| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. ж̇анд̇усуд̇д̇аван̣н̣анаа
5. Jantusuttavaṇṇanā
106. яз винаяз абагад̇ан̃н̃уно сам̣гилзсигзсу вод̣̇ааниязсу д̇хаммзсу на гусалаа яам̣ гин̃жи на гаарино виббадисаараб̣ахулаа. д̇зсам̣ ануббаннан̃жа уд̣̇д̇хажжам̣ уббаж̇ж̇ад̇и, уббаннан̃жа бхияяобхаавам̣ взбуллам̣ аабаж̇ж̇ад̇ийд̇и ааха ‘‘агаббияз габбияасан̃н̃ид̇ааяа…бз… уд̣̇д̇хажжабагад̇игаа’’д̇и. саараабхаавзна д̇ужчад̇д̇аа жа нал̣о вияаад̇и нал̣о, маанод̇и ааха ‘‘уннал̣аад̇и уг̇г̇ад̇анал̣аа’’д̇и. д̇знааха ‘‘удтид̇ад̇ужчамаанаа’’д̇и. маано хи сзяяасса сзяяод̇и сад̣̇исод̇и жа бавад̇д̇ияаа висзсад̇о д̇ужчо. жаабаллзнаад̇и жабалабхаавзна, д̇ан̣хаалолуббзнаад̇и ад̇т̇о. мукакараад̇и мукзна парусаа, парусаваад̣̇инод̇и ад̇т̇о. вигин̣н̣аваажаад̇и висадаважанаа, сампаббалаабад̇ааяа абарияанд̇аважанаа. д̇знааха ‘‘асам̣яад̇аважанаа’’д̇иаад̣̇и. жан̣д̣асод̇з б̣ад̣̇д̇ханааваасад̣̇исаад̇и зд̇зна анавадтид̇агирияад̇ам̣ д̣̇ассзд̇и. язна саманнааг̇ад̇аа сад̇д̇аа згасмим̣ таанз таад̇ум̣ ваа нисийд̣̇ид̇ум̣ ваа на саггонд̇и, ид̇о жид̇о жа вижаранд̇и. анавадтид̇ажид̇д̇аад̇и згасмим̣ аарамман̣з на авадтид̇ажид̇д̇аа. вивадаинд̣̇рияаад̇и асам̣вуд̇ажагкаад̣̇иинд̣̇рияаа.
106. Ye vinaye apakataññuno saṃkilesikesu vodāniyesu dhammesu na kusalā yaṃ kiñci na kārino vippaṭisārabahulā. Tesaṃ anuppannañca uddhaccaṃ uppajjati, uppannañca bhiyyobhāvaṃ vepullaṃ āpajjatīti āha ‘‘akappiye kappiyasaññitāya…pe… uddhaccapakatikā’’ti. Sārābhāvena tucchattā ca naḷo viyāti naḷo, mānoti āha ‘‘unnaḷāti uggatanaḷā’’ti. Tenāha ‘‘uṭṭhitatucchamānā’’ti. Māno hi seyyassa seyyoti sadisoti ca pavattiyā visesato tuccho. Cāpallenāti capalabhāvena, taṇhāloluppenāti attho. Mukhakharāti mukhena pharusā, pharusavādinoti attho. Vikiṇṇavācāti visaṭavacanā, samphappalāpatāya apariyantavacanā. Tenāha ‘‘asaṃyatavacanā’’tiādi. Caṇḍasote baddhanāvāsadisāti etena anavaṭṭhitakiriyataṃ dasseti. Yena samannāgatā sattā ekasmiṃ ṭhāne ṭhātuṃ vā nisīdituṃ vā na sakkonti, ito cito ca vicaranti. Anavaṭṭhitacittāti ekasmiṃ ārammaṇe na avaṭṭhitacittā. Vivaṭaindriyāti asaṃvutacakkhādiindriyā.
г̇ун̣агат̇ааяа сад̣̇д̇хим̣ гат̇ияамаано ниг̇г̇ун̣асса аг̇ун̣о баагадо ход̇и ж̇аад̇иман̣исамийбз тид̇асса вияа гаажаман̣ино д̣̇осо. сукаж̇ийвинод̇и сукз тид̇аа. яат̇аа д̣̇ааяагаанам̣ субхарам̣ ход̇и, звам̣ сукзна агижчзна бавад̇д̇аж̇ийвигаа. д̇знааха ‘‘буб̣б̣з бхигкуу’’д̇иаад̣̇и.
Guṇakathāya saddhiṃ kathiyamāno nigguṇassa aguṇo pākaṭo hoti jātimaṇisamīpe ṭhitassa viya kācamaṇino doso. Sukhajīvinoti sukhe ṭhitā. Yathā dāyakānaṃ subharaṃ hoti, evaṃ sukhena akicchena pavattajīvikā. Tenāha ‘‘pubbe bhikkhū’’tiādi.
ад̇д̇ано руживасзна г̇аамагижжам̣ нзд̇ийд̇и г̇ааман̣и, д̇з бана хийл̣знд̇о вад̣̇ад̇и ‘‘г̇ааман̣игаа’’д̇и. виссаж̇ж̇зд̇ваад̇и сад̇ивоссаг̇г̇авасзна виссаж̇ж̇зд̇ваа гилзсамужчааяаад̇и махижчаасан̇каад̇ааяа д̇ан̣хаамужчааяа. сийлаванд̇аанам̣язва хи д̣̇уббадибад̇д̇им̣ санд̇хааяа д̣̇звабуд̇д̇о вад̣̇ад̇и. вад̇д̇аб̣б̣аяуд̇д̇агзязваад̇и оваад̣̇зна маяаа ануг̇г̇ахзд̇аб̣б̣амзва. чад̣д̣ид̇агаад̇и барижжад̇д̇аа аажарияубаж̇жхааяаад̣̇ийхи. д̇ад̇о зва анаат̇аа аббад̇идтаа. бзд̇аад̇и виг̇ад̇аж̇ийвид̇аа мад̇аа. яат̇аа бзд̇аа, д̇ат̇зва хонд̇и ад̇д̇ахид̇аасамад̇т̇ад̇ааяа вин̃н̃уунам̣ ж̇иг̇ужчид̇аб̣б̣ад̇ааяа жа.
Attano rucivasena gāmakiccaṃ netīti gāmaṇi, te pana hīḷento vadati ‘‘gāmaṇikā’’ti. Vissajjetvāti sativossaggavasena vissajjetvā kilesamucchāyāti mahicchāsaṅkhātāya taṇhāmucchāya. Sīlavantānaṃyeva hi duppaṭipattiṃ sandhāya devaputto vadati. Vattabbayuttakeyevāti ovādena mayā anuggahetabbameva. Chaḍḍitakāti pariccattā ācariyupajjhāyādīhi. Tato eva anāthā appatiṭṭhā. Petāti vigatajīvitā matā. Yathā petā, tatheva honti attahitāsamatthatāya viññūnaṃ jigucchitabbatāya ca.
ж̇анд̇усуд̇д̇аван̣н̣анаа нидтид̇аа.
Jantusuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. ж̇анд̇усуд̇д̇ам̣ • 5. Jantusuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. ж̇анд̇усуд̇д̇аван̣н̣анаа • 5. Jantusuttavaṇṇanā
