| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
3. ஜராமரணஸுத்தங்
3. Jarāmaraṇasuttaṃ
114. ஸாவத்தி²னிதா³னங் . ஏகமந்தங் நிஸின்னோ கோ² ராஜா பஸேனதி³ கோஸலோ ப⁴க³வந்தங் ஏதத³வோச – ‘‘அத்தி² நு கோ², ப⁴ந்தே, ஜாதஸ்ஸ அஞ்ஞத்ர ஜராமரணா’’தி? ‘‘நத்தி² கோ², மஹாராஜ, ஜாதஸ்ஸ அஞ்ஞத்ர ஜராமரணா. யேபி தே, மஹாராஜ, க²த்தியமஹாஸாலா அட்³டா⁴ மஹத்³த⁴னா மஹாபோ⁴கா³ பஹூதஜாதரூபரஜதா பஹூதவித்தூபகரணா பஹூதத⁴னத⁴ஞ்ஞா, தேஸம்பி ஜாதானங் நத்தி² அஞ்ஞத்ர ஜராமரணா. யேபி தே, மஹாராஜ, ப்³ராஹ்மணமஹாஸாலா…பே॰… க³ஹபதிமஹாஸாலா அட்³டா⁴ மஹத்³த⁴னா மஹாபோ⁴கா³ பஹூதஜாதரூபரஜதா பஹூதவித்தூபகரணா பஹூதத⁴னத⁴ஞ்ஞா, தேஸம்பி ஜாதானங் நத்தி² அஞ்ஞத்ர ஜராமரணா. யேபி தே, மஹாராஜ, பி⁴க்கூ² அரஹந்தோ கீ²ணாஸவா வுஸிதவந்தோ கதகரணீயா ஓஹிதபா⁴ரா அனுப்பத்தஸத³த்தா² பரிக்கீ²ணப⁴வஸங்யோஜனா ஸம்மத³ஞ்ஞாவிமுத்தா, தேஸங் பாயங் காயோ பே⁴த³னத⁴ம்மோ நிக்கே²பனத⁴ம்மோ’’தி. இத³மவோச…பே॰…
114. Sāvatthinidānaṃ . Ekamantaṃ nisinno kho rājā pasenadi kosalo bhagavantaṃ etadavoca – ‘‘atthi nu kho, bhante, jātassa aññatra jarāmaraṇā’’ti? ‘‘Natthi kho, mahārāja, jātassa aññatra jarāmaraṇā. Yepi te, mahārāja, khattiyamahāsālā aḍḍhā mahaddhanā mahābhogā pahūtajātarūparajatā pahūtavittūpakaraṇā pahūtadhanadhaññā, tesampi jātānaṃ natthi aññatra jarāmaraṇā. Yepi te, mahārāja, brāhmaṇamahāsālā…pe… gahapatimahāsālā aḍḍhā mahaddhanā mahābhogā pahūtajātarūparajatā pahūtavittūpakaraṇā pahūtadhanadhaññā, tesampi jātānaṃ natthi aññatra jarāmaraṇā. Yepi te, mahārāja, bhikkhū arahanto khīṇāsavā vusitavanto katakaraṇīyā ohitabhārā anuppattasadatthā parikkhīṇabhavasaṃyojanā sammadaññāvimuttā, tesaṃ pāyaṃ kāyo bhedanadhammo nikkhepanadhammo’’ti. Idamavoca…pe…
‘‘ஜீரந்தி வே ராஜரதா² ஸுசித்தா,
‘‘Jīranti ve rājarathā sucittā,
அதோ² ஸரீரம்பி ஜரங் உபேதி;
Atho sarīrampi jaraṃ upeti;
ஸதஞ்ச த⁴ம்மோ ந ஜரங் உபேதி,
Satañca dhammo na jaraṃ upeti,
ஸந்தோ ஹவே ஸப்³பி⁴ பவேத³யந்தீ’’தி.
Santo have sabbhi pavedayantī’’ti.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. ஜராமரணஸுத்தவண்ணனா • 3. Jarāmaraṇasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3. ஜராமரணஸுத்தவண்ணனா • 3. Jarāmaraṇasuttavaṇṇanā
