| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੯. ਜਨ੍ਤਾਘਰવਤ੍ਤਾਦਿਕਥਾ
9. Jantāgharavattādikathā
੩੭੧. ਜਨ੍ਤਾਘਰવਤ੍ਤੇ ਏવਂ વਿਨਿਚ੍ਛਯੋ વੇਦਿਤਬ੍ਬੋਤਿ ਯੋਜਨਾ। ਬਹਿਜਗਤੀਤਿ ਬਹਿਆਲਿਨ੍ਦੋ।
371. Jantāgharavatte evaṃ vinicchayo veditabboti yojanā. Bahijagatīti bahiālindo.
੩੭੩. ਆਚਮਨવਤ੍ਥੁਸ੍ਮਿਂ ਏવਮਤ੍ਥੋ વੇਦਿਤਬ੍ਬੋਤਿ ਯੋਜਨਾ। ਨੀਹਰਿਤ੍વਾਤਿ ਉਦਕਂ ਨੀਹਰਿਤ੍વਾ। ਆਚਮਿਤਬ੍ਬਨ੍ਤਿ ਧੋવਿਤਬ੍ਬਂ। ‘‘ਆਪੁਬ੍ਬੋ ਚਮੁ ਧੋવਨੇ’’ਤਿ ਹਿ ਧਾਤੁਪਾਠੇਸੁ વੁਤ੍ਤਂ। ਇਦਂ ਅਤਿવਿવਟਨ੍ਤਿ ਇਦਂ ਠਾਨਂ ਅਤਿવਿવਟਂ, ਨ ਕੇਨਚਿ ਪਟਿਚ੍ਛਨ੍ਨਨ੍ਤਿ ਅਤ੍ਥੋ। ਉਦਕਂ ਅਲਭਨ੍ਤਸ੍ਸੇવਾਤਿ ਉਦਕਂ ਅਲਭਨ੍ਤੇਯੇવ।
373. Ācamanavatthusmiṃ evamattho veditabboti yojanā. Nīharitvāti udakaṃ nīharitvā. Ācamitabbanti dhovitabbaṃ. ‘‘Āpubbo camu dhovane’’ti hi dhātupāṭhesu vuttaṃ. Idaṃ ativivaṭanti idaṃ ṭhānaṃ ativivaṭaṃ, na kenaci paṭicchannanti attho. Udakaṃ alabhantassevāti udakaṃ alabhanteyeva.
੩੭੪. વਚ੍ਚਕੁਟਿવਤ੍ਤੇ ਏવਂ વਿਨਿਚ੍ਛਯੋ વੇਦਿਤਬ੍ਬੋਤਿ ਯੋਜਨਾ। ਅਯਨ੍ਤਿ ਦਨ੍ਤਕਟ੍ਠਂ ਖਾਦਤੋ વਚ੍ਚਕਰਣਂ। ਸਬ੍ਬਤ੍ਥੇવਾਤਿ ਸਬ੍ਬਸ੍ਮਿਂ ਏવ ਠਾਨੇ। ‘‘ਨ ਫਰੁਸੇਨ ਕਟ੍ਠੇਨਾ’’ਤਿ ਏਤ੍ਥ ਨ ਕੇવਲਂ ਖਰਕਟ੍ਠਮੇવ, ਫਾਲਿਤਕਟ੍ਠਾਦਯੋਪਿ ਛવਿਅવਲੇਖਨਕਟ੍ਠਾ ਫਰੁਸਾਯੇવ ਨਾਮਾਤਿ ਦਸ੍ਸੇਨ੍ਤੋ ਆਹ ‘‘ਫਾਲਿਤਕਟ੍ਠੇਨ વਾ’’ਤਿਆਦਿ। ਪવਿਟ੍ਠਸ੍ਸਾਤਿ વਚ੍ਚਕੁਟਿਂ ਪવਿਟ੍ਠਸ੍ਸ।
374. Vaccakuṭivatte evaṃ vinicchayo veditabboti yojanā. Ayanti dantakaṭṭhaṃ khādato vaccakaraṇaṃ. Sabbatthevāti sabbasmiṃ eva ṭhāne. ‘‘Na pharusena kaṭṭhenā’’ti ettha na kevalaṃ kharakaṭṭhameva, phālitakaṭṭhādayopi chaviavalekhanakaṭṭhā pharusāyeva nāmāti dassento āha ‘‘phālitakaṭṭhena vā’’tiādi. Paviṭṭhassāti vaccakuṭiṃ paviṭṭhassa.
ਸਬ੍ਬਸਾਧਾਰਣਟ੍ਠਾਨਨ੍ਤਿ ਸਬ੍ਬੇਸਂ ਭਿਕ੍ਖੂਨਂ, ਸਬ੍ਬੇਹਿ વਾ ਸਾਧਾਰਣਂ વਚ੍ਚਕੁਟਿਸਙ੍ਖਾਤਂ ਠਾਨਂ। ਤਤ੍ਰਾਤਿ ਤਸ੍ਮਿਂ ਸਬ੍ਬਸਾਧਾਰਣੇ ਠਾਨੇ। ਨਿਬਦ੍ਧਗਮਨਤ੍ਥਾਯਾਤਿ ਅਤ੍ਤਨੋ ਨਿਬਦ੍ਧਗਮਨਤ੍ਥਾਯ ਕਤਂ ਯਂ ਠਾਨਂ વਾ ਯਂ ਪੁਗ੍ਗਲਿਕਟ੍ਠਾਨਂ વਾ ਹੋਤੀਤਿ ਯੋਜਨਾ।
Sabbasādhāraṇaṭṭhānanti sabbesaṃ bhikkhūnaṃ, sabbehi vā sādhāraṇaṃ vaccakuṭisaṅkhātaṃ ṭhānaṃ. Tatrāti tasmiṃ sabbasādhāraṇe ṭhāne. Nibaddhagamanatthāyāti attano nibaddhagamanatthāya kataṃ yaṃ ṭhānaṃ vā yaṃ puggalikaṭṭhānaṃ vā hotīti yojanā.
ਉਹਤਾਤਿ ਏਤ੍ਥ ਉਪੁਬ੍ਬੋ ਹਦਧਾਤੂਤਿ ਦਸ੍ਸੇਨ੍ਤੋ ਆਹ ‘‘ਉਹਦਿਤਾ’’ਤਿ। ‘‘ਹਦ ਕਰੀਸੋਸ੍ਸਗ੍ਗੇ’’ਤਿ ਧਾਤੁਪਾਠੇਸੁ (ਪਾਣਿਨੀ ੯੭੭ ਧਾਤੁਪਾਠੇ; ਸਦ੍ਦਨੀਤਿਧਾਤੁਮਾਲਾਯਂ ੧੫ ਦਕਾਰਨ੍ਤਧਾਤੁ) વੁਤ੍ਤਤ੍ਤਾ વਚ੍ਚਕੂਪਤੋ ਬਹਿ ਕਰੀਸਸ੍ਸ ਓਸ੍ਸਜ੍ਜਨਨ੍ਤਿ ਆਹ ‘‘ਬਹਿ વਚ੍ਚਮਕ੍ਖਿਤਾ’’ਤਿ। ਧੋવਿਤਬ੍ਬਾਤਿ ਉਦਕੇਨ ਧੋવਿਤਬ੍ਬਾ। ਏਤਮ੍ਪੀਤਿ ਉਦਕਸ੍ਸ ਅવਿਜ੍ਜਮਾਨਮ੍ਪਿ। ਸਬ੍ਬਤ੍ਥਾਤਿ ਸਬ੍ਬਸ੍ਮਿਂ વਤ੍ਤਕ੍ਖਨ੍ਧਕੇ।
Uhatāti ettha upubbo hadadhātūti dassento āha ‘‘uhaditā’’ti. ‘‘Hada karīsossagge’’ti dhātupāṭhesu (pāṇinī 977 dhātupāṭhe; saddanītidhātumālāyaṃ 15 dakārantadhātu) vuttattā vaccakūpato bahi karīsassa ossajjananti āha ‘‘bahi vaccamakkhitā’’ti. Dhovitabbāti udakena dhovitabbā. Etampīti udakassa avijjamānampi. Sabbatthāti sabbasmiṃ vattakkhandhake.
ਇਤਿ વਤ੍ਤਕ੍ਖਨ੍ਧਕવਣ੍ਣਨਾਯ ਯੋਜਨਾ ਸਮਤ੍ਤਾ।
Iti vattakkhandhakavaṇṇanāya yojanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi
੯. ਜਨ੍ਤਾਘਰવਤ੍ਤਕਥਾ • 9. Jantāgharavattakathā
੧੦. વਚ੍ਚਕੁਟਿવਤ੍ਤਕਥਾ • 10. Vaccakuṭivattakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਜਨ੍ਤਾਘਰવਤ੍ਤਾਦਿਕਥਾ • Jantāgharavattādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / વਚ੍ਚਕੁਟਿવਤ੍ਤਕਥਾવਣ੍ਣਨਾ • Vaccakuṭivattakathāvaṇṇanā
