| Library / Tipiṭaka / திபிடக • Tipiṭaka / சூளவக்³க³-அட்ட²கதா² • Cūḷavagga-aṭṭhakathā |
ஜந்தாக⁴ரவத்தாதி³கதா²
Jantāgharavattādikathā
371. ஜந்தாக⁴ரவத்தே – பரிப⁴ண்ட³ந்தி ப³ஹிஜக³தி.
371. Jantāgharavatte – paribhaṇḍanti bahijagati.
373. ஆசமனவத்து²ஸ்மிங் – ஸதி உத³கேதி எத்த² ஸசே உத³கங் அத்தி², படிச்ச²ன்னட்டா²னங் பன நத்தி², பா⁴ஜனேன நீஹரித்வா ஆசமிதப்³ப³ங். பா⁴ஜனே அஸதி பத்தேன நீஹரிதப்³ப³ங். பத்தேபி அஸதி அஸந்தங் நாம ஹோதி. ‘‘இத³ங் அதிவிவடங் புரதோ அஞ்ஞங் உத³கங் ப⁴விஸ்ஸதீ’’தி க³தஸ்ஸ உத³கங் அலப⁴ந்தஸ்ஸேவ பி⁴க்கா²சாரவேலா ஹோதி, கட்டே²ன வா கேனசி வா புஞ்சி²த்வா க³ந்தப்³ப³ங், பு⁴ஞ்ஜிதும்பி அனுமோத³னம்பி காதுங் வட்டதி. ஆக³தபடிபாடியாதி வச்சகுடியங் பஸ்ஸாவட்டா²னே ந்ஹானதித்தே²தி தீஸுபி ஆக³தபடிபாடியேவ பமாணங்.
373. Ācamanavatthusmiṃ – sati udaketi ettha sace udakaṃ atthi, paṭicchannaṭṭhānaṃ pana natthi, bhājanena nīharitvā ācamitabbaṃ. Bhājane asati pattena nīharitabbaṃ. Pattepi asati asantaṃ nāma hoti. ‘‘Idaṃ ativivaṭaṃ purato aññaṃ udakaṃ bhavissatī’’ti gatassa udakaṃ alabhantasseva bhikkhācāravelā hoti, kaṭṭhena vā kenaci vā puñchitvā gantabbaṃ, bhuñjitumpi anumodanampi kātuṃ vaṭṭati. Āgatapaṭipāṭiyāti vaccakuṭiyaṃ passāvaṭṭhāne nhānatittheti tīsupi āgatapaṭipāṭiyeva pamāṇaṃ.
374. வச்சகுடிவத்தே – ந த³ந்தகட்ட²ங் கா²த³ந்தேனாதி அயங் வச்சகுடியாபி அவச்சகுடியாபி ஸப்³ப³த்தே²வ படிக்கே²போ. ந ப²ருஸேன கட்டே²னாதி பா²லிதகட்டே²ன வா க²ரேன வா க³ண்டி²கேன வா கண்டகேன வா ஸுஸிரேன வா பூதினா வா ந அவலேகி²தப்³ப³ங். அவலேக²னகட்ட²ங் பன அக்³க³ஹெத்வா பவிட்ட²ஸ்ஸ ஆபத்தி நத்தி².
374. Vaccakuṭivatte – na dantakaṭṭhaṃ khādantenāti ayaṃ vaccakuṭiyāpi avaccakuṭiyāpi sabbattheva paṭikkhepo. Na pharusena kaṭṭhenāti phālitakaṭṭhena vā kharena vā gaṇṭhikena vā kaṇṭakena vā susirena vā pūtinā vā na avalekhitabbaṃ. Avalekhanakaṭṭhaṃ pana aggahetvā paviṭṭhassa āpatti natthi.
ந ஆசமனஸராவகேதி ஸப்³ப³ஸாதா⁴ரணட்டா²னங் ஸந்தா⁴யேதங் வுத்தங். தத்ர ஹி அஞ்ஞே அஞ்ஞே ஆக³ச்ச²ந்தி, தஸ்மா உத³கங் ந ஸேஸேதப்³ப³ங். யங் பன ஸங்கி⁴கேபி விஹாரே ஏகதே³ஸே நிப³த்³த⁴க³மனத்தா²ய கதங் டா²னங் ஹோதி புக்³க³லிகட்டா²னங் வா, தஸ்மிங் வட்டதி. விரேசனங் பிவித்வா புனப்புனங் பவிஸந்தஸ்ஸாபி வட்டதியேவ.
Na ācamanasarāvaketi sabbasādhāraṇaṭṭhānaṃ sandhāyetaṃ vuttaṃ. Tatra hi aññe aññe āgacchanti, tasmā udakaṃ na sesetabbaṃ. Yaṃ pana saṅghikepi vihāre ekadese nibaddhagamanatthāya kataṃ ṭhānaṃ hoti puggalikaṭṭhānaṃ vā, tasmiṃ vaṭṭati. Virecanaṃ pivitvā punappunaṃ pavisantassāpi vaṭṭatiyeva.
ஊஹதாதி ஊஹதி³தா; ப³ஹி வச்சமக்கி²தாதி அத்தோ². தோ⁴விதப்³பா³தி உத³கங் ஆஹரித்வா தோ⁴விதப்³பா³. உத³கங் அத்தி², பா⁴ஜனங் நத்தி², அஸந்தங் நாம ஹோதி. பா⁴ஜனங் அத்தி², உத³கங் நத்தி², ஏதம்பி அஸந்தங். உப⁴யே பன அஸதி அஸந்தமேவ, கட்டே²ன வா கேனசி வா புஞ்சி²த்வா க³ந்தப்³ப³ங். ஸேஸங் ஸப்³ப³த்த² உத்தானமேவாதி.
Ūhatāti ūhaditā; bahi vaccamakkhitāti attho. Dhovitabbāti udakaṃ āharitvā dhovitabbā. Udakaṃ atthi, bhājanaṃ natthi, asantaṃ nāma hoti. Bhājanaṃ atthi, udakaṃ natthi, etampi asantaṃ. Ubhaye pana asati asantameva, kaṭṭhena vā kenaci vā puñchitvā gantabbaṃ. Sesaṃ sabbattha uttānamevāti.
ஜந்தாக⁴ரவத்தாதி³கதா² நிட்டி²தா.
Jantāgharavattādikathā niṭṭhitā.
வத்தக்க²ந்த⁴கவண்ணனா நிட்டி²தா.
Vattakkhandhakavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi
9. ஜந்தாக⁴ரவத்தகதா² • 9. Jantāgharavattakathā
10. வச்சகுடிவத்தகதா² • 10. Vaccakuṭivattakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / வச்சகுடிவத்தகதா²வண்ணனா • Vaccakuṭivattakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / பிண்ட³சாரிகவத்தகதா²தி³வண்ணனா • Piṇḍacārikavattakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 9. ஜந்தாக⁴ரவத்தாதி³கதா² • 9. Jantāgharavattādikathā
