| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၉. ဇာဏုသ္သောဏိသုတ္တဝဏ္ဏနာ
9. Jāṇussoṇisuttavaṇṇanā
၆၀. နဝမေ ယသ္သသ္သူတိ ယသ္သ ဘဝေယ္ယုံ။ ယညောတိအာဒီသု ယဇိတဗ္ဗောတိ ယညော, ဒေယ္ယဓမ္မသ္သေတံ နာမံ။ သဒ္ဓန္တိ မတကဘတ္တံ။ ထာလိပာကောတိ ဝရပုရိသာနံ ဒာတဗ္ဗယုတ္တံ ဘတ္တံ။ ဒေယ္ယဓမ္မန္တိ ဝုတ္တာဝသေသံ ယံကိဉ္စိ ဒေယ္ယဓမ္မံ နာမ။ တေဝိဇ္ဇေသု ဗ္ရာဟ္မဏေသု ဒာနံ ဒဒေယ္ယာတိ သဗ္ဗမေတံ ဒာနံ တေဝိဇ္ဇေသု ဒဒေယ္ယ, တေဝိဇ္ဇာ ဗ္ရာဟ္မဏာဝ ပဋိဂ္ဂဟေတုံ ယုတ္တာတိ ဒသ္သေတိ။ သေသမေတ္ထ ဟေဋ္ဌာ ဝုတ္တနယမေဝာတိ။
60. Navame yassassūti yassa bhaveyyuṃ. Yaññotiādīsu yajitabboti yañño, deyyadhammassetaṃ nāmaṃ. Saddhanti matakabhattaṃ. Thālipākoti varapurisānaṃ dātabbayuttaṃ bhattaṃ. Deyyadhammanti vuttāvasesaṃ yaṃkiñci deyyadhammaṃ nāma. Tevijjesu brāhmaṇesu dānaṃ dadeyyāti sabbametaṃ dānaṃ tevijjesu dadeyya, tevijjā brāhmaṇāva paṭiggahetuṃ yuttāti dasseti. Sesamettha heṭṭhā vuttanayamevāti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၉. ဇာဏုသ္သောဏိသုတ္တံ • 9. Jāṇussoṇisuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၉. ဇာဏုသ္သောဏိသုတ္တဝဏ္ဏနာ • 9. Jāṇussoṇisuttavaṇṇanā
