| Library / Tipiṭaka / ติปิฎก • Tipiṭaka / จูฬวคฺค-อฎฺฐกถา • Cūḷavagga-aṭṭhakathā |
ชนฺตาฆรวตฺตาทิกถา
Jantāgharavattādikathā
๓๗๑. ชนฺตาฆรวเตฺต – ปริภณฺฑนฺติ พหิชคติฯ
371. Jantāgharavatte – paribhaṇḍanti bahijagati.
๓๗๓. อาจมนวตฺถุสฺมิํ – สติ อุทเกติ เอตฺถ สเจ อุทกํ อตฺถิ, ปฎิจฺฉนฺนฎฺฐานํ ปน นตฺถิ, ภาชเนน นีหริตฺวา อาจมิตพฺพํฯ ภาชเน อสติ ปเตฺตน นีหริตพฺพํฯ ปเตฺตปิ อสติ อสนฺตํ นาม โหติฯ ‘‘อิทํ อติวิวฎํ ปุรโต อญฺญํ อุทกํ ภวิสฺสตี’’ติ คตสฺส อุทกํ อลภนฺตเสฺสว ภิกฺขาจารเวลา โหติ, กเฎฺฐน วา เกนจิ วา ปุญฺฉิตฺวา คนฺตพฺพํ, ภุญฺชิตุมฺปิ อนุโมทนมฺปิ กาตุํ วฎฺฎติฯ อาคตปฎิปาฎิยาติ วจฺจกุฎิยํ ปสฺสาวฎฺฐาเน นฺหานติเตฺถติ ตีสุปิ อาคตปฎิปาฎิเยว ปมาณํฯ
373. Ācamanavatthusmiṃ – sati udaketi ettha sace udakaṃ atthi, paṭicchannaṭṭhānaṃ pana natthi, bhājanena nīharitvā ācamitabbaṃ. Bhājane asati pattena nīharitabbaṃ. Pattepi asati asantaṃ nāma hoti. ‘‘Idaṃ ativivaṭaṃ purato aññaṃ udakaṃ bhavissatī’’ti gatassa udakaṃ alabhantasseva bhikkhācāravelā hoti, kaṭṭhena vā kenaci vā puñchitvā gantabbaṃ, bhuñjitumpi anumodanampi kātuṃ vaṭṭati. Āgatapaṭipāṭiyāti vaccakuṭiyaṃ passāvaṭṭhāne nhānatittheti tīsupi āgatapaṭipāṭiyeva pamāṇaṃ.
๓๗๔. วจฺจกุฎิวเตฺต – น ทนฺตกฎฺฐํ ขาทเนฺตนาติ อยํ วจฺจกุฎิยาปิ อวจฺจกุฎิยาปิ สพฺพเตฺถว ปฎิเกฺขโปฯ น ผรุเสน กเฎฺฐนาติ ผาลิตกเฎฺฐน วา ขเรน วา คณฺฐิเกน วา กณฺฎเกน วา สุสิเรน วา ปูตินา วา น อวเลขิตพฺพํฯ อวเลขนกฎฺฐํ ปน อคฺคเหตฺวา ปวิฎฺฐสฺส อาปตฺติ นตฺถิฯ
374. Vaccakuṭivatte – na dantakaṭṭhaṃ khādantenāti ayaṃ vaccakuṭiyāpi avaccakuṭiyāpi sabbattheva paṭikkhepo. Na pharusena kaṭṭhenāti phālitakaṭṭhena vā kharena vā gaṇṭhikena vā kaṇṭakena vā susirena vā pūtinā vā na avalekhitabbaṃ. Avalekhanakaṭṭhaṃ pana aggahetvā paviṭṭhassa āpatti natthi.
น อาจมนสราวเกติ สพฺพสาธารณฎฺฐานํ สนฺธาเยตํ วุตฺตํฯ ตตฺร หิ อเญฺญ อเญฺญ อาคจฺฉนฺติ, ตสฺมา อุทกํ น เสเสตพฺพํฯ ยํ ปน สงฺฆิเกปิ วิหาเร เอกเทเส นิพทฺธคมนตฺถาย กตํ ฐานํ โหติ ปุคฺคลิกฎฺฐานํ วา, ตสฺมิํ วฎฺฎติฯ วิเรจนํ ปิวิตฺวา ปุนปฺปุนํ ปวิสนฺตสฺสาปิ วฎฺฎติเยวฯ
Na ācamanasarāvaketi sabbasādhāraṇaṭṭhānaṃ sandhāyetaṃ vuttaṃ. Tatra hi aññe aññe āgacchanti, tasmā udakaṃ na sesetabbaṃ. Yaṃ pana saṅghikepi vihāre ekadese nibaddhagamanatthāya kataṃ ṭhānaṃ hoti puggalikaṭṭhānaṃ vā, tasmiṃ vaṭṭati. Virecanaṃ pivitvā punappunaṃ pavisantassāpi vaṭṭatiyeva.
อูหตาติ อูหทิตา; พหิ วจฺจมกฺขิตาติ อโตฺถฯ โธวิตพฺพาติ อุทกํ อาหริตฺวา โธวิตพฺพาฯ อุทกํ อตฺถิ, ภาชนํ นตฺถิ, อสนฺตํ นาม โหติฯ ภาชนํ อตฺถิ, อุทกํ นตฺถิ, เอตมฺปิ อสนฺตํฯ อุภเย ปน อสติ อสนฺตเมว, กเฎฺฐน วา เกนจิ วา ปุญฺฉิตฺวา คนฺตพฺพํฯ เสสํ สพฺพตฺถ อุตฺตานเมวาติฯ
Ūhatāti ūhaditā; bahi vaccamakkhitāti attho. Dhovitabbāti udakaṃ āharitvā dhovitabbā. Udakaṃ atthi, bhājanaṃ natthi, asantaṃ nāma hoti. Bhājanaṃ atthi, udakaṃ natthi, etampi asantaṃ. Ubhaye pana asati asantameva, kaṭṭhena vā kenaci vā puñchitvā gantabbaṃ. Sesaṃ sabbattha uttānamevāti.
ชนฺตาฆรวตฺตาทิกถา นิฎฺฐิตาฯ
Jantāgharavattādikathā niṭṭhitā.
วตฺตกฺขนฺธกวณฺณนา นิฎฺฐิตาฯ
Vattakkhandhakavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / จูฬวคฺคปาฬิ • Cūḷavaggapāḷi
๙. ชนฺตาฆรวตฺตกถา • 9. Jantāgharavattakathā
๑๐. วจฺจกุฎิวตฺตกถา • 10. Vaccakuṭivattakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / วจฺจกุฎิวตฺตกถาวณฺณนา • Vaccakuṭivattakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ปิณฺฑจาริกวตฺตกถาทิวณฺณนา • Piṇḍacārikavattakathādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๙. ชนฺตาฆรวตฺตาทิกถา • 9. Jantāgharavattādikathā
