| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
9. ජන්‌තාඝරවත්‌තාදිකථා
9. Jantāgharavattādikathā
371. ජන්‌තාඝරවත්‌තෙ එවං විනිච්‌ඡයො වෙදිතබ්‌බොති යොජනා. බහිජගතීති බහිආලින්‌දො.
371. Jantāgharavatte evaṃ vinicchayo veditabboti yojanā. Bahijagatīti bahiālindo.
373. ආචමනවත්‌ථුස්‌මිං එවමත්‌ථො වෙදිතබ්‌බොති යොජනා. නීහරිත්‌වාති උදකං නීහරිත්‌වා. ආචමිතබ්‌බන්‌ති ධොවිතබ්‌බං. ‘‘ආපුබ්‌බො චමු ධොවනෙ’’ති හි ධාතුපාඨෙසු වුත්‌තං. ඉදං අතිවිවටන්‌ති ඉදං ඨානං අතිවිවටං, න කෙනචි පටිච්‌ඡන්‌නන්‌ති අත්‌ථො. උදකං අලභන්‌තස්‌සෙවාති උදකං අලභන්‌තෙයෙව.
373. Ācamanavatthusmiṃ evamattho veditabboti yojanā. Nīharitvāti udakaṃ nīharitvā. Ācamitabbanti dhovitabbaṃ. ‘‘Āpubbo camu dhovane’’ti hi dhātupāṭhesu vuttaṃ. Idaṃ ativivaṭanti idaṃ ṭhānaṃ ativivaṭaṃ, na kenaci paṭicchannanti attho. Udakaṃ alabhantassevāti udakaṃ alabhanteyeva.
374. වච්‌චකුටිවත්‌තෙ එවං විනිච්‌ඡයො වෙදිතබ්‌බොති යොජනා. අයන්‌ති දන්‌තකට්‌ඨං ඛාදතො වච්‌චකරණං. සබ්‌බත්‌ථෙවාති සබ්‌බස්‌මිං එව ඨානෙ. ‘‘න ඵරුසෙන කට්‌ඨෙනා’’ති එත්‌ථ න කෙවලං ඛරකට්‌ඨමෙව, ඵාලිතකට්‌ඨාදයොපි ඡවිඅවලෙඛනකට්‌ඨා ඵරුසායෙව නාමාති දස්‌සෙන්‌තො ආහ ‘‘ඵාලිතකට්‌ඨෙන වා’’තිආදි. පවිට්‌ඨස්‌සාති වච්‌චකුටිං පවිට්‌ඨස්‌ස.
374. Vaccakuṭivatte evaṃ vinicchayo veditabboti yojanā. Ayanti dantakaṭṭhaṃ khādato vaccakaraṇaṃ. Sabbatthevāti sabbasmiṃ eva ṭhāne. ‘‘Na pharusena kaṭṭhenā’’ti ettha na kevalaṃ kharakaṭṭhameva, phālitakaṭṭhādayopi chaviavalekhanakaṭṭhā pharusāyeva nāmāti dassento āha ‘‘phālitakaṭṭhena vā’’tiādi. Paviṭṭhassāti vaccakuṭiṃ paviṭṭhassa.
සබ්‌බසාධාරණට්‌ඨානන්‌ති සබ්‌බෙසං භික්‌ඛූනං, සබ්‌බෙහි වා සාධාරණං වච්‌චකුටිසඞ්‌ඛාතං ඨානං. තත්‍රාති තස්‌මිං සබ්‌බසාධාරණෙ ඨානෙ. නිබද්‌ධගමනත්‌ථායාති අත්‌තනො නිබද්‌ධගමනත්‌ථාය කතං යං ඨානං වා යං පුග්‌ගලිකට්‌ඨානං වා හොතීති යොජනා.
Sabbasādhāraṇaṭṭhānanti sabbesaṃ bhikkhūnaṃ, sabbehi vā sādhāraṇaṃ vaccakuṭisaṅkhātaṃ ṭhānaṃ. Tatrāti tasmiṃ sabbasādhāraṇe ṭhāne. Nibaddhagamanatthāyāti attano nibaddhagamanatthāya kataṃ yaṃ ṭhānaṃ vā yaṃ puggalikaṭṭhānaṃ vā hotīti yojanā.
උහතාති එත්‌ථ උපුබ්‌බො හදධාතූති දස්‌සෙන්‌තො ආහ ‘‘උහදිතා’’ති. ‘‘හද කරීසොස්‌සග්‌ගෙ’’ති ධාතුපාඨෙසු (පාණිනී 977 ධාතුපාඨෙ; සද්‌දනීතිධාතුමාලායං 15 දකාරන්‌තධාතු) වුත්‌තත්‌තා වච්‌චකූපතො බහි කරීසස්‌ස ඔස්‌සජ්‌ජනන්‌ති ආහ ‘‘බහි වච්‌චමක්‌ඛිතා’’ති. ධොවිතබ්‌බාති උදකෙන ධොවිතබ්‌බා. එතම්‌පීති උදකස්‌ස අවිජ්‌ජමානම්‌පි. සබ්‌බත්‌ථාති සබ්‌බස්‌මිං වත්‌තක්‌ඛන්‌ධකෙ.
Uhatāti ettha upubbo hadadhātūti dassento āha ‘‘uhaditā’’ti. ‘‘Hada karīsossagge’’ti dhātupāṭhesu (pāṇinī 977 dhātupāṭhe; saddanītidhātumālāyaṃ 15 dakārantadhātu) vuttattā vaccakūpato bahi karīsassa ossajjananti āha ‘‘bahi vaccamakkhitā’’ti. Dhovitabbāti udakena dhovitabbā. Etampīti udakassa avijjamānampi. Sabbatthāti sabbasmiṃ vattakkhandhake.
ඉති වත්‌තක්‌ඛන්‌ධකවණ්‌ණනාය යොජනා සමත්‌තා.
Iti vattakkhandhakavaṇṇanāya yojanā samattā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi
9. ජන්‌තාඝරවත්‌තකථා • 9. Jantāgharavattakathā
10. වච්‌චකුටිවත්‌තකථා • 10. Vaccakuṭivattakathā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / චූළවග්‌ග-අට්‌ඨකථා • Cūḷavagga-aṭṭhakathā / ජන්‌තාඝරවත්‌තාදිකථා • Jantāgharavattādikathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / වච්‌චකුටිවත්‌තකථාවණ්‌ණනා • Vaccakuṭivattakathāvaṇṇanā
