| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੮. ਜਰਾਮਰਣਂ વਿਪਾਕੋਤਿਕਥਾવਣ੍ਣਨਾ
8. Jarāmaraṇaṃ vipākotikathāvaṇṇanā
੪੯੫. ਇਦਾਨਿ ਜਰਾਮਰਣਂ વਿਪਾਕੋਤਿਕਥਾ ਨਾਮ ਹੋਤਿ। ਤਤ੍ਥ ਯੇਸਂ ‘‘ਅਤ੍ਥਿ ਦੁਬ੍ਬਣ੍ਣਸਂવਤ੍ਤਨਿਯਂ ਕਮ੍ਮਂ ਅਪ੍ਪਾਯੁਕਸਂવਤ੍ਤਨਿਯਂ ਕਮ੍ਮ’’ਨ੍ਤਿ ਏਤ੍ਥ ਦੁਬ੍ਬਣ੍ਣਤਾ ਨਾਮ ਜਰਾ। ਅਪ੍ਪਾਯੁਕਤਾ ਨਾਮ ਮਰਣਂ। ਤਂਸਂવਤ੍ਤਨਿਯਞ੍ਚ ਕਮ੍ਮਂ ਅਤ੍ਥਿ। ਤਸ੍ਮਾ ਜਰਾਮਰਣਂ વਿਪਾਕੋਤਿ ਲਦ੍ਧਿ, ਸੇਯ੍ਯਥਾਪਿ ਅਨ੍ਧਕਾਨਂ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਪਟਿਲੋਮਪਞ੍ਹੇ ਅਨਾਰਮ੍ਮਣਨ੍ਤਿ ਰੂਪਧਮ੍ਮਾਨਂ ਤਾવ ਅਨਾਰਮ੍ਮਣਮੇવ, ਅਰੂਪਾਨਂ ਪਨ ਜਰਾਮਰਣਂ ਸਮ੍ਪਯੋਗਲਕ੍ਖਣਾਭਾવਾ ਅਨਾਰਮ੍ਮਣਮੇવ।
495. Idāni jarāmaraṇaṃ vipākotikathā nāma hoti. Tattha yesaṃ ‘‘atthi dubbaṇṇasaṃvattaniyaṃ kammaṃ appāyukasaṃvattaniyaṃ kamma’’nti ettha dubbaṇṇatā nāma jarā. Appāyukatā nāma maraṇaṃ. Taṃsaṃvattaniyañca kammaṃ atthi. Tasmā jarāmaraṇaṃ vipākoti laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Paṭilomapañhe anārammaṇanti rūpadhammānaṃ tāva anārammaṇameva, arūpānaṃ pana jarāmaraṇaṃ sampayogalakkhaṇābhāvā anārammaṇameva.
੪੯੬. ਅਕੁਸਲਾਨਂ ਧਮ੍ਮਾਨਂ ਜਰਾਮਰਣਂ ਅਕੁਸਲਾਨਂ ਧਮ੍ਮਾਨਂ વਿਪਾਕੋਤਿ ਪਞ੍ਹੇ ਜਰਾਮਰਣੇਨ ਨਾਮ ਅਨਿਟ੍ਠવਿਪਾਕੇਨ ਭવਿਤਬ੍ਬਨ੍ਤਿ ਲਦ੍ਧਿਯਾ ਪਟਿਜਾਨਾਤਿ । ਤੇਨੇવ ਕਾਰਣੇਨ ਕੁਸਲਾਨਂ ਧਮ੍ਮਾਨਂ ਜਰਾਮਰਣਸ੍ਸ ਕੁਸਲવਿਪਾਕਤਂ ਪਟਿਕ੍ਖਿਪਤਿ। ਪਰਤੋ ਚਸ੍ਸ ਅਕੁਸਲવਿਪਾਕਤਞ੍ਞੇવ ਪਟਿਜਾਨਾਤਿ।
496. Akusalānaṃ dhammānaṃ jarāmaraṇaṃ akusalānaṃ dhammānaṃ vipākoti pañhe jarāmaraṇena nāma aniṭṭhavipākena bhavitabbanti laddhiyā paṭijānāti . Teneva kāraṇena kusalānaṃ dhammānaṃ jarāmaraṇassa kusalavipākataṃ paṭikkhipati. Parato cassa akusalavipākataññeva paṭijānāti.
ਕੁਸਲਾਨਞ੍ਚ ਅਕੁਸਲਾਨਞ੍ਚਾਤਿ ਪੁਚ੍ਛਾવਸੇਨ ਏਕਤੋ ਕਤਂ, ਏਕਕ੍ਖਣੇ ਪਨ ਤਂ ਨਤ੍ਥਿ। ਅਬ੍ਯਾਕਤਾਨਂ ਅવਿਪਾਕਾਨਂ ਜਰਾਮਰਣਂ વਿਪਾਕੋਤਿ વਤ੍ਤਬ੍ਬਤਾਯ ਪਰਿਯਾਯੋ ਨਤ੍ਥਿ, ਤਸ੍ਮਾ ਅਬ੍ਯਾਕਤવਸੇਨ ਪੁਚ੍ਛਾ ਨ ਕਤਾ।
Kusalānañca akusalānañcāti pucchāvasena ekato kataṃ, ekakkhaṇe pana taṃ natthi. Abyākatānaṃ avipākānaṃ jarāmaraṇaṃ vipākoti vattabbatāya pariyāyo natthi, tasmā abyākatavasena pucchā na katā.
੪੯੭. ਦੁਬ੍ਬਣ੍ਣਸਂવਤ੍ਤਨਿਯਨ੍ਤਿ ਏਤ੍ਥ ਦੁਬ੍ਬਣ੍ਣਿਯਂ ਨਾਮ ਅਪਰਿਸੁਦ੍ਧવਣ੍ਣਤਾ। ਅਪ੍ਪਾਯੁਕਤਾ ਨਾਮ ਆਯੁਨੋ ਚਿਰਂ ਪવਤ੍ਤਿਤੁਂ ਅਸਮਤ੍ਥਤਾ। ਤਤ੍ਥ ਅਕੁਸਲਕਮ੍ਮਂ ਕਮ੍ਮਸਮੁਟ੍ਠਾਨਸ੍ਸ ਦੁਬ੍ਬਣ੍ਣਰੂਪਸ੍ਸ ਕਮ੍ਮਪਚ੍ਚਯੋ ਹੋਤਿ, ਅਸਦਿਸਤ੍ਤਾ ਪਨਸ੍ਸ ਤਂવਿਪਾਕੋ ਨ ਹੋਤਿ। ਉਤੁਸਮੁਟ੍ਠਾਨਾਦਿਨੋ ਪਨ ਤਂਪਟਿਲਾਭવਸੇਨ ਆਯੁਨੋ ਚ ਉਪਚ੍ਛੇਦਕવਸੇਨ ਪਚ੍ਚਯੋ ਹੋਤਿ। ਏવਮੇਤਂ ਪਰਿਯਾਯੇਨ ਤਂਸਂવਤ੍ਤਨਿਕਂ ਨਾਮ ਹੋਤਿ, ਨ વਿਪਾਕਫਸ੍ਸਾਦੀਨਂ વਿਯ ਜਨਕવਸੇਨ, ਤਸ੍ਮਾ વਿਪਾਕਭਾવੇ ਅਸਾਧਕਂ। ਸੇਸਮੇਤ੍ਥ ਹੇਟ੍ਠਾ વੁਤ੍ਤਸਦਿਸਮੇવਾਤਿ।
497. Dubbaṇṇasaṃvattaniyanti ettha dubbaṇṇiyaṃ nāma aparisuddhavaṇṇatā. Appāyukatā nāma āyuno ciraṃ pavattituṃ asamatthatā. Tattha akusalakammaṃ kammasamuṭṭhānassa dubbaṇṇarūpassa kammapaccayo hoti, asadisattā panassa taṃvipāko na hoti. Utusamuṭṭhānādino pana taṃpaṭilābhavasena āyuno ca upacchedakavasena paccayo hoti. Evametaṃ pariyāyena taṃsaṃvattanikaṃ nāma hoti, na vipākaphassādīnaṃ viya janakavasena, tasmā vipākabhāve asādhakaṃ. Sesamettha heṭṭhā vuttasadisamevāti.
ਜਰਾਮਰਣਂ વਿਪਾਕੋਤਿਕਥਾવਣ੍ਣਨਾ।
Jarāmaraṇaṃ vipākotikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੭੦) ੮. ਜਰਾਮਰਣਂ વਿਪਾਕੋਤਿਕਥਾ • (70) 8. Jarāmaraṇaṃ vipākotikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੮. ਜਰਾਮਰਣਂવਿਪਾਕੋਤਿਕਥਾવਣ੍ਣਨਾ • 8. Jarāmaraṇaṃvipākotikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੮. ਜਰਾਮਰਣਂવਿਪਾਕੋਤਿਕਥਾવਣ੍ਣਨਾ • 8. Jarāmaraṇaṃvipākotikathāvaṇṇanā
