| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
11. ж̇аан̣уссон̣исуд̇д̇аван̣н̣анаа
11. Jāṇussoṇisuttavaṇṇanā
177. згаад̣̇асамз убагаббад̇ууд̇и баабун̣аад̇у. таанзд̇и огаасз. но адтаанзд̇и но аногаасз. нзраяигаанам̣ аахааро наама д̇ад̇т̇а ниб̣б̣ад̇д̇анагаммамзва. д̇знзва хи д̇з д̇ад̇т̇а яаабзнд̇и. д̇иражчаанаяонигаанам̣ бана д̇ин̣абан̣н̣аад̣̇ивасзна аахааро взд̣̇ид̇аб̣б̣о. мануссаанам̣ од̣̇анагуммаасаад̣̇ивасзна , д̣̇зваанам̣ суд̇хаабхож̇анаад̣̇ивасзна, бзд̇д̇ивзсаяигаанам̣ кзл̣асин̇гхаан̣игаад̣̇ивасзна. яам̣ ваа банасса ид̇о ануббавзжчанд̇ийд̇и яам̣ д̇асса мид̇д̇аад̣̇аяо ид̇о д̣̇ад̣̇анд̇аа анубавзсзнд̇и. бзд̇д̇ивзсаяигаа зва хи барад̣̇ад̇д̇уубаж̇ийвино хонд̇и, на ан̃н̃зсам̣ барзхи д̣̇иннам̣ убагаббад̇и. д̣̇ааяагоби анибпалод̇и яам̣ санд̇хааяа д̇ам̣ д̣̇аанам̣ д̣̇иннам̣, д̇асса убагаббад̇у ваа маа ваа, д̣̇ааяагзна бана на саггаа нибпалзна бхавид̇ум̣, д̣̇ааяаго д̇асса д̣̇аанасса вибаагам̣ лабхад̇иязва.
177. Ekādasame upakappatūti pāpuṇātu. Ṭhāneti okāse. No aṭṭhāneti no anokāse. Nerayikānaṃāhāro nāma tattha nibbattanakammameva. Teneva hi te tattha yāpenti. Tiracchānayonikānaṃ pana tiṇapaṇṇādivasena āhāro veditabbo. Manussānaṃ odanakummāsādivasena , devānaṃ sudhābhojanādivasena, pettivesayikānaṃ kheḷasiṅghāṇikādivasena. Yaṃ vā panassa ito anuppavecchantīti yaṃ tassa mittādayo ito dadantā anupavesenti. Pettivesayikā eva hi paradattūpajīvino honti, na aññesaṃ parehi dinnaṃ upakappati. Dāyakopi anipphaloti yaṃ sandhāya taṃ dānaṃ dinnaṃ, tassa upakappatu vā mā vā, dāyakena pana na sakkā nipphalena bhavituṃ, dāyako tassa dānassa vipākaṃ labhatiyeva.
адтаанзби бхавам̣ г̇од̇амо баригаббам̣ вад̣̇ад̇ийд̇и аногаасз уббаннзби д̇асмим̣ н̃аад̇агз бхавам̣ г̇од̇амо д̣̇аанасса палам̣ баригаббзд̇иязва бан̃н̃аабзд̇иязваад̇и бужчад̇и. б̣раахман̣асса хи ‘‘звам̣ д̣̇иннасса д̣̇аанасса палам̣ д̣̇ааяаго на лабхад̇ий’’д̇и лад̣̇д̇хи. ат̇асса бхаг̇аваа бан̃хам̣ бадиж̇аанид̇ваа ‘‘д̣̇ааяаго наама яад̇т̇а гад̇т̇ажи бун̃н̃апалуубаж̇ийвидтаанз ниб̣б̣ад̇д̇о д̣̇аанасса палам̣ лабхад̇иязваа’’д̇и д̣̇ассзд̇ум̣ ид̇ха б̣раахман̣аад̇иаад̣̇имааха. со д̇ад̇т̇а лаабхий ход̇ийд̇и со д̇ад̇т̇а хад̇т̇ияонияам̣ ниб̣б̣ад̇д̇оби ман̇г̇алахад̇т̇идтаанам̣ бад̇ваа лаабхий ход̇и. ассаад̣̇ийсуби зсзва наяо. саад̇хуваг̇г̇о уд̇д̇аанад̇т̇оязваад̇и.
Aṭṭhānepi bhavaṃ gotamo parikappaṃ vadatīti anokāse uppannepi tasmiṃ ñātake bhavaṃ gotamo dānassa phalaṃ parikappetiyeva paññāpetiyevāti pucchati. Brāhmaṇassa hi ‘‘evaṃ dinnassa dānassa phalaṃ dāyako na labhatī’’ti laddhi. Athassa bhagavā pañhaṃ paṭijānitvā ‘‘dāyako nāma yattha katthaci puññaphalūpajīviṭṭhāne nibbatto dānassa phalaṃ labhatiyevā’’ti dassetuṃ idha brāhmaṇātiādimāha. So tattha lābhī hotīti so tattha hatthiyoniyaṃ nibbattopi maṅgalahatthiṭṭhānaṃ patvā lābhī hoti. Assādīsupi eseva nayo. Sādhuvaggo uttānatthoyevāti.
ж̇аан̣уссон̣иваг̇г̇о д̣̇уд̇ияо.
Jāṇussoṇivaggo dutiyo.
жад̇уд̇т̇абан̣н̣аасагам̣ нидтид̇ам̣.
Catutthapaṇṇāsakaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 11. ж̇аан̣уссон̣исуд̇д̇ам̣ • 11. Jāṇussoṇisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-44. б̣раахман̣абажжорохан̣ийсуд̇д̇аад̣̇иван̣н̣анаа • 1-44. Brāhmaṇapaccorohaṇīsuttādivaṇṇanā
