| Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā) |
5. ж̇анавасабхасуд̇д̇аван̣н̣анаа
5. Janavasabhasuttavaṇṇanā
наад̇игияаад̣̇иб̣яаагаран̣аван̣н̣анаа
Nātikiyādibyākaraṇavaṇṇanā
273-275. звам̣ мз суд̇анд̇и ж̇анавасабхасуд̇д̇ам̣. д̇ад̇рааяам̣ ануд̇д̇аанабад̣̇аван̣н̣анаа – барид̇о барид̇о ж̇анабад̣̇зсууд̇и саманд̇аа саманд̇аа ж̇анабад̣̇зсу. барижаарагзд̇и б̣уд̣̇д̇хад̇хаммасан̇гхаанам̣ барижаарагз. убабад̇д̇ийсууд̇и н̃аан̣аг̇ад̇ибун̃н̃аанам̣ убабад̇д̇ийсу. гаасигосалзсууд̇и гаасийсу жа госалзсу жа, гаасирадтз жа госаларадтз жаад̇и ад̇т̇о. зса наяо саб̣б̣ад̇т̇а. ан̇г̇амаг̇ад̇хаяонагагамб̣ож̇аассагааванд̇ирадтзсу бана часу на б̣яаагарод̇и. имзсам̣ бана сол̣асаннам̣ махааж̇анабад̣̇аанам̣ буримзсу д̣̇асасуязва б̣яаагарод̇и. наад̇игияаад̇и наад̇игаг̇аамаваасино.
273-275.Evaṃme sutanti janavasabhasuttaṃ. Tatrāyaṃ anuttānapadavaṇṇanā – parito parito janapadesūti samantā samantā janapadesu. Paricāraketi buddhadhammasaṅghānaṃ paricārake. Upapattīsūti ñāṇagatipuññānaṃ upapattīsu. Kāsikosalesūti kāsīsu ca kosalesu ca, kāsiraṭṭhe ca kosalaraṭṭhe cāti attho. Esa nayo sabbattha. Aṅgamagadhayonakakambojaassakaavantiraṭṭhesu pana chasu na byākaroti. Imesaṃ pana soḷasannaṃ mahājanapadānaṃ purimesu dasasuyeva byākaroti. Nātikiyāti nātikagāmavāsino.
д̇знаад̇и д̇зна анааг̇аамиаад̣̇ибхаавзна. суд̇ваад̇и саб̣б̣ан̃н̃уд̇ан̃н̃аан̣зна барижчинд̣̇ид̇ваа б̣яаагаронд̇асса бхаг̇авад̇о бан̃хааб̣яаагаран̣ам̣ суд̇ваа д̇зсам̣ анааг̇аамиаад̣̇ийсу нидтан̇г̇ад̇аа худ̇ваа. д̇зна анааг̇аамиаад̣̇ибхаавзна ад̇д̇аманаа ахзсум̣. адтагат̇ааяам̣ бана д̇знаад̇и д̇з наад̇игияаад̇и вуд̇д̇ам̣. зд̇асмим̣ ад̇т̇з на-гааро нибаад̇амад̇д̇ам̣ ход̇и.
Tenāti tena anāgāmiādibhāvena. Sutvāti sabbaññutaññāṇena paricchinditvā byākarontassa bhagavato pañhābyākaraṇaṃ sutvā tesaṃ anāgāmiādīsu niṭṭhaṅgatā hutvā. Tena anāgāmiādibhāvena attamanā ahesuṃ. Aṭṭhakathāyaṃ pana tenāti te nātikiyāti vuttaṃ. Etasmiṃ atthe na-kāro nipātamattaṃ hoti.
аананд̣̇абаригат̇ааван̣н̣анаа
Ānandaparikathāvaṇṇanā
277. бхаг̇аванд̇ам̣ гид̇д̇аяамаанаруубод̇и ахо б̣уд̣̇д̇хо, ахо д̇хаммо, ахо сан̇гхо; ахо д̇хаммо сваагкаад̇од̇и звам̣ гид̇д̇аяанд̇ова гааламагааси. б̣ахуж̇ано басийд̣̇зяяаад̇и амхаагам̣ бид̇аа маад̇аа бхаад̇аа бхаг̇иний буд̇д̇о д̇хийд̇аа сахааяаго, д̇зна амхзхи сад̣̇д̇хим̣ згад̇о бхуд̇д̇аа, згад̇о саяид̇аа, д̇асса ид̣̇ан̃жид̣̇ан̃жа манаабам̣ агаримха, со гира анааг̇аамий сагад̣̇ааг̇аамий сод̇аабанно; ахо саад̇ху, ахо судтууд̇и звам̣ б̣ахуж̇ано басаад̣̇ам̣ аабаж̇ж̇зяяа.
277.Bhagavantaṃ kittayamānarūpoti aho buddho, aho dhammo, aho saṅgho; aho dhammo svākkhātoti evaṃ kittayantova kālamakāsi. Bahujano pasīdeyyāti amhākaṃ pitā mātā bhātā bhaginī putto dhītā sahāyako, tena amhehi saddhiṃ ekato bhuttā, ekato sayitā, tassa idañcidañca manāpaṃ akarimha, so kira anāgāmī sakadāgāmī sotāpanno; aho sādhu, aho suṭṭhūti evaṃ bahujano pasādaṃ āpajjeyya.
278. г̇ад̇инд̇и н̃аан̣аг̇ад̇им̣. абхисамбарааяанд̇и н̃аан̣аабхисамбарааяамзва. ад̣̇д̣̇асаа код̇и гид̇д̇агз ж̇анз ад̣̇д̣̇аса? жад̇увийсад̇исад̇асахассаани.
278.Gatinti ñāṇagatiṃ. Abhisamparāyanti ñāṇābhisamparāyameva. Addasā khoti kittake jane addasa? Catuvīsatisatasahassāni.
279. убасанд̇абад̣̇иссод̇и убасанд̇ад̣̇ассано. бхаад̇ириваад̇и ад̇ивияа бхаад̇и, ад̇ивияа вирожад̇и. инд̣̇рияаананд̇и манажчадтаанам̣ инд̣̇рияаанам̣. ад̣̇д̣̇асам̣ ко ахам̣ аананд̣̇аад̇и нзва д̣̇аса, на вийсад̇и, на сад̇ам̣, на сахассам̣, ануунаад̇хигаани жад̇увийсад̇исад̇асахассаани ад̣̇д̣̇асанд̇и ааха.
279.Upasantapadissoti upasantadassano. Bhātirivāti ativiya bhāti, ativiya virocati. Indriyānanti manacchaṭṭhānaṃ indriyānaṃ. Addasaṃ kho ahaṃ ānandāti neva dasa, na vīsati, na sataṃ, na sahassaṃ, anūnādhikāni catuvīsatisatasahassāni addasanti āha.
ж̇анавасабхаяагкаван̣н̣анаа
Janavasabhayakkhavaṇṇanā
280. д̣̇исваа бана мз зд̇д̇аго ж̇ано мам̣ ниссааяа д̣̇угкаа бамуд̇д̇од̇и б̣алавасоманассам̣ уббаж̇ж̇и, жид̇д̇ам̣ басийд̣̇и, жид̇д̇асса басаннад̇д̇аа жид̇д̇асамудтаанам̣ лохид̇ам̣ басийд̣̇и, лохид̇асса басаннад̇д̇аа манажчадтаани инд̣̇рияаани басийд̣̇им̣сууд̇и саб̣б̣амид̣̇ам̣ вад̇ваа ат̇а ко аананд̣̇аад̇иаад̣̇имааха. д̇ад̇т̇а яасмаа со бхаг̇авад̇о д̇хаммагат̇ам̣ суд̇ваа д̣̇асасахассаад̇хигасса ж̇анасад̇асахассасса ж̇здтаго худ̇ваа сод̇аабанно ж̇аад̇о, д̇асмаа ж̇анавасабход̇исса наамам̣ ахоси.
280. Disvā pana me ettako jano maṃ nissāya dukkhā pamuttoti balavasomanassaṃ uppajji, cittaṃ pasīdi, cittassa pasannattā cittasamuṭṭhānaṃ lohitaṃ pasīdi, lohitassa pasannattā manacchaṭṭhāni indriyāni pasīdiṃsūti sabbamidaṃ vatvā atha kho ānandātiādimāha. Tattha yasmā so bhagavato dhammakathaṃ sutvā dasasahassādhikassa janasatasahassassa jeṭṭhako hutvā sotāpanno jāto, tasmā janavasabhotissa nāmaṃ ahosi.
ид̇о сад̇д̇аад̇и ид̇о д̣̇звалогаа жавид̇ваа сад̇д̇а. д̇ад̇о сад̇д̇аад̇и д̇ад̇о мануссалогаа жавид̇ваа сад̇д̇а. сам̣саараани жад̇уд̣̇д̣̇асаад̇и саб̣б̣ааби жад̇уд̣̇д̣̇асаканд̇хабадибаадияо. ниваасамабхиж̇аанаамийд̇и ж̇аад̇ивасзна ниваасам̣ ж̇аанаами. яад̇т̇а мз вусид̇ам̣ бурзд̇и яад̇т̇а д̣̇звзсу жа взссаван̣асса сахаб̣яад̇ам̣ убаг̇ад̇зна мануссзсу жа рааж̇абхууд̇зна ид̇о ад̇д̇абхаавад̇о бурзязва маяаа вусид̇ам̣. бурз звам̣ вусид̇ад̇д̇аа зва жа ид̣̇аани сод̇аабанно худ̇ваа д̇ийсу вад̇т̇уусу б̣ахум̣ бун̃н̃ам̣ гад̇ваа д̇ассаанубхаавзна убари ниб̣б̣ад̇д̇ид̇ум̣ самад̇т̇оби д̣̇ийгхарад̇д̇ам̣ вусид̇адтаанз ниганд̇ияаа б̣алавад̇ааяа зд̇т̇зва ниб̣б̣ад̇д̇о.
Ito sattāti ito devalokā cavitvā satta. Tato sattāti tato manussalokā cavitvā satta. Saṃsārāni catuddasāti sabbāpi catuddasakhandhapaṭipāṭiyo. Nivāsamabhijānāmīti jātivasena nivāsaṃ jānāmi. Yattha me vusitaṃ pureti yattha devesu ca vessavaṇassa sahabyataṃ upagatena manussesu ca rājabhūtena ito attabhāvato pureyeva mayā vusitaṃ. Pure evaṃ vusitattā eva ca idāni sotāpanno hutvā tīsu vatthūsu bahuṃ puññaṃ katvā tassānubhāvena upari nibbattituṃ samatthopi dīgharattaṃ vusitaṭṭhāne nikantiyā balavatāya ettheva nibbatto.
281. аасаа жа бана мз санд̇идтад̇ийд̇и иминаахам̣ сод̇аабаннод̇и на суд̇д̇аббамад̇д̇ова худ̇ваа гаалам̣ вийд̇инаамзсим̣. сагад̣̇ааг̇аамимаг̇г̇ад̇т̇ааяа бана мз вибассанаа аарад̣̇д̇хаа. аж̇ж̇зва аж̇ж̇зва бадивиж̇жхиссаамийд̇и звам̣ сауссаахо вихараамийд̇и д̣̇ассзд̇и. яад̣̇аг̇г̇зд̇и ладтивануяяаанз батамад̣̇ассанз сод̇аабаннад̣̇ивасам̣ санд̇хааяа вад̣̇ад̇и. д̇ад̣̇аг̇г̇з ахам̣, бханд̇з, д̣̇ийгхарад̇д̇ам̣ авинибаад̇о авинибаад̇ам̣ сан̃ж̇аанаамийд̇и д̇ам̣д̣̇ивасам̣ аад̣̇им̣ гад̇ваа, ахам̣, бханд̇з, буримам̣ жад̇уд̣̇д̣̇асаад̇д̇абхаавасан̇каад̇ам̣ д̣̇ийгхарад̇д̇ам̣ авинибаад̇о ладтивануяяаанз сод̇аабад̇д̇имаг̇г̇авасзна ад̇хиг̇ад̇ам̣ авинибаад̇ад̇хаммад̇ам̣ сан̃ж̇аанаамийд̇и ад̇т̇о. анажчарияанд̇и ануажчарияам̣. жинд̇аяамаанам̣ бунаббунам̣ ажчарияамзвид̣̇ам̣ яам̣ гзнажид̣̇зва гаран̣ийязна г̇ажчанд̇о бхаг̇аванд̇ам̣ анд̇араамаг̇г̇з ад̣̇д̣̇асам̣. ид̣̇амби ажчарияам̣ яан̃жа взссаван̣асса махаарааж̇асса саяам̣барисааяа бхаасад̇о бхаг̇авад̇о д̣̇идтасад̣̇исамзва саммукаа суд̇ам̣. д̣̇вз бажжаяаад̇и анд̇араамаг̇г̇з д̣̇идтабхааво жа взссаван̣асса саммукаа суд̇ам̣ аарожзд̇угаамад̇аа жа.
281.Āsā ca pana me santiṭṭhatīti imināhaṃ sotāpannoti na suttappamattova hutvā kālaṃ vītināmesiṃ. Sakadāgāmimaggatthāya pana me vipassanā āraddhā. Ajjeva ajjeva paṭivijjhissāmīti evaṃ saussāho viharāmīti dasseti. Yadaggeti laṭṭhivanuyyāne paṭhamadassane sotāpannadivasaṃ sandhāya vadati. Tadagge ahaṃ, bhante, dīgharattaṃ avinipāto avinipātaṃ sañjānāmīti taṃdivasaṃ ādiṃ katvā, ahaṃ, bhante, purimaṃ catuddasaattabhāvasaṅkhātaṃ dīgharattaṃ avinipāto laṭṭhivanuyyāne sotāpattimaggavasena adhigataṃ avinipātadhammataṃ sañjānāmīti attho. Anacchariyanti anuacchariyaṃ. Cintayamānaṃ punappunaṃ acchariyamevidaṃ yaṃ kenacideva karaṇīyena gacchanto bhagavantaṃ antarāmagge addasaṃ. Idampi acchariyaṃ yañca vessavaṇassa mahārājassa sayaṃparisāya bhāsato bhagavato diṭṭhasadisameva sammukhā sutaṃ. Dve paccayāti antarāmagge diṭṭhabhāvo ca vessavaṇassa sammukhā sutaṃ ārocetukāmatā ca.
д̣̇звасабхааван̣н̣анаа
Devasabhāvaṇṇanā
282. саннибад̇ид̇аад̇и гасмаа саннибад̇ид̇аа? д̇з гира жад̇уухи гааран̣зхи саннибад̇анд̇и. вассуубанааяигасан̇г̇ахад̇т̇ам̣, бавааран̣аасан̇г̇ахад̇т̇ам̣, д̇хаммасаванад̇т̇ам̣, баарижчад̇д̇агагийл̣аанубхаванад̇т̇анд̇и. д̇ад̇т̇а свз вассуубанааяигаад̇и аасаал̣хийбун̣н̣амааяа д̣̇вийсу д̣̇звалогзсу д̣̇зваа суд̇хаммааяа д̣̇звасабхааяа саннибад̇ид̇ваа манд̇знд̇и асугавихаарз зго бхигку вассуубаг̇ад̇о, асугавихаарз д̣̇вз д̇аяо жад̇д̇ааро бан̃жа д̣̇аса вийсад̇и д̇им̣сам̣ жад̇д̇аалийсам̣ бан̃н̃аасам̣ сад̇ам̣ сахассам̣ бхигкуу вассуубаг̇ад̇аа, зд̇т̇зд̇т̇а таанз аяяаанам̣ аарагкам̣ сусам̣вихид̇ам̣ гарот̇аад̇и звам̣ вассуубанааяигасан̇г̇ахо гад̇о ход̇и.
282.Sannipatitāti kasmā sannipatitā? Te kira catūhi kāraṇehi sannipatanti. Vassūpanāyikasaṅgahatthaṃ, pavāraṇāsaṅgahatthaṃ, dhammasavanatthaṃ, pāricchattakakīḷānubhavanatthanti. Tattha sve vassūpanāyikāti āsāḷhīpuṇṇamāya dvīsu devalokesu devā sudhammāya devasabhāya sannipatitvā mantenti asukavihāre eko bhikkhu vassūpagato, asukavihāre dve tayo cattāro pañca dasa vīsati tiṃsaṃ cattālīsaṃ paññāsaṃ sataṃ sahassaṃ bhikkhū vassūpagatā, etthettha ṭhāne ayyānaṃ ārakkhaṃ susaṃvihitaṃ karothāti evaṃ vassūpanāyikasaṅgaho kato hoti.
д̇ад̣̇ааби зд̇знзва гааран̣зна саннибад̇ид̇аа. ид̣̇ам̣ д̇зсам̣ ход̇и аасанасминд̇и ид̣̇ам̣ д̇зсам̣ жад̇уннам̣ махаарааж̇аанам̣ аасанам̣ ход̇и. звам̣ д̇зсу нисиннзсу ат̇а бажчаа амхаагам̣ аасанам̣ ход̇и.
Tadāpi eteneva kāraṇena sannipatitā. Idaṃ tesaṃ hoti āsanasminti idaṃ tesaṃ catunnaṃ mahārājānaṃ āsanaṃ hoti. Evaṃ tesu nisinnesu atha pacchā amhākaṃ āsanaṃ hoti.
язнад̇т̇знаад̇и язна вассуубанааяигад̇т̇зна. д̇ам̣ ад̇т̇ам̣ жинд̇аяид̇ваа д̇ам̣ ад̇т̇ам̣ манд̇аяид̇ваад̇и д̇ам̣ аран̃н̃аваасино бхигкусан̇гхасса аарагкад̇т̇ам̣ жинд̇аяид̇ваа. зд̇т̇зд̇т̇а вудтабхигкусан̇гхасса аарагкам̣ сам̣вид̣̇ахат̇аад̇и жад̇уухи махаарааж̇зхи сад̣̇д̇хим̣ манд̇зд̇ваа. вуд̇д̇аважанааби д̇анд̇и д̇зд̇д̇им̣са д̣̇звабуд̇д̇аа вад̣̇анд̇и, махаарааж̇аано вуд̇д̇аважанаа наама. д̇ат̇аа д̇зд̇д̇им̣са д̣̇звабуд̇д̇аа бажжаанусаасанд̇и, ид̇арз бажжаанусидтаважанаа наама. бад̣̇ад̣̇ваязби бана д̇анд̇и нибаад̇амад̇д̇амзва. авибагганд̇аад̇и аг̇ад̇аа.
Yenatthenāti yena vassūpanāyikatthena. Taṃ atthaṃ cintayitvā taṃ atthaṃ mantayitvāti taṃ araññavāsino bhikkhusaṅghassa ārakkhatthaṃ cintayitvā. Etthettha vuṭṭhabhikkhusaṅghassa ārakkhaṃ saṃvidahathāti catūhi mahārājehi saddhiṃ mantetvā. Vuttavacanāpi tanti tettiṃsa devaputtā vadanti, mahārājāno vuttavacanā nāma. Tathā tettiṃsa devaputtā paccānusāsanti, itare paccānusiṭṭhavacanā nāma. Padadvayepi pana tanti nipātamattameva. Avipakkantāti agatā.
283. ул̣аарод̇и вибуло махаа. д̣̇зваанубхааванд̇и яаа саа саб̣б̣ад̣̇звад̇аанам̣ вад̇т̇аалан̇гааравимаанасарийраанам̣ бабхаа д̣̇ваад̣̇аса яож̇анаани парад̇и. махаабун̃н̃аанам̣ бана сарийраббабхаа яож̇анасад̇ам̣ парад̇и. д̇ам̣ д̣̇зваанубхаавам̣ ад̇иггамид̇ваа.
283.Uḷāroti vipulo mahā. Devānubhāvanti yā sā sabbadevatānaṃ vatthālaṅkāravimānasarīrānaṃ pabhā dvādasa yojanāni pharati. Mahāpuññānaṃ pana sarīrappabhā yojanasataṃ pharati. Taṃ devānubhāvaṃ atikkamitvā.
б̣рахмуно хзд̇ам̣ буб̣б̣анимид̇д̇анд̇и яат̇аа суурияасса уд̣̇аяад̇о зд̇ам̣ буб̣б̣ан̇г̇амам̣ зд̇ам̣ буб̣б̣анимид̇д̇ам̣ яад̣̇ид̣̇ам̣ арун̣уг̇г̇ам̣, звамзва б̣рахмуноби зд̇ам̣ – ‘‘буб̣б̣анимид̇д̇а’’нд̇и д̣̇ийбзд̇и.
Brahmunohetaṃ pubbanimittanti yathā sūriyassa udayato etaṃ pubbaṅgamaṃ etaṃ pubbanimittaṃ yadidaṃ aruṇuggaṃ, evameva brahmunopi etaṃ – ‘‘pubbanimitta’’nti dīpeti.
санан̇гумаарагат̇ааван̣н̣анаа
Sanaṅkumārakathāvaṇṇanā
284. анабхисамбхаванийяод̇и абад̇д̇аб̣б̣о, на д̇ам̣ д̣̇зваа д̇аавад̇им̣саа бассанд̇ийд̇и ад̇т̇о. жагкубат̇асминд̇и жагкубасаад̣̇з аабаат̇з ваа. со д̣̇зваанам̣ жагкусса аабаат̇з самбхаванийяо бад̇д̇аб̣б̣о на ход̇и, на абхибхавад̇ийд̇и вуд̇д̇ам̣ ход̇и. хздтаа хздтаа хи д̣̇звад̇аа убаруубари д̣̇зваанам̣ ол̣ааригам̣ гад̇ваа маабид̇амзва ад̇д̇абхаавам̣ бассид̇ум̣ саггонд̇и, взд̣̇абадилаабханд̇и д̇удтибадилаабхам̣. ад̇хунаабхисид̇д̇о раж̇ж̇знаад̇и самбад̇и абхисид̇д̇о раж̇ж̇зна. аяам̣ банад̇т̇о д̣̇удтаг̇ааман̣иабхаяавад̇т̇унаа д̣̇ийбзд̇аб̣б̣о –
284.Anabhisambhavanīyoti apattabbo, na taṃ devā tāvatiṃsā passantīti attho. Cakkhupathasminti cakkhupasāde āpāthe vā. So devānaṃ cakkhussa āpāthe sambhavanīyo pattabbo na hoti, na abhibhavatīti vuttaṃ hoti. Heṭṭhā heṭṭhā hi devatā uparūpari devānaṃ oḷārikaṃ katvā māpitameva attabhāvaṃ passituṃ sakkonti, vedapaṭilābhanti tuṭṭhipaṭilābhaṃ. Adhunābhisitto rajjenāti sampati abhisitto rajjena. Ayaṃ panattho duṭṭhagāmaṇiabhayavatthunā dīpetabbo –
со гира д̣̇вад̇д̇им̣са д̣̇амил̣арааж̇аано виж̇ид̇ваа анураад̇хабурз бад̇д̇аабхисзго д̇удтасоманассзна маасам̣ нид̣̇д̣̇ам̣ на лабхи, д̇ад̇о – ‘‘нид̣̇д̣̇ам̣ на лабхаами, бханд̇з’’д̇и бхигкусан̇гхасса аажигки. д̇зна хи, махаарааж̇а, аж̇ж̇а убосат̇ам̣ ад̇хидтаахийд̇и. со жа убосат̇ам̣ ад̇хидтааси. сан̇гхо г̇анд̇ваа – ‘‘жид̇д̇аяамагам̣ саж̇жхааяат̇аа’’д̇и адта аабхид̇хаммигабхигкуу бзсзси. д̇з г̇анд̇ваа – ‘‘нибаж̇ж̇а д̇вам̣, махаарааж̇аа,’’д̇и вад̇ваа саж̇жхааяам̣ аарабхим̣су. рааж̇аа саж̇жхааяам̣ сун̣анд̇ова нид̣̇д̣̇ам̣ оггами. т̇зраа – рааж̇аанам̣ маа баб̣од̇хаяид̇т̇аад̇и баггамим̣су. рааж̇аа д̣̇уд̇ияад̣̇ивасз суурияуг̇г̇аманз баб̣уж̇жхид̇ваа т̇зрз абассанд̇о – ‘‘гухим̣ аяяаа’’д̇и бужчи. д̇умхаагам̣ нид̣̇д̣̇оггаманабхаавам̣ н̃ад̇ваа г̇ад̇аад̇и. над̇т̇и, бхо, маяхам̣ аяяагасса д̣̇аарагаанам̣ аж̇аананагабхзсаж̇ж̇ам̣ наама, яаава нид̣̇д̣̇аабхзсаж̇ж̇амби ж̇аананд̇и язваад̇и ааха.
So kira dvattiṃsa damiḷarājāno vijitvā anurādhapure pattābhiseko tuṭṭhasomanassena māsaṃ niddaṃ na labhi, tato – ‘‘niddaṃ na labhāmi, bhante’’ti bhikkhusaṅghassa ācikkhi. Tena hi, mahārāja, ajja uposathaṃ adhiṭṭhāhīti. So ca uposathaṃ adhiṭṭhāsi. Saṅgho gantvā – ‘‘cittayamakaṃ sajjhāyathā’’ti aṭṭha ābhidhammikabhikkhū pesesi. Te gantvā – ‘‘nipajja tvaṃ, mahārājā,’’ti vatvā sajjhāyaṃ ārabhiṃsu. Rājā sajjhāyaṃ suṇantova niddaṃ okkami. Therā – rājānaṃ mā pabodhayitthāti pakkamiṃsu. Rājā dutiyadivase sūriyuggamane pabujjhitvā there apassanto – ‘‘kuhiṃ ayyā’’ti pucchi. Tumhākaṃ niddokkamanabhāvaṃ ñatvā gatāti. Natthi, bho, mayhaṃ ayyakassa dārakānaṃ ajānanakabhesajjaṃ nāma, yāva niddābhesajjampi jānanti yevāti āha.
бан̃жасикод̇и бан̃жасикаг̇анд̇хаб̣б̣асад̣̇исо худ̇ваа. бан̃жасикаг̇анд̇хаб̣б̣ад̣̇звабуд̇д̇асса гира саб̣б̣ад̣̇звад̇аа ад̇д̇абхаавам̣ мамааяанд̇и. д̇асмаа б̣рахмааби д̇аад̣̇исам̣язва ад̇д̇абхаавам̣ нимминид̇ваа баад̇урахоси. баллан̇гзна нисийд̣̇ийд̇и баллан̇гам̣ аабхуж̇ид̇ваа нисийд̣̇и.
Pañcasikhoti pañcasikhagandhabbasadiso hutvā. Pañcasikhagandhabbadevaputtassa kira sabbadevatā attabhāvaṃ mamāyanti. Tasmā brahmāpi tādisaṃyeva attabhāvaṃ nimminitvā pāturahosi. Pallaṅkena nisīdīti pallaṅkaṃ ābhujitvā nisīdi.
виссадтод̇и сумуд̇д̇о абалиб̣уд̣̇д̇хо. вин̃н̃зяяод̇и ад̇т̇авин̃н̃аабано. ман̃ж̇ууд̇и мад̇хуро муд̣̇у. саванийяод̇и сод̇аб̣б̣аяуд̇д̇аго ган̣н̣асуко. б̣инд̣̇ууд̇и згаг̇гхано. ависаарийд̇и сувисад̣̇о авиббагин̣н̣о. г̇амбхийрод̇и наабхимуулад̇о бадтааяа г̇амбхийрасамудтид̇о, на ж̇ивхаад̣̇анд̇аодтад̇аалумад̇д̇аббахаарасамудтид̇о. звам̣ самудтид̇о хи амад̇хуро жа ход̇и, на жа д̣̇уурам̣ саавзд̇и. ниннаад̣̇ийд̇и махаамзгхамуд̣̇ин̇г̇асад̣̇д̣̇о вияа ниннаад̣̇аяуд̇д̇о. абижзд̇т̇а бажчимам̣ бажчимам̣ бад̣̇ам̣ буримасса буримасса ад̇т̇оязваад̇и взд̣̇ид̇аб̣б̣о. яат̇аабарисанд̇и яад̇д̇агаа барисаа, д̇ад̇д̇агамзва вин̃н̃аабзд̇и. анд̇о барисааяам̣ язвасса сад̣̇д̣̇о самбаривад̇д̇ад̇и, на б̣ахид̣̇д̇хаа вид̇хаавад̇и. яз хи гзжийд̇и аад̣̇и б̣ахуж̇анахид̇ааяа бадибаннабхаавад̣̇ассанад̇т̇ам̣ вад̣̇ад̇и. саран̣ам̣ г̇ад̇аад̇и на яат̇аа ваа д̇ат̇аа ваа саран̣ам̣ г̇ад̇з санд̇хааяа вад̣̇ад̇и. ниб̣б̣змад̇игаг̇ахид̇асаран̣з бана санд̇хааяа вад̣̇ад̇и. г̇анд̇хаб̣б̣агааяам̣ барибуурзнд̇ийд̇и г̇анд̇хаб̣б̣ад̣̇зваг̇ан̣ам̣ барибуурзнд̇и. ид̇и амхаагам̣ сад̇т̇у логз уббаннагаалад̇о бадтааяа ча д̣̇звалогаад̣̇ийсу бидтам̣ годдзд̇ваа буурид̇анаал̣и вияа саравананал̣аванам̣ вияа жа ниранд̇арам̣ ж̇аад̇абарисаад̇и ааха.
Vissaṭṭhoti sumutto apalibuddho. Viññeyyoti atthaviññāpano. Mañjūti madhuro mudu. Savanīyoti sotabbayuttako kaṇṇasukho. Bindūti ekagghano. Avisārīti suvisado avippakiṇṇo. Gambhīroti nābhimūlato paṭṭhāya gambhīrasamuṭṭhito, na jivhādantaoṭṭhatālumattappahārasamuṭṭhito. Evaṃ samuṭṭhito hi amadhuro ca hoti, na ca dūraṃ sāveti. Ninnādīti mahāmeghamudiṅgasaddo viya ninnādayutto. Apicettha pacchimaṃ pacchimaṃ padaṃ purimassa purimassa atthoyevāti veditabbo. Yathāparisanti yattakā parisā, tattakameva viññāpeti. Anto parisāyaṃ yevassa saddo samparivattati, na bahiddhā vidhāvati. Ye hi kecīti ādi bahujanahitāya paṭipannabhāvadassanatthaṃ vadati. Saraṇaṃ gatāti na yathā vā tathā vā saraṇaṃ gate sandhāya vadati. Nibbematikagahitasaraṇe pana sandhāya vadati. Gandhabbakāyaṃ paripūrentīti gandhabbadevagaṇaṃ paripūrenti. Iti amhākaṃ satthu loke uppannakālato paṭṭhāya cha devalokādīsu piṭṭhaṃ koṭṭetvā pūritanāḷi viya saravananaḷavanaṃ viya ca nirantaraṃ jātaparisāti āha.
бхаавид̇аид̣̇д̇хибаад̣̇аван̣н̣анаа
Bhāvitaiddhipādavaṇṇanā
287. яаавасубан̃н̃ад̇д̇аа жимз д̇зна бхаг̇авад̇аад̇и д̇зна маяхам̣ сад̇т̇аараа бхаг̇авад̇аа яаава субан̃н̃ад̇д̇аа яаава сугат̇ид̇аа. ид̣̇д̇хибаад̣̇аад̇и зд̇т̇а иж̇жханадтзна ид̣̇д̇хи, бад̇идтаанадтзна баад̣̇аад̇и взд̣̇ид̇аб̣б̣аа. ид̣̇д̇хибахуд̇ааяаад̇и ид̣̇д̇хибахонагад̇ааяа. ид̣̇д̇хивисавид̇ааяаад̇и ид̣̇д̇хивибаж̇ж̇анабхаавааяа, бунаббунам̣ аасзванавасзна жин̣н̣авасид̇ааяаад̇и вуд̇д̇ам̣ ход̇и. ид̣̇д̇хивигуб̣б̣анад̇ааяаад̇и ид̣̇д̇хивигуб̣б̣анабхаавааяа, наанаббагаарад̇о гад̇ваа д̣̇ассанад̇т̇ааяа. чанд̣̇асамаад̇хиббад̇хаанасан̇каарасаманнааг̇ад̇анд̇иаад̣̇ийсу чанд̣̇ахзд̇уго чанд̣̇аад̇хиго ваа самаад̇хи чанд̣̇асамаад̇хи, гад̇д̇угамяад̇аачанд̣̇ам̣ ад̇хибад̇им̣ гарид̇ваа бадилад̣̇д̇хасамаад̇хиссзд̇ам̣ ад̇хиважанам̣. бад̇хаанабхууд̇аа сан̇каараа бад̇хаанасан̇каараа. жад̇угижжасаад̇хагасса саммаббад̇хаанавийрияассзд̇ам̣ ад̇хиважанам̣. саманнааг̇ад̇анд̇и чанд̣̇асамаад̇хинаа жа бад̇хаанасан̇каарзна жа убзд̇ам̣. ид̣̇д̇хибаад̣̇анд̇и нибпад̇д̇ибарияааязна иж̇жханадтзна ваа, иж̇жханд̇и зд̇ааяа сад̇д̇аа ид̣̇д̇хаа вуд̣̇д̇хаа уггам̣саг̇ад̇аа хонд̇ийд̇и иминаа ваа барияааязна ид̣̇д̇хийд̇и сан̇кяам̣ г̇ад̇аанам̣ абхин̃н̃аажид̇д̇асамбаяуд̇д̇аанам̣ чанд̣̇асамаад̇хибад̇хаанасан̇каараанам̣ ад̇хидтаанадтзна баад̣̇абхууд̇о сзсажид̇д̇ажзд̇асигараасийд̇и ад̇т̇о. вуд̇д̇ан̃хзд̇ам̣ – ‘‘ид̣̇д̇хибаад̣̇од̇и д̇ат̇аабхууд̇асса взд̣̇анаагканд̇хо, сан̃н̃аагканд̇хо, сан̇каарагканд̇хо вин̃н̃аан̣агканд̇хо’’д̇и (вибха. 434). иминаа наязна сзсзсуби ад̇т̇о взд̣̇ид̇аб̣б̣о. яат̇зва хи чанд̣̇ам̣ ад̇хибад̇им̣ гарид̇ваа бадилад̣̇д̇хасамаад̇хи чанд̣̇асамаад̇хийд̇и вуд̇д̇о, звам̣ вийрияам̣, жид̇д̇ам̣, виймам̣сам̣ ад̇хибад̇им̣ гарид̇ваа бадилад̣̇д̇хасамаад̇хи виймам̣саасамаад̇хийд̇и вужжад̇и. абижа убажаараж̇жхаанам̣ баад̣̇о, батамаж̇жхаанам̣ ид̣̇д̇хи. саубажаарам̣ батамаж̇жхаанам̣ баад̣̇о, д̣̇уд̇ияаж̇жхаанам̣ ид̣̇д̇хийд̇и звам̣ буб̣б̣абхааг̇з баад̣̇о, абарабхааг̇з ид̣̇д̇хийд̇и звамзд̇т̇а ад̇т̇о взд̣̇ид̇аб̣б̣о. вид̇т̇аарзна ид̣̇д̇хибаад̣̇агат̇аа висуд̣̇д̇химаг̇г̇з жа вибхан̇г̇адтагат̇ааяа жа вуд̇д̇аа.
287.Yāvasupaññattā cime tena bhagavatāti tena mayhaṃ satthārā bhagavatā yāva supaññattā yāva sukathitā. Iddhipādāti ettha ijjhanaṭṭhena iddhi, patiṭṭhānaṭṭhena pādāti veditabbā. Iddhipahutāyāti iddhipahonakatāya. Iddhivisavitāyāti iddhivipajjanabhāvāya, punappunaṃ āsevanavasena ciṇṇavasitāyāti vuttaṃ hoti. Iddhivikubbanatāyāti iddhivikubbanabhāvāya, nānappakārato katvā dassanatthāya. Chandasamādhippadhānasaṅkhārasamannāgatantiādīsu chandahetuko chandādhiko vā samādhi chandasamādhi, kattukamyatāchandaṃ adhipatiṃ karitvā paṭiladdhasamādhissetaṃ adhivacanaṃ. Padhānabhūtā saṅkhārā padhānasaṅkhārā. Catukiccasādhakassa sammappadhānavīriyassetaṃ adhivacanaṃ. Samannāgatanti chandasamādhinā ca padhānasaṅkhārena ca upetaṃ. Iddhipādanti nipphattipariyāyena ijjhanaṭṭhena vā, ijjhanti etāya sattā iddhā vuddhā ukkaṃsagatā hontīti iminā vā pariyāyena iddhīti saṅkhyaṃ gatānaṃ abhiññācittasampayuttānaṃ chandasamādhipadhānasaṅkhārānaṃ adhiṭṭhānaṭṭhena pādabhūto sesacittacetasikarāsīti attho. Vuttañhetaṃ – ‘‘iddhipādoti tathābhūtassa vedanākkhandho, saññākkhandho, saṅkhārakkhandho viññāṇakkhandho’’ti (vibha. 434). Iminā nayena sesesupi attho veditabbo. Yatheva hi chandaṃ adhipatiṃ karitvā paṭiladdhasamādhi chandasamādhīti vutto, evaṃ vīriyaṃ, cittaṃ, vīmaṃsaṃ adhipatiṃ karitvā paṭiladdhasamādhi vīmaṃsāsamādhīti vuccati. Apica upacārajjhānaṃ pādo, paṭhamajjhānaṃ iddhi. Saupacāraṃ paṭhamajjhānaṃ pādo, dutiyajjhānaṃ iddhīti evaṃ pubbabhāge pādo, aparabhāge iddhīti evamettha attho veditabbo. Vitthārena iddhipādakathā visuddhimagge ca vibhaṅgaṭṭhakathāya ca vuttā.
гзжи бана ‘‘нибпаннаа ид̣̇д̇хи. анибпанно ид̣̇д̇хибаад̣̇о’’д̇и вад̣̇анд̇и, д̇зсам̣ ваад̣̇амад̣̇д̣̇анад̇т̇ааяа абхид̇хаммз уд̇д̇аражуул̣игавааро наама аабхад̇о – ‘‘жад̇д̇ааро ид̣̇д̇хибаад̣̇аа чанд̣̇ид̣̇д̇хибаад̣̇о, вийрияид̣̇д̇хибаад̣̇о, жид̇д̇ид̣̇д̇хибаад̣̇о, виймам̣сид̣̇д̇хибаад̣̇о. д̇ад̇т̇а гад̇амо чанд̣̇ид̣̇д̇хибаад̣̇о? ид̇ха бхигку яасмим̣ самаяз логуд̇д̇арам̣ жхаанам̣ бхаавзд̇и нияяаанигам̣ абажаяаг̇аамим̣ д̣̇идтиг̇ад̇аанам̣ бахаанааяа батамааяа бхуумияаа бад̇д̇ияаа вивижжзва гаамзхи батамам̣ жхаанам̣ убасамбаж̇ж̇а вихарад̇и д̣̇угкаабадибад̣̇ам̣ д̣̇анд̇хаабхин̃н̃ам̣. яо д̇асмим̣ самаяз чанд̣̇о чанд̣̇игад̇аа гад̇д̇угамяад̇аа гусало д̇хаммажчанд̣̇о, аяам̣ вужжад̇и чанд̣̇ид̣̇д̇хибаад̣̇о, авасзсаа д̇хаммаа чанд̣̇ид̣̇д̇хибаад̣̇асамбаяуд̇д̇аа’’д̇и (вибха. 458). имз бана логуд̇д̇аравасзнзва ааг̇ад̇аа. д̇ад̇т̇а радтабаалад̇т̇зро чанд̣̇ам̣ д̇хурам̣ гад̇ваа логуд̇д̇арам̣ д̇хаммам̣ ниб̣б̣ад̇д̇зси. сон̣ад̇т̇зро вийрияам̣ д̇хурам̣ гад̇ваа, самбхууд̇ад̇т̇зро жид̇д̇ам̣ д̇хурам̣ гад̇ваа, ааяасмаа могхарааж̇аа виймам̣сам̣ д̇хурам̣ гад̇ваад̇и.
Keci pana ‘‘nipphannā iddhi. Anipphanno iddhipādo’’ti vadanti, tesaṃ vādamaddanatthāya abhidhamme uttaracūḷikavāro nāma ābhato – ‘‘cattāro iddhipādā chandiddhipādo, vīriyiddhipādo, cittiddhipādo, vīmaṃsiddhipādo. Tattha katamo chandiddhipādo? Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi paṭhamaṃ jhānaṃ upasampajja viharati dukkhāpaṭipadaṃ dandhābhiññaṃ. Yo tasmiṃ samaye chando chandikatā kattukamyatā kusalo dhammacchando, ayaṃ vuccati chandiddhipādo, avasesā dhammā chandiddhipādasampayuttā’’ti (vibha. 458). Ime pana lokuttaravaseneva āgatā. Tattha raṭṭhapālatthero chandaṃ dhuraṃ katvā lokuttaraṃ dhammaṃ nibbattesi. Soṇatthero vīriyaṃ dhuraṃ katvā, sambhūtatthero cittaṃ dhuraṃ katvā, āyasmā mogharājā vīmaṃsaṃ dhuraṃ katvāti.
д̇ад̇т̇а яат̇аа жад̇уусу амажжабуд̇д̇зсу таананд̇арам̣ бад̇т̇зд̇ваа рааж̇аанам̣ убаниссааяа вихаранд̇зсу зго убадтаанз чанд̣̇аж̇аад̇о ран̃н̃о аж̇жхаасаяан̃жа ружин̃жа н̃ад̇ваа д̣̇иваа жа рад̇д̇о жа убадтаханд̇о рааж̇аанам̣ аараад̇хзд̇ваа таананд̇арам̣ баабун̣и. яат̇аа со, звам̣ чанд̣̇ад̇хурзна логуд̇д̇арад̇хамманиб̣б̣ад̇д̇аго взд̣̇ид̇аб̣б̣о.
Tattha yathā catūsu amaccaputtesu ṭhānantaraṃ patthetvā rājānaṃ upanissāya viharantesu eko upaṭṭhāne chandajāto rañño ajjhāsayañca ruciñca ñatvā divā ca ratto ca upaṭṭhahanto rājānaṃ ārādhetvā ṭhānantaraṃ pāpuṇi. Yathā so, evaṃ chandadhurena lokuttaradhammanibbattako veditabbo.
зго бана – ‘‘д̣̇ивасз д̣̇ивасз убадтаад̇ум̣ го саггод̇и, уббаннз гижжз бараггамзна аараад̇хзссаамий’’д̇и губид̇з бажжанд̇з ран̃н̃аа бахид̇о бараггамзна сад̇д̇умад̣̇д̣̇анам̣ гад̇ваа таананд̇арам̣ баабун̣и. яат̇аа со, звам̣ вийрияад̇хурзна логуд̇д̇арад̇хамманиб̣б̣ад̇д̇аго взд̣̇ид̇аб̣б̣о.
Eko pana – ‘‘divase divase upaṭṭhātuṃ ko sakkoti, uppanne kicce parakkamena ārādhessāmī’’ti kupite paccante raññā pahito parakkamena sattumaddanaṃ katvā ṭhānantaraṃ pāpuṇi. Yathā so, evaṃ vīriyadhurena lokuttaradhammanibbattako veditabbo.
зго – ‘‘д̣̇ивасз д̣̇ивасз убадтаанамби урзна сад̇д̇исарабадижчаннамби бхаароязва, манд̇аб̣алзна аараад̇хзссаамий’’д̇и кад̇д̇авиж̇ж̇ааяа гад̇абарижаяад̇д̇аа манд̇асам̣вид̇хаанзна рааж̇аанам̣ аараад̇хзд̇ваа таананд̇арам̣ баабун̣аад̇и. яат̇аа со, звам̣ жид̇д̇ад̇хурзна логуд̇д̇арад̇хамманиб̣б̣ад̇д̇аго взд̣̇ид̇аб̣б̣о.
Eko – ‘‘divase divase upaṭṭhānampi urena sattisarapaṭicchannampi bhāroyeva, mantabalena ārādhessāmī’’ti khattavijjāya kataparicayattā mantasaṃvidhānena rājānaṃ ārādhetvā ṭhānantaraṃ pāpuṇāti. Yathā so, evaṃ cittadhurena lokuttaradhammanibbattako veditabbo.
абаро – ‘‘гим̣ имзхи убадтаанаад̣̇ийхи, рааж̇аано наама ж̇аад̇исамбаннасса таананд̇арам̣ д̣̇знд̇и, д̇аад̣̇исасса д̣̇знд̇о маяхам̣ д̣̇ассад̇ий’’д̇и ж̇аад̇исамбад̇д̇имзва ниссааяа таананд̇арам̣ баабун̣и, яат̇аа со, звам̣ субарисуд̣̇д̇хам̣ виймам̣сам̣ ниссааяа виймам̣сад̇хурзна логуд̇д̇арад̇хамманиб̣б̣ад̇д̇аго взд̣̇ид̇аб̣б̣о.
Aparo – ‘‘kiṃ imehi upaṭṭhānādīhi, rājāno nāma jātisampannassa ṭhānantaraṃ denti, tādisassa dento mayhaṃ dassatī’’ti jātisampattimeva nissāya ṭhānantaraṃ pāpuṇi, yathā so, evaṃ suparisuddhaṃ vīmaṃsaṃ nissāya vīmaṃsadhurena lokuttaradhammanibbattako veditabbo.
анзгавихид̇анд̇и анзгавид̇хам̣. ид̣̇д̇хивид̇ханд̇и ид̣̇д̇хигодтаасам̣.
Anekavihitanti anekavidhaṃ. Iddhividhanti iddhikoṭṭhāsaṃ.
д̇ивид̇хаогаасаад̇хиг̇амаван̣н̣анаа
Tividhaokāsādhigamavaṇṇanā
288. сукассаад̇хиг̇амааяаад̇и жхаанасукасса маг̇г̇асукасса паласукасса жа ад̇хиг̇амааяа. сам̣садтод̇и самбаяуд̇д̇ажид̇д̇о. арияад̇хамманд̇и ариязна бхаг̇авад̇аа б̣уд̣̇д̇хзна д̣̇зсид̇ам̣ д̇хаммам̣. сун̣аад̇ийд̇и сад̇т̇у саммукаа бхигкубхигкунийаад̣̇ийхи ваа д̣̇зсияамаанам̣ сун̣аад̇и. яонисо манасигарод̇ийд̇и убааяад̇о бат̇ад̇о гааран̣ад̇о ‘анижжа’нд̇иаад̣̇ивасзна манаси гарод̇и. ‘‘яонисо манасигааро наама убааяаманасигааро бат̇аманасигааро, анижжз анижжанд̇и д̣̇угкз д̣̇угканд̇и анад̇д̇ани анад̇д̇аад̇и асубхз асубханд̇и сажжаануломигзна ваа жид̇д̇асса аавадданаа анваавадданаа аабхог̇о саманнаахааро манасигааро, аяам̣ вужжад̇и яонисоманасигааро’’д̇и. звам̣ вуд̇д̇з яонисоманасигаарз гаммам̣ аарабхад̇ийд̇и ад̇т̇о. асам̣садтод̇и вад̇т̇угаамзхиби гилзсагаамзхиби асам̣садто вихарад̇и. уббаж̇ж̇ад̇и суканд̇и уббаж̇ж̇ад̇и батамаж̇жхаанасукам̣. сукаа бхияяо соманассанд̇и самаабад̇д̇ид̇о вудтид̇асса жхаанасукабажжаяаа абараабарам̣ соманассам̣ уббаж̇ж̇ад̇и. бамуд̣̇аад̇и д̇удтаагаарад̇о д̣̇уб̣б̣алабийд̇и. баамож̇ж̇анд̇и б̣алавад̇арам̣ бийд̇исоманассам̣. батамо огаасаад̇хиг̇амод̇и батамаж̇жхаанам̣ бан̃жанийваран̣аани вигкамбхзд̇ваа ад̇д̇ано огаасам̣ г̇ахзд̇ваа д̇идтад̇и, д̇асмаа ‘‘батамо огаасаад̇хиг̇амо’’д̇и вуд̇д̇ам̣.
288.Sukhassādhigamāyāti jhānasukhassa maggasukhassa phalasukhassa ca adhigamāya. Saṃsaṭṭhoti sampayuttacitto. Ariyadhammanti ariyena bhagavatā buddhena desitaṃ dhammaṃ. Suṇātīti satthu sammukhā bhikkhubhikkhunīādīhi vā desiyamānaṃ suṇāti. Yoniso manasikarotīti upāyato pathato kāraṇato ‘anicca’ntiādivasena manasi karoti. ‘‘Yoniso manasikāro nāma upāyamanasikāro pathamanasikāro, anicce aniccanti dukkhe dukkhanti anattani anattāti asubhe asubhanti saccānulomikena vā cittassa āvaṭṭanā anvāvaṭṭanā ābhogo samannāhāro manasikāro, ayaṃ vuccati yonisomanasikāro’’ti. Evaṃ vutte yonisomanasikāre kammaṃ ārabhatīti attho. Asaṃsaṭṭhoti vatthukāmehipi kilesakāmehipi asaṃsaṭṭho viharati. Uppajjati sukhanti uppajjati paṭhamajjhānasukhaṃ. Sukhā bhiyyo somanassanti samāpattito vuṭṭhitassa jhānasukhapaccayā aparāparaṃ somanassaṃ uppajjati. Pamudāti tuṭṭhākārato dubbalapīti. Pāmojjanti balavataraṃ pītisomanassaṃ. Paṭhamo okāsādhigamoti paṭhamajjhānaṃ pañcanīvaraṇāni vikkhambhetvā attano okāsaṃ gahetvā tiṭṭhati, tasmā ‘‘paṭhamo okāsādhigamo’’ti vuttaṃ.
ол̣ааригаад̇и зд̇т̇а гааяаважийсан̇каараа д̇аава ол̣ааригаа хонд̇у, жид̇д̇асан̇каараа гат̇ам̣ ол̣ааригаад̇и? аббахийнад̇д̇аа. гааяасан̇каараа хи жад̇уд̇т̇аж̇жхаанзна бахийяанд̇и, важийсан̇каараа д̣̇уд̇ияаж̇жхаанзна, жид̇д̇асан̇каараа нирод̇хасамаабад̇д̇ияаа. ид̇и гааяаважийсан̇каарзсу бахийнзсуби д̇з д̇идтанд̇иязваад̇и бахийнз убаад̣̇ааяа аббахийнад̇д̇аа ол̣ааригаа наама ж̇аад̇аа. суканд̇и нирод̇хаа вудтаханд̇асса уббаннам̣ жад̇уд̇т̇аж̇жхаанигапаласамаабад̇д̇исукам̣. сукаа бхияяо соманассад̇и паласамаабад̇д̇ид̇о вудтид̇асса абараабарам̣ соманассам̣. д̣̇уд̇ияо огаасаад̇хиг̇амод̇и жад̇уд̇т̇аж̇жхаанам̣ сукам̣ д̣̇угкам̣ вигкамбхзд̇ваа ад̇д̇ано огаасам̣ г̇ахзд̇ваа д̇идтад̇и, д̇асмаа ‘‘д̣̇уд̇ияо огаасаад̇хиг̇амо’’д̇и вуд̇д̇ам̣. д̣̇уд̇ияад̇ад̇ияаж̇жхаанаани банзд̇т̇а жад̇уд̇т̇з г̇ахид̇з г̇ахид̇аанзва хонд̇ийд̇и висум̣ на вуд̇д̇аанийд̇и.
Oḷārikāti ettha kāyavacīsaṅkhārā tāva oḷārikā hontu, cittasaṅkhārā kathaṃ oḷārikāti? Appahīnattā. Kāyasaṅkhārā hi catutthajjhānena pahīyanti, vacīsaṅkhārā dutiyajjhānena, cittasaṅkhārā nirodhasamāpattiyā. Iti kāyavacīsaṅkhāresu pahīnesupi te tiṭṭhantiyevāti pahīne upādāya appahīnattā oḷārikā nāma jātā. Sukhanti nirodhā vuṭṭhahantassa uppannaṃ catutthajjhānikaphalasamāpattisukhaṃ. Sukhā bhiyyo somanassati phalasamāpattito vuṭṭhitassa aparāparaṃ somanassaṃ. Dutiyo okāsādhigamoti catutthajjhānaṃ sukhaṃ dukkhaṃ vikkhambhetvā attano okāsaṃ gahetvā tiṭṭhati, tasmā ‘‘dutiyo okāsādhigamo’’ti vuttaṃ. Dutiyatatiyajjhānāni panettha catutthe gahite gahitāneva hontīti visuṃ na vuttānīti.
ид̣̇ам̣ гусаланд̇иаад̣̇ийсу гусалам̣ наама д̣̇асагусалагаммабат̇аа. агусаланд̇и д̣̇асаагусалагаммабат̇аа. сааваж̇ж̇ад̣̇угаад̣̇аяоби зд̇зсам̣ васзнзва взд̣̇ид̇аб̣б̣аа. саб̣б̣ан̃жзва банзд̇ам̣ ган̣хан̃жа сугган̃жа саббадибхааг̇ан̃жаад̇и ган̣хасуггасаббадибхааг̇ам̣. ниб̣б̣аанамзва хзд̇ам̣ аббадибхааг̇ам̣. авиж̇ж̇аа бахийяад̇ийд̇и ваддабадижчаад̣̇игаа авиж̇ж̇аа бахийяад̇и. виж̇ж̇аа уббаж̇ж̇ад̇ийд̇и арахад̇д̇амаг̇г̇авиж̇ж̇аа уббаж̇ж̇ад̇и. суканд̇и арахад̇д̇амаг̇г̇асукан̃жзва паласукан̃жа. сукаа бхияяо соманассанд̇и паласамаабад̇д̇ид̇о вудтид̇асса абараабарам̣ соманассам̣. д̇ад̇ияо огаасаад̇хиг̇амод̇и арахад̇д̇амаг̇г̇о саб̣б̣агилзсз вигкамбхзд̇ваа ад̇д̇ано огаасам̣ г̇ахзд̇ваа д̇идтад̇и, д̇асмаа ‘‘д̇ад̇ияо огаасаад̇хиг̇амо’’д̇и вуд̇д̇о. сзсамаг̇г̇аа бана д̇асмим̣ г̇ахид̇з анд̇ог̇ад̇хаа зваад̇и висум̣ на вуд̇д̇аа.
Idaṃ kusalantiādīsu kusalaṃ nāma dasakusalakammapathā. Akusalanti dasaakusalakammapathā. Sāvajjadukādayopi etesaṃ vaseneva veditabbā. Sabbañceva panetaṃ kaṇhañca sukkañca sappaṭibhāgañcāti kaṇhasukkasappaṭibhāgaṃ. Nibbānameva hetaṃ appaṭibhāgaṃ. Avijjā pahīyatīti vaṭṭapaṭicchādikā avijjā pahīyati. Vijjā uppajjatīti arahattamaggavijjā uppajjati. Sukhanti arahattamaggasukhañceva phalasukhañca. Sukhā bhiyyo somanassanti phalasamāpattito vuṭṭhitassa aparāparaṃ somanassaṃ. Tatiyo okāsādhigamoti arahattamaggo sabbakilese vikkhambhetvā attano okāsaṃ gahetvā tiṭṭhati, tasmā ‘‘tatiyo okāsādhigamo’’ti vutto. Sesamaggā pana tasmiṃ gahite antogadhā evāti visuṃ na vuttā.
имз бана д̇аяо огаасаад̇хиг̇амаа адтад̇им̣саарамман̣авасзна вид̇т̇аарзд̇ваа гат̇зд̇аб̣б̣аа. гат̇ам̣? саб̣б̣аани аарамман̣аани висуд̣̇д̇химаг̇г̇з вуд̇д̇анаязнзва убажааравасзна жа аббанаавасзна жа вавад̇т̇абзд̇ваа жад̇увийсад̇ияаа таанзсу батамаж̇жхаанам̣ ‘‘батамо огаасаад̇хиг̇амо’’д̇и гат̇зд̇аб̣б̣ам̣. д̇зрасасу таанзсу д̣̇уд̇ияад̇ад̇ияаж̇жхаанаани, баннарасасу таанзсу жад̇уд̇т̇аж̇жхаанан̃жа нирод̇хасамаабад̇д̇им̣ баабзд̇ваа ‘‘д̣̇уд̇ияо огаасаад̇хиг̇амо’’д̇и гат̇зд̇аб̣б̣ам̣. д̣̇аса убажаараж̇жхаанаани бана маг̇г̇асса бад̣̇адтаанабхууд̇аани д̇ад̇ияам̣ огаасаад̇хиг̇амам̣ бхаж̇анд̇и. абижа д̇ийсу сигкаасу ад̇хисийласигкаа батамам̣ огаасаад̇хиг̇амам̣ бхаж̇ад̇и, ад̇хижид̇д̇асигкаа д̣̇уд̇ияам̣, ад̇хибан̃н̃аасигкаа д̇ад̇ияанд̇и звам̣ сигкаавасзнаби гат̇зд̇аб̣б̣ам̣. сааман̃н̃апалзби жуул̣асийлад̇о яаава батамаж̇жхаанаа батамо огаасаад̇хиг̇амо , д̣̇уд̇ияаж̇жхаанад̇о яаава нзвасан̃н̃аанаасан̃н̃ааяад̇анаа д̣̇уд̇ияо , вибассанаад̇о яаава арахад̇д̇аа д̇ад̇ияо огаасаад̇хиг̇амод̇и звам̣ сааман̃н̃апаласуд̇д̇анд̇авасзнаби гат̇зд̇аб̣б̣ам̣. д̇ийсу бана бидагзсу винаяабидагам̣ батамам̣ огаасаад̇хиг̇амам̣ бхаж̇ад̇и, суд̇д̇анд̇абидагам̣ д̣̇уд̇ияам̣, абхид̇хаммабидагам̣ д̇ад̇ияанд̇и звам̣ бидагавасзнаби гат̇зд̇аб̣б̣ам̣.
Ime pana tayo okāsādhigamā aṭṭhatiṃsārammaṇavasena vitthāretvā kathetabbā. Kathaṃ? Sabbāni ārammaṇāni visuddhimagge vuttanayeneva upacāravasena ca appanāvasena ca vavatthapetvā catuvīsatiyā ṭhānesu paṭhamajjhānaṃ ‘‘paṭhamo okāsādhigamo’’ti kathetabbaṃ. Terasasu ṭhānesu dutiyatatiyajjhānāni, pannarasasu ṭhānesu catutthajjhānañca nirodhasamāpattiṃ pāpetvā ‘‘dutiyo okāsādhigamo’’ti kathetabbaṃ. Dasa upacārajjhānāni pana maggassa padaṭṭhānabhūtāni tatiyaṃ okāsādhigamaṃ bhajanti. Apica tīsu sikkhāsu adhisīlasikkhā paṭhamaṃ okāsādhigamaṃ bhajati, adhicittasikkhā dutiyaṃ, adhipaññāsikkhā tatiyanti evaṃ sikkhāvasenapi kathetabbaṃ. Sāmaññaphalepi cūḷasīlato yāva paṭhamajjhānā paṭhamo okāsādhigamo , dutiyajjhānato yāva nevasaññānāsaññāyatanā dutiyo , vipassanāto yāva arahattā tatiyo okāsādhigamoti evaṃ sāmaññaphalasuttantavasenapi kathetabbaṃ. Tīsu pana piṭakesu vinayapiṭakaṃ paṭhamaṃ okāsādhigamaṃ bhajati, suttantapiṭakaṃ dutiyaṃ, abhidhammapiṭakaṃ tatiyanti evaṃ piṭakavasenapi kathetabbaṃ.
буб̣б̣з гира махаат̇зраа вассуубанааяигааяа имамзва суд̇д̇ам̣ бадтабзнд̇и. гим̣ гааран̣аа? д̇ийн̣и бидагаани вибхаж̇ид̇ваа гат̇зд̇ум̣ лабхиссаамаад̇и. д̇збидагзна хи самод̇хаанзд̇ваа гат̇знд̇асса д̣̇уггат̇ид̇анд̇и на саггаа вад̇д̇ум̣. д̇збидагам̣ бхаж̇аабзд̇ваа гат̇ид̇амзва ид̣̇ам̣ суд̇д̇ам̣ сугат̇ид̇ам̣ ход̇ийд̇и.
Pubbe kira mahātherā vassūpanāyikāya imameva suttaṃ paṭṭhapenti. Kiṃ kāraṇā? Tīṇi piṭakāni vibhajitvā kathetuṃ labhissāmāti. Tepiṭakena hi samodhānetvā kathentassa dukkathitanti na sakkā vattuṃ. Tepiṭakaṃ bhajāpetvā kathitameva idaṃ suttaṃ sukathitaṃ hotīti.
жад̇усад̇ибадтаанаван̣н̣анаа
Catusatipaṭṭhānavaṇṇanā
289. гусалассаад̇хиг̇амааяаад̇и маг̇г̇агусаласса жзва палагусаласса жа ад̇хиг̇амад̇т̇ааяа. убхаяамби хзд̇ам̣ анаваж̇ж̇адтзна кзмадтзна ваа гусаламзва. д̇ад̇т̇а саммаасамаад̇хияад̇ийд̇и д̇асмим̣ аж̇жхад̇д̇агааяз самаахид̇о згаг̇г̇ажид̇д̇о ход̇и. б̣ахид̣̇д̇хаа барагааяз н̃аан̣ад̣̇ассанам̣ абхиниб̣б̣ад̇д̇зд̇ийд̇и ад̇д̇ано гааяад̇о барасса гааяаабхимукам̣ н̃аан̣ам̣ бзсзд̇и. зса наяо саб̣б̣ад̇т̇а. саб̣б̣ад̇т̇зва жа сад̇имаад̇и бад̣̇зна гааяаад̣̇ибариг̇г̇аахигаа сад̇и, логод̇и бад̣̇зна бариг̇г̇ахид̇агааяаад̣̇аяова лого. жад̇д̇ааро жзд̇з сад̇ибадтаанаа логияалогуд̇д̇арамиссагаа гат̇ид̇аад̇и взд̣̇ид̇аб̣б̣аа.
289.Kusalassādhigamāyāti maggakusalassa ceva phalakusalassa ca adhigamatthāya. Ubhayampi hetaṃ anavajjaṭṭhena khemaṭṭhena vā kusalameva. Tattha sammāsamādhiyatīti tasmiṃ ajjhattakāye samāhito ekaggacitto hoti. Bahiddhā parakāye ñāṇadassanaṃ abhinibbattetīti attano kāyato parassa kāyābhimukhaṃ ñāṇaṃ peseti. Esa nayo sabbattha. Sabbattheva ca satimāti padena kāyādipariggāhikā sati, lokoti padena pariggahitakāyādayova loko. Cattāro cete satipaṭṭhānā lokiyalokuttaramissakā kathitāti veditabbā.
сад̇д̇асамаад̇хибаригкаараван̣н̣анаа
Sattasamādhiparikkhāravaṇṇanā
290. самаад̇хибаригкаараад̇и зд̇т̇а д̇аяо баригкаараа. ‘‘рат̇о сийлабаригкааро жхаанагко жаггавийрияо’’д̇и (сам̣. ни. 5.4) хи зд̇т̇а алан̇гааро баригкааро наама. ‘‘сад̇д̇ахи наг̇арабаригкаарзхи субаригкад̇ам̣ ход̇ий’’д̇и (а. ни. 7.67) зд̇т̇а баривааро баригкааро наама. ‘‘г̇илаанабажжаяаж̇ийвид̇абаригкааро’’д̇и (д̣̇ий. ни. 3.182) зд̇т̇а самбхааро баригкааро наама. ид̇ха бана бариваарабаригкааравасзна ‘‘сад̇д̇а самаад̇хибаригкаараа’’д̇и вуд̇д̇ам̣. баригкад̇аад̇и бариваарид̇аа. аяам̣ вужжад̇и со арияо саммаасамаад̇хийд̇и аяам̣ сад̇д̇ахи рад̇анзхи баривуд̇о жаггавад̇д̇ий вияа сад̇д̇ахи ан̇г̇зхи баривуд̇о ‘‘арияо саммаасамаад̇хий’’д̇и вужжад̇и. саубанисо ид̇ибийд̇и саубаниссаяо ид̇иби вужжад̇и, сабаривааро язваад̇и вуд̇д̇ам̣ ход̇и. саммаад̣̇идтиссаад̇и саммаад̣̇идтияам̣ тид̇асса. саммаасан̇габбо баход̇ийд̇и саммаасан̇габбо бавад̇д̇ад̇и. зса наяо саб̣б̣абад̣̇зсу. аяам̣ банад̇т̇о маг̇г̇авасзнааби палавасзнааби взд̣̇ид̇аб̣б̣о. гат̇ам̣? маг̇г̇асаммаад̣̇идтияам̣ тид̇асса маг̇г̇асаммаасан̇габбо баход̇и…бз… маг̇г̇ан̃аан̣з тид̇асса маг̇г̇авимуд̇д̇и баход̇и. д̇ат̇аа паласаммаад̣̇идтияам̣ тид̇асса паласаммаасан̇габбо баход̇и…бз… паласаммаан̃аан̣з тид̇асса палавимуд̇д̇и баход̇ийд̇и.
290.Samādhiparikkhārāti ettha tayo parikkhārā. ‘‘Ratho sīlaparikkhāro jhānakkho cakkavīriyo’’ti (saṃ. ni. 5.4) hi ettha alaṅkāro parikkhāro nāma. ‘‘Sattahi nagaraparikkhārehi suparikkhataṃ hotī’’ti (a. ni. 7.67) ettha parivāro parikkhāro nāma. ‘‘Gilānapaccayajīvitaparikkhāro’’ti (dī. ni. 3.182) ettha sambhāro parikkhāro nāma. Idha pana parivāraparikkhāravasena ‘‘satta samādhiparikkhārā’’ti vuttaṃ. Parikkhatāti parivāritā. Ayaṃ vuccati so ariyo sammāsamādhīti ayaṃ sattahi ratanehi parivuto cakkavattī viya sattahi aṅgehi parivuto ‘‘ariyo sammāsamādhī’’ti vuccati. Saupaniso itipīti saupanissayo itipi vuccati, saparivāro yevāti vuttaṃ hoti. Sammādiṭṭhissāti sammādiṭṭhiyaṃ ṭhitassa. Sammāsaṅkappo pahotīti sammāsaṅkappo pavattati. Esa nayo sabbapadesu. Ayaṃ panattho maggavasenāpi phalavasenāpi veditabbo. Kathaṃ? Maggasammādiṭṭhiyaṃ ṭhitassa maggasammāsaṅkappo pahoti…pe… maggañāṇe ṭhitassa maggavimutti pahoti. Tathā phalasammādiṭṭhiyaṃ ṭhitassa phalasammāsaṅkappo pahoti…pe… phalasammāñāṇe ṭhitassa phalavimutti pahotīti.
сваагкаад̇од̇иаад̣̇ийни висуд̣̇д̇химаг̇г̇з ван̣н̣ид̇аани. абааруд̇аад̇и вивадаа. амад̇ассаад̇и ниб̣б̣аанасса. д̣̇ваараад̇и бавзсанамаг̇г̇аа. авзжжаббасаад̣̇знаад̇и ажалаббасаад̣̇зна. д̇хаммавинийд̇аад̇и саммаанияяаанзна нияяаад̇аа.
Svākkhātotiādīni visuddhimagge vaṇṇitāni. Apārutāti vivaṭā. Amatassāti nibbānassa. Dvārāti pavesanamaggā. Aveccappasādenāti acalappasādena. Dhammavinītāti sammāniyyānena niyyātā.
ад̇т̇ааяам̣ ид̇араа баж̇аад̇и анааг̇аамино санд̇хааяааха, анааг̇аамино жа ад̇т̇ийд̇и вуд̇д̇ам̣ ход̇и. бун̃н̃абхааг̇аад̇и бун̃н̃агодтаасзна ниб̣б̣ад̇д̇аа. од̇д̇аббанд̇и од̇д̇аббамаано. д̇зна гад̣̇аажи наама мусаа ассаад̇и мусааваад̣̇абхаязна сан̇каад̇ум̣ на саггоми, на бана мама сан̇каад̇ум̣ б̣алам̣ над̇т̇ийд̇и д̣̇ийбзд̇и.
Atthāyaṃ itarā pajāti anāgāmino sandhāyāha, anāgāmino ca atthīti vuttaṃ hoti. Puññabhāgāti puññakoṭṭhāsena nibbattā. Ottappanti ottappamāno. Tena kadāci nāma musā assāti musāvādabhayena saṅkhātuṃ na sakkomi, na pana mama saṅkhātuṃ balaṃ natthīti dīpeti.
291. д̇ам̣ гим̣ ман̃н̃ад̇и бхаванд̇и иминаа гзвалам̣ взссаван̣ам̣ бужчад̇и, на банасса зваруубо сад̇т̇аа наахосийд̇и ваа на бхависсад̇ийд̇и ваа лад̣̇д̇хи ад̇т̇и. саб̣б̣аб̣уд̣̇д̇хаанан̃хи абхисамаяз висзсо над̇т̇и.
291.Taṃ kiṃ maññati bhavanti iminā kevalaṃ vessavaṇaṃ pucchati, na panassa evarūpo satthā nāhosīti vā na bhavissatīti vā laddhi atthi. Sabbabuddhānañhi abhisamaye viseso natthi.
292. саяам̣барисааяанд̇и ад̇д̇ано барисааяам̣. д̇аяид̣̇ам̣ б̣рахмажарияанд̇и д̇ам̣ ид̣̇ам̣ сагалам̣ сигкад̇д̇аяаб̣рахмажарияам̣. сзсам̣ уд̇д̇аанамзва. имаани бана бад̣̇аани д̇хаммасан̇г̇аахагад̇т̇зрзхи табид̇аанийд̇и.
292.Sayaṃparisāyanti attano parisāyaṃ. Tayidaṃ brahmacariyanti taṃ idaṃ sakalaṃ sikkhattayabrahmacariyaṃ. Sesaṃ uttānameva. Imāni pana padāni dhammasaṅgāhakattherehi ṭhapitānīti.
ид̇и суман̇г̇алавилаасинияаа д̣̇ийгханигааяадтагат̇ааяам̣
Iti sumaṅgalavilāsiniyā dīghanikāyaṭṭhakathāyaṃ
ж̇анавасабхасуд̇д̇аван̣н̣анаа нидтид̇аа.
Janavasabhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 5. ж̇анавасабхасуд̇д̇ам̣ • 5. Janavasabhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 5. ж̇анавасабхасуд̇д̇аван̣н̣анаа • 5. Janavasabhasuttavaṇṇanā
