| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
১৫. পন্নরসমৰগ্গো
15. Pannarasamavaggo
(১৫০) ৬. জরামরণকথা
(150) 6. Jarāmaraṇakathā
৭২৬. লোকুত্তরানং ধম্মানং জরামরণং লোকুত্তরন্তি? আমন্তা। মগ্গো ফলং নিব্বানং, সোতাপত্তিমগ্গো সোতাপত্তিফলং…পে॰… বোজ্ঝঙ্গোতি ? ন হেৰং ৰত্তব্বে…পে॰… সোতাপত্তিমগ্গস্স জরামরণং সোতাপত্তিমগ্গোতি? ন হেৰং ৰত্তব্বে…পে॰… সোতাপত্তিমগ্গস্স জরামরণং সোতাপত্তিমগ্গোতি? আমন্তা। সোতাপত্তিফলস্স জরামরণং সোতাপত্তিফলন্তি? ন হেৰং ৰত্তব্বে …পে॰… সকদাগামিমগ্গস্স…পে॰… সকদাগামিফলস্স…পে॰… অনাগামিমগ্গস্স…পে॰… অনাগামিফলস্স…পে॰… অরহত্তমগ্গস্স জরামরণং অরহত্তমগ্গোতি? ন হেৰং ৰত্তব্বে…পে॰… অরহত্তমগ্গস্স জরামরণং অরহত্তমগ্গোতি? আমন্তা। অরহত্তফলস্স জরামরণং অরহত্তফলন্তি? ন হেৰং ৰত্তব্বে…পে॰… সতিপট্ঠানানং… সম্মপ্পধানানং… ইদ্ধিপাদানং… ইন্দ্রিযানং… বলানং… বোজ্ঝঙ্গানং জরামরণং বোজ্ঝঙ্গোতি? ন হেৰং ৰত্তব্বে…পে॰…।
726. Lokuttarānaṃ dhammānaṃ jarāmaraṇaṃ lokuttaranti? Āmantā. Maggo phalaṃ nibbānaṃ, sotāpattimaggo sotāpattiphalaṃ…pe… bojjhaṅgoti ? Na hevaṃ vattabbe…pe… sotāpattimaggassa jarāmaraṇaṃ sotāpattimaggoti? Na hevaṃ vattabbe…pe… sotāpattimaggassa jarāmaraṇaṃ sotāpattimaggoti? Āmantā. Sotāpattiphalassa jarāmaraṇaṃ sotāpattiphalanti? Na hevaṃ vattabbe …pe… sakadāgāmimaggassa…pe… sakadāgāmiphalassa…pe… anāgāmimaggassa…pe… anāgāmiphalassa…pe… arahattamaggassa jarāmaraṇaṃ arahattamaggoti? Na hevaṃ vattabbe…pe… arahattamaggassa jarāmaraṇaṃ arahattamaggoti? Āmantā. Arahattaphalassa jarāmaraṇaṃ arahattaphalanti? Na hevaṃ vattabbe…pe… satipaṭṭhānānaṃ… sammappadhānānaṃ… iddhipādānaṃ… indriyānaṃ… balānaṃ… bojjhaṅgānaṃ jarāmaraṇaṃ bojjhaṅgoti? Na hevaṃ vattabbe…pe….
৭২৭. ন ৰত্তব্বং – ‘‘লোকুত্তরানং ধম্মানং জরামরণং লোকুত্তরন্তি? আমন্তা। লোকিযন্তি? ন হেৰং ৰত্তব্বে। তেন হি লোকুত্তরন্তি।
727. Na vattabbaṃ – ‘‘lokuttarānaṃ dhammānaṃ jarāmaraṇaṃ lokuttaranti? Āmantā. Lokiyanti? Na hevaṃ vattabbe. Tena hi lokuttaranti.
জরামরণকথা নিট্ঠিতা।
Jarāmaraṇakathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৬. জরামরণকথাৰণ্ণনা • 6. Jarāmaraṇakathāvaṇṇanā
