalyāṇasamannāgatā. Sā hi yasmā nātidīghā nātirassā, nātikisā nātithūlā, nātikāḷā nāccodātā, atikkantā, mānusavaṇṇaṃ appattā dibbavaṇṇaṃ, tasmā chasarīradosarahitā. Chavikalyāṇaṃ, maṃsakalyāṇaṃ, nhārukalyāṇaṃ, aṭṭhikalyāṇaṃ, vayakalyāṇanti imehi pana kalyāṇehi samannāgatattā pañcakalyāṇehi samannāgatā nāma. Tassā hi āgantukobhāsakiccaṃ natthi, attano sarīrobhāseneva dvādasahatthaṭṭhāne ālokaṃ karoti, piyaṅgusāmā vā hoti, suvaṇṇasāmā vā, ayamassā chavikalyāṇatā. Cattāro panassā hatthapādā mukhapariyosānañca lākhārasaparikammakataṃ viya rattapavāḷarattakambalasadisaṃ hoti, ayamassā maṃsakalyāṇatā. Vīsati pana nakhapattāni maṃsato amuttaṭṭhāne lākhārasapūritāni viya, muttaṭṭhāne khīradhārāsadisāni, honti ayamassā nhārukalyāṇakatā. Dvattiṃsa dantā suphusitā sudhotavajirapanti viya khāyanti, ayamassā aṭṭhikalyāṇatā. Vīsativassasatikāpi pana samānā soḷasavassuddesikā viya hoti nippalitā, ayamassā vayakalyāṇatā.
барамабаасаавинийд̇и зд̇т̇а басаванам̣ басааво, бавад̇д̇ийд̇и ад̇т̇о. басааво зва баасааво. барамо баасааво барамабаасааво, со ассаа ад̇т̇ийд̇и барамабаасаавиний. нажжз жа г̇ийд̇з жа уд̇д̇амабавад̇д̇и сздтагирияаа, уд̇д̇амамзва нажжам̣ нажжад̇и, г̇ийд̇ам̣ ваа г̇ааяад̇ийд̇и вуд̇д̇ам̣ ход̇и. сзсам̣ саб̣б̣ад̇т̇а уд̇д̇аанад̇т̇амзва. имзсу бана д̣̇вийсу суд̇д̇зсу буб̣б̣абхааг̇авибассанаава гат̇ид̇аад̇и.
Paramapāsāvinīti ettha pasavanaṃ pasāvo, pavattīti attho. Pasāvo eva pāsāvo. Paramo pāsāvo paramapāsāvo, so assā atthīti paramapāsāvinī. Nacce ca gīte ca uttamapavatti seṭṭhakiriyā, uttamameva naccaṃ naccati, gītaṃ vā gāyatīti vuttaṃ hoti. Sesaṃ sabbattha uttānatthameva. Imesu pana dvīsu suttesu pubbabhāgavipassanāva kathitāti.
нааланд̣̇аваг̇г̇о д̣̇уд̇ияо.
Nālandavaggo dutiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. ж̇анабад̣̇агаляаан̣ийсуд̇д̇ам̣ • 10. Janapadakalyāṇīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. ж̇анабад̣̇агаляаан̣ийсуд̇д̇аван̣н̣анаа • 10. Janapadakalyāṇīsuttavaṇṇanā
