| Library / Tipiṭaka / तिपिटक • Tipiṭaka / चूळवग्ग-अट्ठकथा • Cūḷavagga-aṭṭhakathā |
जन्ताघरवत्तादिकथा
Jantāgharavattādikathā
३७१. जन्ताघरवत्ते – परिभण्डन्ति बहिजगति।
371. Jantāgharavatte – paribhaṇḍanti bahijagati.
३७३. आचमनवत्थुस्मिं – सति उदकेति एत्थ सचे उदकं अत्थि, पटिच्छन्नट्ठानं पन नत्थि, भाजनेन नीहरित्वा आचमितब्बं। भाजने असति पत्तेन नीहरितब्बं। पत्तेपि असति असन्तं नाम होति। ‘‘इदं अतिविवटं पुरतो अञ्ञं उदकं भविस्सती’’ति गतस्स उदकं अलभन्तस्सेव भिक्खाचारवेला होति, कट्ठेन वा केनचि वा पुञ्छित्वा गन्तब्बं, भुञ्जितुम्पि अनुमोदनम्पि कातुं वट्टति। आगतपटिपाटियाति वच्चकुटियं पस्सावट्ठाने न्हानतित्थेति तीसुपि आगतपटिपाटियेव पमाणं।
373. Ācamanavatthusmiṃ – sati udaketi ettha sace udakaṃ atthi, paṭicchannaṭṭhānaṃ pana natthi, bhājanena nīharitvā ācamitabbaṃ. Bhājane asati pattena nīharitabbaṃ. Pattepi asati asantaṃ nāma hoti. ‘‘Idaṃ ativivaṭaṃ purato aññaṃ udakaṃ bhavissatī’’ti gatassa udakaṃ alabhantasseva bhikkhācāravelā hoti, kaṭṭhena vā kenaci vā puñchitvā gantabbaṃ, bhuñjitumpi anumodanampi kātuṃ vaṭṭati. Āgatapaṭipāṭiyāti vaccakuṭiyaṃ passāvaṭṭhāne nhānatittheti tīsupi āgatapaṭipāṭiyeva pamāṇaṃ.
३७४. वच्चकुटिवत्ते – न दन्तकट्ठं खादन्तेनाति अयं वच्चकुटियापि अवच्चकुटियापि सब्बत्थेव पटिक्खेपो। न फरुसेन कट्ठेनाति फालितकट्ठेन वा खरेन वा गण्ठिकेन वा कण्टकेन वा सुसिरेन वा पूतिना वा न अवलेखितब्बं। अवलेखनकट्ठं पन अग्गहेत्वा पविट्ठस्स आपत्ति नत्थि।
374. Vaccakuṭivatte – na dantakaṭṭhaṃ khādantenāti ayaṃ vaccakuṭiyāpi avaccakuṭiyāpi sabbattheva paṭikkhepo. Na pharusena kaṭṭhenāti phālitakaṭṭhena vā kharena vā gaṇṭhikena vā kaṇṭakena vā susirena vā pūtinā vā na avalekhitabbaṃ. Avalekhanakaṭṭhaṃ pana aggahetvā paviṭṭhassa āpatti natthi.
न आचमनसरावकेति सब्बसाधारणट्ठानं सन्धायेतं वुत्तं। तत्र हि अञ्ञे अञ्ञे आगच्छन्ति, तस्मा उदकं न सेसेतब्बं। यं पन सङ्घिकेपि विहारे एकदेसे निबद्धगमनत्थाय कतं ठानं होति पुग्गलिकट्ठानं वा, तस्मिं वट्टति। विरेचनं पिवित्वा पुनप्पुनं पविसन्तस्सापि वट्टतियेव।
Na ācamanasarāvaketi sabbasādhāraṇaṭṭhānaṃ sandhāyetaṃ vuttaṃ. Tatra hi aññe aññe āgacchanti, tasmā udakaṃ na sesetabbaṃ. Yaṃ pana saṅghikepi vihāre ekadese nibaddhagamanatthāya kataṃ ṭhānaṃ hoti puggalikaṭṭhānaṃ vā, tasmiṃ vaṭṭati. Virecanaṃ pivitvā punappunaṃ pavisantassāpi vaṭṭatiyeva.
ऊहताति ऊहदिता; बहि वच्चमक्खिताति अत्थो। धोवितब्बाति उदकं आहरित्वा धोवितब्बा। उदकं अत्थि, भाजनं नत्थि, असन्तं नाम होति। भाजनं अत्थि, उदकं नत्थि, एतम्पि असन्तं। उभये पन असति असन्तमेव, कट्ठेन वा केनचि वा पुञ्छित्वा गन्तब्बं। सेसं सब्बत्थ उत्तानमेवाति।
Ūhatāti ūhaditā; bahi vaccamakkhitāti attho. Dhovitabbāti udakaṃ āharitvā dhovitabbā. Udakaṃ atthi, bhājanaṃ natthi, asantaṃ nāma hoti. Bhājanaṃ atthi, udakaṃ natthi, etampi asantaṃ. Ubhaye pana asati asantameva, kaṭṭhena vā kenaci vā puñchitvā gantabbaṃ. Sesaṃ sabbattha uttānamevāti.
जन्ताघरवत्तादिकथा निट्ठिता।
Jantāgharavattādikathā niṭṭhitā.
वत्तक्खन्धकवण्णना निट्ठिता।
Vattakkhandhakavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / चूळवग्गपाळि • Cūḷavaggapāḷi
९. जन्ताघरवत्तकथा • 9. Jantāgharavattakathā
१०. वच्चकुटिवत्तकथा • 10. Vaccakuṭivattakathā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / वच्चकुटिवत्तकथावण्णना • Vaccakuṭivattakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / पिण्डचारिकवत्तकथादिवण्णना • Piṇḍacārikavattakathādivaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / ९. जन्ताघरवत्तादिकथा • 9. Jantāgharavattādikathā
