| Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya |
5. ж̇анавасабхасуд̇д̇ам̣
5. Janavasabhasuttaṃ
наад̇игияаад̣̇иб̣яаагаран̣ам̣
Nātikiyādibyākaraṇaṃ
273. звам̣ мз суд̇ам̣ – згам̣ самаяам̣ бхаг̇аваа наад̇игз 1 вихарад̇и г̇ин̃ж̇агаавасат̇з. д̇зна ко бана самаязна бхаг̇аваа барид̇о барид̇о ж̇анабад̣̇зсу барижаарагз аб̣бхад̇ийд̇з гаалан̇гад̇з убабад̇д̇ийсу б̣яаагарод̇и гаасигосалзсу важ̇ж̇ималлзсу жзд̇ивам̣сзсу 2 гурубан̃жаалзсу маж̇жхасуурасзнзсу 3 – ‘‘асу амуд̇ра убабанно, асу амуд̇ра убабанно 4. баробан̃н̃ааса наад̇игияаа барижаарагаа аб̣бхад̇ийд̇аа гаалан̇гад̇аа бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇игаа д̇ад̇т̇а бариниб̣б̣ааяино анаавад̇д̇ид̇хаммаа д̇асмаа логаа. саад̇хигаа навуд̇и наад̇игияаа барижаарагаа аб̣бхад̇ийд̇аа гаалан̇гад̇аа д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамино, сагид̣̇зва 5 имам̣ логам̣ ааг̇анд̇ваа д̣̇угкассанд̇ам̣ гариссанд̇и. саад̇ирзгаани бан̃жасад̇аани наад̇игияаа барижаарагаа аб̣бхад̇ийд̇аа гаалан̇гад̇аа д̇ин̣н̣ам̣ сам̣яож̇анаанам̣ баригкаяаа сод̇аабаннаа авинибаад̇ад̇хаммаа нияад̇аа самб̣од̇хибарааяан̣аа’’д̇и.
273. Evaṃ me sutaṃ – ekaṃ samayaṃ bhagavā nātike 6 viharati giñjakāvasathe. Tena kho pana samayena bhagavā parito parito janapadesu paricārake abbhatīte kālaṅkate upapattīsu byākaroti kāsikosalesu vajjimallesu cetivaṃsesu 7 kurupañcālesu majjhasūrasenesu 8 – ‘‘asu amutra upapanno, asu amutra upapanno 9. Paropaññāsa nātikiyā paricārakā abbhatītā kālaṅkatā pañcannaṃ orambhāgiyānaṃ saṃyojanānaṃ parikkhayā opapātikā tattha parinibbāyino anāvattidhammā tasmā lokā. Sādhikā navuti nātikiyā paricārakā abbhatītā kālaṅkatā tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmino, sakideva 10 imaṃ lokaṃ āgantvā dukkhassantaṃ karissanti. Sātirekāni pañcasatāni nātikiyā paricārakā abbhatītā kālaṅkatā tiṇṇaṃ saṃyojanānaṃ parikkhayā sotāpannā avinipātadhammā niyatā sambodhiparāyaṇā’’ti.
274. ассосум̣ ко наад̇игияаа барижаарагаа – ‘‘бхаг̇аваа гира барид̇о барид̇о ж̇анабад̣̇зсу барижаарагз аб̣бхад̇ийд̇з гаалан̇гад̇з убабад̇д̇ийсу б̣яаагарод̇и гаасигосалзсу важ̇ж̇ималлзсу жзд̇ивам̣сзсу гурубан̃жаалзсу маж̇жхасуурасзнзсу – ‘асу амуд̇ра убабанно, асу амуд̇ра убабанно. баробан̃н̃ааса наад̇игияаа барижаарагаа аб̣бхад̇ийд̇аа гаалан̇гад̇аа бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇игаа д̇ад̇т̇а бариниб̣б̣ааяино анаавад̇д̇ид̇хаммаа д̇асмаа логаа. саад̇хигаа навуд̇и наад̇игияаа барижаарагаа аб̣бхад̇ийд̇аа гаалан̇гад̇аа д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамино сагид̣̇зва имам̣ логам̣ ааг̇анд̇ваа д̣̇угкассанд̇ам̣ гариссанд̇и. саад̇ирзгаани бан̃жасад̇аани наад̇игияаа барижаарагаа аб̣бхад̇ийд̇аа гаалан̇гад̇аа д̇ин̣н̣ам̣ сам̣яож̇анаанам̣ баригкаяаа сод̇аабаннаа авинибаад̇ад̇хаммаа нияад̇аа самб̣од̇хибарааяан̣аа’д̇и. д̇зна жа наад̇игияаа барижаарагаа ад̇д̇аманаа ахзсум̣ бамуд̣̇ид̇аа бийд̇исоманассаж̇аад̇аа бхаг̇авад̇о бан̃хавзяяаагаран̣ам̣ 11 суд̇ваа.
274. Assosuṃ kho nātikiyā paricārakā – ‘‘bhagavā kira parito parito janapadesu paricārake abbhatīte kālaṅkate upapattīsu byākaroti kāsikosalesu vajjimallesu cetivaṃsesu kurupañcālesu majjhasūrasenesu – ‘asu amutra upapanno, asu amutra upapanno. Paropaññāsa nātikiyā paricārakā abbhatītā kālaṅkatā pañcannaṃ orambhāgiyānaṃ saṃyojanānaṃ parikkhayā opapātikā tattha parinibbāyino anāvattidhammā tasmā lokā. Sādhikā navuti nātikiyā paricārakā abbhatītā kālaṅkatā tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmino sakideva imaṃ lokaṃ āgantvā dukkhassantaṃ karissanti. Sātirekāni pañcasatāni nātikiyā paricārakā abbhatītā kālaṅkatā tiṇṇaṃ saṃyojanānaṃ parikkhayā sotāpannā avinipātadhammā niyatā sambodhiparāyaṇā’ti. Tena ca nātikiyā paricārakā attamanā ahesuṃ pamuditā pītisomanassajātā bhagavato pañhaveyyākaraṇaṃ 12 sutvā.
275. ассоси ко ааяасмаа аананд̣̇о – ‘‘бхаг̇аваа гира барид̇о барид̇о ж̇анабад̣̇зсу барижаарагз аб̣бхад̇ийд̇з гаалан̇гад̇з убабад̇д̇ийсу б̣яаагарод̇и гаасигосалзсу важ̇ж̇ималлзсу жзд̇ивам̣сзсу гурубан̃жаалзсу маж̇жхасуурасзнзсу – ‘асу амуд̇ра убабанно, асу амуд̇ра убабанно. баробан̃н̃ааса наад̇игияаа барижаарагаа аб̣бхад̇ийд̇аа гаалан̇гад̇аа бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇игаа д̇ад̇т̇а бариниб̣б̣ааяино анаавад̇д̇ид̇хаммаа д̇асмаа логаа. саад̇хигаа навуд̇и наад̇игияаа барижаарагаа аб̣бхад̇ийд̇аа гаалан̇гад̇аа д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамино сагид̣̇зва имам̣ логам̣ ааг̇анд̇ваа д̣̇угкассанд̇ам̣ гариссанд̇и. саад̇ирзгаани бан̃жасад̇аани наад̇игияаа барижаарагаа аб̣бхад̇ийд̇аа гаалан̇гад̇аа д̇ин̣н̣ам̣ сам̣яож̇анаанам̣ баригкаяаа сод̇аабаннаа авинибаад̇ад̇хаммаа нияад̇аа самб̣од̇хибарааяан̣аа’д̇и. д̇зна жа наад̇игияаа барижаарагаа ад̇д̇аманаа ахзсум̣ бамуд̣̇ид̇аа бийд̇исоманассаж̇аад̇аа бхаг̇авад̇о бан̃хавзяяаагаран̣ам̣ суд̇ваа’’д̇и.
275. Assosi kho āyasmā ānando – ‘‘bhagavā kira parito parito janapadesu paricārake abbhatīte kālaṅkate upapattīsu byākaroti kāsikosalesu vajjimallesu cetivaṃsesu kurupañcālesu majjhasūrasenesu – ‘asu amutra upapanno, asu amutra upapanno. Paropaññāsa nātikiyā paricārakā abbhatītā kālaṅkatā pañcannaṃ orambhāgiyānaṃ saṃyojanānaṃ parikkhayā opapātikā tattha parinibbāyino anāvattidhammā tasmā lokā. Sādhikā navuti nātikiyā paricārakā abbhatītā kālaṅkatā tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmino sakideva imaṃ lokaṃ āgantvā dukkhassantaṃ karissanti. Sātirekāni pañcasatāni nātikiyā paricārakā abbhatītā kālaṅkatā tiṇṇaṃ saṃyojanānaṃ parikkhayā sotāpannā avinipātadhammā niyatā sambodhiparāyaṇā’ti. Tena ca nātikiyā paricārakā attamanā ahesuṃ pamuditā pītisomanassajātā bhagavato pañhaveyyākaraṇaṃ sutvā’’ti.
аананд̣̇абаригат̇аа
Ānandaparikathā
276. ат̇а ко ааяасмад̇о аананд̣̇асса зд̇ад̣̇ахоси – ‘‘имз ко банааби ахзсум̣ мааг̇ад̇хагаа барижаарагаа б̣ахуу жзва рад̇д̇ан̃н̃уу жа аб̣бхад̇ийд̇аа гаалан̇гад̇аа. сун̃н̃аа ман̃н̃з ан̇г̇амаг̇ад̇хаа ан̇г̇амааг̇ад̇хагзхи 13 барижаарагзхи аб̣бхад̇ийд̇зхи гаалан̇гад̇зхи. д̇з ко банааби 14 ахзсум̣ б̣уд̣̇д̇хз басаннаа д̇хаммз басаннаа сан̇гхз басаннаа сийлзсу барибуурагаарино. д̇з аб̣бхад̇ийд̇аа гаалан̇гад̇аа бхаг̇авад̇аа аб̣яаагад̇аа; д̇зсамбисса саад̇ху взяяаагаран̣ам̣, б̣ахуж̇ано басийд̣̇зяяа, д̇ад̇о г̇ажчзяяа суг̇ад̇им̣. аяам̣ ко банааби ахоси рааж̇аа мааг̇ад̇хо сзнияо б̣имб̣исааро д̇хаммиго д̇хаммарааж̇аа хид̇о б̣раахман̣аг̇ахабад̇игаанам̣ нзг̇амаанан̃жзва ж̇аанабад̣̇аанан̃жа. абиссуд̣̇ам̣ мануссаа гид̇д̇аяамаанаруубаа вихаранд̇и – ‘звам̣ но со д̇хаммиго д̇хаммарааж̇аа сукаабзд̇ваа гаалан̇гад̇о, звам̣ маяам̣ д̇асса д̇хаммигасса д̇хаммаран̃н̃о виж̇ид̇з паасу 15 вихаримхаа’д̇и. со ко банааби ахоси б̣уд̣̇д̇хз басанно д̇хаммз басанно сан̇гхз басанно сийлзсу барибуурагаарий. абиссуд̣̇ам̣ мануссаа звамаахам̣су – ‘яаава маран̣агаалааби рааж̇аа мааг̇ад̇хо сзнияо б̣имб̣исааро бхаг̇аванд̇ам̣ гид̇д̇аяамаанаруубо гаалан̇гад̇о’д̇и. со аб̣бхад̇ийд̇о гаалан̇гад̇о бхаг̇авад̇аа аб̣яаагад̇о. д̇ассабисса саад̇ху взяяаагаран̣ам̣ б̣ахуж̇ано басийд̣̇зяяа, д̇ад̇о г̇ажчзяяа суг̇ад̇им̣. бхаг̇авад̇о ко бана самб̣од̇хи маг̇ад̇хзсу. яад̇т̇а ко бана бхаг̇авад̇о самб̣од̇хи маг̇ад̇хзсу, гат̇ам̣ д̇ад̇ра бхаг̇аваа мааг̇ад̇хагз барижаарагз аб̣бхад̇ийд̇з гаалан̇гад̇з убабад̇д̇ийсу на б̣яаагарзяяа. бхаг̇аваа жз ко бана мааг̇ад̇хагз барижаарагз аб̣бхад̇ийд̇з гаалан̇гад̇з убабад̇д̇ийсу на б̣яаагарзяяа, д̣̇ийнаманаа 16 д̇знассу мааг̇ад̇хагаа барижаарагаа; язна ко банассу д̣̇ийнаманаа мааг̇ад̇хагаа барижаарагаа гат̇ам̣ д̇з бхаг̇аваа на б̣яаагарзяяаа’’д̇и?
276. Atha kho āyasmato ānandassa etadahosi – ‘‘ime kho panāpi ahesuṃ māgadhakā paricārakā bahū ceva rattaññū ca abbhatītā kālaṅkatā. Suññā maññe aṅgamagadhā aṅgamāgadhakehi 17 paricārakehi abbhatītehi kālaṅkatehi. Te kho panāpi 18 ahesuṃ buddhe pasannā dhamme pasannā saṅghe pasannā sīlesu paripūrakārino. Te abbhatītā kālaṅkatā bhagavatā abyākatā; tesampissa sādhu veyyākaraṇaṃ, bahujano pasīdeyya, tato gaccheyya sugatiṃ. Ayaṃ kho panāpi ahosi rājā māgadho seniyo bimbisāro dhammiko dhammarājā hito brāhmaṇagahapatikānaṃ negamānañceva jānapadānañca. Apissudaṃ manussā kittayamānarūpā viharanti – ‘evaṃ no so dhammiko dhammarājā sukhāpetvā kālaṅkato, evaṃ mayaṃ tassa dhammikassa dhammarañño vijite phāsu 19 viharimhā’ti. So kho panāpi ahosi buddhe pasanno dhamme pasanno saṅghe pasanno sīlesu paripūrakārī. Apissudaṃ manussā evamāhaṃsu – ‘yāva maraṇakālāpi rājā māgadho seniyo bimbisāro bhagavantaṃ kittayamānarūpo kālaṅkato’ti. So abbhatīto kālaṅkato bhagavatā abyākato. Tassapissa sādhu veyyākaraṇaṃ bahujano pasīdeyya, tato gaccheyya sugatiṃ. Bhagavato kho pana sambodhi magadhesu. Yattha kho pana bhagavato sambodhi magadhesu, kathaṃ tatra bhagavā māgadhake paricārake abbhatīte kālaṅkate upapattīsu na byākareyya. Bhagavā ce kho pana māgadhake paricārake abbhatīte kālaṅkate upapattīsu na byākareyya, dīnamanā 20 tenassu māgadhakā paricārakā; yena kho panassu dīnamanā māgadhakā paricārakā kathaṃ te bhagavā na byākareyyā’’ti?
277. ид̣̇амааяасмаа аананд̣̇о мааг̇ад̇хагз барижаарагз аараб̣бха зго рахо анувижинд̇зд̇ваа рад̇д̇ияаа бажжуусасамаяам̣ бажжудтааяа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘суд̇ам̣ мзд̇ам̣, бханд̇з – ‘бхаг̇аваа гира барид̇о барид̇о ж̇анабад̣̇зсу барижаарагз аб̣бхад̇ийд̇з гаалан̇гад̇з убабад̇д̇ийсу б̣яаагарод̇и гаасигосалзсу важ̇ж̇ималлзсу жзд̇ивам̣сзсу гурубан̃жаалзсу маж̇жхасуурасзнзсу – ‘‘асу амуд̇ра убабанно, асу амуд̇ра убабанно. баробан̃н̃ааса наад̇игияаа барижаарагаа аб̣бхад̇ийд̇аа гаалан̇гад̇аа бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇игаа д̇ад̇т̇а бариниб̣б̣ааяино анаавад̇д̇ид̇хаммаа д̇асмаа логаа. саад̇хигаа навуд̇и наад̇игияаа барижаарагаа аб̣бхад̇ийд̇аа гаалан̇гад̇аа д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамино, сагид̣̇зва имам̣ логам̣ ааг̇анд̇ваа д̣̇угкассанд̇ам̣ гариссанд̇и. саад̇ирзгаани бан̃жасад̇аани наад̇игияаа барижаарагаа аб̣бхад̇ийд̇аа гаалан̇гад̇аа д̇ин̣н̣ам̣ сам̣яож̇анаанам̣ баригкаяаа сод̇аабаннаа авинибаад̇ад̇хаммаа нияад̇аа самб̣од̇хибарааяан̣аад̇и. д̇зна жа наад̇игияаа барижаарагаа ад̇д̇аманаа ахзсум̣ бамуд̣̇ид̇аа бийд̇исоманассаж̇аад̇аа бхаг̇авад̇о бан̃хавзяяаагаран̣ам̣ суд̇ваа’’д̇и . имз ко банааби, бханд̇з, ахзсум̣ мааг̇ад̇хагаа барижаарагаа б̣ахуу жзва рад̇д̇ан̃н̃уу жа аб̣бхад̇ийд̇аа гаалан̇гад̇аа. сун̃н̃аа ман̃н̃з ан̇г̇амаг̇ад̇хаа ан̇г̇амааг̇ад̇хагзхи барижаарагзхи аб̣бхад̇ийд̇зхи гаалан̇гад̇зхи. д̇з ко банааби, бханд̇з, ахзсум̣ б̣уд̣̇д̇хз басаннаа д̇хаммз басаннаа сан̇гхз басаннаа сийлзсу барибуурагаарино, д̇з аб̣бхад̇ийд̇аа гаалан̇гад̇аа бхаг̇авад̇аа аб̣яаагад̇аа. д̇зсамбисса саад̇ху взяяаагаран̣ам̣, б̣ахуж̇ано басийд̣̇зяяа, д̇ад̇о г̇ажчзяяа суг̇ад̇им̣. аяам̣ ко банааби, бханд̇з, ахоси рааж̇аа мааг̇ад̇хо сзнияо б̣имб̣исааро д̇хаммиго д̇хаммарааж̇аа хид̇о б̣раахман̣аг̇ахабад̇игаанам̣ нзг̇амаанан̃жзва ж̇аанабад̣̇аанан̃жа. абиссуд̣̇ам̣ мануссаа гид̇д̇аяамаанаруубаа вихаранд̇и – ‘звам̣ но со д̇хаммиго д̇хаммарааж̇аа сукаабзд̇ваа гаалан̇гад̇о. звам̣ маяам̣ д̇асса д̇хаммигасса д̇хаммаран̃н̃о виж̇ид̇з паасу вихаримхаа’д̇и. со ко банааби, бханд̇з, ахоси б̣уд̣̇д̇хз басанно д̇хаммз басанно сан̇гхз басанно сийлзсу барибуурагаарий. абиссуд̣̇ам̣ мануссаа звамаахам̣су – ‘яаава маран̣агаалааби рааж̇аа мааг̇ад̇хо сзнияо б̣имб̣исааро бхаг̇аванд̇ам̣ гид̇д̇аяамаанаруубо гаалан̇гад̇о’д̇и. со аб̣бхад̇ийд̇о гаалан̇гад̇о бхаг̇авад̇аа аб̣яаагад̇о; д̇ассабисса саад̇ху взяяаагаран̣ам̣, б̣ахуж̇ано басийд̣̇зяяа, д̇ад̇о г̇ажчзяяа суг̇ад̇им̣. бхаг̇авад̇о ко бана, бханд̇з, самб̣од̇хи маг̇ад̇хзсу. яад̇т̇а ко бана , бханд̇з, бхаг̇авад̇о самб̣од̇хи маг̇ад̇хзсу, гат̇ам̣ д̇ад̇ра бхаг̇аваа мааг̇ад̇хагз барижаарагз аб̣бхад̇ийд̇з гаалан̇гад̇з убабад̇д̇ийсу на б̣яаагарзяяа? бхаг̇аваа жз ко бана, бханд̇з, мааг̇ад̇хагз барижаарагз аб̣бхад̇ийд̇з гаалан̇гад̇з убабад̇д̇ийсу на б̣яаагарзяяа д̣̇ийнаманаа д̇знассу мааг̇ад̇хагаа барижаарагаа; язна ко банассу д̣̇ийнаманаа мааг̇ад̇хагаа барижаарагаа гат̇ам̣ д̇з бхаг̇аваа на б̣яаагарзяяаа’’д̇и. ид̣̇амааяасмаа аананд̣̇о мааг̇ад̇хагз барижаарагз аараб̣бха бхаг̇авад̇о саммукаа баригат̇ам̣ гад̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами.
277. Idamāyasmā ānando māgadhake paricārake ārabbha eko raho anuvicintetvā rattiyā paccūsasamayaṃ paccuṭṭhāya yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘sutaṃ metaṃ, bhante – ‘bhagavā kira parito parito janapadesu paricārake abbhatīte kālaṅkate upapattīsu byākaroti kāsikosalesu vajjimallesu cetivaṃsesu kurupañcālesu majjhasūrasenesu – ‘‘asu amutra upapanno, asu amutra upapanno. Paropaññāsa nātikiyā paricārakā abbhatītā kālaṅkatā pañcannaṃ orambhāgiyānaṃ saṃyojanānaṃ parikkhayā opapātikā tattha parinibbāyino anāvattidhammā tasmā lokā. Sādhikā navuti nātikiyā paricārakā abbhatītā kālaṅkatā tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmino, sakideva imaṃ lokaṃ āgantvā dukkhassantaṃ karissanti. Sātirekāni pañcasatāni nātikiyā paricārakā abbhatītā kālaṅkatā tiṇṇaṃ saṃyojanānaṃ parikkhayā sotāpannā avinipātadhammā niyatā sambodhiparāyaṇāti. Tena ca nātikiyā paricārakā attamanā ahesuṃ pamuditā pītisomanassajātā bhagavato pañhaveyyākaraṇaṃ sutvā’’ti . Ime kho panāpi, bhante, ahesuṃ māgadhakā paricārakā bahū ceva rattaññū ca abbhatītā kālaṅkatā. Suññā maññe aṅgamagadhā aṅgamāgadhakehi paricārakehi abbhatītehi kālaṅkatehi. Te kho panāpi, bhante, ahesuṃ buddhe pasannā dhamme pasannā saṅghe pasannā sīlesu paripūrakārino, te abbhatītā kālaṅkatā bhagavatā abyākatā. Tesampissa sādhu veyyākaraṇaṃ, bahujano pasīdeyya, tato gaccheyya sugatiṃ. Ayaṃ kho panāpi, bhante, ahosi rājā māgadho seniyo bimbisāro dhammiko dhammarājā hito brāhmaṇagahapatikānaṃ negamānañceva jānapadānañca. Apissudaṃ manussā kittayamānarūpā viharanti – ‘evaṃ no so dhammiko dhammarājā sukhāpetvā kālaṅkato. Evaṃ mayaṃ tassa dhammikassa dhammarañño vijite phāsu viharimhā’ti. So kho panāpi, bhante, ahosi buddhe pasanno dhamme pasanno saṅghe pasanno sīlesu paripūrakārī. Apissudaṃ manussā evamāhaṃsu – ‘yāva maraṇakālāpi rājā māgadho seniyo bimbisāro bhagavantaṃ kittayamānarūpo kālaṅkato’ti. So abbhatīto kālaṅkato bhagavatā abyākato; tassapissa sādhu veyyākaraṇaṃ, bahujano pasīdeyya, tato gaccheyya sugatiṃ. Bhagavato kho pana, bhante, sambodhi magadhesu. Yattha kho pana , bhante, bhagavato sambodhi magadhesu, kathaṃ tatra bhagavā māgadhake paricārake abbhatīte kālaṅkate upapattīsu na byākareyya? Bhagavā ce kho pana, bhante, māgadhake paricārake abbhatīte kālaṅkate upapattīsu na byākareyya dīnamanā tenassu māgadhakā paricārakā; yena kho panassu dīnamanā māgadhakā paricārakā kathaṃ te bhagavā na byākareyyā’’ti. Idamāyasmā ānando māgadhake paricārake ārabbha bhagavato sammukhā parikathaṃ katvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi.
278. ат̇а ко бхаг̇аваа ажирабагганд̇з ааяасманд̇з аананд̣̇з буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа наад̇игам̣ бин̣д̣ааяа баависи. наад̇игз бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о баад̣̇з багкаалзд̇ваа г̇ин̃ж̇агаавасат̇ам̣ бависид̇ваа мааг̇ад̇хагз барижаарагз аараб̣бха адтим̣ гад̇ваа 21 манасигад̇ваа саб̣б̣ам̣ жзд̇асаа 22 саманнаахарид̇ваа бан̃н̃ад̇д̇з аасанз нисийд̣̇и – ‘‘г̇ад̇им̣ нзсам̣ ж̇ааниссаами абхисамбарааяам̣, яам̣г̇ад̇игаа д̇з бхаванд̇о яам̣абхисамбарааяаа’’д̇и. ад̣̇д̣̇асаа ко бхаг̇аваа мааг̇ад̇хагз барижаарагз ‘‘яам̣г̇ад̇игаа д̇з бхаванд̇о яам̣абхисамбарааяаа’’д̇и. ат̇а ко бхаг̇аваа сааяанхасамаяам̣ бадисаллаанаа вудтид̇о г̇ин̃ж̇агаавасат̇аа нигкамид̇ваа вихаарабажчааяааяам̣ бан̃н̃ад̇д̇з аасанз нисийд̣̇и.
278. Atha kho bhagavā acirapakkante āyasmante ānande pubbaṇhasamayaṃ nivāsetvā pattacīvaramādāya nātikaṃ piṇḍāya pāvisi. Nātike piṇḍāya caritvā pacchābhattaṃ piṇḍapātapaṭikkanto pāde pakkhāletvā giñjakāvasathaṃ pavisitvā māgadhake paricārake ārabbha aṭṭhiṃ katvā 23 manasikatvā sabbaṃ cetasā 24 samannāharitvā paññatte āsane nisīdi – ‘‘gatiṃ nesaṃ jānissāmi abhisamparāyaṃ, yaṃgatikā te bhavanto yaṃabhisamparāyā’’ti. Addasā kho bhagavā māgadhake paricārake ‘‘yaṃgatikā te bhavanto yaṃabhisamparāyā’’ti. Atha kho bhagavā sāyanhasamayaṃ paṭisallānā vuṭṭhito giñjakāvasathā nikkhamitvā vihārapacchāyāyaṃ paññatte āsane nisīdi.
279. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘убасанд̇абад̣̇иссо 25 бханд̇з бхаг̇аваа бхаад̇ирива бхаг̇авад̇о мукаван̣н̣о виббасаннад̇д̇аа инд̣̇рияаанам̣. санд̇зна нуунаж̇ж̇а бханд̇з бхаг̇аваа вихаарзна вихаасий’’д̇и? ‘‘яад̣̇зва ко мз д̇вам̣, аананд̣̇а, мааг̇ад̇хагз барижаарагз аараб̣бха саммукаа баригат̇ам̣ гад̇ваа удтааяаасанаа багганд̇о, д̇ад̣̇зваахам̣ наад̇игз бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о баад̣̇з багкаалзд̇ваа г̇ин̃ж̇агаавасат̇ам̣ бависид̇ваа мааг̇ад̇хагз барижаарагз аараб̣бха адтим̣ гад̇ваа манасигад̇ваа саб̣б̣ам̣ жзд̇асаа саманнаахарид̇ваа бан̃н̃ад̇д̇з аасанз нисийд̣̇им̣ – ‘г̇ад̇им̣ нзсам̣ ж̇ааниссаами абхисамбарааяам̣, яам̣г̇ад̇игаа д̇з бхаванд̇о яам̣абхисамбарааяаа’д̇и. ад̣̇д̣̇асам̣ ко ахам̣, аананд̣̇а, мааг̇ад̇хагз барижаарагз ‘яам̣г̇ад̇игаа д̇з бхаванд̇о яам̣абхисамбарааяаа’’’д̇и.
279. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘upasantapadisso 26 bhante bhagavā bhātiriva bhagavato mukhavaṇṇo vippasannattā indriyānaṃ. Santena nūnajja bhante bhagavā vihārena vihāsī’’ti? ‘‘Yadeva kho me tvaṃ, ānanda, māgadhake paricārake ārabbha sammukhā parikathaṃ katvā uṭṭhāyāsanā pakkanto, tadevāhaṃ nātike piṇḍāya caritvā pacchābhattaṃ piṇḍapātapaṭikkanto pāde pakkhāletvā giñjakāvasathaṃ pavisitvā māgadhake paricārake ārabbha aṭṭhiṃ katvā manasikatvā sabbaṃ cetasā samannāharitvā paññatte āsane nisīdiṃ – ‘gatiṃ nesaṃ jānissāmi abhisamparāyaṃ, yaṃgatikā te bhavanto yaṃabhisamparāyā’ti. Addasaṃ kho ahaṃ, ānanda, māgadhake paricārake ‘yaṃgatikā te bhavanto yaṃabhisamparāyā’’’ti.
ж̇анавасабхаяагко
Janavasabhayakkho
280. ‘‘ат̇а ко, аананд̣̇а, анд̇арахид̇о яагко сад̣̇д̣̇амануссаавзси – ‘ж̇анавасабхо ахам̣ бхаг̇аваа ; ж̇анавасабхо ахам̣ суг̇ад̇аа’д̇и. абхиж̇аанааси но д̇вам̣, аананд̣̇а, ид̇о буб̣б̣з зваруубам̣ наамад̇хзяяам̣ суд̇ам̣ 27 яад̣̇ид̣̇ам̣ ж̇анавасабхо’’д̇и?
280. ‘‘Atha kho, ānanda, antarahito yakkho saddamanussāvesi – ‘janavasabho ahaṃ bhagavā ; janavasabho ahaṃ sugatā’ti. Abhijānāsi no tvaṃ, ānanda, ito pubbe evarūpaṃ nāmadheyyaṃ sutaṃ 28 yadidaṃ janavasabho’’ti?
‘‘на ко ахам̣, бханд̇з, абхиж̇аанаами ид̇о буб̣б̣з зваруубам̣ наамад̇хзяяам̣ суд̇ам̣ яад̣̇ид̣̇ам̣ ж̇анавасабход̇и, аби жа мз, бханд̇з, ломаани хадтаани ‘ж̇анавасабхо’д̇и наамад̇хзяяам̣ суд̇ваа. д̇асса маяхам̣, бханд̇з, зд̇ад̣̇ахоси – ‘на хи нууна со ораго яагко бхависсад̇и яад̣̇ид̣̇ам̣ зваруубам̣ наамад̇хзяяам̣ субан̃н̃ад̇д̇ам̣ яад̣̇ид̣̇ам̣ ж̇анавасабхо’’д̇и. ‘‘ананд̇араа ко, аананд̣̇а, сад̣̇д̣̇абаад̇убхааваа ул̣аараван̣н̣о мз яагко саммукз баад̇урахоси . д̣̇уд̇ияамби сад̣̇д̣̇амануссаавзси – ‘б̣имб̣исааро ахам̣ бхаг̇аваа; б̣имб̣исааро ахам̣ суг̇ад̇аад̇и. ид̣̇ам̣ сад̇д̇амам̣ ко ахам̣, бханд̇з, взссаван̣асса махаарааж̇асса сахаб̣яад̇ам̣ убабаж̇ж̇аами, со д̇ад̇о жуд̇о мануссарааж̇аа бхавид̇ум̣ бахоми 29.
‘‘Na kho ahaṃ, bhante, abhijānāmi ito pubbe evarūpaṃ nāmadheyyaṃ sutaṃ yadidaṃ janavasabhoti, api ca me, bhante, lomāni haṭṭhāni ‘janavasabho’ti nāmadheyyaṃ sutvā. Tassa mayhaṃ, bhante, etadahosi – ‘na hi nūna so orako yakkho bhavissati yadidaṃ evarūpaṃ nāmadheyyaṃ supaññattaṃ yadidaṃ janavasabho’’ti. ‘‘Anantarā kho, ānanda, saddapātubhāvā uḷāravaṇṇo me yakkho sammukhe pāturahosi . Dutiyampi saddamanussāvesi – ‘bimbisāro ahaṃ bhagavā; bimbisāro ahaṃ sugatāti. Idaṃ sattamaṃ kho ahaṃ, bhante, vessavaṇassa mahārājassa sahabyataṃ upapajjāmi, so tato cuto manussarājā bhavituṃ pahomi 30.
ид̇о сад̇д̇а д̇ад̇о сад̇д̇а, сам̣саараани жад̇уд̣̇д̣̇аса;
Ito satta tato satta, saṃsārāni catuddasa;
ниваасамабхиж̇аанаами, яад̇т̇а мз вусид̇ам̣ бурз.
Nivāsamabhijānāmi, yattha me vusitaṃ pure.
281. ‘д̣̇ийгхарад̇д̇ам̣ ко ахам̣, бханд̇з, авинибаад̇о авинибаад̇ам̣ сан̃ж̇аанаами, аасаа жа бана мз санд̇идтад̇и сагад̣̇ааг̇аамид̇ааяаа’д̇и. ‘ажчарияамид̣̇ам̣ ааяасмад̇о ж̇анавасабхасса яагкасса, аб̣бхуд̇амид̣̇ам̣ ааяасмад̇о ж̇анавасабхасса яагкасса. ‘‘д̣̇ийгхарад̇д̇ам̣ ко ахам̣, бханд̇з, авинибаад̇о авинибаад̇ам̣ сан̃ж̇аанаамий’’д̇и жа вад̣̇зси, ‘‘аасаа жа бана мз санд̇идтад̇и сагад̣̇ааг̇аамид̇ааяаа’’д̇и жа вад̣̇зси, гуд̇онид̣̇аанам̣ банааяасмаа ж̇анавасабхо яагко зваруубам̣ ул̣аарам̣ висзсаад̇хиг̇амам̣ сан̃ж̇аанаад̇ийд̇и? на ан̃н̃ад̇ра, бхаг̇аваа, д̇ава саасанаа, на ан̃н̃ад̇ра 31, суг̇ад̇а, д̇ава саасанаа; яад̣̇аг̇г̇з ахам̣, бханд̇з, бхаг̇авад̇и зганд̇игад̇о 32 абхиббасанно, д̇ад̣̇аг̇г̇з ахам̣, бханд̇з, д̣̇ийгхарад̇д̇ам̣ авинибаад̇о авинибаад̇ам̣ сан̃ж̇аанаами, аасаа жа бана мз санд̇идтад̇и сагад̣̇ааг̇аамид̇ааяа. ид̇хаахам̣, бханд̇з, взссаван̣зна махаарааж̇зна бзсид̇о вируул̣хагасса махаарааж̇асса санд̇игз гзнажид̣̇зва гаран̣ийязна ад̣̇д̣̇асам̣ бхаг̇аванд̇ам̣ анд̇араамаг̇г̇з г̇ин̃ж̇агаавасат̇ам̣ бависид̇ваа мааг̇ад̇хагз барижаарагз аараб̣бха адтим̣ гад̇ваа манасигад̇ваа саб̣б̣ам̣ жзд̇асаа саманнаахарид̇ваа нисиннам̣ – ‘‘г̇ад̇им̣ нзсам̣ ж̇ааниссаами абхисамбарааяам̣, яам̣г̇ад̇игаа д̇з бхаванд̇о яам̣абхисамбарааяаа’’д̇и. анажчарияам̣ ко банзд̇ам̣, бханд̇з, яам̣ взссаван̣асса махаарааж̇асса д̇ассам̣ барисааяам̣ бхаасад̇о саммукаа суд̇ам̣ саммукаа бадиг̇г̇ахид̇ам̣ – ‘‘яам̣г̇ад̇игаа д̇з бхаванд̇о яам̣абхисамбарааяаа’’д̇и. д̇асса маяхам̣, бханд̇з, зд̇ад̣̇ахоси – бхаг̇аванд̇ан̃жа д̣̇агкаами, ид̣̇ан̃жа бхаг̇авад̇о аарожзссаамийд̇и. имз ко мз, бханд̇з, д̣̇взбажжаяаа бхаг̇аванд̇ам̣ д̣̇ассанааяа убасан̇гамид̇ум̣’.
281. ‘Dīgharattaṃ kho ahaṃ, bhante, avinipāto avinipātaṃ sañjānāmi, āsā ca pana me santiṭṭhati sakadāgāmitāyā’ti. ‘Acchariyamidaṃ āyasmato janavasabhassa yakkhassa, abbhutamidaṃ āyasmato janavasabhassa yakkhassa. ‘‘Dīgharattaṃ kho ahaṃ, bhante, avinipāto avinipātaṃ sañjānāmī’’ti ca vadesi, ‘‘āsā ca pana me santiṭṭhati sakadāgāmitāyā’’ti ca vadesi, kutonidānaṃ panāyasmā janavasabho yakkho evarūpaṃ uḷāraṃ visesādhigamaṃ sañjānātīti? Na aññatra, bhagavā, tava sāsanā, na aññatra 33, sugata, tava sāsanā; yadagge ahaṃ, bhante, bhagavati ekantikato 34 abhippasanno, tadagge ahaṃ, bhante, dīgharattaṃ avinipāto avinipātaṃ sañjānāmi, āsā ca pana me santiṭṭhati sakadāgāmitāya. Idhāhaṃ, bhante, vessavaṇena mahārājena pesito virūḷhakassa mahārājassa santike kenacideva karaṇīyena addasaṃ bhagavantaṃ antarāmagge giñjakāvasathaṃ pavisitvā māgadhake paricārake ārabbha aṭṭhiṃ katvā manasikatvā sabbaṃ cetasā samannāharitvā nisinnaṃ – ‘‘gatiṃ nesaṃ jānissāmi abhisamparāyaṃ, yaṃgatikā te bhavanto yaṃabhisamparāyā’’ti. Anacchariyaṃ kho panetaṃ, bhante, yaṃ vessavaṇassa mahārājassa tassaṃ parisāyaṃ bhāsato sammukhā sutaṃ sammukhā paṭiggahitaṃ – ‘‘yaṃgatikā te bhavanto yaṃabhisamparāyā’’ti. Tassa mayhaṃ, bhante, etadahosi – bhagavantañca dakkhāmi, idañca bhagavato ārocessāmīti. Ime kho me, bhante, dvepaccayā bhagavantaṃ dassanāya upasaṅkamituṃ’.
д̣̇звасабхаа
Devasabhā
282. ‘буримаани , бханд̇з, д̣̇ивасаани буримад̇араани д̇ад̣̇ахубосат̇з баннарасз вассуубанааяигааяа бун̣н̣ааяа бун̣н̣амааяа рад̇д̇ияаа гзвалагаббаа жа д̣̇зваа д̇аавад̇им̣саа суд̇хаммааяам̣ сабхааяам̣ саннисиннаа хонд̇и саннибад̇ид̇аа. махад̇ий жа д̣̇иб̣б̣абарисаа 35 саманд̇ад̇о нисиннаа хонд̇и 36, жад̇д̇ааро жа махаарааж̇аано жад̇уд̣̇д̣̇исаа нисиннаа хонд̇и. бурад̇т̇имааяа д̣̇исааяа д̇хад̇арадто махаарааж̇аа бажчимаабхимуко 37 нисинно ход̇и д̣̇звз бурагкад̇ваа; д̣̇агкин̣ааяа д̣̇исааяа вируул̣хаго махаарааж̇аа уд̇д̇араабхимуко нисинно ход̇и д̣̇звз бурагкад̇ваа; бажчимааяа д̣̇исааяа вируубагко махаарааж̇аа бурад̇т̇аабхимуко нисинно ход̇и д̣̇звз бурагкад̇ваа; уд̇д̇арааяа д̣̇исааяа взссаван̣о махаарааж̇аа д̣̇агкин̣аабхимуко нисинно ход̇и д̣̇звз бурагкад̇ваа . яад̣̇аа, бханд̇з, гзвалагаббаа жа д̣̇зваа д̇аавад̇им̣саа суд̇хаммааяам̣ сабхааяам̣ саннисиннаа хонд̇и саннибад̇ид̇аа, махад̇ий жа д̣̇иб̣б̣абарисаа саманд̇ад̇о нисиннаа хонд̇и, жад̇д̇ааро жа махаарааж̇аано жад̇уд̣̇д̣̇исаа нисиннаа хонд̇и. ид̣̇ам̣ нзсам̣ ход̇и аасанасмим̣; ат̇а бажчаа амхаагам̣ аасанам̣ ход̇и. яз д̇з, бханд̇з, д̣̇зваа бхаг̇авад̇и б̣рахмажарияам̣ жарид̇ваа ад̇хунуубабаннаа д̇аавад̇им̣сагааяам̣, д̇з ан̃н̃з д̣̇звз ад̇ирожанд̇и ван̣н̣зна жзва яасасаа жа. д̇зна суд̣̇ам̣, бханд̇з, д̣̇зваа д̇аавад̇им̣саа ад̇д̇аманаа хонд̇и бамуд̣̇ид̇аа бийд̇исоманассаж̇аад̇аа ‘‘д̣̇иб̣б̣аа вад̇а бхо гааяаа барибуурзнд̇и, хааяанд̇и асурагааяаа’’д̇и. ат̇а ко, бханд̇з, сагго д̣̇зваанаминд̣̇о д̣̇зваанам̣ д̇аавад̇им̣саанам̣ самбасаад̣̇ам̣ вид̣̇ид̇ваа имаахи г̇аат̇аахи анумод̣̇и –
282. ‘Purimāni , bhante, divasāni purimatarāni tadahuposathe pannarase vassūpanāyikāya puṇṇāya puṇṇamāya rattiyā kevalakappā ca devā tāvatiṃsā sudhammāyaṃ sabhāyaṃ sannisinnā honti sannipatitā. Mahatī ca dibbaparisā 38 samantato nisinnā honti 39, cattāro ca mahārājāno catuddisā nisinnā honti. Puratthimāya disāya dhataraṭṭho mahārājā pacchimābhimukho 40 nisinno hoti deve purakkhatvā; dakkhiṇāya disāya virūḷhako mahārājā uttarābhimukho nisinno hoti deve purakkhatvā; pacchimāya disāya virūpakkho mahārājā puratthābhimukho nisinno hoti deve purakkhatvā; uttarāya disāya vessavaṇo mahārājā dakkhiṇābhimukho nisinno hoti deve purakkhatvā . Yadā, bhante, kevalakappā ca devā tāvatiṃsā sudhammāyaṃ sabhāyaṃ sannisinnā honti sannipatitā, mahatī ca dibbaparisā samantato nisinnā honti, cattāro ca mahārājāno catuddisā nisinnā honti. Idaṃ nesaṃ hoti āsanasmiṃ; atha pacchā amhākaṃ āsanaṃ hoti. Ye te, bhante, devā bhagavati brahmacariyaṃ caritvā adhunūpapannā tāvatiṃsakāyaṃ, te aññe deve atirocanti vaṇṇena ceva yasasā ca. Tena sudaṃ, bhante, devā tāvatiṃsā attamanā honti pamuditā pītisomanassajātā ‘‘dibbā vata bho kāyā paripūrenti, hāyanti asurakāyā’’ti. Atha kho, bhante, sakko devānamindo devānaṃ tāvatiṃsānaṃ sampasādaṃ viditvā imāhi gāthāhi anumodi –
‘‘мод̣̇анд̇и вад̇а бхо д̣̇зваа, д̇аавад̇им̣саа сахинд̣̇агаа 41;
‘‘Modanti vata bho devā, tāvatiṃsā sahindakā 42;
д̇ат̇ааг̇ад̇ам̣ намассанд̇аа, д̇хаммасса жа суд̇хаммад̇ам̣.
Tathāgataṃ namassantā, dhammassa ca sudhammataṃ.
навз д̣̇звз жа бассанд̇аа, ван̣н̣аванд̇з яасассинз 43;
Nave deve ca passantā, vaṇṇavante yasassine 44;
суг̇ад̇асмим̣ б̣рахмажарияам̣, жарид̇ваана ид̇хааг̇ад̇з.
Sugatasmiṃ brahmacariyaṃ, caritvāna idhāgate.
д̇з ан̃н̃з ад̇ирожанд̇и, ван̣н̣зна яасасааяунаа;
Te aññe atirocanti, vaṇṇena yasasāyunā;
саавагаа бхуурибан̃н̃асса, висзсуубаг̇ад̇аа ид̇ха.
Sāvakā bhūripaññassa, visesūpagatā idha.
ид̣̇ам̣ д̣̇исваана нанд̣̇анд̇и, д̇аавад̇им̣саа сахинд̣̇агаа;
Idaṃ disvāna nandanti, tāvatiṃsā sahindakā;
д̇ат̇ааг̇ад̇ам̣ намассанд̇аа, д̇хаммасса жа суд̇хаммад̇а’’нд̇и.
Tathāgataṃ namassantā, dhammassa ca sudhammata’’nti.
‘д̇зна суд̣̇ам̣, бханд̇з, д̣̇зваа д̇аавад̇им̣саа бхияяосомад̇д̇ааяа ад̇д̇аманаа хонд̇и бамуд̣̇ид̇аа бийд̇исоманассаж̇аад̇аа ‘‘д̣̇иб̣б̣аа вад̇а, бхо, гааяаа барибуурзнд̇и, хааяанд̇и асурагааяаа’’д̇и. ат̇а ко, бханд̇з, язнад̇т̇зна д̣̇зваа д̇аавад̇им̣саа суд̇хаммааяам̣ сабхааяам̣ саннисиннаа хонд̇и саннибад̇ид̇аа, д̇ам̣ ад̇т̇ам̣ жинд̇аяид̇ваа д̇ам̣ ад̇т̇ам̣ манд̇аяид̇ваа вуд̇д̇аважанааби д̇ам̣ 45 жад̇д̇ааро махаарааж̇аано д̇асмим̣ ад̇т̇з хонд̇и. бажжаанусидтаважанааби д̇ам̣ 46 жад̇д̇ааро махаарааж̇аано д̇асмим̣ ад̇т̇з хонд̇и, сагзсу сагзсу аасанзсу тид̇аа авибагганд̇аа 47.
‘Tena sudaṃ, bhante, devā tāvatiṃsā bhiyyosomattāya attamanā honti pamuditā pītisomanassajātā ‘‘dibbā vata, bho, kāyā paripūrenti, hāyanti asurakāyā’’ti. Atha kho, bhante, yenatthena devā tāvatiṃsā sudhammāyaṃ sabhāyaṃ sannisinnā honti sannipatitā, taṃ atthaṃ cintayitvā taṃ atthaṃ mantayitvā vuttavacanāpi taṃ 48 cattāro mahārājāno tasmiṃ atthe honti. Paccānusiṭṭhavacanāpi taṃ 49 cattāro mahārājāno tasmiṃ atthe honti, sakesu sakesu āsanesu ṭhitā avipakkantā 50.
д̇з вуд̇д̇аваагяаа рааж̇аано, бадиг̇г̇аяхаанусаасаним̣;
Te vuttavākyā rājāno, paṭiggayhānusāsaniṃ;
виббасаннаманаа санд̇аа, адтам̣су самхи аасанзд̇и.
Vippasannamanā santā, aṭṭhaṃsu samhi āsaneti.
283. ‘ат̇а ко, бханд̇з, уд̇д̇арааяа д̣̇исааяа ул̣ааро аалого сан̃ж̇ааяи, обхаасо баад̇урахоси ад̇иггаммзва д̣̇зваанам̣ д̣̇зваанубхаавам̣. ат̇а ко, бханд̇з, сагго д̣̇зваанаминд̣̇о д̣̇звз д̇аавад̇им̣сз ааманд̇зси – ‘‘яат̇аа ко, маарисаа, нимид̇д̇аани д̣̇иссанд̇и, ул̣ааро аалого сан̃ж̇ааяад̇и, обхаасо баад̇убхавад̇и, б̣рахмаа баад̇убхависсад̇и. б̣рахмуно хзд̇ам̣ буб̣б̣анимид̇д̇ам̣ баад̇убхаавааяа яад̣̇ид̣̇ам̣ аалого сан̃ж̇ааяад̇и обхаасо баад̇убхавад̇ийд̇и.
283. ‘Atha kho, bhante, uttarāya disāya uḷāro āloko sañjāyi, obhāso pāturahosi atikkammeva devānaṃ devānubhāvaṃ. Atha kho, bhante, sakko devānamindo deve tāvatiṃse āmantesi – ‘‘yathā kho, mārisā, nimittāni dissanti, uḷāro āloko sañjāyati, obhāso pātubhavati, brahmā pātubhavissati. Brahmuno hetaṃ pubbanimittaṃ pātubhāvāya yadidaṃ āloko sañjāyati obhāso pātubhavatīti.
‘‘яат̇аа нимид̇д̇аа д̣̇иссанд̇и, б̣рахмаа баад̇убхависсад̇и;
‘‘Yathā nimittā dissanti, brahmā pātubhavissati;
б̣рахмуно хзд̇ам̣ нимид̇д̇ам̣, обхаасо вибуло махаа’’д̇и.
Brahmuno hetaṃ nimittaṃ, obhāso vipulo mahā’’ti.
санан̇гумаарагат̇аа
Sanaṅkumārakathā
284. ‘ат̇а ко, бханд̇з, д̣̇зваа д̇аавад̇им̣саа яат̇аасагзсу аасанзсу нисийд̣̇им̣су – ‘‘обхаасамзд̇ам̣ н̃ассаама, яам̣вибааго бхависсад̇и, сажчигад̇ваава нам̣ г̇амиссаамаа’’д̇и. жад̇д̇аароби махаарааж̇аано яат̇аасагзсу аасанзсу нисийд̣̇им̣су – ‘‘обхаасамзд̇ам̣ н̃ассаама яам̣вибааго бхависсад̇и, сажчигад̇ваава нам̣ г̇амиссаамаа’’д̇и. ид̣̇ам̣ суд̇ваа д̣̇зваа д̇аавад̇им̣саа згаг̇г̇аа самаабаж̇ж̇им̣су – ‘‘обхаасамзд̇ам̣ н̃ассаама, яам̣вибааго бхависсад̇и, сажчигад̇ваава нам̣ г̇амиссаамаа’’д̇и.
284. ‘Atha kho, bhante, devā tāvatiṃsā yathāsakesu āsanesu nisīdiṃsu – ‘‘obhāsametaṃ ñassāma, yaṃvipāko bhavissati, sacchikatvāva naṃ gamissāmā’’ti. Cattāropi mahārājāno yathāsakesu āsanesu nisīdiṃsu – ‘‘obhāsametaṃ ñassāma yaṃvipāko bhavissati, sacchikatvāva naṃ gamissāmā’’ti. Idaṃ sutvā devā tāvatiṃsā ekaggā samāpajjiṃsu – ‘‘obhāsametaṃ ñassāma, yaṃvipāko bhavissati, sacchikatvāva naṃ gamissāmā’’ti.
‘яад̣̇аа, бханд̇з, б̣рахмаа санан̇гумааро д̣̇зваанам̣ д̇аавад̇им̣саанам̣ баад̇убхавад̇и, ол̣ааригам̣ ад̇д̇абхаавам̣ абхинимминид̇ваа баад̇убхавад̇и. яо ко бана, бханд̇з, б̣рахмуно багад̇иван̣н̣о анабхисамбхаванийяо со д̣̇зваанам̣ д̇аавад̇им̣саанам̣ жагкубат̇асмим̣. яад̣̇аа, бханд̇з, б̣рахмаа санан̇гумааро д̣̇зваанам̣ д̇аавад̇им̣саанам̣ баад̇убхавад̇и , со ан̃н̃з д̣̇звз ад̇ирожад̇и ван̣н̣зна жзва яасасаа жа. сзяяат̇ааби, бханд̇з, сован̣н̣о виг̇г̇ахо маанусам̣ виг̇г̇ахам̣ ад̇ирожад̇и; звамзва ко, бханд̇з, яад̣̇аа б̣рахмаа санан̇гумааро д̣̇зваанам̣ д̇аавад̇им̣саанам̣ баад̇убхавад̇и, со ан̃н̃з д̣̇звз ад̇ирожад̇и ван̣н̣зна жзва яасасаа жа. яад̣̇аа, бханд̇з, б̣рахмаа санан̇гумааро д̣̇зваанам̣ д̇аавад̇им̣саанам̣ баад̇убхавад̇и, на д̇ассам̣ барисааяам̣ гожи д̣̇зво абхиваад̣̇зд̇и ваа бажжудтзд̇и ваа аасанзна ваа ниманд̇зд̇и. саб̣б̣зва д̇ун̣хийбхууд̇аа бан̃ж̇алигаа баллан̇гзна нисийд̣̇анд̇и – ‘‘яассад̣̇аани д̣̇звасса баллан̇гам̣ ижчиссад̇и б̣рахмаа санан̇гумааро, д̇асса д̣̇звасса баллан̇гз нисийд̣̇иссад̇ий’’д̇и.
‘Yadā, bhante, brahmā sanaṅkumāro devānaṃ tāvatiṃsānaṃ pātubhavati, oḷārikaṃ attabhāvaṃ abhinimminitvā pātubhavati. Yo kho pana, bhante, brahmuno pakativaṇṇo anabhisambhavanīyo so devānaṃ tāvatiṃsānaṃ cakkhupathasmiṃ. Yadā, bhante, brahmā sanaṅkumāro devānaṃ tāvatiṃsānaṃ pātubhavati , so aññe deve atirocati vaṇṇena ceva yasasā ca. Seyyathāpi, bhante, sovaṇṇo viggaho mānusaṃ viggahaṃ atirocati; evameva kho, bhante, yadā brahmā sanaṅkumāro devānaṃ tāvatiṃsānaṃ pātubhavati, so aññe deve atirocati vaṇṇena ceva yasasā ca. Yadā, bhante, brahmā sanaṅkumāro devānaṃ tāvatiṃsānaṃ pātubhavati, na tassaṃ parisāyaṃ koci devo abhivādeti vā paccuṭṭheti vā āsanena vā nimanteti. Sabbeva tuṇhībhūtā pañjalikā pallaṅkena nisīdanti – ‘‘yassadāni devassa pallaṅkaṃ icchissati brahmā sanaṅkumāro, tassa devassa pallaṅke nisīdissatī’’ti.
‘яасса ко бана, бханд̇з, д̣̇звасса б̣рахмаа санан̇гумааро баллан̇гз нисийд̣̇ад̇и, ул̣аарам̣ со лабхад̇и д̣̇зво взд̣̇абадилаабхам̣; ул̣аарам̣ со лабхад̇и д̣̇зво соманассабадилаабхам̣. сзяяат̇ааби, бханд̇з, рааж̇аа кад̇д̇ияо муд̣̇д̇хаавасид̇д̇о ад̇хунаабхисид̇д̇о раж̇ж̇зна, ул̣аарам̣ со лабхад̇и взд̣̇абадилаабхам̣, ул̣аарам̣ со лабхад̇и соманассабадилаабхам̣. звамзва ко, бханд̇з, яасса д̣̇звасса б̣рахмаа санан̇гумааро баллан̇гз нисийд̣̇ад̇и, ул̣аарам̣ со лабхад̇и д̣̇зво взд̣̇абадилаабхам̣, ул̣аарам̣ со лабхад̇и д̣̇зво соманассабадилаабхам̣. ат̇а , бханд̇з, б̣рахмаа санан̇гумааро ол̣ааригам̣ ад̇д̇абхаавам̣ абхинимминид̇ваа гумаараван̣н̣ий 51 худ̇ваа бан̃жасико д̣̇зваанам̣ д̇аавад̇им̣саанам̣ баад̇урахоси. со взхаасам̣ аб̣бхуг̇г̇анд̇ваа аагаасз анд̇алигкз баллан̇гзна нисийд̣̇и. сзяяат̇ааби, бханд̇з, б̣алаваа бурисо субажжад̇т̇ад̇з ваа баллан̇гз самз ваа бхуумибхааг̇з баллан̇гзна нисийд̣̇зяяа; звамзва ко, бханд̇з, б̣рахмаа санан̇гумааро взхаасам̣ аб̣бхуг̇г̇анд̇ваа аагаасз анд̇алигкз баллан̇гзна нисийд̣̇ид̇ваа д̣̇зваанам̣ д̇аавад̇им̣саанам̣ самбасаад̣̇ам̣ вид̣̇ид̇ваа имаахи г̇аат̇аахи анумод̣̇и –
‘Yassa kho pana, bhante, devassa brahmā sanaṅkumāro pallaṅke nisīdati, uḷāraṃ so labhati devo vedapaṭilābhaṃ; uḷāraṃ so labhati devo somanassapaṭilābhaṃ. Seyyathāpi, bhante, rājā khattiyo muddhāvasitto adhunābhisitto rajjena, uḷāraṃ so labhati vedapaṭilābhaṃ, uḷāraṃ so labhati somanassapaṭilābhaṃ. Evameva kho, bhante, yassa devassa brahmā sanaṅkumāro pallaṅke nisīdati, uḷāraṃ so labhati devo vedapaṭilābhaṃ, uḷāraṃ so labhati devo somanassapaṭilābhaṃ. Atha , bhante, brahmā sanaṅkumāro oḷārikaṃ attabhāvaṃ abhinimminitvā kumāravaṇṇī 52 hutvā pañcasikho devānaṃ tāvatiṃsānaṃ pāturahosi. So vehāsaṃ abbhuggantvā ākāse antalikkhe pallaṅkena nisīdi. Seyyathāpi, bhante, balavā puriso supaccatthate vā pallaṅke same vā bhūmibhāge pallaṅkena nisīdeyya; evameva kho, bhante, brahmā sanaṅkumāro vehāsaṃ abbhuggantvā ākāse antalikkhe pallaṅkena nisīditvā devānaṃ tāvatiṃsānaṃ sampasādaṃ viditvā imāhi gāthāhi anumodi –
‘‘мод̣̇анд̇и вад̇а бхо д̣̇зваа, д̇аавад̇им̣саа сахинд̣̇агаа;
‘‘Modanti vata bho devā, tāvatiṃsā sahindakā;
д̇ат̇ааг̇ад̇ам̣ намассанд̇аа, д̇хаммасса жа суд̇хаммад̇ам̣.
Tathāgataṃ namassantā, dhammassa ca sudhammataṃ.
‘‘навз д̣̇звз жа бассанд̇аа, ван̣н̣аванд̇з яасассинз;
‘‘Nave deve ca passantā, vaṇṇavante yasassine;
суг̇ад̇асмим̣ б̣рахмажарияам̣, жарид̇ваана ид̇хааг̇ад̇з.
Sugatasmiṃ brahmacariyaṃ, caritvāna idhāgate.
‘‘д̇з ан̃н̃з ад̇ирожанд̇и, ван̣н̣зна яасасааяунаа;
‘‘Te aññe atirocanti, vaṇṇena yasasāyunā;
саавагаа бхуурибан̃н̃асса, висзсуубаг̇ад̇аа ид̇ха.
Sāvakā bhūripaññassa, visesūpagatā idha.
‘‘ид̣̇ам̣ д̣̇исваана нанд̣̇анд̇и, д̇аавад̇им̣саа сахинд̣̇агаа;
‘‘Idaṃ disvāna nandanti, tāvatiṃsā sahindakā;
д̇ат̇ааг̇ад̇ам̣ намассанд̇аа, д̇хаммасса жа суд̇хаммад̇а’’нд̇и.
Tathāgataṃ namassantā, dhammassa ca sudhammata’’nti.
285. ‘имамад̇т̇ам̣, бханд̇з, б̣рахмаа санан̇гумааро бхаасид̇т̇а; имамад̇т̇ам̣, бханд̇з, б̣рахмуно санан̇гумаарасса бхаасад̇о адтан̇г̇асаманнааг̇ад̇о саро ход̇и виссадто жа вин̃н̃зяяо жа ман̃ж̇у жа саванийяо жа б̣инд̣̇у жа ависаарий жа г̇амбхийро жа ниннаад̣̇ий жа. яат̇аабарисам̣ ко бана, бханд̇з, б̣рахмаа санан̇гумааро сарзна вин̃н̃аабзд̇и; на жасса б̣ахид̣̇д̇хаа барисааяа гхосо нижчарад̇и. яасса ко бана, бханд̇з, звам̣ адтан̇г̇асаманнааг̇ад̇о саро ход̇и, со вужжад̇и ‘‘б̣рахмассаро’’д̇и.
285. ‘Imamatthaṃ, bhante, brahmā sanaṅkumāro bhāsittha; imamatthaṃ, bhante, brahmuno sanaṅkumārassa bhāsato aṭṭhaṅgasamannāgato saro hoti vissaṭṭho ca viññeyyo ca mañju ca savanīyo ca bindu ca avisārī ca gambhīro ca ninnādī ca. Yathāparisaṃ kho pana, bhante, brahmā sanaṅkumāro sarena viññāpeti; na cassa bahiddhā parisāya ghoso niccharati. Yassa kho pana, bhante, evaṃ aṭṭhaṅgasamannāgato saro hoti, so vuccati ‘‘brahmassaro’’ti.
‘ат̇а ко, бханд̇з, б̣рахмаа санан̇гумааро д̇зд̇д̇им̣сз ад̇д̇абхаавз абхинимминид̇ваа д̣̇зваанам̣ д̇аавад̇им̣саанам̣ бажжзгабаллан̇гзсу баллан̇гзна 53 нисийд̣̇ид̇ваа д̣̇звз д̇аавад̇им̣сз ааманд̇зси – ‘‘д̇ам̣ гим̣ ман̃н̃анд̇и, бхонд̇о д̣̇зваа д̇аавад̇им̣саа, яааван̃жа со бхаг̇аваа б̣ахуж̇анахид̇ааяа бадибанно б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣. яз хи гзжи, бхо, б̣уд̣̇д̇хам̣ саран̣ам̣ г̇ад̇аа д̇хаммам̣ саран̣ам̣ г̇ад̇аа сан̇гхам̣ саран̣ам̣ г̇ад̇аа сийлзсу барибуурагаарино д̇з гааяасса бхзд̣̇аа барам̣ маран̣аа аббзгажжз бараниммид̇авасавад̇д̇ийнам̣ д̣̇зваанам̣ сахаб̣яад̇ам̣ убабаж̇ж̇анд̇и, аббзгажжз ниммаанарад̇ийнам̣ д̣̇зваанам̣ сахаб̣яад̇ам̣ убабаж̇ж̇анд̇и, аббзгажжз д̇усид̇аанам̣ д̣̇зваанам̣ сахаб̣яад̇ам̣ убабаж̇ж̇анд̇и, аббзгажжз яаамаанам̣ д̣̇зваанам̣ сахаб̣яад̇ам̣ убабаж̇ж̇анд̇и, аббзгажжз д̇аавад̇им̣саанам̣ д̣̇зваанам̣ сахаб̣яад̇ам̣ убабаж̇ж̇анд̇и, аббзгажжз жаад̇умахаарааж̇игаанам̣ д̣̇зваанам̣ сахаб̣яад̇ам̣ убабаж̇ж̇анд̇и. яз саб̣б̣анихийнам̣ гааяам̣ барибуурзнд̇и, д̇з г̇анд̇хаб̣б̣агааяам̣ барибуурзнд̇ий’’’д̇и.
‘Atha kho, bhante, brahmā sanaṅkumāro tettiṃse attabhāve abhinimminitvā devānaṃ tāvatiṃsānaṃ paccekapallaṅkesu pallaṅkena 54 nisīditvā deve tāvatiṃse āmantesi – ‘‘taṃ kiṃ maññanti, bhonto devā tāvatiṃsā, yāvañca so bhagavā bahujanahitāya paṭipanno bahujanasukhāya lokānukampāya atthāya hitāya sukhāya devamanussānaṃ. Ye hi keci, bho, buddhaṃ saraṇaṃ gatā dhammaṃ saraṇaṃ gatā saṅghaṃ saraṇaṃ gatā sīlesu paripūrakārino te kāyassa bhedā paraṃ maraṇā appekacce paranimmitavasavattīnaṃ devānaṃ sahabyataṃ upapajjanti, appekacce nimmānaratīnaṃ devānaṃ sahabyataṃ upapajjanti, appekacce tusitānaṃ devānaṃ sahabyataṃ upapajjanti, appekacce yāmānaṃ devānaṃ sahabyataṃ upapajjanti, appekacce tāvatiṃsānaṃ devānaṃ sahabyataṃ upapajjanti, appekacce cātumahārājikānaṃ devānaṃ sahabyataṃ upapajjanti. Ye sabbanihīnaṃ kāyaṃ paripūrenti, te gandhabbakāyaṃ paripūrentī’’’ti.
286. ‘имамад̇т̇ам̣ , бханд̇з, б̣рахмаа санан̇гумааро бхаасид̇т̇а; имамад̇т̇ам̣, бханд̇з, б̣рахмуно санан̇гумаарасса бхаасад̇о гхосоязва д̣̇зваа ман̃н̃анд̇и – ‘‘явааяам̣ мама баллан̇гз свааяам̣ згова бхаасад̇ий’’д̇и.
286. ‘Imamatthaṃ , bhante, brahmā sanaṅkumāro bhāsittha; imamatthaṃ, bhante, brahmuno sanaṅkumārassa bhāsato ghosoyeva devā maññanti – ‘‘yvāyaṃ mama pallaṅke svāyaṃ ekova bhāsatī’’ti.
згасмим̣ бхаасамаанасмим̣, саб̣б̣з бхаасанд̇и ниммид̇аа;
Ekasmiṃ bhāsamānasmiṃ, sabbe bhāsanti nimmitā;
згасмим̣ д̇ун̣химаасийнз, саб̣б̣з д̇ун̣хий бхаванд̇и д̇з.
Ekasmiṃ tuṇhimāsīne, sabbe tuṇhī bhavanti te.
д̇ад̣̇аасу д̣̇зваа ман̃н̃анд̇и, д̇аавад̇им̣саа сахинд̣̇агаа;
Tadāsu devā maññanti, tāvatiṃsā sahindakā;
явааяам̣ мама баллан̇гасмим̣, свааяам̣ згова бхаасад̇ийд̇и.
Yvāyaṃ mama pallaṅkasmiṃ, svāyaṃ ekova bhāsatīti.
‘ат̇а ко, бханд̇з, б̣рахмаа санан̇гумааро згад̇д̇зна ад̇д̇аанам̣ убасам̣харад̇и, згад̇д̇зна ад̇д̇аанам̣ убасам̣харид̇ваа саггасса д̣̇зваанаминд̣̇асса баллан̇гз баллан̇гзна нисийд̣̇ид̇ваа д̣̇звз д̇аавад̇им̣сз ааманд̇зси –
‘Atha kho, bhante, brahmā sanaṅkumāro ekattena attānaṃ upasaṃharati, ekattena attānaṃ upasaṃharitvā sakkassa devānamindassa pallaṅke pallaṅkena nisīditvā deve tāvatiṃse āmantesi –
бхаавид̇аид̣̇д̇хибаад̣̇о
Bhāvitaiddhipādo
287. ‘‘‘д̇ам̣ гим̣ ман̃н̃анд̇и, бхонд̇о д̣̇зваа д̇аавад̇им̣саа, яаава субан̃н̃ад̇д̇аа жимз д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна жад̇д̇ааро ид̣̇д̇хибаад̣̇аа бан̃н̃ад̇д̇аа ид̣̇д̇хибахуд̇ааяа 55 ид̣̇д̇хивисавид̇ааяа 56 ид̣̇д̇хивигуб̣б̣анад̇ааяа. гад̇амз жад̇д̇ааро? ид̇ха бхо бхигку чанд̣̇асамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и. вийрияасамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и. жид̇д̇асамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и. виймам̣саасамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и. имз ко, бхо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна жад̇д̇ааро ид̣̇д̇хибаад̣̇аа бан̃н̃ад̇д̇аа ид̣̇д̇хибахуд̇ааяа ид̣̇д̇хивисавид̇ааяа ид̣̇д̇хивигуб̣б̣анад̇ааяа.
287. ‘‘‘Taṃ kiṃ maññanti, bhonto devā tāvatiṃsā, yāva supaññattā cime tena bhagavatā jānatā passatā arahatā sammāsambuddhena cattāro iddhipādā paññattā iddhipahutāya 57 iddhivisavitāya 58 iddhivikubbanatāya. Katame cattāro? Idha bho bhikkhu chandasamādhippadhānasaṅkhārasamannāgataṃ iddhipādaṃ bhāveti. Vīriyasamādhippadhānasaṅkhārasamannāgataṃ iddhipādaṃ bhāveti. Cittasamādhippadhānasaṅkhārasamannāgataṃ iddhipādaṃ bhāveti. Vīmaṃsāsamādhippadhānasaṅkhārasamannāgataṃ iddhipādaṃ bhāveti. Ime kho, bho, tena bhagavatā jānatā passatā arahatā sammāsambuddhena cattāro iddhipādā paññattā iddhipahutāya iddhivisavitāya iddhivikubbanatāya.
‘‘‘яз хи гзжи бхо ад̇ийд̇амад̣̇д̇хаанам̣ саман̣аа ваа б̣раахман̣аа ваа анзгавихид̇ам̣ ид̣̇д̇хивид̇хам̣ бажжанубхосум̣, саб̣б̣з д̇з имзсам̣язва жад̇уннам̣ ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа. язби хи гзжи бхо анааг̇ад̇амад̣̇д̇хаанам̣ саман̣аа ваа б̣раахман̣аа ваа анзгавихид̇ам̣ ид̣̇д̇хивид̇хам̣ бажжанубхоссанд̇и, саб̣б̣з д̇з имзсам̣язва жад̇уннам̣ ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа. язби хи гзжи бхо зд̇арахи саман̣аа ваа б̣раахман̣аа ваа анзгавихид̇ам̣ ид̣̇д̇хивид̇хам̣ бажжанубхонд̇и, саб̣б̣з д̇з имзсам̣язва жад̇уннам̣ ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа. бассанд̇и но бхонд̇о д̣̇зваа д̇аавад̇им̣саа мамабимам̣ зваруубам̣ ид̣̇д̇хаанубхаава’’нд̇и? ‘‘звам̣ махааб̣рахмз’’д̇и. ‘‘ахамби ко бхо имзсам̣язва жад̇уннан̃жа ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа звам̣ махид̣̇д̇хиго звам̣махаанубхааво’’д̇и. имамад̇т̇ам̣, бханд̇з, б̣рахмаа санан̇гумааро бхаасид̇т̇а. имамад̇т̇ам̣, бханд̇з, б̣рахмаа санан̇гумааро бхаасид̇ваа д̣̇звз д̇аавад̇им̣сз ааманд̇зси –
‘‘‘Ye hi keci bho atītamaddhānaṃ samaṇā vā brāhmaṇā vā anekavihitaṃ iddhividhaṃ paccanubhosuṃ, sabbe te imesaṃyeva catunnaṃ iddhipādānaṃ bhāvitattā bahulīkatattā. Yepi hi keci bho anāgatamaddhānaṃ samaṇā vā brāhmaṇā vā anekavihitaṃ iddhividhaṃ paccanubhossanti, sabbe te imesaṃyeva catunnaṃ iddhipādānaṃ bhāvitattā bahulīkatattā. Yepi hi keci bho etarahi samaṇā vā brāhmaṇā vā anekavihitaṃ iddhividhaṃ paccanubhonti, sabbe te imesaṃyeva catunnaṃ iddhipādānaṃ bhāvitattā bahulīkatattā. Passanti no bhonto devā tāvatiṃsā mamapimaṃ evarūpaṃ iddhānubhāva’’nti? ‘‘Evaṃ mahābrahme’’ti. ‘‘Ahampi kho bho imesaṃyeva catunnañca iddhipādānaṃ bhāvitattā bahulīkatattā evaṃ mahiddhiko evaṃmahānubhāvo’’ti. Imamatthaṃ, bhante, brahmā sanaṅkumāro bhāsittha. Imamatthaṃ, bhante, brahmā sanaṅkumāro bhāsitvā deve tāvatiṃse āmantesi –
д̇ивид̇хо огаасаад̇хиг̇амо
Tividho okāsādhigamo
288. ‘‘‘д̇ам̣ гим̣ ман̃н̃анд̇и, бхонд̇о д̣̇зваа д̇аавад̇им̣саа, яааван̃жид̣̇ам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна д̇аяо огаасаад̇хиг̇амаа ануб̣уд̣̇д̇хаа сукассаад̇хиг̇амааяа. гад̇амз д̇аяо? ид̇ха бхо згажжо сам̣садто вихарад̇и гаамзхи сам̣садто агусалзхи д̇хаммзхи. со абарзна самаязна арияад̇хаммам̣ сун̣аад̇и, яонисо манаси гарод̇и, д̇хаммаануд̇хаммам̣ бадибаж̇ж̇ад̇и. со арияад̇хаммассаванам̣ ааг̇амма яонисоманасигаарам̣ д̇хаммаануд̇хаммаббадибад̇д̇им̣ асам̣садто вихарад̇и гаамзхи асам̣садто агусалзхи д̇хаммзхи. д̇асса асам̣садтасса гаамзхи асам̣садтасса агусалзхи д̇хаммзхи уббаж̇ж̇ад̇и сукам̣, сукаа бхияяо соманассам̣. сзяяат̇ааби, бхо, бамуд̣̇аа баамож̇ж̇ам̣ 59 ж̇ааязт̇а, звамзва ко, бхо, асам̣садтасса гаамзхи асам̣садтасса агусалзхи д̇хаммзхи уббаж̇ж̇ад̇и сукам̣, сукаа бхияяо соманассам̣. аяам̣ ко, бхо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна батамо огаасаад̇хиг̇амо ануб̣уд̣̇д̇хо сукассаад̇хиг̇амааяа.
288. ‘‘‘Taṃ kiṃ maññanti, bhonto devā tāvatiṃsā, yāvañcidaṃ tena bhagavatā jānatā passatā arahatā sammāsambuddhena tayo okāsādhigamā anubuddhā sukhassādhigamāya. Katame tayo? Idha bho ekacco saṃsaṭṭho viharati kāmehi saṃsaṭṭho akusalehi dhammehi. So aparena samayena ariyadhammaṃ suṇāti, yoniso manasi karoti, dhammānudhammaṃ paṭipajjati. So ariyadhammassavanaṃ āgamma yonisomanasikāraṃ dhammānudhammappaṭipattiṃ asaṃsaṭṭho viharati kāmehi asaṃsaṭṭho akusalehi dhammehi. Tassa asaṃsaṭṭhassa kāmehi asaṃsaṭṭhassa akusalehi dhammehi uppajjati sukhaṃ, sukhā bhiyyo somanassaṃ. Seyyathāpi, bho, pamudā pāmojjaṃ 60 jāyetha, evameva kho, bho, asaṃsaṭṭhassa kāmehi asaṃsaṭṭhassa akusalehi dhammehi uppajjati sukhaṃ, sukhā bhiyyo somanassaṃ. Ayaṃ kho, bho, tena bhagavatā jānatā passatā arahatā sammāsambuddhena paṭhamo okāsādhigamo anubuddho sukhassādhigamāya.
‘‘‘буна жабарам̣, бхо, ид̇хзгажжасса ол̣ааригаа гааяасан̇каараа аббадиббассад̣̇д̇хаа хонд̇и, ол̣ааригаа важийсан̇каараа аббадиббассад̣̇д̇хаа хонд̇и, ол̣ааригаа жид̇д̇асан̇каараа аббадиббассад̣̇д̇хаа хонд̇и. со абарзна самаязна арияад̇хаммам̣ сун̣аад̇и, яонисо манаси гарод̇и, д̇хаммаануд̇хаммам̣ бадибаж̇ж̇ад̇и. д̇асса арияад̇хаммассаванам̣ ааг̇амма яонисоманасигаарам̣ д̇хаммаануд̇хаммаббадибад̇д̇им̣ ол̣ааригаа гааяасан̇каараа бадиббассамбханд̇и, ол̣ааригаа важийсан̇каараа бадиббассамбханд̇и, ол̣ааригаа жид̇д̇асан̇каараа бадиббассамбханд̇и. д̇асса ол̣ааригаанам̣ гааяасан̇каараанам̣ бадиббассад̣̇д̇хияаа ол̣ааригаанам̣ важийсан̇каараанам̣ бадиббассад̣̇д̇хияаа ол̣ааригаанам̣ жид̇д̇асан̇каараанам̣ бадиббассад̣̇д̇хияаа уббаж̇ж̇ад̇и сукам̣, сукаа бхияяо соманассам̣. сзяяат̇ааби, бхо, бамуд̣̇аа баамож̇ж̇ам̣ ж̇ааязт̇а, звамзва ко бхо ол̣ааригаанам̣ гааяасан̇каараанам̣ бадиббассад̣̇д̇хияаа ол̣ааригаанам̣ важийсан̇каараанам̣ бадиббассад̣̇д̇хияаа ол̣ааригаанам̣ жид̇д̇асан̇каараанам̣ бадиббассад̣̇д̇хияаа уббаж̇ж̇ад̇и сукам̣, сукаа бхияяо соманассам̣. аяам̣ ко, бхо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна д̣̇уд̇ияо огаасаад̇хиг̇амо ануб̣уд̣̇д̇хо сукассаад̇хиг̇амааяа.
‘‘‘Puna caparaṃ, bho, idhekaccassa oḷārikā kāyasaṅkhārā appaṭippassaddhā honti, oḷārikā vacīsaṅkhārā appaṭippassaddhā honti, oḷārikā cittasaṅkhārā appaṭippassaddhā honti. So aparena samayena ariyadhammaṃ suṇāti, yoniso manasi karoti, dhammānudhammaṃ paṭipajjati. Tassa ariyadhammassavanaṃ āgamma yonisomanasikāraṃ dhammānudhammappaṭipattiṃ oḷārikā kāyasaṅkhārā paṭippassambhanti, oḷārikā vacīsaṅkhārā paṭippassambhanti, oḷārikā cittasaṅkhārā paṭippassambhanti. Tassa oḷārikānaṃ kāyasaṅkhārānaṃ paṭippassaddhiyā oḷārikānaṃ vacīsaṅkhārānaṃ paṭippassaddhiyā oḷārikānaṃ cittasaṅkhārānaṃ paṭippassaddhiyā uppajjati sukhaṃ, sukhā bhiyyo somanassaṃ. Seyyathāpi, bho, pamudā pāmojjaṃ jāyetha, evameva kho bho oḷārikānaṃ kāyasaṅkhārānaṃ paṭippassaddhiyā oḷārikānaṃ vacīsaṅkhārānaṃ paṭippassaddhiyā oḷārikānaṃ cittasaṅkhārānaṃ paṭippassaddhiyā uppajjati sukhaṃ, sukhā bhiyyo somanassaṃ. Ayaṃ kho, bho, tena bhagavatā jānatā passatā arahatā sammāsambuddhena dutiyo okāsādhigamo anubuddho sukhassādhigamāya.
‘‘‘буна жабарам̣, бхо, ид̇хзгажжо ‘ид̣̇ам̣ гусала’нд̇и яат̇аабхууд̇ам̣ наббаж̇аанаад̇и, ‘ид̣̇ам̣ агусала’нд̇и яат̇аабхууд̇ам̣ наббаж̇аанаад̇и. ‘ид̣̇ам̣ сааваж̇ж̇ам̣ ид̣̇ам̣ анаваж̇ж̇ам̣, ид̣̇ам̣ сзвид̇аб̣б̣ам̣ ид̣̇ам̣ на сзвид̇аб̣б̣ам̣, ид̣̇ам̣ хийнам̣ ид̣̇ам̣ бан̣ийд̇ам̣, ид̣̇ам̣ ган̣хасуггасаббадибхааг̇а’нд̇и яат̇аабхууд̇ам̣ наббаж̇аанаад̇и. со абарзна самаязна арияад̇хаммам̣ сун̣аад̇и, яонисо манаси гарод̇и, д̇хаммаануд̇хаммам̣ бадибаж̇ж̇ад̇и. со арияад̇хаммассаванам̣ ааг̇амма яонисоманасигаарам̣ д̇хаммаануд̇хаммаббадибад̇д̇им̣, ‘ид̣̇ам̣ гусала’нд̇и яат̇аабхууд̇ам̣ баж̇аанаад̇и, ‘ид̣̇ам̣ агусала’нд̇и яат̇аабхууд̇ам̣ баж̇аанаад̇и. ид̣̇ам̣ сааваж̇ж̇ам̣ ид̣̇ам̣ анаваж̇ж̇ам̣, ид̣̇ам̣ сзвид̇аб̣б̣ам̣ ид̣̇ам̣ на сзвид̇аб̣б̣ам̣, ид̣̇ам̣ хийнам̣ ид̣̇ам̣ бан̣ийд̇ам̣, ид̣̇ам̣ ган̣хасуггасаббадибхааг̇а’нд̇и яат̇аабхууд̇ам̣ баж̇аанаад̇и. д̇асса звам̣ ж̇аанад̇о звам̣ бассад̇о авиж̇ж̇аа бахийяад̇и, виж̇ж̇аа уббаж̇ж̇ад̇и. д̇асса авиж̇ж̇аавирааг̇аа виж̇ж̇уббаад̣̇аа уббаж̇ж̇ад̇и сукам̣, сукаа бхияяо соманассам̣. сзяяат̇ааби, бхо, бамуд̣̇аа баамож̇ж̇ам̣ ж̇ааязт̇а , звамзва ко, бхо, авиж̇ж̇аавирааг̇аа виж̇ж̇уббаад̣̇аа уббаж̇ж̇ад̇и сукам̣, сукаа бхияяо соманассам̣. аяам̣ ко, бхо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна д̇ад̇ияо огаасаад̇хиг̇амо ануб̣уд̣̇д̇хо сукассаад̇хиг̇амааяа. имз ко, бхо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна д̇аяо огаасаад̇хиг̇амаа ануб̣уд̣̇д̇хаа сукассаад̇хиг̇амааяаа’’д̇и. имамад̇т̇ам̣, бханд̇з, б̣рахмаа санан̇гумааро бхаасид̇т̇а, имамад̇т̇ам̣, бханд̇з, б̣рахмаа санан̇гумааро бхаасид̇ваа д̣̇звз д̇аавад̇им̣сз ааманд̇зси –
‘‘‘Puna caparaṃ, bho, idhekacco ‘idaṃ kusala’nti yathābhūtaṃ nappajānāti, ‘idaṃ akusala’nti yathābhūtaṃ nappajānāti. ‘Idaṃ sāvajjaṃ idaṃ anavajjaṃ, idaṃ sevitabbaṃ idaṃ na sevitabbaṃ, idaṃ hīnaṃ idaṃ paṇītaṃ, idaṃ kaṇhasukkasappaṭibhāga’nti yathābhūtaṃ nappajānāti. So aparena samayena ariyadhammaṃ suṇāti, yoniso manasi karoti, dhammānudhammaṃ paṭipajjati. So ariyadhammassavanaṃ āgamma yonisomanasikāraṃ dhammānudhammappaṭipattiṃ, ‘idaṃ kusala’nti yathābhūtaṃ pajānāti, ‘idaṃ akusala’nti yathābhūtaṃ pajānāti. Idaṃ sāvajjaṃ idaṃ anavajjaṃ, idaṃ sevitabbaṃ idaṃ na sevitabbaṃ, idaṃ hīnaṃ idaṃ paṇītaṃ, idaṃ kaṇhasukkasappaṭibhāga’nti yathābhūtaṃ pajānāti. Tassa evaṃ jānato evaṃ passato avijjā pahīyati, vijjā uppajjati. Tassa avijjāvirāgā vijjuppādā uppajjati sukhaṃ, sukhā bhiyyo somanassaṃ. Seyyathāpi, bho, pamudā pāmojjaṃ jāyetha , evameva kho, bho, avijjāvirāgā vijjuppādā uppajjati sukhaṃ, sukhā bhiyyo somanassaṃ. Ayaṃ kho, bho, tena bhagavatā jānatā passatā arahatā sammāsambuddhena tatiyo okāsādhigamo anubuddho sukhassādhigamāya. Ime kho, bho, tena bhagavatā jānatā passatā arahatā sammāsambuddhena tayo okāsādhigamā anubuddhā sukhassādhigamāyā’’ti. Imamatthaṃ, bhante, brahmā sanaṅkumāro bhāsittha, imamatthaṃ, bhante, brahmā sanaṅkumāro bhāsitvā deve tāvatiṃse āmantesi –
жад̇усад̇ибадтаанам̣
Catusatipaṭṭhānaṃ
289. ‘‘‘д̇ам̣ гим̣ ман̃н̃анд̇и, бхонд̇о д̣̇зваа д̇аавад̇им̣саа, яаава субан̃н̃ад̇д̇аа жимз д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна жад̇д̇ааро сад̇ибадтаанаа бан̃н̃ад̇д̇аа гусалассаад̇хиг̇амааяа. гад̇амз жад̇д̇ааро? ид̇ха , бхо, бхигку аж̇жхад̇д̇ам̣ гааяз гааяаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. аж̇жхад̇д̇ам̣ гааяз гааяаанубассий вихаранд̇о д̇ад̇т̇а саммаа самаад̇хияад̇и, саммаа виббасийд̣̇ад̇и. со д̇ад̇т̇а саммаа самаахид̇о саммаа виббасанно б̣ахид̣̇д̇хаа барагааяз н̃аан̣ад̣̇ассанам̣ абхиниб̣б̣ад̇д̇зд̇и. аж̇жхад̇д̇ам̣ взд̣̇анаасу взд̣̇анаанубассий вихарад̇и…бз… б̣ахид̣̇д̇хаа баравзд̣̇анаасу н̃аан̣ад̣̇ассанам̣ абхиниб̣б̣ад̇д̇зд̇и. аж̇жхад̇д̇ам̣ жид̇д̇з жид̇д̇аанубассий вихарад̇и…бз… б̣ахид̣̇д̇хаа баражид̇д̇з н̃аан̣ад̣̇ассанам̣ абхиниб̣б̣ад̇д̇зд̇и. аж̇жхад̇д̇ам̣ д̇хаммзсу д̇хаммаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. аж̇жхад̇д̇ам̣ д̇хаммзсу д̇хаммаанубассий вихаранд̇о д̇ад̇т̇а саммаа самаад̇хияад̇и, саммаа виббасийд̣̇ад̇и. со д̇ад̇т̇а саммаа самаахид̇о саммаа виббасанно б̣ахид̣̇д̇хаа барад̇хаммзсу н̃аан̣ад̣̇ассанам̣ абхиниб̣б̣ад̇д̇зд̇и. имз ко, бхо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна жад̇д̇ааро сад̇ибадтаанаа бан̃н̃ад̇д̇аа гусалассаад̇хиг̇амааяаа’’д̇и. имамад̇т̇ам̣, бханд̇з, б̣рахмаа санан̇гумааро бхаасид̇т̇а. имамад̇т̇ам̣, бханд̇з, б̣рахмаа санан̇гумааро бхаасид̇ваа д̣̇звз д̇аавад̇им̣сз ааманд̇зси –
289. ‘‘‘Taṃ kiṃ maññanti, bhonto devā tāvatiṃsā, yāva supaññattā cime tena bhagavatā jānatā passatā arahatā sammāsambuddhena cattāro satipaṭṭhānā paññattā kusalassādhigamāya. Katame cattāro? Idha , bho, bhikkhu ajjhattaṃ kāye kāyānupassī viharati ātāpī sampajāno satimā vineyya loke abhijjhādomanassaṃ. Ajjhattaṃ kāye kāyānupassī viharanto tattha sammā samādhiyati, sammā vippasīdati. So tattha sammā samāhito sammā vippasanno bahiddhā parakāye ñāṇadassanaṃ abhinibbatteti. Ajjhattaṃ vedanāsu vedanānupassī viharati…pe… bahiddhā paravedanāsu ñāṇadassanaṃ abhinibbatteti. Ajjhattaṃ citte cittānupassī viharati…pe… bahiddhā paracitte ñāṇadassanaṃ abhinibbatteti. Ajjhattaṃ dhammesu dhammānupassī viharati ātāpī sampajāno satimā vineyya loke abhijjhādomanassaṃ. Ajjhattaṃ dhammesu dhammānupassī viharanto tattha sammā samādhiyati, sammā vippasīdati. So tattha sammā samāhito sammā vippasanno bahiddhā paradhammesu ñāṇadassanaṃ abhinibbatteti. Ime kho, bho, tena bhagavatā jānatā passatā arahatā sammāsambuddhena cattāro satipaṭṭhānā paññattā kusalassādhigamāyā’’ti. Imamatthaṃ, bhante, brahmā sanaṅkumāro bhāsittha. Imamatthaṃ, bhante, brahmā sanaṅkumāro bhāsitvā deve tāvatiṃse āmantesi –
сад̇д̇а самаад̇хибаригкаараа
Satta samādhiparikkhārā
290. ‘‘‘д̇ам̣ гим̣ ман̃н̃анд̇и, бхонд̇о д̣̇зваа д̇аавад̇им̣саа, яаава субан̃н̃ад̇д̇аа жимз д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна сад̇д̇а самаад̇хибаригкаараа саммаасамаад̇хисса барибхааванааяа саммаасамаад̇хисса баарибуурияаа. гад̇амз сад̇д̇а? саммаад̣̇идти саммаасан̇габбо саммааваажаа саммаагамманд̇о саммааааж̇ийво саммаавааяаамо саммаасад̇и. яаа ко, бхо, имзхи сад̇д̇ахан̇г̇зхи жид̇д̇асса згаг̇г̇ад̇аа баригкад̇аа, аяам̣ вужжад̇и, бхо, арияо саммаасамаад̇хи саубанисо ид̇иби сабаригкааро ид̇иби. саммаад̣̇идтисса бхо, саммаасан̇габбо баход̇и, саммаасан̇габбасса саммааваажаа баход̇и, саммааваажасса саммаагамманд̇о баход̇и. саммаагамманд̇асса саммааааж̇ийво баход̇и, саммааааж̇ийвасса саммаавааяаамо баход̇и, саммаавааяаамасса саммаасад̇и баход̇и , саммаасад̇исса саммаасамаад̇хи баход̇и, саммаасамаад̇хисса саммаан̃аан̣ам̣ баход̇и, саммаан̃аан̣асса саммаавимуд̇д̇и баход̇и. яан̃хи д̇ам̣, бхо, саммаа вад̣̇амаано вад̣̇зяяа – ‘сваагкаад̇о бхаг̇авад̇аа д̇хаммо санд̣̇идтиго агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухи абааруд̇аа амад̇асса д̣̇ваараа’д̇и ид̣̇амзва д̇ам̣ саммаа вад̣̇амаано вад̣̇зяяа. сваагкаад̇о хи, бхо, бхаг̇авад̇аа д̇хаммо санд̣̇идтиго, агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухи абааруд̇аа амад̇асса д̣̇ваараа 61.
290. ‘‘‘Taṃ kiṃ maññanti, bhonto devā tāvatiṃsā, yāva supaññattā cime tena bhagavatā jānatā passatā arahatā sammāsambuddhena satta samādhiparikkhārā sammāsamādhissa paribhāvanāya sammāsamādhissa pāripūriyā. Katame satta? Sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati. Yā kho, bho, imehi sattahaṅgehi cittassa ekaggatā parikkhatā, ayaṃ vuccati, bho, ariyo sammāsamādhi saupaniso itipi saparikkhāro itipi. Sammādiṭṭhissa bho, sammāsaṅkappo pahoti, sammāsaṅkappassa sammāvācā pahoti, sammāvācassa sammākammanto pahoti. Sammākammantassa sammāājīvo pahoti, sammāājīvassa sammāvāyāmo pahoti, sammāvāyāmassa sammāsati pahoti , sammāsatissa sammāsamādhi pahoti, sammāsamādhissa sammāñāṇaṃ pahoti, sammāñāṇassa sammāvimutti pahoti. Yañhi taṃ, bho, sammā vadamāno vadeyya – ‘svākkhāto bhagavatā dhammo sandiṭṭhiko akāliko ehipassiko opaneyyiko paccattaṃ veditabbo viññūhi apārutā amatassa dvārā’ti idameva taṃ sammā vadamāno vadeyya. Svākkhāto hi, bho, bhagavatā dhammo sandiṭṭhiko, akāliko ehipassiko opaneyyiko paccattaṃ veditabbo viññūhi apārutā amatassa dvārā 62.
‘‘‘яз хи гзжи, бхо, б̣уд̣̇д̇хз авзжжаббасаад̣̇зна саманнааг̇ад̇аа, д̇хаммз авзжжаббасаад̣̇зна саманнааг̇ад̇аа, сан̇гхз авзжжаббасаад̣̇зна саманнааг̇ад̇аа, арияаганд̇зхи сийлзхи саманнааг̇ад̇аа , яз жимз обабаад̇игаа д̇хаммавинийд̇аа саад̇ирзгаани жад̇увийсад̇исад̇асахассаани мааг̇ад̇хагаа барижаарагаа аб̣бхад̇ийд̇аа гаалан̇гад̇аа д̇ин̣н̣ам̣ сам̣яож̇анаанам̣ баригкаяаа сод̇аабаннаа авинибаад̇ад̇хаммаа нияад̇аа самб̣од̇хибарааяан̣аа. ад̇т̇и жзвзд̇т̇а сагад̣̇ааг̇аамино.
‘‘‘Ye hi keci, bho, buddhe aveccappasādena samannāgatā, dhamme aveccappasādena samannāgatā, saṅghe aveccappasādena samannāgatā, ariyakantehi sīlehi samannāgatā , ye cime opapātikā dhammavinītā sātirekāni catuvīsatisatasahassāni māgadhakā paricārakā abbhatītā kālaṅkatā tiṇṇaṃ saṃyojanānaṃ parikkhayā sotāpannā avinipātadhammā niyatā sambodhiparāyaṇā. Atthi cevettha sakadāgāmino.
‘‘ад̇т̇ааяам̣ 63 ид̇араа баж̇аа, бун̃н̃аабхааг̇аад̇и мз мано;
‘‘Atthāyaṃ 64 itarā pajā, puññābhāgāti me mano;
сан̇каад̇ум̣ ноби саггоми, мусааваад̣̇асса од̇д̇абба’’нд̇и.
Saṅkhātuṃ nopi sakkomi, musāvādassa ottappa’’nti.
291. ‘имамад̇т̇ам̣, бханд̇з, б̣рахмаа санан̇гумааро бхаасид̇т̇а, имамад̇т̇ам̣, бханд̇з, б̣рахмуно санан̇гумаарасса бхаасад̇о взссаван̣асса махаарааж̇асса звам̣ жзд̇асо баривид̇агго уд̣̇абаад̣̇и – ‘‘ажчарияам̣ вад̇а бхо, аб̣бхуд̇ам̣ вад̇а бхо, зваруубоби наама ул̣ааро сад̇т̇аа бхависсад̇и, зваруубам̣ ул̣аарам̣ д̇хаммагкаанам̣, зваруубаа ул̣аараа висзсаад̇хиг̇амаа бан̃н̃ааяиссанд̇ий’’д̇и. ат̇а, бханд̇з, б̣рахмаа санан̇гумааро взссаван̣асса махаарааж̇асса жзд̇асаа жзд̇обаривид̇аггаман̃н̃ааяа взссаван̣ам̣ махаарааж̇аанам̣ зд̇ад̣̇авожа – ‘‘д̇ам̣ гим̣ ман̃н̃ад̇и бхавам̣ взссаван̣о махаарааж̇аа ад̇ийд̇амби ад̣̇д̇хаанам̣ зваруубо ул̣ааро сад̇т̇аа ахоси, зваруубам̣ ул̣аарам̣ д̇хаммагкаанам̣, зваруубаа ул̣аараа висзсаад̇хиг̇амаа бан̃н̃ааяим̣су. анааг̇ад̇амби ад̣̇д̇хаанам̣ зваруубо ул̣ааро сад̇т̇аа бхависсад̇и, зваруубам̣ ул̣аарам̣ д̇хаммагкаанам̣, зваруубаа ул̣аараа висзсаад̇хиг̇амаа бан̃н̃ааяиссанд̇ий’’’д̇и.
291. ‘Imamatthaṃ, bhante, brahmā sanaṅkumāro bhāsittha, imamatthaṃ, bhante, brahmuno sanaṅkumārassa bhāsato vessavaṇassa mahārājassa evaṃ cetaso parivitakko udapādi – ‘‘acchariyaṃ vata bho, abbhutaṃ vata bho, evarūpopi nāma uḷāro satthā bhavissati, evarūpaṃ uḷāraṃ dhammakkhānaṃ, evarūpā uḷārā visesādhigamā paññāyissantī’’ti. Atha, bhante, brahmā sanaṅkumāro vessavaṇassa mahārājassa cetasā cetoparivitakkamaññāya vessavaṇaṃ mahārājānaṃ etadavoca – ‘‘taṃ kiṃ maññati bhavaṃ vessavaṇo mahārājā atītampi addhānaṃ evarūpo uḷāro satthā ahosi, evarūpaṃ uḷāraṃ dhammakkhānaṃ, evarūpā uḷārā visesādhigamā paññāyiṃsu. Anāgatampi addhānaṃ evarūpo uḷāro satthā bhavissati, evarūpaṃ uḷāraṃ dhammakkhānaṃ, evarūpā uḷārā visesādhigamā paññāyissantī’’’ti.
292. ‘‘‘имамад̇т̇ам̣, бханд̇з, б̣рахмаа санан̇гумааро д̣̇зваанам̣ д̇аавад̇им̣саанам̣ абхааси, имамад̇т̇ам̣ взссаван̣о махаарааж̇аа б̣рахмуно санан̇гумаарасса д̣̇зваанам̣ д̇аавад̇им̣саанам̣ бхаасад̇о саммукаа суд̇ам̣ 65 саммукаа бадиг̇г̇ахид̇ам̣ саяам̣ барисааяам̣ аарожзси’’.
292. ‘‘‘Imamatthaṃ, bhante, brahmā sanaṅkumāro devānaṃ tāvatiṃsānaṃ abhāsi, imamatthaṃ vessavaṇo mahārājā brahmuno sanaṅkumārassa devānaṃ tāvatiṃsānaṃ bhāsato sammukhā sutaṃ 66 sammukhā paṭiggahitaṃ sayaṃ parisāyaṃ ārocesi’’.
имамад̇т̇ам̣ ж̇анавасабхо яагко взссаван̣асса махаарааж̇асса саяам̣ барисааяам̣ бхаасад̇о саммукаа суд̇ам̣ саммукаа бадиг̇г̇ахид̇ам̣ 67 бхаг̇авад̇о аарожзси. имамад̇т̇ам̣ бхаг̇аваа ж̇анавасабхасса яагкасса саммукаа суд̇ваа саммукаа бадиг̇г̇ахзд̇ваа сааман̃жа абхин̃н̃ааяа ааяасмад̇о аананд̣̇асса аарожзси, имамад̇т̇амааяасмаа аананд̣̇о бхаг̇авад̇о саммукаа суд̇ваа саммукаа бадиг̇г̇ахзд̇ваа аарожзси бхигкуунам̣ бхигкунийнам̣ убаасагаанам̣ убаасигаанам̣. д̇аяид̣̇ам̣ б̣рахмажарияам̣ ид̣̇д̇хан̃жзва пийд̇ан̃жа вид̇т̇ааригам̣ б̣аахуж̇ан̃н̃ам̣ бут̇убхууд̇ам̣ яаава д̣̇звамануссзхи суббагаасид̇анд̇и.
Imamatthaṃ janavasabho yakkho vessavaṇassa mahārājassa sayaṃ parisāyaṃ bhāsato sammukhā sutaṃ sammukhā paṭiggahitaṃ 68 bhagavato ārocesi. Imamatthaṃ bhagavā janavasabhassa yakkhassa sammukhā sutvā sammukhā paṭiggahetvā sāmañca abhiññāya āyasmato ānandassa ārocesi, imamatthamāyasmā ānando bhagavato sammukhā sutvā sammukhā paṭiggahetvā ārocesi bhikkhūnaṃ bhikkhunīnaṃ upāsakānaṃ upāsikānaṃ. Tayidaṃ brahmacariyaṃ iddhañceva phītañca vitthārikaṃ bāhujaññaṃ puthubhūtaṃ yāva devamanussehi suppakāsitanti.
ж̇анавасабхасуд̇д̇ам̣ нидтид̇ам̣ бан̃жамам̣.
Janavasabhasuttaṃ niṭṭhitaṃ pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 5. ж̇анавасабхасуд̇д̇аван̣н̣анаа • 5. Janavasabhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 5. ж̇анавасабхасуд̇д̇аван̣н̣анаа • 5. Janavasabhasuttavaṇṇanā
