| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. ж̇аан̣уссон̣иб̣раахман̣асуд̇д̇аван̣н̣анаа
4. Jāṇussoṇibrāhmaṇasuttavaṇṇanā
4. вал̣аваабхи-сад̣̇д̣̇о вал̣аваабарияааяод̇и ааха ‘‘жад̇уухи вал̣аваахи яуд̇д̇арат̇знаа’’д̇и. яод̇харат̇од̇и яод̇хзхи яуж̇жханад̇т̇ам̣ аарохид̇аб̣б̣арат̇о. алан̇гаарарат̇о ман̇г̇алад̣̇ивасзсу алан̇гад̇абадияад̇д̇зхи аарохид̇аб̣б̣арат̇о. гханад̣̇угулзна бариваарид̇од̇и раж̇ад̇абаддаван̣н̣зна сзд̇ад̣̇угулзна бадижчаад̣̇ид̇о. бадижчаад̣̇анад̇т̇о хи ид̇ха бариваарасад̣̇д̣̇о. раж̇ад̇абанаал̣исубаригкид̇д̇аа сзд̇абхаавагаран̣ад̇т̇ам̣.
4.Vaḷavābhi-saddo vaḷavāpariyāyoti āha ‘‘catūhi vaḷavāhi yuttarathenā’’ti. Yodharathoti yodhehi yujjhanatthaṃ ārohitabbaratho. Alaṅkāraratho maṅgaladivasesu alaṅkatapaṭiyattehi ārohitabbaratho. Ghanadukulena parivāritoti rajatapaṭṭavaṇṇena setadukulena paṭicchādito. Paṭicchādanattho hi idha parivārasaddo. Rajatapanāḷisuparikkhittā setabhāvakaraṇatthaṃ.
чаннам̣ чаннам̣ маасаананд̇и нид̣̇д̇хааран̣з саамиважанам̣. згаваарам̣ наг̇арам̣ бад̣̇агкин̣ам̣ гарод̇ийд̇и ид̣̇ам̣ д̇асмим̣ таананд̇арз тид̇зна гаад̇аб̣б̣ам̣ жаарид̇д̇ам̣. наг̇арад̇о на багганд̇аад̇и наг̇арад̇о б̣ахи на г̇ад̇аа. ман̇г̇алаважанз нияуд̇д̇аа ман̇г̇алигаа, сувад̇т̇иважанз нияуд̇д̇аа совад̇т̇игаа. аад̣̇и-сад̣̇д̣̇зна т̇уд̇имааг̇ад̇хаванд̣̇игаажарияагз сан̇г̇ан̣хаад̇и. сугабад̇д̇асад̣̇исаани ван̣н̣ад̇о.
Channaṃ channaṃ māsānanti niddhāraṇe sāmivacanaṃ. Ekavāraṃ nagaraṃ padakkhiṇaṃ karotīti idaṃ tasmiṃ ṭhānantare ṭhitena kātabbaṃ cārittaṃ. Nagarato na pakkantāti nagarato bahi na gatā. Maṅgalavacane niyuttā maṅgalikā, suvatthivacane niyuttā sovatthikā. Ādi-saddena thutimāgadhavandikācariyake saṅgaṇhāti. Sukapattasadisāni vaṇṇato.
ван̣н̣аг̇ийд̇анд̇и т̇уд̇иг̇ийд̇ам̣. б̣рахмабхууд̇ам̣ сздтабхууд̇ам̣ яаанам̣, б̣рахмабхууд̇аанам̣ сздтабхууд̇аанам̣ яаананд̇и ваа б̣рахмаяаанам̣. виж̇ид̇ад̇д̇аа висзсзна ж̇инанад̇о. рааг̇ам̣ винаяамаанаа барияосаабзд̇ийд̇и саб̣б̣амби рааг̇ам̣ самужчзд̣̇авинаяавасзна винзд̇и, ад̇д̇ано гижжам̣ барияосаабзд̇и. гижжабарияосаабанзнзва хи саяамби барияосаанам̣ нибпад̇д̇им̣ убаг̇ажчад̇и. д̇знааха ‘‘барияосаанам̣ г̇ажчад̇и нибпаж̇ж̇ад̇ий’’д̇и.
Vaṇṇagītanti thutigītaṃ. Brahmabhūtaṃ seṭṭhabhūtaṃ yānaṃ, brahmabhūtānaṃ seṭṭhabhūtānaṃ yānanti vā brahmayānaṃ. Vijitattā visesena jinanato. Rāgaṃ vinayamānā pariyosāpetīti sabbampi rāgaṃ samucchedavinayavasena vineti, attano kiccaṃ pariyosāpeti. Kiccapariyosāpaneneva hi sayampi pariyosānaṃ nipphattiṃ upagacchati. Tenāha ‘‘pariyosānaṃ gacchati nipphajjatī’’ti.
д̇хуранд̇и бхуммад̇т̇з убаяог̇аважананд̇и ааха ‘‘д̇ад̇рамаж̇жхад̇д̇ад̇ааяуг̇з яуд̇д̇аа’’д̇и. ийсаад̇и яуг̇асанд̇хааригаа д̣̇ааруяуг̇ал̣аа. яат̇аа ваа б̣аахирам̣ яуг̇ам̣ д̇хаарзд̇и, д̇ассаа тид̇ааяа зва гижжасид̣̇д̇хи, звам̣ гирияаавасзна лад̣̇д̇хаб̣алзна д̇ад̇рамаж̇жхад̇д̇ад̇ааяуг̇з т̇ирам̣ д̇хаарзд̇и, д̇зхзва арияамаг̇г̇арат̇асса бавад̇д̇анам̣. хириг̇г̇ахан̣зна жзд̇т̇а д̇ам̣сахажаран̣ад̇о од̇д̇аббамби г̇ахид̇ам̣язва ход̇и. д̇знааха ‘‘ад̇д̇анаа сад̣̇д̇хи’’нд̇иаад̣̇и. наал̣ияаа минамаано бурисо вияа аарамман̣ам̣ минаад̇ийд̇и мано. гад̇арам̣ бана д̇ам̣ мано, гат̇ан̃жасса яод̇д̇асад̣̇исад̇аад̇и ааха ‘‘вибассанаажид̇д̇а’’нд̇иаад̣̇и. д̇зна яод̇д̇ам̣ вияаад̇и яод̇д̇анд̇и д̣̇ассзд̇и. логияавибассанаажид̇д̇ам̣ ад̇ирзгабан̃н̃ааса гусалад̇хаммз згааб̣ад̣̇д̇хз згасан̇г̇ахид̇з гарод̇ийд̇и самб̣анд̇хо. д̇з бана ‘‘пассо ход̇и…бз… авигкзбо ход̇ий’’д̇и жид̇д̇ан̇г̇авасзна д̇хаммасан̇г̇ахз (д̇ха. са. 1) ааг̇ад̇анаязнзва взд̣̇ид̇аб̣б̣аа. логуд̇д̇аравибассанаажид̇д̇анд̇и маг̇г̇ажид̇д̇ам̣ ааха. ад̇ирзгасадтийд̇и д̇з зва саммаагамманд̇ааж̇ийвзхи анан̃н̃аад̇ан̃н̃ассаамийд̇инд̣̇рияаад̣̇ийхи жа сад̣̇д̇хим̣ ад̇ирзгасадти гусалад̇хаммз. згааб̣ад̣̇д̇хзд̇и згасмим̣ зва аарамман̣з ааб̣ад̣̇д̇хз. згасан̇г̇ахзд̇и д̇ат̇зва вибассанаагижжавасзна згасан̇г̇ахз гарод̇и. буб̣б̣ан̇г̇амабхаавзна аарагкам̣ саарзд̇ийд̇и аарагкасаарат̇ий. ‘‘яат̇аа хи рат̇асса…бз… саарат̇ий’’д̇и вад̇ваа д̇ам̣ д̣̇ассзд̇ум̣ ‘‘яог̇г̇ияо’’д̇и вуд̇д̇ам̣. д̇хурам̣ ваахзд̇и яог̇г̇з. яож̇зд̇и яог̇г̇з самаг̇ад̇ияан̃жа. агкам̣ аб̣бхан̃ж̇ад̇и сукаббавад̇д̇анад̇т̇ам̣. рат̇ам̣ бзсзд̇и яог̇г̇ажод̣̇анзна. ниб̣б̣исзванз гарод̇и г̇аманавийт̇ияам̣ бадибаад̣̇анзна саннияож̇зд̇и. аарагкабажжубадтаанаад̇и аарагкам̣ бажжубадтабзд̇и асаммосасабхаавад̇д̇аа. г̇ад̇ияод̇и бавад̇д̇ияо, нибпад̇д̇ияо ваа. саманвзсад̇ийд̇и г̇авзсад̇и.
Dhuranti bhummatthe upayogavacananti āha ‘‘tatramajjhattatāyuge yuttā’’ti. Īsāti yugasandhārikā dāruyugaḷā. Yathā vā bāhiraṃ yugaṃ dhāreti, tassā ṭhitāya eva kiccasiddhi, evaṃ kiriyāvasena laddhabalena tatramajjhattatāyuge thiraṃ dhāreti, teheva ariyamaggarathassa pavattanaṃ. Hiriggahaṇena cettha taṃsahacaraṇato ottappampi gahitaṃyeva hoti. Tenāha ‘‘attanā saddhi’’ntiādi. Nāḷiyā minamāno puriso viya ārammaṇaṃ minātīti mano. Kataraṃ pana taṃ mano, kathañcassa yottasadisatāti āha ‘‘vipassanācitta’’ntiādi. Tena yottaṃ viyāti yottanti dasseti. Lokiyavipassanācittaṃ atirekapaññāsa kusaladhamme ekābaddhe ekasaṅgahite karotīti sambandho. Te pana ‘‘phasso hoti…pe… avikkhepo hotī’’ti cittaṅgavasena dhammasaṅgahe (dha. sa. 1) āgatanayeneva veditabbā. Lokuttaravipassanācittanti maggacittaṃ āha. Atirekasaṭṭhīti te eva sammākammantājīvehi anaññātaññassāmītindriyādīhi ca saddhiṃ atirekasaṭṭhi kusaladhamme. Ekābaddheti ekasmiṃ eva ārammaṇe ābaddhe. Ekasaṅgaheti tatheva vipassanākiccavasena ekasaṅgahe karoti. Pubbaṅgamabhāvena ārakkhaṃ sāretīti ārakkhasārathī. ‘‘Yathā hi rathassa…pe… sārathī’’ti vatvā taṃ dassetuṃ ‘‘yoggiyo’’ti vuttaṃ. Dhuraṃ vāheti yogge. Yojeti yogge samagatiyañca. Akkhaṃ abbhañjati sukhappavattanatthaṃ. Rathaṃ peseti yoggacodanena. Nibbisevane karoti gamanavīthiyaṃ paṭipādanena sanniyojeti. Ārakkhapaccupaṭṭhānāti ārakkhaṃ paccupaṭṭhapeti asammosasabhāvattā. Gatiyoti pavattiyo, nipphattiyo vā. Samanvesatīti gavesati.
арияабуг̇г̇аласса ниб̣б̣аанам̣ бадимукам̣ самбаабанз рат̇о вияаад̇и рат̇о. баригарод̇и вибхуусаяад̇ийд̇и баригкааро, вибхуусанам̣, сийлан̃жа арияамаг̇г̇асса вибхуусанадтаанияам̣. д̇зна вуд̇д̇ам̣ ‘‘жад̇убаарисуд̣̇д̇хисийлаалан̇гааро’’д̇и, сийлабхуусанод̇и ад̇т̇о. вибассанаасамбаяуд̇д̇аананд̇и логияааяа логуд̇д̇арааяа жа вибассанааяа самбаяуд̇д̇аанам̣. вид̇хинаа ийрзд̇аб̣б̣ад̇о бавад̇д̇зд̇аб̣б̣ад̇о вийрияам̣, саммаавааяаамо. самам̣ саммаа жа д̇хияад̇ийд̇и самаад̇хи, д̇хуран̃жа д̇ам̣ самаад̇хи жаад̇и д̇хурасамаад̇хи, убзгкаа д̇хурасамаад̇хи зд̇ассаад̇и убзгкаад̇хурасамаад̇хи, арияамаг̇г̇о убзгкаасан̇каад̇ад̇хурасамаад̇хийд̇и ад̇т̇о. адтагат̇ааяам̣ бана б̣яан̃ж̇анам̣ анаад̣̇ияид̇ваа д̇хурасамаад̇хисад̣̇д̣̇аанам̣ бхиннаад̇хигаран̣ад̇аа вуд̇д̇аа. баяог̇амаж̇жхад̇д̇зд̇и вийрияасамад̇ааяа. анижчаад̇и ижчаабадибагкаа. д̇знааха ‘‘алобхасан̇каад̇аа’’д̇и. баривааран̣анд̇и баривааро, барижчад̣̇од̇и ад̇т̇о.
Ariyapuggalassa nibbānaṃ paṭimukhaṃ sampāpane ratho viyāti ratho. Parikaroti vibhūsayatīti parikkhāro, vibhūsanaṃ, sīlañca ariyamaggassa vibhūsanaṭṭhāniyaṃ. Tena vuttaṃ ‘‘catupārisuddhisīlālaṅkāro’’ti, sīlabhūsanoti attho. Vipassanāsampayuttānanti lokiyāya lokuttarāya ca vipassanāya sampayuttānaṃ. Vidhinā īretabbato pavattetabbato vīriyaṃ, sammāvāyāmo. Samaṃ sammā ca dhiyatīti samādhi, dhurañca taṃ samādhi cāti dhurasamādhi, upekkhā dhurasamādhi etassāti upekkhādhurasamādhi, ariyamaggo upekkhāsaṅkhātadhurasamādhīti attho. Aṭṭhakathāyaṃ pana byañjanaṃ anādiyitvā dhurasamādhisaddānaṃ bhinnādhikaraṇatā vuttā. Payogamajjhatteti vīriyasamatāya. Anicchāti icchāpaṭipakkhā. Tenāha ‘‘alobhasaṅkhātā’’ti. Parivāraṇanti parivāro, paricchadoti attho.
мзд̇д̇аад̇и мзд̇д̇аажзд̇овимуд̇д̇и. д̇ат̇аа гарун̣аа. буб̣б̣абхааг̇од̇и убхиннамби убажааро. д̣̇взби гааяажид̇д̇авивзгаа вияа буб̣б̣абхааг̇ад̇хаммавасзна вуд̇д̇аа. арияамаг̇г̇арат̇зд̇и барисуд̣̇д̇хамаг̇г̇асан̇каад̇з рат̇з. арияамаг̇г̇арат̇о жа маг̇г̇арат̇о жаад̇и арияамаг̇г̇арат̇о, звам̣ згасзсанаязна ваа ад̇т̇о взд̣̇ид̇аб̣б̣о. д̇знааха ‘‘имасмим̣ логияалогуд̇д̇арамаг̇г̇арат̇з тид̇о’’д̇и. саннад̣̇д̇хажаммод̇и яог̇ааважарасса бадимуггажаммам̣. на нам̣ д̇з виж̇жханд̇ийд̇и важанабат̇аа на нам̣ виж̇жханд̇и. д̇хаммабхзд̣̇анавасзна на бхан̃ж̇ад̇и, д̇асса арияамаг̇г̇асса рат̇асса саммаа яож̇ид̇асса анд̇араа бхан̇г̇о над̇т̇ийд̇и ад̇т̇о.
Mettāti mettācetovimutti. Tathā karuṇā. Pubbabhāgoti ubhinnampi upacāro. Dvepi kāyacittavivekā viya pubbabhāgadhammavasena vuttā. Ariyamaggaratheti parisuddhamaggasaṅkhāte rathe. Ariyamaggaratho ca maggaratho cāti ariyamaggaratho, evaṃ ekasesanayena vā attho veditabbo. Tenāha ‘‘imasmiṃ lokiyalokuttaramaggarathe ṭhito’’ti. Sannaddhacammoti yogāvacarassa paṭimukkacammaṃ. Na naṃ te vijjhantīti vacanapathā na naṃ vijjhanti. Dhammabhedanavasena na bhañjati, tassa ariyamaggassa rathassa sammā yojitassa antarā bhaṅgo natthīti attho.
ад̇д̇ано бурисагаарам̣ ниссааяа лад̣̇д̇хад̇д̇аа ад̇д̇ано санд̇аанзд̇и ад̇хиббааяо. ануд̇д̇аранд̇и уд̇д̇арарахид̇ам̣. д̇ад̇о зва сздтаяаанам̣, насса гзнажи сад̣̇исанд̇и асад̣̇исам̣. д̇хид̇исамбаннад̇ааяа д̇хийраа бан̣д̣ид̇абурисаа логамхаа нияяанд̇и г̇ажчанд̇и. ‘‘ж̇аяам̣ ж̇аяа’’нд̇и г̇аат̇ааяам̣ важанавибаллаасзна вуд̇д̇анд̇и ааха ‘‘ж̇инанд̇аа ж̇инанд̇аа’’д̇и.
Attano purisakāraṃ nissāya laddhattā attano santāneti adhippāyo. Anuttaranti uttararahitaṃ. Tato eva seṭṭhayānaṃ, nassa kenaci sadisanti asadisaṃ. Dhitisampannatāya dhīrā paṇḍitapurisālokamhā niyyanti gacchanti. ‘‘Jayaṃ jaya’’nti gāthāyaṃ vacanavipallāsena vuttanti āha ‘‘jinantā jinantā’’ti.
ж̇аан̣уссон̣иб̣раахман̣асуд̇д̇аван̣н̣анаа нидтид̇аа.
Jāṇussoṇibrāhmaṇasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. ж̇аан̣уссон̣иб̣раахман̣асуд̇д̇ам̣ • 4. Jāṇussoṇibrāhmaṇasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. ж̇аан̣уссон̣иб̣раахман̣асуд̇д̇аван̣н̣анаа • 4. Jāṇussoṇibrāhmaṇasuttavaṇṇanā
