| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
9. ஜந்தாக⁴ரவத்தாதி³கதா²
9. Jantāgharavattādikathā
371. ஜந்தாக⁴ரவத்தே ஏவங் வினிச்ச²யோ வேதி³தப்³போ³தி யோஜனா. ப³ஹிஜக³தீதி ப³ஹிஆலிந்தோ³.
371. Jantāgharavatte evaṃ vinicchayo veditabboti yojanā. Bahijagatīti bahiālindo.
373. ஆசமனவத்து²ஸ்மிங் ஏவமத்தோ² வேதி³தப்³போ³தி யோஜனா. நீஹரித்வாதி உத³கங் நீஹரித்வா. ஆசமிதப்³ப³ந்தி தோ⁴விதப்³ப³ங். ‘‘ஆபுப்³போ³ சமு தோ⁴வனே’’தி ஹி தா⁴துபாடே²ஸு வுத்தங். இத³ங் அதிவிவடந்தி இத³ங் டா²னங் அதிவிவடங், ந கேனசி படிச்ச²ன்னந்தி அத்தோ². உத³கங் அலப⁴ந்தஸ்ஸேவாதி உத³கங் அலப⁴ந்தேயேவ.
373. Ācamanavatthusmiṃ evamattho veditabboti yojanā. Nīharitvāti udakaṃ nīharitvā. Ācamitabbanti dhovitabbaṃ. ‘‘Āpubbo camu dhovane’’ti hi dhātupāṭhesu vuttaṃ. Idaṃ ativivaṭanti idaṃ ṭhānaṃ ativivaṭaṃ, na kenaci paṭicchannanti attho. Udakaṃ alabhantassevāti udakaṃ alabhanteyeva.
374. வச்சகுடிவத்தே ஏவங் வினிச்ச²யோ வேதி³தப்³போ³தி யோஜனா. அயந்தி த³ந்தகட்ட²ங் கா²த³தோ வச்சகரணங். ஸப்³ப³த்தே²வாதி ஸப்³ப³ஸ்மிங் ஏவ டா²னே. ‘‘ந ப²ருஸேன கட்டே²னா’’தி எத்த² ந கேவலங் க²ரகட்ட²மேவ, பா²லிதகட்டா²த³யோபி ச²விஅவலேக²னகட்டா² ப²ருஸாயேவ நாமாதி த³ஸ்ஸெந்தோ ஆஹ ‘‘பா²லிதகட்டே²ன வா’’திஆதி³. பவிட்ட²ஸ்ஸாதி வச்சகுடிங் பவிட்ட²ஸ்ஸ.
374. Vaccakuṭivatte evaṃ vinicchayo veditabboti yojanā. Ayanti dantakaṭṭhaṃ khādato vaccakaraṇaṃ. Sabbatthevāti sabbasmiṃ eva ṭhāne. ‘‘Na pharusena kaṭṭhenā’’ti ettha na kevalaṃ kharakaṭṭhameva, phālitakaṭṭhādayopi chaviavalekhanakaṭṭhā pharusāyeva nāmāti dassento āha ‘‘phālitakaṭṭhena vā’’tiādi. Paviṭṭhassāti vaccakuṭiṃ paviṭṭhassa.
ஸப்³ப³ஸாதா⁴ரணட்டா²னந்தி ஸப்³பே³ஸங் பி⁴க்கூ²னங், ஸப்³பே³ஹி வா ஸாதா⁴ரணங் வச்சகுடிஸங்கா²தங் டா²னங். தத்ராதி தஸ்மிங் ஸப்³ப³ஸாதா⁴ரணே டா²னே. நிப³த்³த⁴க³மனத்தா²யாதி அத்தனோ நிப³த்³த⁴க³மனத்தா²ய கதங் யங் டா²னங் வா யங் புக்³க³லிகட்டா²னங் வா ஹோதீதி யோஜனா.
Sabbasādhāraṇaṭṭhānanti sabbesaṃ bhikkhūnaṃ, sabbehi vā sādhāraṇaṃ vaccakuṭisaṅkhātaṃ ṭhānaṃ. Tatrāti tasmiṃ sabbasādhāraṇe ṭhāne. Nibaddhagamanatthāyāti attano nibaddhagamanatthāya kataṃ yaṃ ṭhānaṃ vā yaṃ puggalikaṭṭhānaṃ vā hotīti yojanā.
உஹதாதி எத்த² உபுப்³போ³ ஹத³தா⁴தூதி த³ஸ்ஸெந்தோ ஆஹ ‘‘உஹதி³தா’’தி. ‘‘ஹத³ கரீஸொஸ்ஸக்³கே³’’தி தா⁴துபாடே²ஸு (பாணினீ 977 தா⁴துபாடே²; ஸத்³த³னீதிதா⁴துமாலாயங் 15 த³காரந்ததா⁴து) வுத்தத்தா வச்சகூபதோ ப³ஹி கரீஸஸ்ஸ ஒஸ்ஸஜ்ஜனந்தி ஆஹ ‘‘ப³ஹி வச்சமக்கி²தா’’தி. தோ⁴விதப்³பா³தி உத³கேன தோ⁴விதப்³பா³. ஏதம்பீதி உத³கஸ்ஸ அவிஜ்ஜமானம்பி. ஸப்³ப³த்தா²தி ஸப்³ப³ஸ்மிங் வத்தக்க²ந்த⁴கே.
Uhatāti ettha upubbo hadadhātūti dassento āha ‘‘uhaditā’’ti. ‘‘Hada karīsossagge’’ti dhātupāṭhesu (pāṇinī 977 dhātupāṭhe; saddanītidhātumālāyaṃ 15 dakārantadhātu) vuttattā vaccakūpato bahi karīsassa ossajjananti āha ‘‘bahi vaccamakkhitā’’ti. Dhovitabbāti udakena dhovitabbā. Etampīti udakassa avijjamānampi. Sabbatthāti sabbasmiṃ vattakkhandhake.
இதி வத்தக்க²ந்த⁴கவண்ணனாய யோஜனா ஸமத்தா.
Iti vattakkhandhakavaṇṇanāya yojanā samattā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi
9. ஜந்தாக⁴ரவத்தகதா² • 9. Jantāgharavattakathā
10. வச்சகுடிவத்தகதா² • 10. Vaccakuṭivattakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / ஜந்தாக⁴ரவத்தாதி³கதா² • Jantāgharavattādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / வச்சகுடிவத்தகதா²வண்ணனா • Vaccakuṭivattakathāvaṇṇanā
