| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๕. ปนฺนรสมวโคฺค
15. Pannarasamavaggo
(๑๕๐) ๖. ชรามรณกถา
(150) 6. Jarāmaraṇakathā
๗๒๖. โลกุตฺตรานํ ธมฺมานํ ชรามรณํ โลกุตฺตรนฺติ? อามนฺตาฯ มโคฺค ผลํ นิพฺพานํ, โสตาปตฺติมโคฺค โสตาปตฺติผลํ…เป.… โพชฺฌโงฺคติ ? น เหวํ วตฺตเพฺพ…เป.… โสตาปตฺติมคฺคสฺส ชรามรณํ โสตาปตฺติมโคฺคติ? น เหวํ วตฺตเพฺพ…เป.… โสตาปตฺติมคฺคสฺส ชรามรณํ โสตาปตฺติมโคฺคติ? อามนฺตาฯ โสตาปตฺติผลสฺส ชรามรณํ โสตาปตฺติผลนฺติ? น เหวํ วตฺตเพฺพ …เป.… สกทาคามิมคฺคสฺส…เป.… สกทาคามิผลสฺส…เป.… อนาคามิมคฺคสฺส…เป.… อนาคามิผลสฺส…เป.… อรหตฺตมคฺคสฺส ชรามรณํ อรหตฺตมโคฺคติ? น เหวํ วตฺตเพฺพ…เป.… อรหตฺตมคฺคสฺส ชรามรณํ อรหตฺตมโคฺคติ? อามนฺตาฯ อรหตฺตผลสฺส ชรามรณํ อรหตฺตผลนฺติ? น เหวํ วตฺตเพฺพ…เป.… สติปฎฺฐานานํ… สมฺมปฺปธานานํ… อิทฺธิปาทานํ… อินฺทฺริยานํ… พลานํ… โพชฺฌงฺคานํ ชรามรณํ โพชฺฌโงฺคติ? น เหวํ วตฺตเพฺพ…เป.…ฯ
726. Lokuttarānaṃ dhammānaṃ jarāmaraṇaṃ lokuttaranti? Āmantā. Maggo phalaṃ nibbānaṃ, sotāpattimaggo sotāpattiphalaṃ…pe… bojjhaṅgoti ? Na hevaṃ vattabbe…pe… sotāpattimaggassa jarāmaraṇaṃ sotāpattimaggoti? Na hevaṃ vattabbe…pe… sotāpattimaggassa jarāmaraṇaṃ sotāpattimaggoti? Āmantā. Sotāpattiphalassa jarāmaraṇaṃ sotāpattiphalanti? Na hevaṃ vattabbe …pe… sakadāgāmimaggassa…pe… sakadāgāmiphalassa…pe… anāgāmimaggassa…pe… anāgāmiphalassa…pe… arahattamaggassa jarāmaraṇaṃ arahattamaggoti? Na hevaṃ vattabbe…pe… arahattamaggassa jarāmaraṇaṃ arahattamaggoti? Āmantā. Arahattaphalassa jarāmaraṇaṃ arahattaphalanti? Na hevaṃ vattabbe…pe… satipaṭṭhānānaṃ… sammappadhānānaṃ… iddhipādānaṃ… indriyānaṃ… balānaṃ… bojjhaṅgānaṃ jarāmaraṇaṃ bojjhaṅgoti? Na hevaṃ vattabbe…pe….
๗๒๗. น วตฺตพฺพํ – ‘‘โลกุตฺตรานํ ธมฺมานํ ชรามรณํ โลกุตฺตรนฺติ? อามนฺตาฯ โลกิยนฺติ? น เหวํ วตฺตเพฺพฯ เตน หิ โลกุตฺตรนฺติฯ
727. Na vattabbaṃ – ‘‘lokuttarānaṃ dhammānaṃ jarāmaraṇaṃ lokuttaranti? Āmantā. Lokiyanti? Na hevaṃ vattabbe. Tena hi lokuttaranti.
ชรามรณกถา นิฎฺฐิตาฯ
Jarāmaraṇakathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๖. ชรามรณกถาวณฺณนา • 6. Jarāmaraṇakathāvaṇṇanā
