| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
ж̇анд̇аагхаравад̇д̇аад̣̇игат̇аа
Jantāgharavattādikathā
371. ж̇анд̇аагхаравад̇д̇з – барибхан̣д̣анд̇и б̣ахиж̇аг̇ад̇и.
371. Jantāgharavatte – paribhaṇḍanti bahijagati.
373. аажаманавад̇т̇усмим̣ – сад̇и уд̣̇агзд̇и зд̇т̇а сажз уд̣̇агам̣ ад̇т̇и, бадижчаннадтаанам̣ бана над̇т̇и, бхааж̇анзна нийхарид̇ваа аажамид̇аб̣б̣ам̣. бхааж̇анз асад̇и бад̇д̇зна нийхарид̇аб̣б̣ам̣. бад̇д̇зби асад̇и асанд̇ам̣ наама ход̇и. ‘‘ид̣̇ам̣ ад̇ививадам̣ бурад̇о ан̃н̃ам̣ уд̣̇агам̣ бхависсад̇ий’’д̇и г̇ад̇асса уд̣̇агам̣ алабханд̇ассзва бхигкаажааравзлаа ход̇и, гадтзна ваа гзнажи ваа бун̃чид̇ваа г̇анд̇аб̣б̣ам̣, бхун̃ж̇ид̇умби анумод̣̇анамби гаад̇ум̣ ваддад̇и. ааг̇ад̇абадибаадияаад̇и важжагудияам̣ бассаавадтаанз нхаанад̇ид̇т̇зд̇и д̇ийсуби ааг̇ад̇абадибаадиязва бамаан̣ам̣.
373. Ācamanavatthusmiṃ – sati udaketi ettha sace udakaṃ atthi, paṭicchannaṭṭhānaṃ pana natthi, bhājanena nīharitvā ācamitabbaṃ. Bhājane asati pattena nīharitabbaṃ. Pattepi asati asantaṃ nāma hoti. ‘‘Idaṃ ativivaṭaṃ purato aññaṃ udakaṃ bhavissatī’’ti gatassa udakaṃ alabhantasseva bhikkhācāravelā hoti, kaṭṭhena vā kenaci vā puñchitvā gantabbaṃ, bhuñjitumpi anumodanampi kātuṃ vaṭṭati. Āgatapaṭipāṭiyāti vaccakuṭiyaṃ passāvaṭṭhāne nhānatittheti tīsupi āgatapaṭipāṭiyeva pamāṇaṃ.
374. важжагудивад̇д̇з – на д̣̇анд̇агадтам̣ каад̣̇анд̇знаад̇и аяам̣ важжагудияааби аважжагудияааби саб̣б̣ад̇т̇зва бадигкзбо. на парусзна гадтзнаад̇и паалид̇агадтзна ваа карзна ваа г̇ан̣тигзна ваа ган̣дагзна ваа сусирзна ваа бууд̇инаа ваа на авалзкид̇аб̣б̣ам̣. авалзканагадтам̣ бана аг̇г̇ахзд̇ваа бавидтасса аабад̇д̇и над̇т̇и.
374. Vaccakuṭivatte – na dantakaṭṭhaṃ khādantenāti ayaṃ vaccakuṭiyāpi avaccakuṭiyāpi sabbattheva paṭikkhepo. Na pharusena kaṭṭhenāti phālitakaṭṭhena vā kharena vā gaṇṭhikena vā kaṇṭakena vā susirena vā pūtinā vā na avalekhitabbaṃ. Avalekhanakaṭṭhaṃ pana aggahetvā paviṭṭhassa āpatti natthi.
на аажаманасараавагзд̇и саб̣б̣асаад̇хааран̣адтаанам̣ санд̇хааязд̇ам̣ вуд̇д̇ам̣. д̇ад̇ра хи ан̃н̃з ан̃н̃з ааг̇ажчанд̇и, д̇асмаа уд̣̇агам̣ на сзсзд̇аб̣б̣ам̣. яам̣ бана сан̇гхигзби вихаарз згад̣̇зсз ниб̣ад̣̇д̇хаг̇аманад̇т̇ааяа гад̇ам̣ таанам̣ ход̇и буг̇г̇алигадтаанам̣ ваа, д̇асмим̣ ваддад̇и. вирзжанам̣ бивид̇ваа бунаббунам̣ бависанд̇ассааби ваддад̇иязва.
Na ācamanasarāvaketi sabbasādhāraṇaṭṭhānaṃ sandhāyetaṃ vuttaṃ. Tatra hi aññe aññe āgacchanti, tasmā udakaṃ na sesetabbaṃ. Yaṃ pana saṅghikepi vihāre ekadese nibaddhagamanatthāya kataṃ ṭhānaṃ hoti puggalikaṭṭhānaṃ vā, tasmiṃ vaṭṭati. Virecanaṃ pivitvā punappunaṃ pavisantassāpi vaṭṭatiyeva.
уухад̇аад̇и уухад̣̇ид̇аа; б̣ахи важжамагкид̇аад̇и ад̇т̇о. д̇ховид̇аб̣б̣аад̇и уд̣̇агам̣ аахарид̇ваа д̇ховид̇аб̣б̣аа. уд̣̇агам̣ ад̇т̇и, бхааж̇анам̣ над̇т̇и, асанд̇ам̣ наама ход̇и. бхааж̇анам̣ ад̇т̇и, уд̣̇агам̣ над̇т̇и, зд̇амби асанд̇ам̣. убхаяз бана асад̇и асанд̇амзва, гадтзна ваа гзнажи ваа бун̃чид̇ваа г̇анд̇аб̣б̣ам̣. сзсам̣ саб̣б̣ад̇т̇а уд̇д̇аанамзваад̇и.
Ūhatāti ūhaditā; bahi vaccamakkhitāti attho. Dhovitabbāti udakaṃ āharitvā dhovitabbā. Udakaṃ atthi, bhājanaṃ natthi, asantaṃ nāma hoti. Bhājanaṃ atthi, udakaṃ natthi, etampi asantaṃ. Ubhaye pana asati asantameva, kaṭṭhena vā kenaci vā puñchitvā gantabbaṃ. Sesaṃ sabbattha uttānamevāti.
ж̇анд̇аагхаравад̇д̇аад̣̇игат̇аа нидтид̇аа.
Jantāgharavattādikathā niṭṭhitā.
вад̇д̇агканд̇хагаван̣н̣анаа нидтид̇аа.
Vattakkhandhakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
9. ж̇анд̇аагхаравад̇д̇агат̇аа • 9. Jantāgharavattakathā
10. важжагудивад̇д̇агат̇аа • 10. Vaccakuṭivattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / важжагудивад̇д̇агат̇ааван̣н̣анаа • Vaccakuṭivattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бин̣д̣ажааригавад̇д̇агат̇аад̣̇иван̣н̣анаа • Piṇḍacārikavattakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. ж̇анд̇аагхаравад̇д̇аад̣̇игат̇аа • 9. Jantāgharavattādikathā
