| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
༩. ཛནྟཱགྷརཝཏྟཱདིཀཐཱ
9. Jantāgharavattādikathā
༣༧༡. ཛནྟཱགྷརཝཏྟེ ཨེཝཾ ཝིནིཙྪཡོ ཝེདིཏབྦོཏི ཡོཛནཱ། བཧིཛགཏཱིཏི བཧིཨཱལིནྡོ།
371. Jantāgharavatte evaṃ vinicchayo veditabboti yojanā. Bahijagatīti bahiālindo.
༣༧༣. ཨཱཙམནཝཏྠུསྨིཾ ཨེཝམཏྠོ ཝེདིཏབྦོཏི ཡོཛནཱ། ནཱིཧརིཏྭཱཏི ཨུདཀཾ ནཱིཧརིཏྭཱ། ཨཱཙམིཏབྦནྟི དྷོཝིཏབྦཾ། ‘‘ཨཱཔུབྦོ ཙམུ དྷོཝནེ’’ཏི ཧི དྷཱཏུཔཱཋེསུ ཝུཏྟཾ། ཨིདཾ ཨཏིཝིཝཊནྟི ཨིདཾ ཋཱནཾ ཨཏིཝིཝཊཾ, ན ཀེནཙི པཊིཙྪནྣནྟི ཨཏྠོ། ཨུདཀཾ ཨལབྷནྟསྶེཝཱཏི ཨུདཀཾ ཨལབྷནྟེཡེཝ།
373. Ācamanavatthusmiṃ evamattho veditabboti yojanā. Nīharitvāti udakaṃ nīharitvā. Ācamitabbanti dhovitabbaṃ. ‘‘Āpubbo camu dhovane’’ti hi dhātupāṭhesu vuttaṃ. Idaṃ ativivaṭanti idaṃ ṭhānaṃ ativivaṭaṃ, na kenaci paṭicchannanti attho. Udakaṃ alabhantassevāti udakaṃ alabhanteyeva.
༣༧༤. ཝཙྩཀུཊིཝཏྟེ ཨེཝཾ ཝིནིཙྪཡོ ཝེདིཏབྦོཏི ཡོཛནཱ། ཨཡནྟི དནྟཀཊྛཾ ཁཱདཏོ ཝཙྩཀརཎཾ། སབྦཏྠེཝཱཏི སབྦསྨིཾ ཨེཝ ཋཱནེ། ‘‘ན ཕརུསེན ཀཊྛེནཱ’’ཏི ཨེཏྠ ན ཀེཝལཾ ཁརཀཊྛམེཝ, ཕཱལིཏཀཊྛཱདཡོཔི ཚཝིཨཝལེཁནཀཊྛཱ ཕརུསཱཡེཝ ནཱམཱཏི དསྶེནྟོ ཨཱཧ ‘‘ཕཱལིཏཀཊྛེན ཝཱ’’ཏིཨཱདི། པཝིཊྛསྶཱཏི ཝཙྩཀུཊིཾ པཝིཊྛསྶ།
374. Vaccakuṭivatte evaṃ vinicchayo veditabboti yojanā. Ayanti dantakaṭṭhaṃ khādato vaccakaraṇaṃ. Sabbatthevāti sabbasmiṃ eva ṭhāne. ‘‘Na pharusena kaṭṭhenā’’ti ettha na kevalaṃ kharakaṭṭhameva, phālitakaṭṭhādayopi chaviavalekhanakaṭṭhā pharusāyeva nāmāti dassento āha ‘‘phālitakaṭṭhena vā’’tiādi. Paviṭṭhassāti vaccakuṭiṃ paviṭṭhassa.
སབྦསཱདྷཱརཎཊྛཱནནྟི སབྦེསཾ བྷིཀྑཱུནཾ, སབྦེཧི ཝཱ སཱདྷཱརཎཾ ཝཙྩཀུཊིསངྑཱཏཾ ཋཱནཾ། ཏཏྲཱཏི ཏསྨིཾ སབྦསཱདྷཱརཎེ ཋཱནེ། ནིབདྡྷགམནཏྠཱཡཱཏི ཨཏྟནོ ནིབདྡྷགམནཏྠཱཡ ཀཏཾ ཡཾ ཋཱནཾ ཝཱ ཡཾ པུགྒལིཀཊྛཱནཾ ཝཱ ཧོཏཱིཏི ཡོཛནཱ།
Sabbasādhāraṇaṭṭhānanti sabbesaṃ bhikkhūnaṃ, sabbehi vā sādhāraṇaṃ vaccakuṭisaṅkhātaṃ ṭhānaṃ. Tatrāti tasmiṃ sabbasādhāraṇe ṭhāne. Nibaddhagamanatthāyāti attano nibaddhagamanatthāya kataṃ yaṃ ṭhānaṃ vā yaṃ puggalikaṭṭhānaṃ vā hotīti yojanā.
ཨུཧཏཱཏི ཨེཏྠ ཨུཔུབྦོ ཧདདྷཱཏཱུཏི དསྶེནྟོ ཨཱཧ ‘‘ཨུཧདིཏཱ’’ཏི། ‘‘ཧད ཀརཱིསོསྶགྒེ’’ཏི དྷཱཏུཔཱཋེསུ (པཱཎིནཱི ༩༧༧ དྷཱཏུཔཱཋེ; སདྡནཱིཏིདྷཱཏུམཱལཱཡཾ ༡༥ དཀཱརནྟདྷཱཏུ) ཝུཏྟཏྟཱ ཝཙྩཀཱུཔཏོ བཧི ཀརཱིསསྶ ཨོསྶཛྫནནྟི ཨཱཧ ‘‘བཧི ཝཙྩམཀྑིཏཱ’’ཏི། དྷོཝིཏབྦཱཏི ཨུདཀེན དྷོཝིཏབྦཱ། ཨེཏམྤཱིཏི ཨུདཀསྶ ཨཝིཛྫམཱནམྤི། སབྦཏྠཱཏི སབྦསྨིཾ ཝཏྟཀྑནྡྷཀེ།
Uhatāti ettha upubbo hadadhātūti dassento āha ‘‘uhaditā’’ti. ‘‘Hada karīsossagge’’ti dhātupāṭhesu (pāṇinī 977 dhātupāṭhe; saddanītidhātumālāyaṃ 15 dakārantadhātu) vuttattā vaccakūpato bahi karīsassa ossajjananti āha ‘‘bahi vaccamakkhitā’’ti. Dhovitabbāti udakena dhovitabbā. Etampīti udakassa avijjamānampi. Sabbatthāti sabbasmiṃ vattakkhandhake.
ཨིཏི ཝཏྟཀྑནྡྷཀཝཎྞནཱཡ ཡོཛནཱ སམཏྟཱ།
Iti vattakkhandhakavaṇṇanāya yojanā samattā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi
༩. ཛནྟཱགྷརཝཏྟཀཐཱ • 9. Jantāgharavattakathā
༡༠. ཝཙྩཀུཊིཝཏྟཀཐཱ • 10. Vaccakuṭivattakathā
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā / ཛནྟཱགྷརཝཏྟཱདིཀཐཱ • Jantāgharavattādikathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཝཙྩཀུཊིཝཏྟཀཐཱཝཎྞནཱ • Vaccakuṭivattakathāvaṇṇanā
