| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. ਜਾਣੁਸ੍ਸੋਣਿਬ੍ਰਾਹ੍ਮਣਸੁਤ੍ਤવਣ੍ਣਨਾ
4. Jāṇussoṇibrāhmaṇasuttavaṇṇanā
੪. વਲ਼વਾਭਿ-ਸਦ੍ਦੋ વਲ਼વਾਪਰਿਯਾਯੋਤਿ ਆਹ ‘‘ਚਤੂਹਿ વਲ਼વਾਹਿ ਯੁਤ੍ਤਰਥੇਨਾ’’ਤਿ। ਯੋਧਰਥੋਤਿ ਯੋਧੇਹਿ ਯੁਜ੍ਝਨਤ੍ਥਂ ਆਰੋਹਿਤਬ੍ਬਰਥੋ। ਅਲਙ੍ਕਾਰਰਥੋ ਮਙ੍ਗਲਦਿવਸੇਸੁ ਅਲਙ੍ਕਤਪਟਿਯਤ੍ਤੇਹਿ ਆਰੋਹਿਤਬ੍ਬਰਥੋ। ਘਨਦੁਕੁਲੇਨ ਪਰਿવਾਰਿਤੋਤਿ ਰਜਤਪਟ੍ਟવਣ੍ਣੇਨ ਸੇਤਦੁਕੁਲੇਨ ਪਟਿਚ੍ਛਾਦਿਤੋ। ਪਟਿਚ੍ਛਾਦਨਤ੍ਥੋ ਹਿ ਇਧ ਪਰਿવਾਰਸਦ੍ਦੋ। ਰਜਤਪਨਾਲ਼ਿਸੁਪਰਿਕ੍ਖਿਤ੍ਤਾ ਸੇਤਭਾવਕਰਣਤ੍ਥਂ।
4.Vaḷavābhi-saddo vaḷavāpariyāyoti āha ‘‘catūhi vaḷavāhi yuttarathenā’’ti. Yodharathoti yodhehi yujjhanatthaṃ ārohitabbaratho. Alaṅkāraratho maṅgaladivasesu alaṅkatapaṭiyattehi ārohitabbaratho. Ghanadukulena parivāritoti rajatapaṭṭavaṇṇena setadukulena paṭicchādito. Paṭicchādanattho hi idha parivārasaddo. Rajatapanāḷisuparikkhittā setabhāvakaraṇatthaṃ.
ਛਨ੍ਨਂ ਛਨ੍ਨਂ ਮਾਸਾਨਨ੍ਤਿ ਨਿਦ੍ਧਾਰਣੇ ਸਾਮਿવਚਨਂ। ਏਕવਾਰਂ ਨਗਰਂ ਪਦਕ੍ਖਿਣਂ ਕਰੋਤੀਤਿ ਇਦਂ ਤਸ੍ਮਿਂ ਠਾਨਨ੍ਤਰੇ ਠਿਤੇਨ ਕਾਤਬ੍ਬਂ ਚਾਰਿਤ੍ਤਂ। ਨਗਰਤੋ ਨ ਪਕ੍ਕਨ੍ਤਾਤਿ ਨਗਰਤੋ ਬਹਿ ਨ ਗਤਾ। ਮਙ੍ਗਲવਚਨੇ ਨਿਯੁਤ੍ਤਾ ਮਙ੍ਗਲਿਕਾ, ਸੁવਤ੍ਥਿવਚਨੇ ਨਿਯੁਤ੍ਤਾ ਸੋવਤ੍ਥਿਕਾ। ਆਦਿ-ਸਦ੍ਦੇਨ ਥੁਤਿਮਾਗਧવਨ੍ਦਿਕਾਚਰਿਯਕੇ ਸਙ੍ਗਣ੍ਹਾਤਿ। ਸੁਕਪਤ੍ਤਸਦਿਸਾਨਿ વਣ੍ਣਤੋ।
Channaṃ channaṃ māsānanti niddhāraṇe sāmivacanaṃ. Ekavāraṃ nagaraṃ padakkhiṇaṃ karotīti idaṃ tasmiṃ ṭhānantare ṭhitena kātabbaṃ cārittaṃ. Nagarato na pakkantāti nagarato bahi na gatā. Maṅgalavacane niyuttā maṅgalikā, suvatthivacane niyuttā sovatthikā. Ādi-saddena thutimāgadhavandikācariyake saṅgaṇhāti. Sukapattasadisāni vaṇṇato.
વਣ੍ਣਗੀਤਨ੍ਤਿ ਥੁਤਿਗੀਤਂ। ਬ੍ਰਹ੍ਮਭੂਤਂ ਸੇਟ੍ਠਭੂਤਂ ਯਾਨਂ, ਬ੍ਰਹ੍ਮਭੂਤਾਨਂ ਸੇਟ੍ਠਭੂਤਾਨਂ ਯਾਨਨ੍ਤਿ વਾ ਬ੍ਰਹ੍ਮਯਾਨਂ। વਿਜਿਤਤ੍ਤਾ વਿਸੇਸੇਨ ਜਿਨਨਤੋ। ਰਾਗਂ વਿਨਯਮਾਨਾ ਪਰਿਯੋਸਾਪੇਤੀਤਿ ਸਬ੍ਬਮ੍ਪਿ ਰਾਗਂ ਸਮੁਚ੍ਛੇਦવਿਨਯવਸੇਨ વਿਨੇਤਿ, ਅਤ੍ਤਨੋ ਕਿਚ੍ਚਂ ਪਰਿਯੋਸਾਪੇਤਿ। ਕਿਚ੍ਚਪਰਿਯੋਸਾਪਨੇਨੇવ ਹਿ ਸਯਮ੍ਪਿ ਪਰਿਯੋਸਾਨਂ ਨਿਪ੍ਫਤ੍ਤਿਂ ਉਪਗਚ੍ਛਤਿ। ਤੇਨਾਹ ‘‘ਪਰਿਯੋਸਾਨਂ ਗਚ੍ਛਤਿ ਨਿਪ੍ਫਜ੍ਜਤੀ’’ਤਿ।
Vaṇṇagītanti thutigītaṃ. Brahmabhūtaṃ seṭṭhabhūtaṃ yānaṃ, brahmabhūtānaṃ seṭṭhabhūtānaṃ yānanti vā brahmayānaṃ. Vijitattā visesena jinanato. Rāgaṃ vinayamānā pariyosāpetīti sabbampi rāgaṃ samucchedavinayavasena vineti, attano kiccaṃ pariyosāpeti. Kiccapariyosāpaneneva hi sayampi pariyosānaṃ nipphattiṃ upagacchati. Tenāha ‘‘pariyosānaṃ gacchati nipphajjatī’’ti.
ਧੁਰਨ੍ਤਿ ਭੁਮ੍ਮਤ੍ਥੇ ਉਪਯੋਗવਚਨਨ੍ਤਿ ਆਹ ‘‘ਤਤ੍ਰਮਜ੍ਝਤ੍ਤਤਾਯੁਗੇ ਯੁਤ੍ਤਾ’’ਤਿ। ਈਸਾਤਿ ਯੁਗਸਨ੍ਧਾਰਿਕਾ ਦਾਰੁਯੁਗਲ਼ਾ। ਯਥਾ વਾ ਬਾਹਿਰਂ ਯੁਗਂ ਧਾਰੇਤਿ, ਤਸ੍ਸਾ ਠਿਤਾਯ ਏવ ਕਿਚ੍ਚਸਿਦ੍ਧਿ, ਏવਂ ਕਿਰਿਯਾવਸੇਨ ਲਦ੍ਧਬਲੇਨ ਤਤ੍ਰਮਜ੍ਝਤ੍ਤਤਾਯੁਗੇ ਥਿਰਂ ਧਾਰੇਤਿ, ਤੇਹੇવ ਅਰਿਯਮਗ੍ਗਰਥਸ੍ਸ ਪવਤ੍ਤਨਂ। ਹਿਰਿਗ੍ਗਹਣੇਨ ਚੇਤ੍ਥ ਤਂਸਹਚਰਣਤੋ ਓਤ੍ਤਪ੍ਪਮ੍ਪਿ ਗਹਿਤਂਯੇવ ਹੋਤਿ। ਤੇਨਾਹ ‘‘ਅਤ੍ਤਨਾ ਸਦ੍ਧਿ’’ਨ੍ਤਿਆਦਿ। ਨਾਲ਼ਿਯਾ ਮਿਨਮਾਨੋ ਪੁਰਿਸੋ વਿਯ ਆਰਮ੍ਮਣਂ ਮਿਨਾਤੀਤਿ ਮਨੋ। ਕਤਰਂ ਪਨ ਤਂ ਮਨੋ, ਕਥਞ੍ਚਸ੍ਸ ਯੋਤ੍ਤਸਦਿਸਤਾਤਿ ਆਹ ‘‘વਿਪਸ੍ਸਨਾਚਿਤ੍ਤ’’ਨ੍ਤਿਆਦਿ। ਤੇਨ ਯੋਤ੍ਤਂ વਿਯਾਤਿ ਯੋਤ੍ਤਨ੍ਤਿ ਦਸ੍ਸੇਤਿ। ਲੋਕਿਯવਿਪਸ੍ਸਨਾਚਿਤ੍ਤਂ ਅਤਿਰੇਕਪਞ੍ਞਾਸ ਕੁਸਲਧਮ੍ਮੇ ਏਕਾਬਦ੍ਧੇ ਏਕਸਙ੍ਗਹਿਤੇ ਕਰੋਤੀਤਿ ਸਮ੍ਬਨ੍ਧੋ। ਤੇ ਪਨ ‘‘ਫਸ੍ਸੋ ਹੋਤਿ…ਪੇ॰… ਅવਿਕ੍ਖੇਪੋ ਹੋਤੀ’’ਤਿ ਚਿਤ੍ਤਙ੍ਗવਸੇਨ ਧਮ੍ਮਸਙ੍ਗਹੇ (ਧ॰ ਸ॰ ੧) ਆਗਤਨਯੇਨੇવ વੇਦਿਤਬ੍ਬਾ। ਲੋਕੁਤ੍ਤਰવਿਪਸ੍ਸਨਾਚਿਤ੍ਤਨ੍ਤਿ ਮਗ੍ਗਚਿਤ੍ਤਂ ਆਹ। ਅਤਿਰੇਕਸਟ੍ਠੀਤਿ ਤੇ ਏવ ਸਮ੍ਮਾਕਮ੍ਮਨ੍ਤਾਜੀવੇਹਿ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਾਦੀਹਿ ਚ ਸਦ੍ਧਿਂ ਅਤਿਰੇਕਸਟ੍ਠਿ ਕੁਸਲਧਮ੍ਮੇ। ਏਕਾਬਦ੍ਧੇਤਿ ਏਕਸ੍ਮਿਂ ਏવ ਆਰਮ੍ਮਣੇ ਆਬਦ੍ਧੇ। ਏਕਸਙ੍ਗਹੇਤਿ ਤਥੇવ વਿਪਸ੍ਸਨਾਕਿਚ੍ਚવਸੇਨ ਏਕਸਙ੍ਗਹੇ ਕਰੋਤਿ। ਪੁਬ੍ਬਙ੍ਗਮਭਾવੇਨ ਆਰਕ੍ਖਂ ਸਾਰੇਤੀਤਿ ਆਰਕ੍ਖਸਾਰਥੀ। ‘‘ਯਥਾ ਹਿ ਰਥਸ੍ਸ…ਪੇ॰… ਸਾਰਥੀ’’ਤਿ વਤ੍વਾ ਤਂ ਦਸ੍ਸੇਤੁਂ ‘‘ਯੋਗ੍ਗਿਯੋ’’ਤਿ વੁਤ੍ਤਂ। ਧੁਰਂ વਾਹੇਤਿ ਯੋਗ੍ਗੇ। ਯੋਜੇਤਿ ਯੋਗ੍ਗੇ ਸਮਗਤਿਯਞ੍ਚ। ਅਕ੍ਖਂ ਅਬ੍ਭਞ੍ਜਤਿ ਸੁਖਪ੍ਪવਤ੍ਤਨਤ੍ਥਂ। ਰਥਂ ਪੇਸੇਤਿ ਯੋਗ੍ਗਚੋਦਨੇਨ। ਨਿਬ੍ਬਿਸੇવਨੇ ਕਰੋਤਿ ਗਮਨવੀਥਿਯਂ ਪਟਿਪਾਦਨੇਨ ਸਨ੍ਨਿਯੋਜੇਤਿ। ਆਰਕ੍ਖਪਚ੍ਚੁਪਟ੍ਠਾਨਾਤਿ ਆਰਕ੍ਖਂ ਪਚ੍ਚੁਪਟ੍ਠਪੇਤਿ ਅਸਮ੍ਮੋਸਸਭਾવਤ੍ਤਾ। ਗਤਿਯੋਤਿ ਪવਤ੍ਤਿਯੋ, ਨਿਪ੍ਫਤ੍ਤਿਯੋ વਾ। ਸਮਨ੍વੇਸਤੀਤਿ ਗવੇਸਤਿ।
Dhuranti bhummatthe upayogavacananti āha ‘‘tatramajjhattatāyuge yuttā’’ti. Īsāti yugasandhārikā dāruyugaḷā. Yathā vā bāhiraṃ yugaṃ dhāreti, tassā ṭhitāya eva kiccasiddhi, evaṃ kiriyāvasena laddhabalena tatramajjhattatāyuge thiraṃ dhāreti, teheva ariyamaggarathassa pavattanaṃ. Hiriggahaṇena cettha taṃsahacaraṇato ottappampi gahitaṃyeva hoti. Tenāha ‘‘attanā saddhi’’ntiādi. Nāḷiyā minamāno puriso viya ārammaṇaṃ minātīti mano. Kataraṃ pana taṃ mano, kathañcassa yottasadisatāti āha ‘‘vipassanācitta’’ntiādi. Tena yottaṃ viyāti yottanti dasseti. Lokiyavipassanācittaṃ atirekapaññāsa kusaladhamme ekābaddhe ekasaṅgahite karotīti sambandho. Te pana ‘‘phasso hoti…pe… avikkhepo hotī’’ti cittaṅgavasena dhammasaṅgahe (dha. sa. 1) āgatanayeneva veditabbā. Lokuttaravipassanācittanti maggacittaṃ āha. Atirekasaṭṭhīti te eva sammākammantājīvehi anaññātaññassāmītindriyādīhi ca saddhiṃ atirekasaṭṭhi kusaladhamme. Ekābaddheti ekasmiṃ eva ārammaṇe ābaddhe. Ekasaṅgaheti tatheva vipassanākiccavasena ekasaṅgahe karoti. Pubbaṅgamabhāvena ārakkhaṃ sāretīti ārakkhasārathī. ‘‘Yathā hi rathassa…pe… sārathī’’ti vatvā taṃ dassetuṃ ‘‘yoggiyo’’ti vuttaṃ. Dhuraṃ vāheti yogge. Yojeti yogge samagatiyañca. Akkhaṃ abbhañjati sukhappavattanatthaṃ. Rathaṃ peseti yoggacodanena. Nibbisevane karoti gamanavīthiyaṃ paṭipādanena sanniyojeti. Ārakkhapaccupaṭṭhānāti ārakkhaṃ paccupaṭṭhapeti asammosasabhāvattā. Gatiyoti pavattiyo, nipphattiyo vā. Samanvesatīti gavesati.
ਅਰਿਯਪੁਗ੍ਗਲਸ੍ਸ ਨਿਬ੍ਬਾਨਂ ਪਟਿਮੁਖਂ ਸਮ੍ਪਾਪਨੇ ਰਥੋ વਿਯਾਤਿ ਰਥੋ। ਪਰਿਕਰੋਤਿ વਿਭੂਸਯਤੀਤਿ ਪਰਿਕ੍ਖਾਰੋ, વਿਭੂਸਨਂ, ਸੀਲਞ੍ਚ ਅਰਿਯਮਗ੍ਗਸ੍ਸ વਿਭੂਸਨਟ੍ਠਾਨਿਯਂ। ਤੇਨ વੁਤ੍ਤਂ ‘‘ਚਤੁਪਾਰਿਸੁਦ੍ਧਿਸੀਲਾਲਙ੍ਕਾਰੋ’’ਤਿ, ਸੀਲਭੂਸਨੋਤਿ ਅਤ੍ਥੋ। વਿਪਸ੍ਸਨਾਸਮ੍ਪਯੁਤ੍ਤਾਨਨ੍ਤਿ ਲੋਕਿਯਾਯ ਲੋਕੁਤ੍ਤਰਾਯ ਚ વਿਪਸ੍ਸਨਾਯ ਸਮ੍ਪਯੁਤ੍ਤਾਨਂ। વਿਧਿਨਾ ਈਰੇਤਬ੍ਬਤੋ ਪવਤ੍ਤੇਤਬ੍ਬਤੋ વੀਰਿਯਂ, ਸਮ੍ਮਾવਾਯਾਮੋ। ਸਮਂ ਸਮ੍ਮਾ ਚ ਧਿਯਤੀਤਿ ਸਮਾਧਿ, ਧੁਰਞ੍ਚ ਤਂ ਸਮਾਧਿ ਚਾਤਿ ਧੁਰਸਮਾਧਿ, ਉਪੇਕ੍ਖਾ ਧੁਰਸਮਾਧਿ ਏਤਸ੍ਸਾਤਿ ਉਪੇਕ੍ਖਾਧੁਰਸਮਾਧਿ, ਅਰਿਯਮਗ੍ਗੋ ਉਪੇਕ੍ਖਾਸਙ੍ਖਾਤਧੁਰਸਮਾਧੀਤਿ ਅਤ੍ਥੋ। ਅਟ੍ਠਕਥਾਯਂ ਪਨ ਬ੍ਯਞ੍ਜਨਂ ਅਨਾਦਿਯਿਤ੍વਾ ਧੁਰਸਮਾਧਿਸਦ੍ਦਾਨਂ ਭਿਨ੍ਨਾਧਿਕਰਣਤਾ વੁਤ੍ਤਾ। ਪਯੋਗਮਜ੍ਝਤ੍ਤੇਤਿ વੀਰਿਯਸਮਤਾਯ। ਅਨਿਚ੍ਛਾਤਿ ਇਚ੍ਛਾਪਟਿਪਕ੍ਖਾ। ਤੇਨਾਹ ‘‘ਅਲੋਭਸਙ੍ਖਾਤਾ’’ਤਿ। ਪਰਿવਾਰਣਨ੍ਤਿ ਪਰਿવਾਰੋ, ਪਰਿਚ੍ਛਦੋਤਿ ਅਤ੍ਥੋ।
Ariyapuggalassa nibbānaṃ paṭimukhaṃ sampāpane ratho viyāti ratho. Parikaroti vibhūsayatīti parikkhāro, vibhūsanaṃ, sīlañca ariyamaggassa vibhūsanaṭṭhāniyaṃ. Tena vuttaṃ ‘‘catupārisuddhisīlālaṅkāro’’ti, sīlabhūsanoti attho. Vipassanāsampayuttānanti lokiyāya lokuttarāya ca vipassanāya sampayuttānaṃ. Vidhinā īretabbato pavattetabbato vīriyaṃ, sammāvāyāmo. Samaṃ sammā ca dhiyatīti samādhi, dhurañca taṃ samādhi cāti dhurasamādhi, upekkhā dhurasamādhi etassāti upekkhādhurasamādhi, ariyamaggo upekkhāsaṅkhātadhurasamādhīti attho. Aṭṭhakathāyaṃ pana byañjanaṃ anādiyitvā dhurasamādhisaddānaṃ bhinnādhikaraṇatā vuttā. Payogamajjhatteti vīriyasamatāya. Anicchāti icchāpaṭipakkhā. Tenāha ‘‘alobhasaṅkhātā’’ti. Parivāraṇanti parivāro, paricchadoti attho.
ਮੇਤ੍ਤਾਤਿ ਮੇਤ੍ਤਾਚੇਤੋવਿਮੁਤ੍ਤਿ। ਤਥਾ ਕਰੁਣਾ। ਪੁਬ੍ਬਭਾਗੋਤਿ ਉਭਿਨ੍ਨਮ੍ਪਿ ਉਪਚਾਰੋ। ਦ੍વੇਪਿ ਕਾਯਚਿਤ੍ਤવਿવੇਕਾ વਿਯ ਪੁਬ੍ਬਭਾਗਧਮ੍ਮવਸੇਨ વੁਤ੍ਤਾ। ਅਰਿਯਮਗ੍ਗਰਥੇਤਿ ਪਰਿਸੁਦ੍ਧਮਗ੍ਗਸਙ੍ਖਾਤੇ ਰਥੇ। ਅਰਿਯਮਗ੍ਗਰਥੋ ਚ ਮਗ੍ਗਰਥੋ ਚਾਤਿ ਅਰਿਯਮਗ੍ਗਰਥੋ, ਏવਂ ਏਕਸੇਸਨਯੇਨ વਾ ਅਤ੍ਥੋ વੇਦਿਤਬ੍ਬੋ। ਤੇਨਾਹ ‘‘ਇਮਸ੍ਮਿਂ ਲੋਕਿਯਲੋਕੁਤ੍ਤਰਮਗ੍ਗਰਥੇ ਠਿਤੋ’’ਤਿ। ਸਨ੍ਨਦ੍ਧਚਮ੍ਮੋਤਿ ਯੋਗਾવਚਰਸ੍ਸ ਪਟਿਮੁਕ੍ਕਚਮ੍ਮਂ। ਨ ਨਂ ਤੇ વਿਜ੍ਝਨ੍ਤੀਤਿ વਚਨਪਥਾ ਨ ਨਂ વਿਜ੍ਝਨ੍ਤਿ। ਧਮ੍ਮਭੇਦਨવਸੇਨ ਨ ਭਞ੍ਜਤਿ, ਤਸ੍ਸ ਅਰਿਯਮਗ੍ਗਸ੍ਸ ਰਥਸ੍ਸ ਸਮ੍ਮਾ ਯੋਜਿਤਸ੍ਸ ਅਨ੍ਤਰਾ ਭਙ੍ਗੋ ਨਤ੍ਥੀਤਿ ਅਤ੍ਥੋ।
Mettāti mettācetovimutti. Tathā karuṇā. Pubbabhāgoti ubhinnampi upacāro. Dvepi kāyacittavivekā viya pubbabhāgadhammavasena vuttā. Ariyamaggaratheti parisuddhamaggasaṅkhāte rathe. Ariyamaggaratho ca maggaratho cāti ariyamaggaratho, evaṃ ekasesanayena vā attho veditabbo. Tenāha ‘‘imasmiṃ lokiyalokuttaramaggarathe ṭhito’’ti. Sannaddhacammoti yogāvacarassa paṭimukkacammaṃ. Na naṃ te vijjhantīti vacanapathā na naṃ vijjhanti. Dhammabhedanavasena na bhañjati, tassa ariyamaggassa rathassa sammā yojitassa antarā bhaṅgo natthīti attho.
ਅਤ੍ਤਨੋ ਪੁਰਿਸਕਾਰਂ ਨਿਸ੍ਸਾਯ ਲਦ੍ਧਤ੍ਤਾ ਅਤ੍ਤਨੋ ਸਨ੍ਤਾਨੇਤਿ ਅਧਿਪ੍ਪਾਯੋ। ਅਨੁਤ੍ਤਰਨ੍ਤਿ ਉਤ੍ਤਰਰਹਿਤਂ। ਤਤੋ ਏવ ਸੇਟ੍ਠਯਾਨਂ, ਨਸ੍ਸ ਕੇਨਚਿ ਸਦਿਸਨ੍ਤਿ ਅਸਦਿਸਂ। ਧਿਤਿਸਮ੍ਪਨ੍ਨਤਾਯ ਧੀਰਾ ਪਣ੍ਡਿਤਪੁਰਿਸਾ ਲੋਕਮ੍ਹਾ ਨਿਯ੍ਯਨ੍ਤਿ ਗਚ੍ਛਨ੍ਤਿ। ‘‘ਜਯਂ ਜਯ’’ਨ੍ਤਿ ਗਾਥਾਯਂ વਚਨવਿਪਲ੍ਲਾਸੇਨ વੁਤ੍ਤਨ੍ਤਿ ਆਹ ‘‘ਜਿਨਨ੍ਤਾ ਜਿਨਨ੍ਤਾ’’ਤਿ।
Attano purisakāraṃ nissāya laddhattā attano santāneti adhippāyo. Anuttaranti uttararahitaṃ. Tato eva seṭṭhayānaṃ, nassa kenaci sadisanti asadisaṃ. Dhitisampannatāya dhīrā paṇḍitapurisālokamhā niyyanti gacchanti. ‘‘Jayaṃ jaya’’nti gāthāyaṃ vacanavipallāsena vuttanti āha ‘‘jinantā jinantā’’ti.
ਜਾਣੁਸ੍ਸੋਣਿਬ੍ਰਾਹ੍ਮਣਸੁਤ੍ਤવਣ੍ਣਨਾ ਨਿਟ੍ਠਿਤਾ।
Jāṇussoṇibrāhmaṇasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਜਾਣੁਸ੍ਸੋਣਿਬ੍ਰਾਹ੍ਮਣਸੁਤ੍ਤਂ • 4. Jāṇussoṇibrāhmaṇasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਜਾਣੁਸ੍ਸੋਣਿਬ੍ਰਾਹ੍ਮਣਸੁਤ੍ਤવਣ੍ਣਨਾ • 4. Jāṇussoṇibrāhmaṇasuttavaṇṇanā
