| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੫. ਜਰਾવਗ੍ਗੋ
5. Jarāvaggo
੧. ਜਰਾਧਮ੍ਮਸੁਤ੍ਤવਣ੍ਣਨਾ
1. Jarādhammasuttavaṇṇanā
੫੧੧. ਪਮੁਖੇ , ਪਾਸਾਦਸ੍ਸ ਚ ਪਚ੍ਛਿਮਭਾਗੇ ਆਤਪੋ ਪਚ੍ਛਾਤਪੋ, ਤਸ੍ਮਿਂ ਪਚ੍ਛਾਤਪੇ। ਸੋ ਹਿ ਪਾਸਾਦਸ੍ਸ ਪਮੁਖਭਾવੇਨ ਕਤੋ। ਕਿਂ ਪਨ ਭਗવਤੋ વਜਿਰਸਾਰਂ ਸਰੀਰਂ ਓਤਾਪੇਤਬ੍ਬਂ ਹੋਤੀਤਿ ਆਹ – ‘‘ਸਮ੍ਮਾਸਮ੍ਬੁਦ੍ਧਸ੍ਸਾ’’ਤਿਆਦਿ । ਅਯਞ੍ਚ ਇਮਂ ਸੁਤ੍ਤਂ ਦੇਸਿਤਸਮਯੇ। ਨ ਸਕ੍ਕੋਤਿ ਬ੍ਯਾਮਪ੍ਪਭਾਯ ਕਾਯਚਿ ਪਭਾਯ ਅਨਭਿਭવਨੀਯਤ੍ਤਾ। ਕਿਞ੍ਚਾਪਿ ਬੁਦ੍ਧਾਭਾ ਸੂਰਿਯਾਭਾਯ ਅਨਭਿਭવਨੀਯਾ, ਘਮ੍ਮਸਭਾવਤਾਯ ਪਨ ਰਸ੍ਮੀਨਂ ਪਰਿਤੋ ਫਰਨ੍ਤੀ ਸੂਰਿਯਾਭਾ ਤਿਖਿਣਾ ਉਣ੍ਹਾਤਿ ਆਹ ‘‘ਰਸ੍ਮਿਤੇਜ’’ਨ੍ਤਿ। ਇਦਾਨਿ ਤਮਤ੍ਥਂ ਉਪਮਾਯ વਿਭਾવੇਤੁਂ ‘‘ਯਥੇવ ਹੀ’’ਤਿਆਦਿ વੁਤ੍ਤਂ।
511. Pamukhe , pāsādassa ca pacchimabhāge ātapo pacchātapo, tasmiṃ pacchātape. So hi pāsādassa pamukhabhāvena kato. Kiṃ pana bhagavato vajirasāraṃ sarīraṃ otāpetabbaṃ hotīti āha – ‘‘sammāsambuddhassā’’tiādi . Ayañca imaṃ suttaṃ desitasamaye. Na sakkoti byāmappabhāya kāyaci pabhāya anabhibhavanīyattā. Kiñcāpi buddhābhā sūriyābhāya anabhibhavanīyā, ghammasabhāvatāya pana rasmīnaṃ parito pharantī sūriyābhā tikhiṇā uṇhāti āha ‘‘rasmiteja’’nti. Idāni tamatthaṃ upamāya vibhāvetuṃ ‘‘yatheva hī’’tiādi vuttaṃ.
ਸੁવਣ੍ਣਾવਟ੍ਟਂ વਿਯਾਤਿ ਅਚ੍ਛੇ ਸੁવਣ੍ਣਪਤ੍ਤੇ વਿਨਿવਤ੍ਤਆવਟ੍ਟਂ વਿਯ। ਗਰਹਣਚ੍ਛਰਿਯਂ ਨਾਮ ਕਿਰੇਤਂ ‘‘ਅਚ੍ਛਰਿਯਮੇਤਂ ਅવਿਸਿਚ੍ਛੇਫਲવਦ’’ਨ੍ਤਿਆਦੀਸੁ વਿਯ। ਨ ਏવਮੇਤਰਹੀਤਿ ਅਤ੍ਤਨੋ ਪਾਕਟવਸੇਨ વਦਤਿ, ਨ ਇਤਰੇਸਮ੍ਪੀਤਿ। ਸਿਰਾਜਾਲਾਤਿ ਸਿਰਾਸਨ੍ਤਾਨਾ। ਏવਰੂਪਂ ਨ ਹੋਤੀਤਿ ਅਞ੍ਞੇਸਂ ਪਾਕਤਿਕਸਤ੍ਤਾਨਂ વੁਤ੍ਤਾਕਾਰਂ વਿਯ ਨ ਹੋਤਿ ਪੁਞ੍ਞਸਮ੍ਭਾਰਸ੍ਸ ਉਲ਼ਾਰਤਮਤ੍ਤਾ વਿਪਚ੍ਚਨਸ੍ਸ ਪਰਿਯਨ੍ਤਗਤਤ੍ਤਾ। ਤੇਨਾਹ ‘‘ਅਞ੍ਞੇਸਂ ਅਪਾਕਟ’’ਨ੍ਤਿ। વਲਿਯਾવਟ੍ਟਕਨ੍ਤਿ ਅਪ੍ਪਕਂ વਲਿਯਾવਟ੍ਟਂ। ਤੇਨਾਹ ‘‘ਕੇਸਗ੍ਗਪ੍ਪਮਾਣ’’ਨ੍ਤਿ। ਸਬ੍ਬਾਨੀਤਿ ਸਿਰਾਜਾਲਾਨਿ। ਪੁਰਤੋ વਙ੍ਕੋਤਿ ਥੋਕਂ ਪੁਰਤੋ ਨਤਮਤ੍ਤਂ ਸਨ੍ਧਾਯਾਹ। ਤੇਨ વੁਤ੍ਤਂ ‘‘ਸ੍વਾਯਂ ਅਞ੍ਞੇਸਂ ਅਪਾਕਟੋ’’ਤਿ। ਨਯਗ੍ਗਾਹਤੋਤਿ ਅਨੁਮਾਨਤੋ। ਧੀ ਤਨ੍ਤਿ ਧੀ-ਸਦ੍ਦਯੋਗੇ ਉਪਯੋਗવਚਨਂ। ਧੀਤਿ ਜਿਗੁਚ੍ਛਨਤ੍ਥੇ ਨਿਪਾਤੋ। ਧਿਕ੍ਕਾਰੋਤਿ ਜਿਗੁਚ੍ਛਾਪਯੋਗੋ। ਤਂ ਫੁਸਤੂਤਿ ਤੁਯ੍ਹਂ ਪਾਪੁਣਾਤੁ।
Suvaṇṇāvaṭṭaṃ viyāti acche suvaṇṇapatte vinivattaāvaṭṭaṃ viya. Garahaṇacchariyaṃ nāma kiretaṃ ‘‘acchariyametaṃ avisicchephalavada’’ntiādīsu viya. Na evametarahīti attano pākaṭavasena vadati, na itaresampīti. Sirājālāti sirāsantānā. Evarūpaṃ na hotīti aññesaṃ pākatikasattānaṃ vuttākāraṃ viya na hoti puññasambhārassa uḷāratamattā vipaccanassa pariyantagatattā. Tenāha ‘‘aññesaṃ apākaṭa’’nti. Valiyāvaṭṭakanti appakaṃ valiyāvaṭṭaṃ. Tenāha ‘‘kesaggappamāṇa’’nti. Sabbānīti sirājālāni. Purato vaṅkoti thokaṃ purato natamattaṃ sandhāyāha. Tena vuttaṃ ‘‘svāyaṃ aññesaṃ apākaṭo’’ti. Nayaggāhatoti anumānato. Dhī tanti dhī-saddayoge upayogavacanaṃ. Dhīti jigucchanatthe nipāto. Dhikkāroti jigucchāpayogo. Taṃ phusatūti tuyhaṃ pāpuṇātu.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਜਰਾਧਮ੍ਮਸੁਤ੍ਤਂ • 1. Jarādhammasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਜਰਾਧਮ੍ਮਸੁਤ੍ਤવਣ੍ਣਨਾ • 1. Jarādhammasuttavaṇṇanā
