| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༡༥. པནྣརསམཝགྒོ
15. Pannarasamavaggo
(༡༥༠) ༦. ཛརཱམརཎཀཐཱ
(150) 6. Jarāmaraṇakathā
༧༢༦. ལོཀུཏྟརཱནཾ དྷམྨཱནཾ ཛརཱམརཎཾ ལོཀུཏྟརནྟི? ཨཱམནྟཱ། མགྒོ ཕལཾ ནིབྦཱནཾ, སོཏཱཔཏྟིམགྒོ སོཏཱཔཏྟིཕལཾ…པེ॰… བོཛ྄ཛྷངྒོཏི ? ན ཧེཝཾ ཝཏྟབྦེ…པེ॰… སོཏཱཔཏྟིམགྒསྶ ཛརཱམརཎཾ སོཏཱཔཏྟིམགྒོཏི? ན ཧེཝཾ ཝཏྟབྦེ…པེ॰… སོཏཱཔཏྟིམགྒསྶ ཛརཱམརཎཾ སོཏཱཔཏྟིམགྒོཏི? ཨཱམནྟཱ། སོཏཱཔཏྟིཕལསྶ ཛརཱམརཎཾ སོཏཱཔཏྟིཕལནྟི? ན ཧེཝཾ ཝཏྟབྦེ …པེ॰… སཀདཱགཱམིམགྒསྶ…པེ॰… སཀདཱགཱམིཕལསྶ…པེ॰… ཨནཱགཱམིམགྒསྶ…པེ॰… ཨནཱགཱམིཕལསྶ…པེ॰… ཨརཧཏྟམགྒསྶ ཛརཱམརཎཾ ཨརཧཏྟམགྒོཏི? ན ཧེཝཾ ཝཏྟབྦེ…པེ॰… ཨརཧཏྟམགྒསྶ ཛརཱམརཎཾ ཨརཧཏྟམགྒོཏི? ཨཱམནྟཱ། ཨརཧཏྟཕལསྶ ཛརཱམརཎཾ ཨརཧཏྟཕལནྟི? ན ཧེཝཾ ཝཏྟབྦེ…པེ॰… སཏིཔཊྛཱནཱནཾ… སམྨཔྤདྷཱནཱནཾ… ཨིདྡྷིཔཱདཱནཾ… ཨིནྡྲིཡཱནཾ… བལཱནཾ… བོཛ྄ཛྷངྒཱནཾ ཛརཱམརཎཾ བོཛ྄ཛྷངྒོཏི? ན ཧེཝཾ ཝཏྟབྦེ…པེ॰…།
726. Lokuttarānaṃ dhammānaṃ jarāmaraṇaṃ lokuttaranti? Āmantā. Maggo phalaṃ nibbānaṃ, sotāpattimaggo sotāpattiphalaṃ…pe… bojjhaṅgoti ? Na hevaṃ vattabbe…pe… sotāpattimaggassa jarāmaraṇaṃ sotāpattimaggoti? Na hevaṃ vattabbe…pe… sotāpattimaggassa jarāmaraṇaṃ sotāpattimaggoti? Āmantā. Sotāpattiphalassa jarāmaraṇaṃ sotāpattiphalanti? Na hevaṃ vattabbe …pe… sakadāgāmimaggassa…pe… sakadāgāmiphalassa…pe… anāgāmimaggassa…pe… anāgāmiphalassa…pe… arahattamaggassa jarāmaraṇaṃ arahattamaggoti? Na hevaṃ vattabbe…pe… arahattamaggassa jarāmaraṇaṃ arahattamaggoti? Āmantā. Arahattaphalassa jarāmaraṇaṃ arahattaphalanti? Na hevaṃ vattabbe…pe… satipaṭṭhānānaṃ… sammappadhānānaṃ… iddhipādānaṃ… indriyānaṃ… balānaṃ… bojjhaṅgānaṃ jarāmaraṇaṃ bojjhaṅgoti? Na hevaṃ vattabbe…pe….
༧༢༧. ན ཝཏྟབྦཾ – ‘‘ལོཀུཏྟརཱནཾ དྷམྨཱནཾ ཛརཱམརཎཾ ལོཀུཏྟརནྟི? ཨཱམནྟཱ། ལོཀིཡནྟི? ན ཧེཝཾ ཝཏྟབྦེ། ཏེན ཧི ལོཀུཏྟརནྟི།
727. Na vattabbaṃ – ‘‘lokuttarānaṃ dhammānaṃ jarāmaraṇaṃ lokuttaranti? Āmantā. Lokiyanti? Na hevaṃ vattabbe. Tena hi lokuttaranti.
ཛརཱམརཎཀཐཱ ནིཊྛིཏཱ།
Jarāmaraṇakathā niṭṭhitā.
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༦. ཛརཱམརཎཀཐཱཝཎྞནཱ • 6. Jarāmaraṇakathāvaṇṇanā
