| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. ж̇арааваг̇г̇о
5. Jarāvaggo
1. ж̇араад̇хаммасуд̇д̇аван̣н̣анаа
1. Jarādhammasuttavaṇṇanā
511. бан̃жамаваг̇г̇асса батамз бажчаад̇абзд̇и баасаад̣̇ажчааяааяа бурад̇т̇имад̣̇исам̣ бадижчаннад̇д̇аа баасаад̣̇асса бажчимад̣̇исаабхааг̇з аад̇або ход̇и, д̇асмим̣ таанз бан̃н̃ад̇д̇авараб̣уд̣̇д̇хаасанз нисиннод̇и ад̇т̇о . бидтим̣ од̇аабаяамаанод̇и яасмаа саммаасамб̣уд̣̇д̇хассаби убаад̣̇иннагасарийрз ун̣хагаалз ун̣хам̣ ход̇и, сийд̇агаалз сийд̇ам̣, аяан̃жа химабаад̇асийд̇асамаяо. д̇асмаа махаажийварам̣ од̇аарзд̇ваа суурияарасмийхи бидтим̣ од̇аабаяамаано нисийд̣̇и.
511. Pañcamavaggassa paṭhame pacchātapeti pāsādacchāyāya puratthimadisaṃ paṭicchannattā pāsādassa pacchimadisābhāge ātapo hoti, tasmiṃ ṭhāne paññattavarabuddhāsane nisinnoti attho . Piṭṭhiṃ otāpayamānoti yasmā sammāsambuddhassapi upādinnakasarīre uṇhakāle uṇhaṃ hoti, sītakāle sītaṃ, ayañca himapātasītasamayo. Tasmā mahācīvaraṃ otāretvā sūriyarasmīhi piṭṭhiṃ otāpayamāno nisīdi.
гим̣ бана б̣уд̣̇д̇харасмияо мад̣̇д̣̇ид̇ваа суурияарасми анд̇о бависид̇ум̣ саггод̇ийд̇и? на саггод̇и. звам̣ санд̇з гим̣ д̇аабзд̇ийд̇и? расмид̇зж̇ам̣. яат̇зва хи тид̇амаж̇жханхигз бариман̣д̣алааяа чааяааяа ругкамуулз нисиннасса гин̃жааби суурияарасмияо сарийрам̣ на пусанд̇и, саб̣б̣ад̣̇исаасу бана д̇зж̇о парад̇и, аг̇г̇иж̇аалаахи баригкид̇д̇о вияа ход̇и, звам̣ суурияарасмийсу б̣уд̣̇д̇харасмияо мад̣̇д̣̇ид̇ваа анд̇о бависид̇ум̣ асаггун̣анд̇ийсуби сад̇т̇аа д̇зж̇ам̣ д̇аабзнд̇о нисиннод̇и взд̣̇ид̇аб̣б̣о.
Kiṃ pana buddharasmiyo madditvā sūriyarasmi anto pavisituṃ sakkotīti? Na sakkoti. Evaṃ sante kiṃ tāpetīti? Rasmitejaṃ. Yatheva hi ṭhitamajjhanhike parimaṇḍalāya chāyāya rukkhamūle nisinnassa kiñcāpi sūriyarasmiyo sarīraṃ na phusanti, sabbadisāsu pana tejo pharati, aggijālāhi parikkhitto viya hoti, evaṃ sūriyarasmīsu buddharasmiyo madditvā anto pavisituṃ asakkuṇantīsupi satthā tejaṃ tāpento nisinnoti veditabbo.
аномаж̇ж̇анд̇од̇и бидтибаригаммагаран̣авасзна анумаж̇ж̇анд̇о. ажчарияам̣ бханд̇зд̇и т̇зро бхаг̇авад̇о бидтид̇о махаажийварам̣ од̇аарзд̇ваа нисиннасса д̣̇виннам̣ ам̣сагуудаанам̣ анд̇арз суван̣н̣ааваддам̣ вияа гзсаг̇г̇аббамаан̣ам̣ валияааваддам̣ д̣̇исваа – ‘‘зваруубзби наама сарийрз ж̇араа бан̃н̃ааяад̇ий’’д̇и сан̃ж̇аад̇асам̣взг̇о ж̇арам̣ г̇араханд̇о звамааха. г̇араханажчарияам̣ наама гирзд̇ам̣.
Anomajjantoti piṭṭhiparikammakaraṇavasena anumajjanto. Acchariyaṃ bhanteti thero bhagavato piṭṭhito mahācīvaraṃ otāretvā nisinnassa dvinnaṃ aṃsakūṭānaṃ antare suvaṇṇāvaṭṭaṃ viya kesaggappamāṇaṃ valiyāvaṭṭaṃ disvā – ‘‘evarūpepi nāma sarīre jarā paññāyatī’’ti sañjātasaṃvego jaraṃ garahanto evamāha. Garahanacchariyaṃ nāma kiretaṃ.
на жзвам̣ д̣̇аани, бханд̇з, бхаг̇авад̇о д̇аава барисуд̣̇д̇ход̇и яат̇аа багад̇ияаа чавиван̣н̣о барисуд̣̇д̇хо, на звамзд̇арахийд̇и д̣̇ийбзнд̇о звамааха. д̇ат̇ааг̇ад̇асса хи д̣̇ахарагаалз сан̇гусад̇асамаб̣бхаахад̇ам̣ усабхажаммам̣ вияа вихад̇авалиго гааяо ход̇и, д̇асмим̣ табид̇о хад̇т̇о бхассад̇зва, на санд̇идтад̇и, д̇злабун̃чанаагаараббад̇д̇о вияа ход̇и. махаллагагаалз бана сирааж̇аалаа милааяанд̇и, санд̇хибаб̣б̣аани сит̇илаани хонд̇и, мам̣сам̣ адтид̇о мужжид̇ваа сит̇илабхаавам̣ аабаж̇ж̇ид̇ваа д̇ад̇т̇а д̇ад̇т̇а оламб̣ад̇и. б̣уд̣̇д̇хаанам̣ бана зваруубам̣ на ход̇и. ан̃н̃зсам̣ абаагадам̣, санд̇игааважарад̇д̇аа аананд̣̇ад̇т̇зрассзва баагадам̣ ход̇и, д̇асмаа звамааха.
Na cevaṃ dāni, bhante, bhagavato tāva parisuddhoti yathā pakatiyā chavivaṇṇo parisuddho, na evametarahīti dīpento evamāha. Tathāgatassa hi daharakāle saṅkusatasamabbhāhataṃ usabhacammaṃ viya vihatavaliko kāyo hoti, tasmiṃ ṭhapito hattho bhassateva, na santiṭṭhati, telapuñchanākārappatto viya hoti. Mahallakakāle pana sirājālā milāyanti, sandhipabbāni sithilāni honti, maṃsaṃ aṭṭhito muccitvā sithilabhāvaṃ āpajjitvā tattha tattha olambati. Buddhānaṃ pana evarūpaṃ na hoti. Aññesaṃ apākaṭaṃ, santikāvacarattā ānandattherasseva pākaṭaṃ hoti, tasmā evamāha.
сит̇илаани жа г̇ад̇д̇аанийд̇и ан̃н̃зсам̣ мукз ам̣сагууданд̇арзхи д̇зсу д̇зсу таанзсу валияо санд̇идтанд̇и, сад̇т̇у банзд̇ам̣ над̇т̇и, т̇зро жа д̣̇виннам̣ ам̣сагуудаанам̣ анд̇арз валияааваддагам̣ д̣̇исваа звамааха. саб̣б̣аани валияаж̇аад̇аанийд̇и ид̣̇амби ад̇д̇ано баагадавасзна звамааха – сад̇т̇у бана ан̃н̃зсам̣ вияа валияо наама над̇т̇и. бурад̇о баб̣бхааро жа гааяод̇и сад̇т̇аа б̣рахмуж̇уг̇ад̇д̇о, д̣̇званаг̇арз самуссид̇асуван̣н̣ад̇оран̣ам̣ вияасса гааяо уж̇угамзва уг̇г̇ад̇о. махаллагагаалз бана гааяо бурад̇о ван̇го ход̇и, свааяам̣ ан̃н̃зсам̣ абаагадо, санд̇игааважарад̇д̇аа бана т̇зрассзва баагадо, д̇асмаа звамааха. д̣̇иссад̇и жа инд̣̇рияаанам̣ ан̃н̃ат̇ад̇д̇анд̇и инд̣̇рияаани наама на жагкувин̃н̃зяяаани. яад̇о бана багад̇ияаа барисуд̣̇д̇хо чавиван̣н̣о, ид̣̇аани на д̇ат̇аа барисуд̣̇д̇хо, ам̣сагууданд̇арз вали бан̃н̃ааяад̇и , б̣рахмуж̇угааяо бурад̇о ван̇го, иминаава гааран̣зна жагкаад̣̇ийнан̃жа инд̣̇рияаанам̣ ан̃н̃ат̇ад̇д̇зна бхавид̇аб̣б̣анд̇и наяаг̇г̇аахад̇о звамааха. д̇хий д̇ам̣ ж̇амми ж̇арз ад̇т̇ууд̇и лаамагз ж̇арз д̇хий д̇ам̣ д̇уяхам̣ ход̇у, д̇хиггааро д̇ам̣ пусад̇у. б̣имб̣анд̇и ад̇д̇абхааво.
Sithilāni ca gattānīti aññesaṃ mukhe aṃsakūṭantarehi tesu tesu ṭhānesu valiyo santiṭṭhanti, satthu panetaṃ natthi, thero ca dvinnaṃ aṃsakūṭānaṃ antare valiyāvaṭṭakaṃ disvā evamāha. Sabbāni valiyajātānīti idampi attano pākaṭavasena evamāha – satthu pana aññesaṃ viya valiyo nāma natthi. Purato pabbhāro ca kāyoti satthā brahmujugatto, devanagare samussitasuvaṇṇatoraṇaṃ viyassa kāyo ujukameva uggato. Mahallakakāle pana kāyo purato vaṅko hoti, svāyaṃ aññesaṃ apākaṭo, santikāvacarattā pana therasseva pākaṭo, tasmā evamāha. Dissati ca indriyānaṃ aññathattanti indriyāni nāma na cakkhuviññeyyāni. Yato pana pakatiyā parisuddho chavivaṇṇo, idāni na tathā parisuddho, aṃsakūṭantare vali paññāyati , brahmujukāyo purato vaṅko, imināva kāraṇena cakkhādīnañca indriyānaṃ aññathattena bhavitabbanti nayaggāhato evamāha. Dhī taṃ jammi jare atthūti lāmake jare dhī taṃ tuyhaṃ hotu, dhikkāro taṃ phusatu. Bimbanti attabhāvo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. ж̇араад̇хаммасуд̇д̇ам̣ • 1. Jarādhammasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. ж̇араад̇хаммасуд̇д̇аван̣н̣анаа • 1. Jarādhammasuttavaṇṇanā
