| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. ж̇арааваг̇г̇о
5. Jarāvaggo
1. ж̇араад̇хаммасуд̇д̇аван̣н̣анаа
1. Jarādhammasuttavaṇṇanā
511. бамукз , баасаад̣̇асса жа бажчимабхааг̇з аад̇або бажчаад̇або, д̇асмим̣ бажчаад̇абз. со хи баасаад̣̇асса бамукабхаавзна гад̇о. гим̣ бана бхаг̇авад̇о важ̇ирасаарам̣ сарийрам̣ од̇аабзд̇аб̣б̣ам̣ ход̇ийд̇и ааха – ‘‘саммаасамб̣уд̣̇д̇хассаа’’д̇иаад̣̇и . аяан̃жа имам̣ суд̇д̇ам̣ д̣̇зсид̇асамаяз. на саггод̇и б̣яаамаббабхааяа гааяажи бабхааяа анабхибхаванийяад̇д̇аа. гин̃жааби б̣уд̣̇д̇хаабхаа суурияаабхааяа анабхибхаванийяаа, гхаммасабхаавад̇ааяа бана расмийнам̣ барид̇о паранд̇ий суурияаабхаа д̇икин̣аа ун̣хаад̇и ааха ‘‘расмид̇зж̇а’’нд̇и. ид̣̇аани д̇амад̇т̇ам̣ убамааяа вибхаавзд̇ум̣ ‘‘яат̇зва хий’’д̇иаад̣̇и вуд̇д̇ам̣.
511. Pamukhe , pāsādassa ca pacchimabhāge ātapo pacchātapo, tasmiṃ pacchātape. So hi pāsādassa pamukhabhāvena kato. Kiṃ pana bhagavato vajirasāraṃ sarīraṃ otāpetabbaṃ hotīti āha – ‘‘sammāsambuddhassā’’tiādi . Ayañca imaṃ suttaṃ desitasamaye. Na sakkoti byāmappabhāya kāyaci pabhāya anabhibhavanīyattā. Kiñcāpi buddhābhā sūriyābhāya anabhibhavanīyā, ghammasabhāvatāya pana rasmīnaṃ parito pharantī sūriyābhā tikhiṇā uṇhāti āha ‘‘rasmiteja’’nti. Idāni tamatthaṃ upamāya vibhāvetuṃ ‘‘yatheva hī’’tiādi vuttaṃ.
суван̣н̣ааваддам̣ вияаад̇и ажчз суван̣н̣абад̇д̇з винивад̇д̇аааваддам̣ вияа. г̇арахан̣ажчарияам̣ наама гирзд̇ам̣ ‘‘ажчарияамзд̇ам̣ ависижчзпалавад̣̇а’’нд̇иаад̣̇ийсу вияа. на звамзд̇арахийд̇и ад̇д̇ано баагадавасзна вад̣̇ад̇и, на ид̇арзсамбийд̇и. сирааж̇аалаад̇и сираасанд̇аанаа. зваруубам̣ на ход̇ийд̇и ан̃н̃зсам̣ баагад̇игасад̇д̇аанам̣ вуд̇д̇аагаарам̣ вияа на ход̇и бун̃н̃асамбхаарасса ул̣аарад̇амад̇д̇аа вибажжанасса барияанд̇аг̇ад̇ад̇д̇аа. д̇знааха ‘‘ан̃н̃зсам̣ абаагада’’нд̇и. валияааваддаганд̇и аббагам̣ валияааваддам̣. д̇знааха ‘‘гзсаг̇г̇аббамаан̣а’’нд̇и. саб̣б̣аанийд̇и сирааж̇аалаани. бурад̇о ван̇год̇и т̇огам̣ бурад̇о над̇амад̇д̇ам̣ санд̇хааяааха. д̇зна вуд̇д̇ам̣ ‘‘свааяам̣ ан̃н̃зсам̣ абаагадо’’д̇и. наяаг̇г̇аахад̇од̇и анумаанад̇о. д̇хий д̇анд̇и д̇хий-сад̣̇д̣̇аяог̇з убаяог̇аважанам̣. д̇хийд̇и ж̇иг̇ужчанад̇т̇з нибаад̇о. д̇хиггаарод̇и ж̇иг̇ужчаабаяог̇о. д̇ам̣ пусад̇ууд̇и д̇уяхам̣ баабун̣аад̇у.
Suvaṇṇāvaṭṭaṃ viyāti acche suvaṇṇapatte vinivattaāvaṭṭaṃ viya. Garahaṇacchariyaṃ nāma kiretaṃ ‘‘acchariyametaṃ avisicchephalavada’’ntiādīsu viya. Na evametarahīti attano pākaṭavasena vadati, na itaresampīti. Sirājālāti sirāsantānā. Evarūpaṃ na hotīti aññesaṃ pākatikasattānaṃ vuttākāraṃ viya na hoti puññasambhārassa uḷāratamattā vipaccanassa pariyantagatattā. Tenāha ‘‘aññesaṃ apākaṭa’’nti. Valiyāvaṭṭakanti appakaṃ valiyāvaṭṭaṃ. Tenāha ‘‘kesaggappamāṇa’’nti. Sabbānīti sirājālāni. Purato vaṅkoti thokaṃ purato natamattaṃ sandhāyāha. Tena vuttaṃ ‘‘svāyaṃ aññesaṃ apākaṭo’’ti. Nayaggāhatoti anumānato. Dhī tanti dhī-saddayoge upayogavacanaṃ. Dhīti jigucchanatthe nipāto. Dhikkāroti jigucchāpayogo. Taṃ phusatūti tuyhaṃ pāpuṇātu.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. ж̇араад̇хаммасуд̇д̇ам̣ • 1. Jarādhammasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. ж̇араад̇хаммасуд̇д̇аван̣н̣анаа • 1. Jarādhammasuttavaṇṇanā
