| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
9. ж̇анд̇аагхаравад̇д̇агат̇аа
9. Jantāgharavattakathā
371. д̇зна ко бана самаязна чаб̣б̣аг̇г̇ияаа бхигкуу ж̇анд̇аагхарз т̇зрзхи бхигкуухи ниваарияамаанаа анаад̣̇арияам̣ бадижжа бахууд̇ам̣ гадтам̣ ааробзд̇ваа аг̇г̇им̣ д̣̇ад̇ваа д̣̇ваарам̣ т̇агзд̇ваа д̣̇ваарз нисийд̣̇анд̇и. бхигкуу 1 ун̣хаабхид̇ад̇д̇аа д̣̇ваарам̣ алабхамаанаа мужчид̇аа бабад̇анд̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу ж̇анд̇аагхарз т̇зрзхи бхигкуухи ниваарияамаанаа анаад̣̇арияам̣ бадижжа бахууд̇ам̣ гадтам̣ ааробзд̇ваа аг̇г̇им̣ д̣̇ад̇ваа д̣̇ваарам̣ т̇агзд̇ваа д̣̇ваарз нисийд̣̇иссанд̇и! бхигкуу ун̣хаабхид̇ад̇д̇аа д̣̇ваарам̣ алабхамаанаа мужчид̇аа бабад̇анд̇ий’’д̇и. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира, бхигкавз, чаб̣б̣аг̇г̇ияаа бхигкуу ж̇анд̇аагхарз т̇зрзхи бхигкуухи ниваарияамаанаа анаад̣̇арияам̣ бадижжа бахууд̇ам̣ гадтам̣ ааробзд̇ваа аг̇г̇им̣ д̣̇ад̇ваа д̣̇ваарам̣ т̇агзд̇ваа д̣̇ваарз нисийд̣̇анд̇и; бхигкуу ун̣хаабхид̇ад̇д̇аа д̣̇ваарам̣ алабхамаанаа мужчид̇аа бабад̇анд̇ий’’д̇и? ‘‘сажжам̣ бхаг̇аваа’’д̇и…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на , бхигкавз, ж̇анд̇аагхарз т̇зрзна бхигкунаа ниваарияамаанзна анаад̣̇арияам̣ бадижжа бахууд̇ам̣ гадтам̣ ааробзд̇ваа аг̇г̇и д̣̇аад̇аб̣б̣о. яо д̣̇ад̣̇зяяа, аабад̇д̇и д̣̇уггадасса. на, бхигкавз, д̣̇ваарам̣ т̇агзд̇ваа д̣̇ваарз нисийд̣̇ид̇аб̣б̣ам̣. яо нисийд̣̇зяяа, аабад̇д̇и д̣̇уггадасса.
371. Tena kho pana samayena chabbaggiyā bhikkhū jantāghare therehi bhikkhūhi nivāriyamānā anādariyaṃ paṭicca pahūtaṃ kaṭṭhaṃ āropetvā aggiṃ datvā dvāraṃ thaketvā dvāre nisīdanti. Bhikkhū 2 uṇhābhitattā dvāraṃ alabhamānā mucchitā papatanti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū jantāghare therehi bhikkhūhi nivāriyamānā anādariyaṃ paṭicca pahūtaṃ kaṭṭhaṃ āropetvā aggiṃ datvā dvāraṃ thaketvā dvāre nisīdissanti! Bhikkhū uṇhābhitattā dvāraṃ alabhamānā mucchitā papatantī’’ti. Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave, chabbaggiyā bhikkhū jantāghare therehi bhikkhūhi nivāriyamānā anādariyaṃ paṭicca pahūtaṃ kaṭṭhaṃ āropetvā aggiṃ datvā dvāraṃ thaketvā dvāre nisīdanti; bhikkhū uṇhābhitattā dvāraṃ alabhamānā mucchitā papatantī’’ti? ‘‘Saccaṃ bhagavā’’ti…pe… vigarahitvā…pe… dhammiṃ kathaṃ katvā bhikkhū āmantesi – ‘‘na , bhikkhave, jantāghare therena bhikkhunā nivāriyamānena anādariyaṃ paṭicca pahūtaṃ kaṭṭhaṃ āropetvā aggi dātabbo. Yo dadeyya, āpatti dukkaṭassa. Na, bhikkhave, dvāraṃ thaketvā dvāre nisīditabbaṃ. Yo nisīdeyya, āpatti dukkaṭassa.
372. ‘‘д̇зна хи, бхигкавз, бхигкуунам̣ ж̇анд̇аагхаравад̇д̇ам̣ бан̃н̃абзссаами яат̇аа бхигкуухи ж̇анд̇аагхарз саммаа вад̇д̇ид̇аб̣б̣ам̣. яо батамам̣ ж̇анд̇аагхарам̣ г̇ажчад̇и, сажз чааригаа уссаннаа ход̇и, чааригаа чад̣д̣зд̇аб̣б̣аа. сажз ж̇анд̇аагхарам̣ углаабам̣ ход̇и, ж̇анд̇аагхарам̣ саммаж̇ж̇ид̇аб̣б̣ам̣. сажз барибхан̣д̣ам̣ углаабам̣ ход̇и, барибхан̣д̣ам̣ саммаж̇ж̇ид̇аб̣б̣ам̣. сажз баривзн̣ам̣ углаабам̣ ход̇и, баривзн̣ам̣ саммаж̇ж̇ид̇аб̣б̣ам̣. сажз годтаго углаабо ход̇и, годтаго саммаж̇ж̇ид̇аб̣б̣о . сажз ж̇анд̇аагхарасаалаа углаабаа ход̇и, ж̇анд̇аагхарасаалаа саммаж̇ж̇ид̇аб̣б̣аа.
372. ‘‘Tena hi, bhikkhave, bhikkhūnaṃ jantāgharavattaṃ paññapessāmi yathā bhikkhūhi jantāghare sammā vattitabbaṃ. Yo paṭhamaṃ jantāgharaṃ gacchati, sace chārikā ussannā hoti, chārikā chaḍḍetabbā. Sace jantāgharaṃ uklāpaṃ hoti, jantāgharaṃ sammajjitabbaṃ. Sace paribhaṇḍaṃ uklāpaṃ hoti, paribhaṇḍaṃ sammajjitabbaṃ. Sace pariveṇaṃ uklāpaṃ hoti, pariveṇaṃ sammajjitabbaṃ. Sace koṭṭhako uklāpo hoti, koṭṭhako sammajjitabbo . Sace jantāgharasālā uklāpā hoti, jantāgharasālā sammajjitabbā.
‘‘жун̣н̣ам̣ саннзд̇аб̣б̣ам̣, мад̇д̇игаа д̇змзд̇аб̣б̣аа, уд̣̇агад̣̇он̣игааяа уд̣̇агам̣ аасин̃жид̇аб̣б̣ам̣. ж̇анд̇аагхарам̣ бависанд̇зна мад̇д̇игааяа мукам̣ магкзд̇ваа бурад̇о жа бажчад̇о жа бадижчаад̣̇зд̇ваа ж̇анд̇аагхарам̣ бависид̇аб̣б̣ам̣. на т̇зрз бхигкуу анубакаж̇ж̇а нисийд̣̇ид̇аб̣б̣ам̣. на наваа бхигкуу аасанзна бадиб̣аахид̇аб̣б̣аа. сажз уссахад̇и, ж̇анд̇аагхарз т̇зраанам̣ бхигкуунам̣ баригаммам̣ гаад̇аб̣б̣ам̣. ж̇анд̇аагхараа нигкаманд̇зна ж̇анд̇аагхарабийтам̣ аад̣̇ааяа бурад̇о жа бажчад̇о жа бадижчаад̣̇зд̇ваа ж̇анд̇аагхараа нигкамид̇аб̣б̣ам̣. сажз уссахад̇и, уд̣̇агзби т̇зраанам̣ бхигкуунам̣ баригаммам̣ гаад̇аб̣б̣ам̣. на т̇зраанам̣ бхигкуунам̣ бурад̇оби нахааяид̇аб̣б̣ам̣, на убарид̇оби нахааяид̇аб̣б̣ам̣. нахаад̇зна уд̇д̇аранд̇зна од̇аранд̇аанам̣ маг̇г̇о д̣̇аад̇аб̣б̣о. яо бажчаа ж̇анд̇аагхараа нигкамад̇и, сажз ж̇анд̇аагхарам̣ жигкаллам̣ ход̇и, д̇ховид̇аб̣б̣ам̣. мад̇д̇игаад̣̇он̣игам̣ д̇ховид̇ваа ж̇анд̇аагхарабийтам̣ бадисаамзд̇ваа аг̇г̇им̣ виж̇жхаабзд̇ваа д̣̇ваарам̣ т̇агзд̇ваа баггамид̇аб̣б̣ам̣. ид̣̇ам̣ ко, бхигкавз, бхигкуунам̣ ж̇анд̇аагхаравад̇д̇ам̣ яат̇аа бхигкуухи ж̇анд̇аагхарз саммаа вад̇д̇ид̇аб̣б̣а’’нд̇и.
‘‘Cuṇṇaṃ sannetabbaṃ, mattikā temetabbā, udakadoṇikāya udakaṃ āsiñcitabbaṃ. Jantāgharaṃ pavisantena mattikāya mukhaṃ makkhetvā purato ca pacchato ca paṭicchādetvā jantāgharaṃ pavisitabbaṃ. Na there bhikkhū anupakhajja nisīditabbaṃ. Na navā bhikkhū āsanena paṭibāhitabbā. Sace ussahati, jantāghare therānaṃ bhikkhūnaṃ parikammaṃ kātabbaṃ. Jantāgharā nikkhamantena jantāgharapīṭhaṃ ādāya purato ca pacchato ca paṭicchādetvā jantāgharā nikkhamitabbaṃ. Sace ussahati, udakepi therānaṃ bhikkhūnaṃ parikammaṃ kātabbaṃ. Na therānaṃ bhikkhūnaṃ puratopi nahāyitabbaṃ, na uparitopi nahāyitabbaṃ. Nahātena uttarantena otarantānaṃ maggo dātabbo. Yo pacchā jantāgharā nikkhamati, sace jantāgharaṃ cikkhallaṃ hoti, dhovitabbaṃ. Mattikādoṇikaṃ dhovitvā jantāgharapīṭhaṃ paṭisāmetvā aggiṃ vijjhāpetvā dvāraṃ thaketvā pakkamitabbaṃ. Idaṃ kho, bhikkhave, bhikkhūnaṃ jantāgharavattaṃ yathā bhikkhūhi jantāghare sammā vattitabba’’nti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ж̇анд̇аагхаравад̇д̇аад̣̇игат̇аа • Jantāgharavattādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. ж̇анд̇аагхаравад̇д̇аад̣̇игат̇аа • 9. Jantāgharavattādikathā
