| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੧. ਜਾਣੁਸ੍ਸੋਣਿਸੁਤ੍ਤવਣ੍ਣਨਾ
11. Jāṇussoṇisuttavaṇṇanā
੧੭੭. ਏਕਾਦਸਮੇ ਉਪਕਪ੍ਪਤੂਤਿ ਪਾਪੁਣਾਤੁ। ਠਾਨੇਤਿ ਓਕਾਸੇ। ਨੋ ਅਟ੍ਠਾਨੇਤਿ ਨੋ ਅਨੋਕਾਸੇ। ਨੇਰਯਿਕਾਨਂ ਆਹਾਰੋ ਨਾਮ ਤਤ੍ਥ ਨਿਬ੍ਬਤ੍ਤਨਕਮ੍ਮਮੇવ। ਤੇਨੇવ ਹਿ ਤੇ ਤਤ੍ਥ ਯਾਪੇਨ੍ਤਿ। ਤਿਰਚ੍ਛਾਨਯੋਨਿਕਾਨਂ ਪਨ ਤਿਣਪਣ੍ਣਾਦਿવਸੇਨ ਆਹਾਰੋ વੇਦਿਤਬ੍ਬੋ। ਮਨੁਸ੍ਸਾਨਂ ਓਦਨਕੁਮ੍ਮਾਸਾਦਿવਸੇਨ , ਦੇવਾਨਂ ਸੁਧਾਭੋਜਨਾਦਿવਸੇਨ, ਪੇਤ੍ਤਿવੇਸਯਿਕਾਨਂ ਖੇਲ਼ਸਿਙ੍ਘਾਣਿਕਾਦਿવਸੇਨ। ਯਂ વਾ ਪਨਸ੍ਸ ਇਤੋ ਅਨੁਪ੍ਪવੇਚ੍ਛਨ੍ਤੀਤਿ ਯਂ ਤਸ੍ਸ ਮਿਤ੍ਤਾਦਯੋ ਇਤੋ ਦਦਨ੍ਤਾ ਅਨੁਪવੇਸੇਨ੍ਤਿ। ਪੇਤ੍ਤਿવੇਸਯਿਕਾ ਏવ ਹਿ ਪਰਦਤ੍ਤੂਪਜੀવਿਨੋ ਹੋਨ੍ਤਿ, ਨ ਅਞ੍ਞੇਸਂ ਪਰੇਹਿ ਦਿਨ੍ਨਂ ਉਪਕਪ੍ਪਤਿ। ਦਾਯਕੋਪਿ ਅਨਿਪ੍ਫਲੋਤਿ ਯਂ ਸਨ੍ਧਾਯ ਤਂ ਦਾਨਂ ਦਿਨ੍ਨਂ, ਤਸ੍ਸ ਉਪਕਪ੍ਪਤੁ વਾ ਮਾ વਾ, ਦਾਯਕੇਨ ਪਨ ਨ ਸਕ੍ਕਾ ਨਿਪ੍ਫਲੇਨ ਭવਿਤੁਂ, ਦਾਯਕੋ ਤਸ੍ਸ ਦਾਨਸ੍ਸ વਿਪਾਕਂ ਲਭਤਿਯੇવ।
177. Ekādasame upakappatūti pāpuṇātu. Ṭhāneti okāse. No aṭṭhāneti no anokāse. Nerayikānaṃāhāro nāma tattha nibbattanakammameva. Teneva hi te tattha yāpenti. Tiracchānayonikānaṃ pana tiṇapaṇṇādivasena āhāro veditabbo. Manussānaṃ odanakummāsādivasena , devānaṃ sudhābhojanādivasena, pettivesayikānaṃ kheḷasiṅghāṇikādivasena. Yaṃ vā panassa ito anuppavecchantīti yaṃ tassa mittādayo ito dadantā anupavesenti. Pettivesayikā eva hi paradattūpajīvino honti, na aññesaṃ parehi dinnaṃ upakappati. Dāyakopi anipphaloti yaṃ sandhāya taṃ dānaṃ dinnaṃ, tassa upakappatu vā mā vā, dāyakena pana na sakkā nipphalena bhavituṃ, dāyako tassa dānassa vipākaṃ labhatiyeva.
ਅਟ੍ਠਾਨੇਪਿ ਭવਂ ਗੋਤਮੋ ਪਰਿਕਪ੍ਪਂ વਦਤੀਤਿ ਅਨੋਕਾਸੇ ਉਪ੍ਪਨ੍ਨੇਪਿ ਤਸ੍ਮਿਂ ਞਾਤਕੇ ਭવਂ ਗੋਤਮੋ ਦਾਨਸ੍ਸ ਫਲਂ ਪਰਿਕਪ੍ਪੇਤਿਯੇવ ਪਞ੍ਞਾਪੇਤਿਯੇવਾਤਿ ਪੁਚ੍ਛਤਿ। ਬ੍ਰਾਹ੍ਮਣਸ੍ਸ ਹਿ ‘‘ਏવਂ ਦਿਨ੍ਨਸ੍ਸ ਦਾਨਸ੍ਸ ਫਲਂ ਦਾਯਕੋ ਨ ਲਭਤੀ’’ਤਿ ਲਦ੍ਧਿ। ਅਥਸ੍ਸ ਭਗવਾ ਪਞ੍ਹਂ ਪਟਿਜਾਨਿਤ੍વਾ ‘‘ਦਾਯਕੋ ਨਾਮ ਯਤ੍ਥ ਕਤ੍ਥਚਿ ਪੁਞ੍ਞਫਲੂਪਜੀવਿਟ੍ਠਾਨੇ ਨਿਬ੍ਬਤ੍ਤੋ ਦਾਨਸ੍ਸ ਫਲਂ ਲਭਤਿਯੇવਾ’’ਤਿ ਦਸ੍ਸੇਤੁਂ ਇਧ ਬ੍ਰਾਹ੍ਮਣਾਤਿਆਦਿਮਾਹ। ਸੋ ਤਤ੍ਥ ਲਾਭੀ ਹੋਤੀਤਿ ਸੋ ਤਤ੍ਥ ਹਤ੍ਥਿਯੋਨਿਯਂ ਨਿਬ੍ਬਤ੍ਤੋਪਿ ਮਙ੍ਗਲਹਤ੍ਥਿਟ੍ਠਾਨਂ ਪਤ੍વਾ ਲਾਭੀ ਹੋਤਿ। ਅਸ੍ਸਾਦੀਸੁਪਿ ਏਸੇવ ਨਯੋ। ਸਾਧੁવਗ੍ਗੋ ਉਤ੍ਤਾਨਤ੍ਥੋਯੇવਾਤਿ।
Aṭṭhānepi bhavaṃ gotamo parikappaṃ vadatīti anokāse uppannepi tasmiṃ ñātake bhavaṃ gotamo dānassa phalaṃ parikappetiyeva paññāpetiyevāti pucchati. Brāhmaṇassa hi ‘‘evaṃ dinnassa dānassa phalaṃ dāyako na labhatī’’ti laddhi. Athassa bhagavā pañhaṃ paṭijānitvā ‘‘dāyako nāma yattha katthaci puññaphalūpajīviṭṭhāne nibbatto dānassa phalaṃ labhatiyevā’’ti dassetuṃ idha brāhmaṇātiādimāha. So tattha lābhī hotīti so tattha hatthiyoniyaṃ nibbattopi maṅgalahatthiṭṭhānaṃ patvā lābhī hoti. Assādīsupi eseva nayo. Sādhuvaggo uttānatthoyevāti.
ਜਾਣੁਸ੍ਸੋਣਿવਗ੍ਗੋ ਦੁਤਿਯੋ।
Jāṇussoṇivaggo dutiyo.
ਚਤੁਤ੍ਥਪਣ੍ਣਾਸਕਂ ਨਿਟ੍ਠਿਤਂ।
Catutthapaṇṇāsakaṃ niṭṭhitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੧. ਜਾਣੁਸ੍ਸੋਣਿਸੁਤ੍ਤਂ • 11. Jāṇussoṇisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੪੪. ਬ੍ਰਾਹ੍ਮਣਪਚ੍ਚੋਰੋਹਣੀਸੁਤ੍ਤਾਦਿવਣ੍ਣਨਾ • 1-44. Brāhmaṇapaccorohaṇīsuttādivaṇṇanā
